သရဏဂုံတည်ခြင်း
 |
"ဘုရား၊ တရား၊ သံဃာ ရတနာသုံးပါးသာလျှင် ကိုးကွယ်ရာ အစစ်ဖြစ်သည်" ဟု သိမှတ်ရိုသေခြင်းကို "သရဏဂုံ" ဟုခေါ်သည်။ သရဏဂုံတည်ခြင်းဆိုသည်မှာ
- ရတနာသုံးပါကို ယုံကြည်စိတ်ဖြင့် မိမိကိုယ်ကို အပ်နှင်းခြင်း။
- ရတနာသုံးပါးကို မှီခိုအားထားခြင်း။
- ရတနာသုံးပါး၏ တပည့်အဖြစ်ခံယူခြင်း။
- ရတနာသုံးပါးကို ရိုသေခြင်း။
ဤလေးပါးမှ တစ်ပါးကို ပြုပါက 'သရဏဂုံတည်" သည်ဟု မှတ်ယူသည်။
သရဏဂုံတည်ခြင်း၏ အကျိုးကျေးဇူးများ[ပြင်ဆင်ရန်]
- လူ့ဘဝ၊ နတ်ဘဝ၏ ပြည့်စုံခြင်း၊ လူ့စည်းစိမ်၊ နတ်စည်းစိမ်၊ ဗြဟ္မာ့စည်းစိမ် ချမ်းသာများနှင့် ပြည့်စုံသည်။ ထို့အပြင် မဂ်၊ ဖိုလ်၊ နိဗ္ဗာန်သို့တိုင်အောင် အကျိုးပေးသည်။
- သရဏဂုံတည်သောသူသည် ငရဲ၊ တိရစ္ဆာန်၊ ပြိတ္တာ၊ အသူရကာယ် စသော အပါယ်လေးပါးကို တားမြစ်နိုင်၊ ပယ်ဖျောက်နိုင်သည်။
- နတ်ပြည်သို့ရောက်ပါကလည်း သရဏဂုံတည်သည့်နတ်နှင့် မတည်သည့်နတ် မတူညီဘဲ ကွာခြားပါသည်။ တည်သည့်နတ်က မတည်သည့်နတ်ထက်ဆယ်ပါးသော အကြောင်းများ ပိုမိုသာလွန်ပါသည်။
ထိုဆယ်ပါးသော အကြောင်းများမှာ -
(၁) နတ်တို့၏ အသက်ရှည်ခြင်းတွင် ပိုမိုသာလွန်သည်။
(၂) အဆင်းလှခြင်းတွင်လည်း ပိုမိုသာလွန်သည်။
(၃) ချမ်းသာခြင်းတွင်လည်း ပိုမိုသာလွန်သည်။
(၄) အခြွေအရံများခြင်းတွင်လည်း ပိုမိုသာလွန်သည်။
(၅) အာရုံငါးပါး ( အဆင်း၊ အသံ၊ အနံ၊ အရသာ၊ အထိအတွေ့) တွင်လည်း ပိုမိုသာလွန်ပါသည်။
သရဏဂုံကို မိမိကိုယ်တိုင်က ယုံယုံကြည်ကြည်ဆောက်တည်သင့်ပါသည်။ သို့မဟုတ်ပါက မည်သူကပေးပေး မရရှိနိုင်ပေ။ ဘုရားစေတီ၊ ဆင်းတု၊ ရဟန်းသံဃာ များထံတွင် ယုံယုံကြည်ကြည်ဆောက်တည်ပါက သရဏဂုံ ရနိုင်ပါသည်။ သရဏဂုံ တစ်ကြိမ် ဆောက်တည်ပါက တစ်သက်လုံး သရဏဂုံတည်နိုင်ပါသည်။ သရဏဂုံကို ဆောက်တည်ရာ၌ အချိန်ကာလ ကြာမြင့်လေလေ အကျိုးများလေ ဖြစ်သည်။