သိပ္ပံနှင့် နည်းပညာ ဝန်ကြီးဌာန
| မြန်မာနိုင်ငံ အစိုးရအစိုးရအဖွဲ့အစည်း | |
|---|---|
| သိပ္ပံနှင့်နည်းပညာဝန်ကြီးဌာန | |
| အစိုးရအဖွဲ့အစည်း အကျဉ်းချုပ် | |
| ဖွဲ့စည်းသည့်အချိန် | ၂ အောက်တိုဘာ ၁၉၉၆ |
| ဖျက်သိမ်းခြင်း | ၃၀ မတ် ၂၀၁၆ |
| အဖွဲ့အစည်းအမျိုးအစား | ဝန်ကြီးဌာန |
| ဌာနချုပ် | နေပြည်တော် |
| ဝန်ကြီးများ | ဒေါက်တာမျိုးသိမ်းကြီး |
| ဝက်ဘ်ဆိုက် | most.gov.mm |
မြန်မာနိုင်ငံရှိ ဝန်ကြီးဌာနများတွင် သိပ္ပံ၊ နည်းပညာ နှင့် ပတ်သက်၍ သိပ္ပံနှင့် နည်းပညာ ဝန်ကြီးဌာနထားရှိခဲ့ပြီး ၂၀၁၆ ခုနှစ် သမ္မတ ဦးထင်ကျော်လက်ထက်တွင် ဖျက်သိမ်းပြီး ပညာရေးဝန်ကြီးဌာန (သိပ္ပံနှင့် နည်းပညာ) အဖြစ် ပညာရေးဝန်ကြီးဌာနလက်အောက်တွင် ထားရှိခဲ့သည်။
သမိုင်းကြောင်း
နိုင်ငံတော်အတွက် အဆင့်မြင့်သိပ္ပံနှင့် နည်းပညာဆိုင်ရာ ပညာရှင်များ မွေးထုတ်ပေးနိုင်ရန်၊ အမျိုးသားစီးပွားရေး ဖွံ့ဖြိုးတိုးတက်ရေးအတွက် အထောက်အကူပြုနိုင်ရန်နှင့် သုတေသနနှင့် ဖွံ့ဖြိုးရေးလုပ်ငန်းများကို ပိုမိုအောင်မြင်စွာ ဆောင်ရွက်နိုင်ရန် အတွက် သိပ္ပံနှင့် နည်းပညာ ဝန်ကြီးဌာနအား ၁၉၉၆ ခုနှစ်၊ အောက်တိုဘာလ(၂)ရက်နေ့ ရက်စွဲပါ အမိန့်ကြော်ငြာစာအမှတ် (၃၀/၉၆)ဖြင့် ဝန်ကြီးဌာန အသစ်အဖြစ် တိုးချဲ့ဖွဲ့စည်းခဲ့သည်။
ဖွဲ့စည်းပုံ
သိပ္ပံနှင့် နည်းပညာ ဝန်ကြီးဌာန၏ လက်အောက်ရှိ ဦးစီးဌာနများမှာ
- မြန်မာ့သိပ္ပံနှင့် နည်းပညာ သုတေသနဦးစီးဌာန
- စက်မှုနှင့် သက်မွေးပညာ ဦးစီးဌာန
- အဆင့်မြင့်သိပ္ပံနှင့် နည်းပညာဦးစီးဌာန
- အဏုမြူစွမ်းအင် ဦးစီးဌာန
- စက်မှုနည်းပညာ မြှင့်တင်ရေးနှင့် ပူးပေါင်းဆောင်ရွက်ရေးဦးစီးဌာန
- ဒြပ်ပစ္စည်းသိပ္ပံနှင့် ဒြပ်ပစ္စည်းအင်ဂျင်နီယာ သုတေသနဦးစီးဌာန
- နည်းပညာ သုတေသနဦးစီးဌာန
- ဇီဝနည်းပညာ သုတေသနဦးစီးဌာန
- အမျိုးသားဓာတ်ခွဲခန်း တို့ဖြစ်သည်။ [၁]
လုပ်ငန်းစဉ်များ
သိပ္ပံနှင့် နည်းပညာ ဝန်ကြီးဌာန၏ လုပ်ငန်းစဉ်များအား အောက်ဖော်ပြပါအတိုင်း ကဏ္ဍအလိုက် ဆောင်ရွက်လျက်ရှိသည်။
- အဆင့်မြင့်ပညာရေးကဏ္ဍ
- စက်မှုနှင့် သက်မွေးပညာရေးကဏ္ဍ
- ဥပဒေများ ရေးဆွဲအတည်ပြုရေးကဏ္ဍ
- သုတေသနနှင့် ဖွံ့ဖြိုးရေးကဏ္ဍ
ကိုးကား
- ↑ သိပ္ပံနှင့်နည်းပညာဝန်ကြီးဌာန။ ၂၀၁၄-၁၀-၁၉ တွင် ပြန်စစ်ပြီး။[လင့်ခ်သေ]
