ဒွိုက် ဒေးဗစ် အိုင်ဆင်ဟောင်ဝါ

အိုင်ဆင်ဟောင်ဝါ

အမေရိကန်ပြည်ထောင်စု၏ (၃၄)ယောက်မြောက် ဒွိုက် ဒေးဗစ် အစ်ကီ အိုင်စင်ဟောင်ဝါအား ၁၈၉၀ပြည့်နှစ်၊ အောက်တိုဘာလ၊ ၁၄ ရက်နေ့က ဖွားမြင်သည်။ ဖခင် ဒေးဗစ်ဂျက်ကော့ဘ် နှင့် မိခင် အိုင်ဒါအဲလိဇဘတ် အိုင်စင်ဟောင်ဝါတို့မှ ဖွားမြင်ကာ အလယ်နာမည် အစ်ကီမှာ ချစ်စနိုးဖြင့် ခေါ်တွင်သည့် အမည်ဖြစ်သည်။ အထက်တန်းအောင်မြင်ပြီးနောက်တွင် ဝက်ပွိုင့်စစ်တက္ကသိုလ်သို့ တက်ရောက်ပြီးနောက် စစ်မှုထမ်းခဲ့သည်။ ပထမကမ္ဘာစစ်အတွင်းတွင် စစ်မှုထမ်းကောင်းတံဆိပ် ချီးမြှင့်ခံခဲ့ရသည်။ မာမီနှင့် လက်ထပ်ခဲ့သည်။ ၁၉၂၈ခုနှစ်တွင် ကြည်းတပ်စစ်တက္ကသိုလ်သို့ ဆက်လက်တက်ရောက်ပြီးနောက် ၁၉၃၃ခုနှစ်တွင် ဗိုလ်ချုပ်ကြီး ဒေါက်ဂလပ်စ် မက်အာသာ၏ လက်ထောက်ဖြစ်လာသည်။ဒုတိယကမ္ဘာစစ်အတွင်း ၁၉၄၁ခုနှစ်တွင် ဗိုလ်မှုးချုပ်ရာထူးသို့ တိုးမြှင့်ခံရပြီး၊ ၁၉၄၂ခုနှစ်တွင် ဥရောပ အမေရိကန် လက်နက်ကိုင်တပ်များ၏ တပ်မှူးကြီးဖြစ်လာသည်။ ၁၉၄၃ခုနှစ်တွင် မဟာမိတ်နိုင်ငံခြားတပ်ပေါင်းစု၏ အကြီးအကဲ တပ်မှူးချုပ်ဖြစ်လာခဲ့သည်။ စစ်အပြီးတွင် နိုင်ငံရေးလောကသို့ ဝင်ရောက်ခဲ့ပြီး ၁၉၅၂ခုနှစ်တွင် သမ္မတအဖြစ် ရွေးကောက်ခြင်းခံရသည်။ သမ္မတသက်တမ်း တစ်ကြိမ်ပြီးလျှင် ရာထူးမှ အနားယူကာ ၁၉၆၉ခုနှစ်၊ မတ်လ၊ ၂၈ရက်နေ့တွင် ကွယ်လွန်သည်။