ပိုင်စိုးဝေ

ဝီကီပီးဒီးယား မှ

၁၉၄၇ ခုနှစ်တွင် မြင်းခြံ ခရိုင်၊ တောင်သာ မြို့နယ်၊ အောင်သာရွာ၌ အဖ ဦးတင်၊ အမိ ဒေါ်ရွှေမိတ် တို့မှ မွေးဖွား ခဲ့သည်။ ငယ်စဉ်က အောင်သာရွာ မူလတန်း ကျောင်းနှင့် တောင်တွင်ကြီး အမှတ် (၂) အစိုးရ အထက်တန်း ကျောင်းများတွင် ပညာ သင်ကြား ခဲ့သည်။ မန္တလေး တက္ကသိုလ် (စာပေးစာယူ) ဖြင့် ဝိဇ္ဇာ (မြန်မာစာ) ဘွဲ့ ရရှိ ခဲ့သည်။ မန္တလေးမြို့၊ ပန်တျာ ကျောင်းတွင် ကဗျာ နည်းပြ အဖြစ် တာဝန် ထမ်းဆောင် နေဆဲ ဖြစ်သည်။ ၁၉၈၃ ခုနှစ်တွင် ဆောင်းဦးပန်း မြို့နယ် မဂ္ဂဇင်းတွင် ‘မွေးနေ့’ စာမူ လက်ရာဖြင့် စာပေ လောကသို့ စတင် ခြေချ လာသည်။ နောက် မဂ္ဂဇင်း များတွင် ကဗျာ၊ ဝတ္ထုတိုများ ရေးသားရင်း ‘သိန်းစွန်ငှက် အပြန်လမ်း’နှင့် ‘နေရောင်ခြည်နှင့် တွေ့ဆုံခြင်း’ (ကဗျာရှည် စာအုပ်များ) ကို၎င်း။ ‘ဗုဒ္ဓဟူးနေ့မှ မိုင်ငါးရာ’ ဝတ္ထုတို လုံးချင်းနှင့် ‘လင်းနို့၏ မှတ်စု’ ဝတ္ထုတို လုံးချင်းများ ကို၎င်း ထုတ်ဝေ ခဲ့သည်။ ၁၉-၉-၂၀၂၀ ရက်နေ့တွင် ကွယ်လွန်သည်။

ကိုးကား