Mobil: တည်းဖြတ်မှု မူကွဲများ
"{{Infobox |bodystyle = width:20em; |name..." အစချီသော စာလုံးတို့နှင့် စာမျက်နှာကို ဖန်တီးလိုက်သည် |
(ကွဲပြားမှု မရှိ)
|
၁၁:၃၁၊ ၁၇ ဖေဖော်ဝါရီ ၂၀၁၇ ရက်နေ့က မူ
မိခင်ကုမ္ပဏီ: | ExxonMobil |
---|---|
ညီအစ်မ ကုမ္ပဏီများ: | Exxon Esso |
တည်ထောင်မှုသမိုင်း: | ၁၉၁၁ ၁၉၆၃ (Mobil အဖြစ် နာမည်ပြောင်း) | (နယူးယောက်မှ Standard Oil Company အဖြစ်)
တရား၀င် ၀က်ဆိုက်: | mobil.com |
Mobil သည် အမေရိကန်နိုင်ငံမှ အထင်ကရ စက်ဆီချောဆီကုမ္ပဏီတစ်ခုဖြစ်ပြီး ၁၉၉၉ ခုနှစ်တွင် Exxonကုမ္ပဏီနှင့် လက်တွဲပူးပေါင်း၍ မိခင်ကုမ္ပဏီကြီးအဖြစ် ExxonMobil ကုမ္ပဏီကို တည်ထောင်ခဲ့သည်။ Mobil သည် ၁၉၄၀ နှစ်လည်များဆီမှ ၁၉၇၀ ခုနှစ်များထိ ကမ္ဘာ့ရေနံထုတ်လုပ်ရေးလောကကို အုပ်စိုးချယ်လှယ်ခဲ့သည့် ကုမ္ပဏီကြီး ခုနှစ်ခုအနက်မှ တစ်ခုဖြစ်သည်။
သမိုင်းကြောင်း အကျဉ်းချုပ်
၁၉၁၁ ခုနှစ်၊ Standard Oilကုမ္ပဏီကြီးပြိုကွဲမှုအပြီးတွင် နယူးယောက်မှ Standard Oil ကုမ္ပဏီ သို့မဟုတ် Soconyကို အခြားသော ဆက်ခံသူ ကုမ္ပဏီပေါင်း ၃၃ ခုနှင့် အတူ တည်ထောင်ခဲ့သည်။ ၁၉၂၀ ခုနှစ်တွင် ကုမ္ပဏီသည် ၄င်းတို့၏နာမည်ကို "Mobiloil" ဟူ၍ မှတ်ပုံတင်ခဲ့သည်။
၁၉၃၁ ခုနှစ်တွင် Socony သည် Vacuum Oil ကုမ္ပဏီနှင့် ပူးပေါင်းလိုက်ပြီး Socony-Vacuum ကို တည်ထောင်လိုက်သည်။[၁]
၁၉၃၃ ခုနှစ်တွင် Socony-Vacuum နှင့် Jersey Standard (အင်ဒိုနီးရှားတွင် ရေနံတူးဖော်ရေးလုပ်ငန်းများ၊ ရေနံချက်စက်များ ပိုင်ဆိုင်ထားသည့် ကုမ္ပဏီ)တို့ ပူးပေါင်း၍ Standard-Vacuum Oil Co. သို့မဟုတ် "Stanvac" ကို တည်ထောင်ပြီး နယူး ဇီလန်၊ တရုတ်နှင့် အရှေ့အာဖရိကဒေသများအပါအ၀င် ကမ္ဘာ့နိုင်ငံပေါင်း ၅၀ ကျော်တွင် လုပ်ငန်းချဲ့ထွင်ခဲ့သည်။
၁၉၅၅ ခုနှစ်တွင် Socony-Vacuum သည် Socony Mobil Oil ကုမ္ပဏီအဖြစ် အမည်ပြောင်းလဲခဲ့သည်။ ၁၉၆၃ ခုနှစ်တွင် ၄င်းတို့သည် ၄င်းတို့၏ အမှတ်တံဆိပ်အမည်ကို"Mobilgas" ဟူသောအမည်မှနေ၍ ပိုမိုရိုးရှင်းသောအမည်ဖြစ်သည့် "Mobil" သို့ပြောင်းလဲသတ်မှတ်ခဲ့သည်။ ကုမ္ပဏီ၏ နှစ်တစ်ရာပြည့်နှစ်ပတ်လည်အခမ်းအနားကို ကျင်းပသည့် ၁၉၆၆ ခုနှစ်တွင် ကုမ္ပဏီ၏အမည်တွင် "Socony" ကိုဖြုတ်လိုက်ပြီး Mobil Oil ကုမ္ပဏီဟူ၍ဖြစ်လာသည်။
၁၉၆၂ ခုနှစ်တွင် Mobilgas နှင့် Mobilgas Special တို့ကဲ့သို့သော ပစ္စည်းများကို Mobil Regular နှင့် Mobil Premium အဖြစ် ပြောင်းလဲထုတ်၀ေလိုက်ပြီး အမှတ်တံဆိပ်အမည်ကို မှတ်သားရလွယ်ကူသော "Mobil" အဖြစ်ပြောင်းလဲသတ်မှတ်လိုက်သည်။
၁၉၉၈ ခုနှစ်တွင် Mobil နှင့် Exxon တို့နှစ်ဘက်သဘောတူညီမှုနှင့်အတူ ExxonMobilကုမ္ပဏီကြီးအဖြစ် ပူးပေါင်းလိုက်ကြသည်။ ကုမ္ပဏီနှစ်ခုပူးပေါင်းမှုဖြစ်စဉ်သည် ၁၉၉၉ခုနှစ်၊ နို၀င်ဘာလ ၃၀ ရက်နေ့တွင် ပြီးမြောက်သည်။
Mobil အမှတ်တံဆိပ် ထုတ်ကုန်ပစ္စည်းများ
Mobil continues to operate as a major brandname of ExxonMobil within the ExxonMobil၏ စက်ဆီချောဆီများဌာနအောက်တွင် Mobil ကို အဓိကအမှတ်တံဆိပ်ထုတ်ကုန်အဖြစ် ဆက်လက်ထုတ်၀ေဖြန့်ဖြူးလျက်ရှိသည်။[၂] Mobil ထုတ်ကုန်အများစုတွင် အမှတ်အသားအဖြစ် Mobil အမှတ်တံဆိပ်ဖြစ်သော အတောင်ပံပါသော မြင်းနီ အဿထိုရ်မြင်းကို ထည့်သွင်းဖော်ပြလေ့ရှိသည်။
Mobil အမှတ်တံဆိပ်သည့် ယနေ့အခါတွင် အိမ်သုံး၊ လုပ်ငန်းသုံးယာဉ်အမျိုးမျိုး၊ စက်ရုံအလုပ်ရုံအမျိုးမျိုးအပြင်၊ ပင်လယ်ရေကြောင်းနှင့် လေကြောင်းဘက်ဆိုင်ရာများအပါအ၀င် နယ်ပယ်ပေါင်းစုံအတွက် လိုအပ်သော စက်ဆီချောဆီအမျိုးမျိုးကို ထုတ်၀ေဖြန့်ဖြူးရောင်းချလျက်ရှိသည်။[၃]
Mobil ၏ အဓိက အမှတ်တံဆိပ်ခွဲလေးမျိုးရှိသည်။ ၄င်းတို့မှာ-
Mobil Gasoline (Mobil ဓါတ်ဆီ)
Mobil 1
Mobil 1 သည် Mobiloil အမှတ်တံဆိပ်မှ ဆင်းသက်လာသော နာမည်ကျော် စက်ချောဆီဖြစ်ပြီး ExxonMobil၏ နာမည်အကြီးဆုံးအမှတ်တံဆိပ်ဖြစ်သည်။ ၄င်းကို ၁၉၇၄ ခုနှစ်တွင် နှစ်ရာသီသုံး 5W20 စေးပျစ်ကိန်းရှိ အဆင်မြင့် မော်တော်ကား စက်ချောဆီအဖြစ် စတင်မိတ်ဆက်ခဲ့သည်။ ယခုအခါ ဤအမှတ်တံဆိပ်အောက်တွင် မော်တော်ကား စက်ချောဆီများ၊ ဆီစစ်ဇကာများ၊ အမဲဆီ၊ ဟိုက်ဒရောလစ်ဆီများ နှင့် ဂီယာဆီများရှိသည်။[၄]
Mobil Delvac
Mobil Delvac သည် လုပ်ငန်းသုံး ၀န်တင်မော်တော်ယာဉ်ကြီးများတွင် သုံးစွဲနိုင်သည့် စက်ဆီချောဆီအမျိုးအစားများအတွက် အမှတ်တံဆိပ်ဖြစ်သည်။ ၄င်းတို့တွင် စက်ချောဆီ၊ ဂီယာဆီနှင့် အမဲဆီများပါ၀င်သည်။[၅]
Mobil Industrial
Mobil Industrial သည် ExxonMobil၏ အမှတ်တံဆိပ်ခွဲတစ်ခုဖြစ်ပြီး စက်ရုံအလုပ်ရုံများတွင် သုံးစွဲသည့် စက်ဆီချောဆီအမျိုးအစားများအတွက် အမှတ်တံဆိပ်ဖြစ်သည်။ အဓိက ထုတ်ကုန်များမှာ Mobil SHC synthetic ဆီများနှင့် Mobil Grease အမဲဆီများဖြစ်သည်။[၆]
အကိုးအကားများ
- ↑ "Business & Finance: Socony-Vacuum Corp." Time, 1931-08-10, retrieved on 2009-12-10.
- ↑ ExxonMobil Press Release။ ExxonMobil.com။ 2012-04-03 တွင် ပြန်စစ်ပြီး။
- ↑ Lubricants။ Mobil.com။ 2012-04-03 တွင် ပြန်စစ်ပြီး။
- ↑ http://www.mobiloil.com/USA-English/MotorOil/Home/Homepage.aspx
- ↑ Lubricants။ ExxonMobil။ 2012-04-03 တွင် ပြန်စစ်ပြီး။
- ↑ Mobil Industrial website။ MobilIndustrial.com။ 2012-04-03 တွင် ပြန်စစ်ပြီး။