Jeng Phang နော်တောင်

သရေစည်သူ၊ ဦး Jeng Phang နော်တောင်
ပြည်ထောင်စုလွှတ်တော် အစည်းအဝေးအတွင်း တွေ့ရစဥ်(၂၀၂၆)
အမျိုးသားလွှတ်တော် ဒုတိယဥက္ကဋ္ဌ
တာဝန်ထမ်းဆောင်ဆဲ
တာဝန် စတင် ၁၈ မတ် ၂၀၂၆
ခေါင်းဆောင်	အောင်လင်းဒွေး
ယခင်လူ	အေးသာအောင်
အမျိုးသားလွှတ်တော် ကိုယ်စားလှယ်
တာဝန်ထမ်းဆောင်ဆဲ
တာဝန် စတင် ၁၈ မတ် ၂၀၂၆
ယခင်လူ	​ဒေါ်ရှီလာနန်တောင်
မဲဆန္ဒနယ်	ကချင်ပြည်နယ် မဲဆန္ဒနယ် (၂)
အနိုင်ရမဲ အရေအတွက်	၈,၃၇၆ (၈၂.၅၆%)
ဟိုတယ်နှင့် ခရီးသွားလာရေး ဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၃၁ ဇူလိုင် ၂၀၂၅ – ၁၈ မတ် ၂၀၂၆
လက်ထောက်	ဦးဖြိုးဇော်စိုး
ခေါင်းဆောင်	ညိုစော
ယခင်လူ	ဒေါ်သက်သက်ခိုင်
အားကစားနှင့် လူငယ်ရေးရာ ဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၃၁ ဇန်နဝါရီ ၂၀၂၅ – ၁၈ မတ် ၂၀၂၆
လက်ထောက်	ဦးဇင်မင်းထက် ဦးထိန်လင်း
ခေါင်းဆောင်	ညိုစော
ယခင်လူ	ဦးမင်းသိန်းဇံ
တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၁ ဖေဖော်ဝါရီ ၂၀၂၃ – ၃၁ ဇန်နဝါရီ ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
ခေါင်းဆောင်	မင်းအောင်လှိုင်
ယခင်လူ	စောထွန်းအောင်မြင့်
ဆက်ခံသူ	ခွန်သန့်ဇော်ထူး
နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်
တာဝန်သက်တမ်း ၃ ဖေဖော်ဝါရီ ၂၀၂၁ – ၃၁ ဇန်နဝါရီ ၂၀၂၃
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
ကိုယ်ရေး အချက်အလက်များ
လူမျိုး	မြန်မာ
နိုင်ငံရေးပါတီ	USDP
အလုပ်အကိုင်	နိုင်ငံရေးသမား
စစ်မှုထမ်းဘဝ
သစ္စာခံနိုင်ငံ	မြန်မာ
လက်နက်ကိုင်တပ်	တပ်မတော် (ကြည်း)
ရာထူးအဆင့်	ဗိုလ်မှူး (ငြိမ်း)
ဆုတံဆိပ်များ	သရေစည်သူဘွဲ့ (၂၀၂၆)

ဦး Jeng Phang နော်တောင် (အင်္ဂလိပ်: Jeng Phang Naw Htaung) သည် ကချင်တိုင်းရင်းသား နိုင်ငံရေးသမားတစ်ဦးဖြစ်ပြီး လက်ရှိတွင် တတိယအကြိမ် အမျိုးသားလွှတ်တော်၏ ဒုတိယဥက္ကဋ္ဌအဖြစ် တာဝန်ထမ်းဆောင်နေသူ ဖြစ်သည်။ ၎င်းသည် ၂၀၂၁ ခုနှစ်မှ စတင်ကာ နိုင်ငံတော်စီမံအုပ်ချုပ်ရေးကောင်စီ၏ အဖွဲ့ဝင်အဖြစ်လည်းကောင်း၊ ပြည်ထောင်စုဝန်ကြီးအဖြစ် လည်းကောင်း တာဝန်အဆင့်ဆင့် ထမ်းဆောင်ခဲ့သည်။

ဘဝအစောပိုင်း

၎င်းသည် မြန်မာ့တပ်မတော်တွင် အရာရှိတစ်ဦးအဖြစ် တာဝန်ထမ်းဆောင်ခဲ့ပြီး အလုပ်သင်ဗိုလ် ဗိုလ်လောင်းအပတ်စဉ် (၅)(OTS - 5) သင်တန်းဆင်းတစ်ဦး ဖြစ်သည်။ တပ်မတော်တွင် တာဝန်အဆင့်ဆင့် ထမ်းဆောင်ခဲ့ပြီးနောက် ဗိုလ်မှူး အဆင့်ဖြင့် အငြိမ်းစားယူခဲ့သူ ဖြစ်သည်။

နိုင်ငံရေးဘဝ

ဦးနော်တောင်သည် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့ မြန်မာနိုင်ငံ စစ်အာဏာသိမ်းမှု ဖြစ်ပွားပြီးနောက်ပိုင်းတွင် နိုင်ငံတော်၏ အုပ်ချုပ်ရေးကဏ္ဍ၌ ပါဝင်လာခဲ့သည်။ ၂၀၂၁ ခုနှစ်၊ ဖေဖော်ဝါရီလ ၃ ရက်နေ့တွင် နိုင်ငံတော်စီမံအုပ်ချုပ်ရေးကောင်စီ၏ အမိန့်အမှတ် (၁၄/၂၀၂၁) ဖြင့် ရခိုင်တိုင်းရင်းသူ ဒေါ်အေးနုစိန် အပါအဝင် အခြားသော တိုင်းရင်းသားကိုယ်စားလှယ် ၄ ဦးနှင့်အတူ နိုင်ငံတော်စီမံအုပ်ချုပ်ရေးကောင်စီ (စစ်ကောင်စီ) အဖွဲ့ဝင်အဖြစ် စတင်ခန့်အပ်ခြင်း ခံခဲ့ရသည်။

ထို့နောက် ၂၀၂၃ ခုနှစ်၊ ဖေဖော်ဝါရီလ ၁ ရက်နေ့တွင် နိုင်ငံတော်စီမံအုပ်ချုပ်ရေးကောင်စီ၏ အမိန့်အမှတ် (၆/၂၀၂၃) အရ တိုင်းရင်းသားလူမျိုးများရေးရာ ဝန်ကြီးဌာန၏ ပြည်ထောင်စုဝန်ကြီးအဖြစ် ခန့်အပ်တာဝန်ပေးခြင်း ခံခဲ့ရသည်။ ၂၀၂၅ ခုနှစ်၊ ဇန်နဝါရီလ ၃၁ ရက်နေ့တွင် အဆိုပါဝန်ကြီးဌာနမှ အားကစားနှင့် လူငယ်ရေးရာ ဝန်ကြီးဌာန ပြည်ထောင်စုဝန်ကြီးအဖြစ်သို့ ပြောင်းလဲတာဝန်ယူခဲ့ပြီး ၎င်း၏နေရာတွင် ခွန်သန့်ဇော်ထူးက ဆက်ခံခဲ့သည်။

၂၀၂၅ ခုနှစ်၊ ဇူလိုင်လ ၃၁ ရက်နေ့မှစတင်ကာ အားကစားနှင့် လူငယ်ရေးရာဝန်ကြီးဌာနအပြင် ဟိုတယ်နှင့် ခရီးသွားလာရေး ဝန်ကြီးဌာန၏ ပြည်ထောင်စုဝန်ကြီးအဖြစ်ပါ ပူးတွဲတာဝန်ယူခဲ့သည်။

၂၀၂၅-၂၀၂၆ ခုနှစ် အထွေထွေရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကို ကိုယ်စားပြု၍ အမျိုးသားလွှတ်တော် ကချင်ပြည်နယ် မဲဆန္ဒနယ်အမှတ်​(၂) မှ ရွေးကောက်ခံခဲ့ရပြီး၊ ခိုင်လုံသောမဲ အရေအတွက် စုစုပေါင်း ၈,၃၇၆ မဲ (စုစုပေါင်းမဲ၏ ၈၂.၅၆ ရာခိုင်နှုန်း) ဖြင့် ရွေးကောက်တင်မြှောက်ခြင်း ခံခဲ့ရသည်။

၂၀၂၆ ခုနှစ်၊ မတ်လ ၁၈ ရက်နေ့တွင် တတိယအကြိမ် အမျိုးသားလွှတ်တော်၏ ဒုတိယဥက္ကဋ္ဌအဖြစ် ပြိုင်ဘက်မရှိတင်မြှောက်ခြင်း ခံခဲ့ရသည်။

ဂုဏ်ထူးဆောင်ဘွဲ့များ

အမျိုးသားကာကွယ်ရေးနှင့်လုံခြုံရေးကောင်စီသည် ၂၀၂၆ ခုနှစ်၊ မတ်လ ၂ ရက်နေ့တွင် ကျရောက်သော (၆၄) ကြိမ်မြောက် လယ်သမားနေ့ အထိမ်းအမှတ်အဖြစ် Jeng Phang နော်တောင်အား သရေစည်သူဘွဲ့ကို ချီးမြှင့်အပ်နှင်းခဲ့သည်။