ဒိုင်းနက်လူမျိုး
ဒိုင်းနက်လူမျိုးများသည် ဒိုင်းပညာရပ်များကို တတ်ကျွမ်းသူများ ဖြစ်ခဲ့ကြ၍ ဒိုင်းနက်လူမျိုးဟုခေါ်တွင်ကြောင်း သိရသည်။မူလ ဒိုင်းတတ် မှ ဒိုင်းဒက် ဒိုင်းနက်ဟုပြောင်းလဲလာသည်။ ဒိုင်းနက်လူမျိုးတွင် မျိုးနွယ်ကွဲ ၈မျိုးရှိသည်။ ဒိုင်းနက်တို့သည် ဗုဒ္ဓဘာသာဝင်များဖြစ်ကြသည်။ ဒိုင်းနက်တို့သည် ဘင်္ဂါလီ ဘာသာစကားနှင့် နီးစပ်သောစကားပြောဆိုကြသည်။
ဒိုင်းနက်အများဆုံး နေထိုင်ရာဒေသမှာ စစ်တွေမြို့နယ်ပင်ဖြစ်သည်။ ဒိုင်းနက်၈ မျိုးအနက် လက်ဝဲထောင်ဒိုင်းနက်များသည် ကျောက်တော်၊ပုဏ္ဏားကျွန်း မြို့များတွင်နေထိုင်ကြသည်။ မောင်ညိုထောင် ဒိုင်းနက်တို့သည် မြောက်ဦး၊မင်းပြား၊ရသေ့တောင်တို့တွင် နေထိုင်ကြသည်။ ဒိုင်းနက်တို့သည် ဘူးသီးတောင်မောင်တော မြို့နယ်များနှင့် လေးမြို့ချောင်းဖျားတွင်လည်း နေထိုင်ကြသည်။
ကိုးကား
1.ရခိုင်ယဉ်ကျေးမှု ဓလေ့ထုံးစံများ