ထားဝယ်ပညာရေးကောလိပ်
ထားဝယ်ပညာရေးကောလိပ်(အင်္ဂလိပ်: Dawei Education College; DEC)သည် တနင်္သာရီတိုင်းဒေသကြီး၊ ထားဝယ်မြို့၊ ရှမ္မလည်ဆွဲရပ်ရှိ ပညာရေးဝန်ကြီးဌာန အဆင့်မြင့်ပညာဦးစီးဌာန လက်အောက်ခံ ပညာရေးကောလိပ်ကျောင်း ဖြစ်သည်။[၁] ကျောင်းသားသမဂ္ဂ ရှိသည်။
၂၀၁၉ ဒီဇင်ဘာမှ စပြီး၊ နိုင်ငံတဝန်း ပညာရေးကောလိပ် ၂၅ ကျောင်းကို ပညာရေးဒီဂရီကောလိပ်အဖြစ် အဆင့်တိုးမြှင့်ရာ ထားဝယ်ပညာရေးကောလိပ်လည်း ပါဝင်သည်။ ယခင် ၂ နှစ်တက် ဒီပလိုမာရသော သင်တန်းမှ ၄ နှစ်သင်တန်းသို့ ပြောင်းလဲခဲ့သည်။[၂]
ဆင့်ကဲဖွံ့ဖြိုးတိုးတက်
- ၁၈၇၇-၁၉၆၄၊ ခရစ်ယာန်သာသနာပြုကျောင်း
- ၁၉၆၄-၁၉၇၇၊ အထက ၄၊ ထားဝယ်
- ၁၉၇၇-၂၀၀၂၊ ထားဝယ်ဒေသကောလိပ်၊ ထားဝယ်ဒီဂရီကောလိပ်၊ ထားဝယ်တက္ကသိုလ်
- ၂၀၀၂- ၊ ထားဝယ်ပညာရေးကောလိပ် [၃]
အဆောင်များ
- နီလာဆောင် (ပထမနှစ်များ)(ယခု ဖြိုဖျက်ပြီး)
- ပုလဲဆောင် (ဒုတိယနှစ်များ)(ယခု ပုလဲဆောင် ၁)
- ပုလဲဆောင် ၂
- သန္တာဆောင်
- တိုးချဲ့ဆောင်
- အဏ္ဏဝါဆောင်
- ပိေတာက္ေဆာင္
သင်တန်း
ပညာရေးဒီဂရီကောလိပ် တခုတွင် လုပ်ငန်းခွင်အကြို ဆရာအတတ်သင် ဒီပလိုမာပညာသင်တန်းတက် ကျောင်းသားဦးရေ အနည်းဆုံး ၁၀၀၀ မှ အများဆုံး ၂၀၀၀ ထိ ပညာသင်ယူနိုင်သည်။
၂၀၁၉ ပညာသင်နှစ်တွင် ထားဝယ်ပညာရေးကောလိပ်၌ ဦးရေ ၅၀၀ ဝန်းကျင်သာ ရှိသည်။ [၂]
လှုပ်ရှားမှု
၂၀၂၀ ဇန်နဝါရီတွင် အခြေခံပညာကျောင်းများဝယ် အတန်းငယ်များကို ဆယ်တန်းစာမေးပွဲ ပြီးစီးသည့် မတ်လ နှောင်းပိုင်းမှ ဖြေဆိုခိုင်းမည့် အစီအစဉ်ကို ကန့်ကွက်သည့် အနေဖြင့် ဖဲကြိုးစိမ်းလှုပ်ရှားမှုကို ပြုလုပ်၍ ဆန္ဒဖော်ထုတ်ခဲ့ကြသည်။[၄]
ကိုးကား