မြောက်ဩစတြေးလျပြည်နယ်: တည်းဖြတ်မှု မူကွဲများ

ဝီကီပီးဒီးယား မှ
"==ဩစတြေးလီးယားမ..." အစချီသော စာလုံးတို့နှင့် စာမျက်နှာကို ဖန်တီးလိုက်သည်
 
(ကွဲပြားမှု မရှိ)

၀၃:၁၀၊ ၅ နိုဝင်ဘာ ၂၀၁၅ ရက်နေ့က မူ

ဩစတြေးလီးယားမြောက်ပိုင်းနယ်

ဩစတြေးလီးယား မြောက်ပိုင်းနယ်သည် ဩစတြေးလီးယား ဓနသဟာယပြည် နယ်များဆိုင်ရာ ဗဟိုအစိုးရက တိုက်ရိုက်အုပ်ချုပ်သောနယ်ဖြစ် သည်။ နယ်အကျယ်အဝန်းမှာ ၅၂ဝယ၂၈ဝ စတုရန်းမိုင်ဖြစ်၍ လူဦးရေ ၉၄,၈ဝဝ ခန့်(၁၉၇၂)နေထိုင်သည်။ ထိုလူဦးရေအနက် ၉,ဝဝဝခန့် မျှသာ မျက်နှာဖြူလူမျိုးများဖြစ်၍ ကျန်ရှိသူတို့မှာ ဩစတြေးလီးယား တိုင်းဦးသားများဖြစ်ကြသည်။ဂျပန်လူမျိုးနှင့် တရုတ်လူမျိုးအချို့တို့လည်း ထိုနယ်၌နေထိုင်ကြသည်။ ဩစတြေးလီးယားမြောက်ပိုင်းနယ်သည် များသောအား ဖြင့် အပူပိုင်းဇုန်အတွင်း၌ ကျရောက်လျက် ရှိခြင်းကြောင့် အပူပိုင်းရာသီဥတုမျိုးရှိသည်။ နွေရာသီတွင်မိုးရွာသည်။ တောင် ပိုင်းသည် ကုန်းမြင့်ဒေသဖြစ်၍ ဩစတြေးလီးယားတိုက် အလယ်ပိုင်းသဲကန်တာရ၏ အစိတ်အပိုင်းဖြစ်သောကြောင့် ခြောက် သွေ့သည်။

ဩစတြေးလီးယားမြောက်ပိုင်းနယ်တွင် နွား၊ မြင်း၊ သိုးမွေးမြူခြင်းလုပ်ငန်းသည် အဓိကလုပ်ငန်းဖြစ်သည်။ အခြား ထင်ရှားသောလုပ်ငန်းများမှာ ပုလဲငုပ်ခြင်းနှင့် သတ်တုတူးဖော် ခြင်းတို့ဖြစ်သည်။ ရှှေ၊ သံဖြူ၊ ကြေးနီ၊ ဝူးဖရမ်၊ တန်းတလမ်၊ လချေး၊ ယူရေးနီးယမ်း၊ ဗောက်ဆိုက် စသောတွင်းထွက်များကို တူးဖော်ရရှိနိုင်သော်လည်း အစာရေစာ၊ ပို့ဆောင်ရေးအခက်အခဲ တို့ကြောင့် သတ်တုတူးဖော်ခြင်းလုပ်ငန်း၌ တိုးတက်မှုနှောင့်နှေး လျက်ရှိလေသည်။ တိရစ်ဆာန်စားကျက်ပေါသော မြောက်ပိုင်း၌ လူအများနေထိုင်ကြသည်။

ဒါဝင်မြို့သည် (လူဦးရေ-၁၉၇ဝ၊ ၃၂၉၄၃) မြို့တော် ဖြစ်သည်။ နယ်တွင် အကြီးဆုံးသော ဆိပ်ကမ်းမြို့လည်းဖြစ်၊ လေကြောင်းစခန်းမြို့လည်းဖြစ်သည်။

ဩစတြေးလီးယားမြောက်ပိုင်းနယ်ကို ကန်းဗရားမြို့ရှိ ဗဟိုအစိုးရ၏ ကိုယ်စားလှယ်က အုပ်ချုပ်သည်။ ၁၉၄၇ ခုနှစ် မှစ၍ နယ်သားတို့သည် အဖွဲ့ဝင် ၁၄ ဦးပါဝင်သော ဥပဒေပြု အဖွဲ့သို့ ကိုယ်စားလှယ်ခြောက်ဦး ရွေးကောက်တင်မြှောက် စေလွှတ်ခွင့်ကိုရရှိခဲ့ကြသည်။ ပြည်ထောင်စု ဥပဒေပြုလွှတ်တော် သို့ ကိုယ်စားလှယ်တစ်ဦး စေလှှတ်ခွင့်ကိုလည်းရရှိကြသည်။[၁]

ကိုးကား

  1. မြန်မာ့စွယ်စုံကျမ်း၊ အတွဲ(၁၅)