လိင်တူစုံမက်ခြင်း

လိင်တူဆက်ဆံခြင်း (Homosexuality) ဆိုသည်မှာ လိင်တူနှစ်ယောက်ဖြစ်ကြသည့် အမျိုးသားနှစ်ယောက်အကြား (သို့) အမျိုးသမီးနှစ်ယောက်အကြား ချစ်သူအဖြစ်စုံမက်ခြင်း၊ လိင်ဆက်ဆံရန် စိတ်ဝင်စားခြင်းမှတဆင့် လိင်ဆက်ဆံရန် အပြုအမူပြုလုပ်ခြင်းများကို ဆိုလိုခြင်းဖြစ်သည်။"လိင်တူဆက်ဆံခြင်းဆိုသည်မှာ လိင်ဆက်ဆံရာ အဓိက ၃ မျိုးထဲမှ တစ်ခုဖြစ်ပြီး၊ လိင်တူလိင်ကွဲ နှစ်မျိုးလုံး ဆက်ဆံသူ နှင့် လိင်ကွဲဆက်ဆံသူ၊ ၄င်းတို့အကြားတွင် လိင်ဆက်ဆံမှုလုံးဝမရှိသူများလည်း ရှိသည်။ သိပ္ပံ နှင့် ဆေးပညာ နားလည်မှုများအရ မည်သူနှင့် လိင်ဆက်ဆံမည်ဆိုသည်မှာ ရွေးခြယ်မှုတစ်ခုမဟုတ်ဘဲ၊ လွန်စွာရှုပ်ထွေးသော ဇီဝဗေဒ နှင့် သဘာဝပါတ်ဝန်းကျင် အချက်အလက်များနှင့် သက်ဆိုင်နေသည်ဟုဆိုသည်။ လိင်တူဆက်ဆံမှုများအား သဘာ၀မကျခြင်း နှင့် မူမမှန်သော ပြုရပ်များဟူ၍ ပြောဆိုကြသူများရှိနေသော်လည်း၊သုသေသန စမ်းသပ်ချက်များအရ လိင်တူဆက်ဆံခြင်းမှာ လူသားတို့၏ လိင်ဆက်ဆံရန် ဇီဝပြောင်းလည်းခြင်းတစ်မျိုးဖြစ်ပြီး၊ စိတ်ဝေဒနာအရ ဖောက်ပြန်ဖြစ်ပေါ်လာခြင်းမဟုတ်ဟု တွေ့ရှိသည်။ အခြေအမြစ်မရှိသော တွေးခေါ်ထင်မြင်ချက်များနှင့် တန်းတူညီမျှဆက်ဆံမှုမရှိခြင်းများကြောင့်၊ လိင်တူဆက်ဆံသူများနှင့် လိင်တူလိင်ကွဲဆက်ဆံသူများတွင် စိတ်ဝေဒနာ ခံစားရနိုင်ခြင်းမျိုးရှိသည်။

မြန်မာနိုင်ငံတွင် ကာယကံရှင် လိင်တူဆက်ဆံသူများအပေါ် ပါတ်၀န်းကျင်မှ ခွဲခြားခေါ်ဝေါ်ခြင်းအမျိုးမျိုးရှိသော်လည်း၊ နိုင်ငံတကာတွင် အများအားဖြင့် အမျိုးသမီများဖြစ်လျင် လက္စဘီယံ (lesbian) အမျိုးသားများကိုဂေး (gay) ဟုခေါ်လေ့ရှိသော်လည်း၊ ဂေးကို အမျိုးသားရော အမျိုးသမီးရောပါ ပုံမှန်အားဖြင့် ကိုယ်စားပြုခေါ်ဝေါ်ကြသည်။ မိမိကိုယ်ကိုယ်မိမိ ဂေး (သို့) လက္စဘီယံဟု ပြောဆိုသူများသည်၊ လိင်တူဆက်ဆံသည့် အတွေ့အကြုံရရှိခဲ့သူများဖြစ်ကြပြီး၊ အကြောင်းအမျိုးမျိုးကြောင့် သူသေသီများအတွက် ယနေတိုင် တိကြစွာ အချက်အလက်ကောက်ယူရန် ခက်ခဲဆဲဖြစ်သည်။ အထူးစုံစမ်းလေ့လာချက်အရ ၂ရာခိုင်နှုန်းမှ ၁၀ရာခိုင်နှုန်းရှိ လူဦးရေသက်တမ်းတလျောက်တွင် လိင်တူဆက်ဆံမှုပုံစံမျိုးသဖွယ် ဆက်ဆံမှုမျိုးရှိခဲ့သည်။. ၂၀၀၆ခုနှစ် လေ့လာစမ်းစစ်မှုတစ်ခုတွင် အမည်မဖော်လိုသူ ၂၀%တို့မှ လိင်တူဆက်ဆံရန် စိတ်ခံစားမှုတချို့ဖြစ်ပေါ်ခဲ့သည်ဟု ဖွင့်ဟခဲ့သော်လည်း၊ ၂-၃%သည် လိင်တူဆက်ဆံသူများဖြစ်သည်ဟု ဝင်ခံပြောဆိုကြသည်။ လိင်တူဆက်ဆံခြင်း အပြုအမူမျိုးကို လူသားတမျိုးထဲတွင် တွေ့ရှိရခြင်း မဟုတ်ဘဲ လူသားမဟုတ်သည့် တရိစ္ဆာန်များတွင်လည်း တွေ့ရှိနိုင်သည်။

လိင်တူဆက်ဆံသူအများသည် ဘဝပေါင်းကျင်ဖော်များအဖြစ် ခံယူကြသူများရှိပြီး၊ လက်တလောတွင်သာ နိုင်ငံရေးအဆင့်အထိ ၎င်းတို့ တည်ရှိပုံနှင့် ရပ်တည်နိုင်ပုံကို လက်ခံလာကြခြင်းဖြစ်သည်။ ၎င်းလိင်တူဘဝပေါင်းဖော်များကိုကြည့်လျင် စိတ်ခံစားမှုအရ လိင်ကွဲဇနီးမောင်နှံများအတိုင်းဖြစ်သည်။ လိင်တူဘဝပေါင်းဖော်များကို သမိုင်းတလျှောက်တွင် ပုံစံအမျိုးမျိုးနှင့် သက်ရောက်ပုံအမျိုးမျိုးပေါ်မူတည်၍ အသိအမှတ်ပြုလက်ခံသူများရှိခဲ့ပြီး၊ ကန့်ကွက်ရှုံ့ချသူများလည်းရှိခဲ့သည်။ ၁၉ရာစုနှစ်ခန့်မှစ၍ ကမ္ဘာနှင့်ချီကာ အယ်လ်ဂျီဘီတီ ဆန္ဒထုတ်ဖော်မှုများ၊ တရားဥပဒေဘောင်အတွင်းတွင် အသိအမှတ်ပြုစေရန် နှင့် လူအများသိစေရန် ပညာပေးထုတ်ဖော်ပြောဆိုခြင်းများ၊ လိင်တူဆက်ဆံသူများအတွက် လက်ထပ်ပိုင်ခွင့် နှင့် အတူပေါင်းသင်းနေထိုင်ခွင့်များ၊ ကလေးမွေးစားခွင့်များ၊ ကလေးအုပ်ထိမ်းခွင့်များ၊ အလုပ်ခွင်တွင် တန်းတူညီတူဆက်ဆံရေးများ၊ ကျန်းမာရေးထောက်ပံ့မှု တန်းတူညီတူရရှိစေရေးများ၊ မည်သည့်လိင် စိတ်ဝင်စားသည်ကို မခွဲခြားဘဲ စစ်မှုထမ်းခွင့်များ နှင့် အယ်ဂျီဘီတီ လူငယ်များကို နှိပ်ကွက်ဆက်ဆံခြင်းမျိုး ပပြောက်စေရန် နှင့် အကာအကွယ်ပေးနိုင်ရန် စတင်လုပ်ဆောင်ခဲ့ကြသည်။

အသုံးအနှုံး

အကျယ်တဝင့် ဖော်ပြထားသောဆောင်းပါး - လိင်တူဆက်ဆံခြင်း၏ ပညာရပ်ဝေါဟာရ

လိင်တူဆက်ဆံခြင်းကို ခေါ်ဆိုသည့် အင်္ဂလိပ်အက္ခရာ homosexual သည် ဂရိဘာသာ နှင့် လာတင်ဘာသာ ပေါင်းစပ်ထားသည့် ὁμός homos၊ တူညီသည် ဟု အဓိပ္ပါယ်ရပြီး၊ လာတင်ဘာသာဖြစ်သည့် homo၊ လူသ္တဝါ ဟုဆိုသည့် စာလုံးနှင့် မတူညီပါ။ လိင်တူနှစ်ဦးကြားတွင် စုံမက်ခြင်းကို ဆိုလိုခြင်းဖြစ်ပြီး၊ လက္စဘီယံများလည်း ပါဝင်လေသည်။ ဂေး ဆိုသည့် စကားလုံးသည် အများအားဖြင့် လိင်တူဆက်ဆံသူ ယောက်ျားများကို ဆိုလိုခြင်းဖြစ်သော်လည်း၊ အယ်လ်ဂျီဘီတီ လိင်တူဆက်ဆံသူများအားလုံးကို ခြုံရုံ၍ ခေါ်ဆိုသည့် စကားလုံးလည်းဖြစ်သည်။ လိင်ဆက်ဆံမှုတွင် အမျိုးသမီးခြင်းဖြစ်ပါက လက္စဘီယံဟုခေါ်ဆိုပြီး၊ ထိုစာလုံးသည် ဂရိကျွန်းအမည်ဖြစ်သည့် 'လက္စဘိုစ်' ဆိုသည်မှ ဆင်းသက်လာခြင်းဖြစ်ပြီး၊ ထိုကျွန်းတွင် နေထိုင်သည့် ကဗျာဆရာမ ဆပ်ဖို Sappho မှ သူနှင့် အမျိုးသမီးငယ်တို့ ချစ်ကျွမ်းဝင်ခဲ့ကြသည့်အကြောင်းကို ဖော်ကျူး ရေးသားခဲ့သည့် နေရာလည်းဖြစ်သည်။

သမိုင်း

အကျယ်တဝင့် ဖော်ပြထားသောဆောင်းပါးများ - လယ်လ်ဂျီဘီတီ သမိုင်း နှင့် လယ်လ်ဂျီဘီတီ သမိုင်း အချိန်ပြဇယား

လိင်တူဆက်ဆံသူတို့၏ ပေါင်းသင်းဆက်ဆံမှုများကို ပါတ်ဝန်းကျင်မှ အချိန်အလိုက် ပုံစံမျိုးမျိုး ဆက်ဆံလာခဲ့ကြသည်၊ အမျိုးသားခြင်း လိင်တူဆက်ဆံခြင်းနှင့်အတူ၊ အများမှ လက်ခံမှု နှင့် ဆန့်ကျင်မှု၊ မပြုလုပ်ထိုက်သော အရာများဟု ဆိုကာ တရားဥပဒေများ ရေးဆွဲခြင်း နှင့် တရားစီရင်ခြင်း၊ သေဒဏ်ပေးခြင်းမျိုးလည်း ရှိခဲ့သည်။

သမိုင်းတလျှောက်ကို လေ့လာကြည့်လျင် စက်မှုမထွန်းကားမီ အစောပိုင်းကာလတွင်၊ လိင်တူဆက်ဆံသူများကို ပိုမိုဆန့်ကျင်မှုများတွေ့ရှိရပြီး၊ ရိုးရာယဉ်ကျေးမှု ၄၂ မျိုးမှ ၄၁ရာခိုင်နှုန်း နီးပါးသည် ဆန့်ကျင်ခဲ့ကြပြီး၊ ၂၁ရာခိုင်နှုန်းသည် လက်ခံသူများနှင့် မျက်လျူရှုထားသူများဖြစ်ကြပြီး၊ ၁၂ရာခိုင်နှုန်းသည် ထိုအစဉ်အလာများရှိခဲ့ဟုဆိုသည်။ လူမျိုးခွဗေဒ ၇၀ခုမှ ၅၉ရာခိုင်နှုန်းသည် လိင်တူဆက်ဆံမှုမျိုး မရှိခဲ့၊ ရှိခဲ့လျင်လည်း နည်းပါးသည်ဆိုကြပြီး၊ ၄၁ရာခိုင်နှုန်းကမူ လိင်တူဆက်ဆံခြင်းမျိုး ရှိခဲ့ပြီး ထူးဆန်းသည့် အစဉ်အလာမဟုတ်ဟု ဆိုသည်။

အဗရာဟာမစ် ကိုးကွယ်သည့်ဘာသာနှင့် ဆက်နွယ်နေသည့် ယဉ်ကျေးမှုများတွင် လိင်တူနှိမ်နင်းရေးဥပဒေများရှိခဲ့ပြီး၊ ခရစ်ယံဘာသာတွင်လည်း လိင်တူဆန့်ကျင်ရေးဥပဒေများ ရေးသားခဲ့ကြပြီး၊ လိင်တူဆက်ဆံခြင်းကို သဘာဝဆန့်ကျင် ပြစ်မှုကျူးလွန်သူများဖြစ်ဆိုကြသည်။ ယောက်ျားများအကြားစအိုဖြင့် လိင်ဆက်ဆံခြင်းကို နှိမ်နင်းခြင်းသည် ခရစ်ယံကြည်သူများအကြားတွင်လည်း တွေ့ရှိနိုင်သည်။ ဂရိသမိုင်းတလျှောက်တွင်လည်း မကြခဏ တွေ့ရှိနိုင်ပြီး၊ ပလာတို အချိန်ကာလအထိ သဘာဝ မဟုတ်ဟု ဆိုကြသည်။