Wikipedia:About

ဝီကီပီးဒီးယား မှ
(Wikipedia:အကြောင်းအရာ မှ ပြန်ညွှန်းထားသည်)
ဤနေရာသို့သွားရန် - အ​ညွှန်း​, ရှာဖွေရန်

ဝီကီပီးဒီးယား ဆိုသည်မှာ သုံးစွဲသူများ စုပေါင်း ရေးသားကြသော အွန်လိုင်း စွယ်စုံကျမ်း တစ်ခုသာ ဖြစ်ပါသည်။ ဝီကီဟု ခေါ်သော ဝက်ဘ်ဆိုက် ပုံစံတစ်မျိုးကို အသုံးပြု၍ ပူးပေါင်းရေးသားခြင်းကို အဆင်ပြေစေရန် စီမံထားခြင်းဖြစ်ပါသည်။ သုံးစွဲသူများမှ နာရီအလိုက် ပြင်ဆင်မှုပေါင်း များစွာကို ပြုလုပ်၍ ဝီကီပီးဒီးယားကို ပို၍ကောင်းမွန်အောင် ဆောင်ရွက်နေကြပါသည်။

ဝီကီပီးဒီးယားသည် အောက်ပါ ခေါင်းစဉ်များကို ရေးသားရန် မဟုတ်ပါ

ဝီကီပီးဒီးယားသည် အဘိဓာန် မဟုတ်ပါ

ဝီကီပီးဒီးယားသည် အဘိဓာန် မဟုတ်ပါ။ အဘိဓာန်တွင် ပါဝင်ကူညီလိုပါက မြန်မာဝစ်ရှင်နရီ တွင် ပါဝင် ကူညီနိုင်ပါသည်။

ဝီကီပီးဒီးယားသည် ကိုယ်ပိုင် အတွေးများကို ဖြန့်ဖြူးပေးသည့် နေရာမဟုတ်ပါ

  • မိမိဘာသာ ထုတ်ဖော်ထားသော သီအိုရီများ၊ ဥပဒေသများ၊ ဖန်တီးတီထွင်ထားသော စကားလုံးများကို ထုတ်ဖော်တင်ဆက်ရန် နေရာမဟုတ်ပါ။
  • မိမိဘာသာ တီထွင်ထားသော ကိရိယာများ ပရော့ဂျက်များကို တင်ဆင်ပြသရန် နေရာမဟုတ်ပါ။ အကယ်၍ မိမိတီထွင်ထားသော အရာ၏ အကြောင်းအား နာမည်ရှိ သတင်းဌာနတစ်ခုမှ ပုံနှိပ် ဖော်ပြတင်ဆက်ခြင်း ပြုလုပ်ပြီးပါက ဖော်ပြနိုင်ပါသည်။
  • မိမိဘာသာ ရေးသားထားသော ရသစာတမ်းများ (Essays) များကို ရေးသားရန် နေရာမဟုတ်ပါ။
  • ဖိုရမ် မဟုတ်ပါ။ ဆောင်းပါးနှင့် ပတ်သက်၍ ဆွေးနွေးချင်သည်များကို သက်ဆိုင်ရာ စာမျက်နှာ၏ ဆွေးနွေးချက်များတွင် ဆွေးနွေးနိုင်ပါသည်။ သို့သော်လည်း ဆွေးနွေးချက်များကို ဆောင်းပါးတွင်း ထည့်သွင်းရေးသားခြင်းကို ရှောင်ကြဉ်ပါရန်။

ဝီကီပီးဒီးယားသည် ပြဇာတ်မဟုတ်။ အရောင်းမြှင့်တင်ရေး နေရာမဟုတ်ပါ

ဝီကီပီးဒီးယားသည် ဝါဒဖြန့်ရန်၊ ကြော်ငြာရန်၊ ကြွားဝါရန် နေရာမဟုတ်ပါ။

  • စီးပွားရေး၊ နိုင်ငံရေး၊ ဘာသာရေး၊ အားကစားနှင့် အခြားသော အရာများ အတွက် ဝါဒဖြန့်ချီရန်၊ လူရှာရန် နေရာမဟုတ်ပါ။ ဆောင်းပါး တစ်ခုတွင် ထိုသို့သော အရာများကို ရေးသားနိုင်သော်လည်း ဘက်မလိုက်ပဲ ကြားလူအနေနှင့် ရေးသားသင့်ပါသည်။ သင်၏ အကြိုက်ဆုံးအမြင်ကို လူအများအား သိစေလိုပါက ဘလော့ခ်တစ်ခုကို ကိုယ့်ဘာသာကိုယ် စတင်ရေးသားနိုင်သလို သို့မဟုတ် ဖိုရမ်များတွင် ဝင်ရောက် ဆွေးနွေးခြင်းဖြင့် အခြားသူများကို သိအောင် လုပ်နိုင်ပါသည်။
  • အချို့သော ခေါင်းစဉ်များ အထူးသဖြင့် လက်ရှိ ဖြစ်ပျက်နေသော အကြောင်းအရာများ နှင့် နိုင်ငံရေး စသည်တို့သည် လူတို့၏ စိတ်လှုပ်ရှားမှုကို ဖြစ်စေသကဲ့သို့ သင်အနှစ်သက်ဆုံးသော ဘက်ကို သိသိသာသာ ဘက်လိုက်၍ ရေးသားခြင်း ဖြစ်စေနိုင်ပါသည်။ ဝီကီပီးဒီးယားသည် သင်၏ အမြင်ကို ဘက်လိုက် ဖော်ပြန်ရန် နေရာမဟုတ်ပါ။ ဆောင်းပါးများတွင် ဟိုဘက်ဒီဘက် နှစ်ဘက်စလုံး အမြင်ကို တင်ပြသင့်ပါသည်။ ထို့အပြင် အချိန်ကြာသော်လည်း အခြားသူများအတွက် အကျိုးရှိမည့် ခေါင်းစဉ်မျိုးကို ရေးသားရန် လိုအပ်ပါသည်။ သတင်းသက်သက် ကို မရေးသားရန် မေတ္တာရပ်ခံပါသည်။
  • သက်ရှိထင်ရှား ရှိနေသောသူများ၏ အကြောင်းကို ရေးရာတွင် ဆောင်းပါး၏ အရည်အသွေး အလွန်မြင့်မားရန်နှင့် တခြားလူပုဂ္ဂိုလ်တို့၏ ပရိုက်ဗေစီကို လေးစားရန် လိုအပ်ပါသည်။ သက်ရှိထင်ရှားလူတို့၏ အတင်းအဖျင်းများကို ဖြန့်ဖြူးရန်နှင့် အခြားသူများ၏ ဂုဏ်သရေကို ညှိုးနွမ်းစေရန် တမင်သက်သက် တိုက်ခိုက်ခြင်းမျိုး မဖြစ်စေရန် လိုအပ်ပါသည်။
  • မိမိ၏ ကိုယ်ရေးအတ္ထုပ္ပတ္တိကို ရေးသားရန် နေရာမဟုတ်ပါ။ ဝီကီပီးဒီးယားတွင် ပါရှိသော လူပုဂ္ဂိုလ်များ၏ အတ္ထုပ္ပတ္တိများသည် ဝီကီပီးဒီးယားတွင် ပါရှိရန် en:Wikipedia:Notabilityen:Wikipedia:Conflict of interest အစရှိသော လမ်းညွှန်ချက်များနှင့် ကိုက်ညီရပါမည်။ အတိုချုံးပြောရလျှင် သတင်းစာ၊ ဂျာနယ်များတွင် ကျယ်ကျယ်ပြန့်ပြန့် သတင်း အပို့မခံရသူ တစ်ယောက် အနေနှင့် ဝီကီပီးဒီးယားတွင် အတ္ထုပ္ပတ္တိ ပါဝင်ရန် လိုအပ်ချက်နှင့် မကိုက်ညီပါ။
  • မိမိ၏ ကိုယ်ပိုင် ကုမ္ပဏီ လုပ်ငန်း စသည်တို့ကို ကြော်ငြာသည့် အနေနှင့် မရေးသားရန် လိုအပ်ပါသည်။