ဝတ်ဆင်နိုင်သောကွန်ပျူတာ
ဝတ်ဆင်နိုင်သော ကွန်ပျူတာဆိုသည်မှာ လူသား၏ ခန္ဓာကိုယ်ပေါ်တွင် ဝတ်ဆင်၍ မည်သည့်နေရာ၊ မည်သည့်အချိန်တွင်မဆို အသုံးပြုနိုင်သော ကွန်ပျူတာအမျိုးအစားကို ခေါ်ဆိုသည်။ ဝတ်ဆင်နိုင်သော ကွန်ပျူတာနည်းပညာသည် အထွေထွေအသုံးပြုနိုင် ရန်၊ သတင်းအချက်အလက်နည်းပညာနှင့်မီဒီယာအသုံးချမှုများကို တွင်ကျယ်စွာအသုံးပြုနိုင်ရန်၊ ကွန်ပျူတာတစ်လုံး၏ လုပ်ငန်းဆောင်တာများကို အသုံးပြုနိုင်ရန် ရည်ရွယ်သည်။ ကွန်ပျူတာကိုအသုံးပြုသူက အသုံးပြုလိုသည့်အချိန်တွင် ကွန်ပျူတာဖွင့်ခြင်း၊ ပိတ်ခြင်းကိုပင် ပြုလုပ်ရန်မလိုဘဲ အသုံးပြုသူနှင့်တစ်သားတည်းရှိနေပြီး အချိန်မရွေးအသုံးပြုနိုင်ရန်လည်း ရည်ရွယ်သည်။ ထို့အပြင် ခန္ဓာကိုယ်အင်္ဂါ အစိတ်အပိုင်းမပြည့်စုံသည့် မသန်စွမ်းများကလည်း ကွန်ပျူတာကို လွယ် လင့်တကူအသုံးပြုနိုင်ရန် ရည်မှန်းကြသည်။ ဝတ်ဆင်နိုင်သော ကွန်ပျူတာကို အမေရိကန်စစ်တပ်တွင် အသုံးပြုနိုင် ရန် ၁၉၈၉ ခုနှစ်က စတင်မိတ်ဆက်ခဲ့သည်။ ထိုကွန်ပျူတာ ငယ်များသည် စစ်မြေပြင်တွင် အမေရိကန်စစ်သားများ၏ လက်ထောက်တဖွယ် အလုပ်လုပ်ပေးနိုင်ခဲ့သည်။ ဝတ်ဆင်နိုင်သော ကွန်ပျူတာများကို အသုံးပြုနိုင်ရန် ၁၆ ရာ စုနှစ်ကတည်းက ကြိုးပမ်းခဲ့ကြသည်။ လည်ပင်တွင် ဝတ်ဆင်၍ အသုံးပြုနိုင်သော တရုတ်ပေသီးများသည် ဝတ်ဆင်နိုင်သော ကွန်ပျူတာများ၏အစဦးပိုင်းဟု ဆိုကြသည်။ ကွန်ပျူတာသည် တွက်ချက်ရေးစက်ပစ္စည်းအဖြစ် စတင်ခဲ့ခြင်း ဖြစ်သည်။ ထို့ကြောင့် ကွန်ပျူတာ အစ တရုတ်ပေသီးကဟု ဆိုကြသည်။ ထို့အတူ ဝတ်ဆင်နိုင်သော ကွန်ပျူတာအစ လည်ဆွဲတရုတ် ပေသီးကဟု ထပ်ဆင့်ဆိုရမည်ဖြစ်သည်။ တောရမ်တိုတက္ကသိုလ်မှ ပါမောက္ခ ဖြစ်သူ စတီဗင် မန်းသည် ဝတ်ဆင်နိုင်သော ကွန်ပျူတာများကို တီထွင်ရန် ၁၉၇ဝ ခုနှစ်နှောင်းပိုင်းကာလကတည်းက ကြိုးပမ်းခဲ့သည်။[၁] စတီဗင် မန်းကို ဝတ်ဆင်နိုင်သော ကွန်ပျူတာများ၏ဖခင်အဖြစ် သတ်မှတ်ကြသည်။ ၁၆ ရာစုနှစ်များက တာစူခဲ့သော တီထွင်ဖန်တီးမှုများသည် ၁၉၈ဝ ခုနှစ် နှောင်းပိုင်းကာလများတွင် သန္ဓေတည်နိုင်ခဲ့သည်။[၂][၃][၄] ၁၉ဝဝ ပြည့်နှစ် နောက်ပိုင်းကာလများ တွင် ရုပ်လုံးပေါ်ခဲ့ပြီး ၂ဝ၁ဝ ပြည့်နှစ်အလွန်ကာလများတွင် ဈေးကွက်အတွင်းသို့ စတင်ရောက်ရှိ ခဲ့သည်။
စာညွှန်း ။ ။
[ပြင်ဆင်ရန်]- ↑ Thorp, Edward (October 1998). "The Invention of the First Wearable Computer". Digest of Papers. Second International Symposium on Wearable Computers (Cat. No.98EX215): 4–8. Retrieved on 9 May 2013.
- ↑ Peter Clarke။ "IEEE ISSCC 2000: 'Dick Tracy' watch watchers disagree"၊ EE Times။ 28 December 2015 တွင် ပြန်စစ်ပြီး။ Archived from the original on 22 January 2013။
- ↑ Katherine Watier။ "Marketing Wearable Computers to Consumers: An Examination of Early Adopter Consumers' Feelings and Attitudes Toward Wearable Computers"၊ Washington, DC၊ 19 April 2003။
- ↑ Tara Kieffner။ Wearable Computers: An Overview။ 13 January 2012 တွင် မူရင်းအား မော်ကွန်းတင်ပြီး။ 28 December 2015 တွင် ပြန်စစ်ပြီး။
- လူသားအနာဂတ်အတွက် ဝတ်ဆင်နိုင်သောကွန်ပျူတာ၊ ဟန်ဇော်၊ ဂလိုဘယ်အင်္ဂလိပ်မဂ္ဂဇင်း၊ ၂ဝ၁၄ ခုနှစ် ဩဂုတ်
- http://www.hansann.com/?p=753 Archived 4 December 2016 at the Wayback Machine.