မာတိကာသို့ ခုန်သွားရန်

၂၀၂၅ မြန်မာ ငလျင်

ဝီကီပီးဒီးယား မှ
"မန္တလေးငလျင်ကြီး" ကို ဤနေရာသို့ ညွှန်းသည်။ မန္တလေးတိုင်းဒေသကြီးတွင် လှုပ်ခတ်ခဲ့သော အခြားငလျင်များ အတွက်၊ ၁၈၃၉ အင်းဝငလျင် နှင့် ၁၉၇၅ ပုဂံငလျင် ကို ကြည့်ပါ။
၂၀၂၅ မြန်မာငလျင်
  • ထိပ်ဆုံးမှ၊ ဘယ်မှ ညာသို့။ မန္တလေးမြို့ရှိ ပြိုကျနေသော အဆောက်အဦများ • ဘန်ကောက်မြို့ စာရင်းစစ်ချုပ်ရုံး အဆောက်အဦ ပြိုကျနေပုံ • မန္တလေးမြို့ရှိ ပျက်စီးနေသော အဆောက်အဦတစ်ခု • အော်ပရေးရှင်းဗြဟ္မာဖြင့် စောင်၊ အစားအစာ၊ ဆေးအဖွဲ့နှင့် အကူအညီများအား အိန္ဒိယလေတပ် စီ-၁၃၀ ဖြင့် ပို့ဆောင်နေပုံ
USGS ငလျင်လှုပ်ခတ်ရာ မြေပုံ
UTC အချိန်2025-03-28 06:20:54
ISC ဖြစ်ရပ်643071319
USGS-ANSSComCat
ဒေသ ရက်စွဲ၂၈ မတ် ၂၀၂၅ (၂၀၂၅-၀၃-၂၈)
ဒေသ အချိန်12:50:54 MMT (UTC+6:30)
ကာလ၈၀ စက္ကန့်
အတိုင်းအတာMw 7.7–7.9, Ms 7.9
အနက်၁၀ ကီလိုမီတာ (၆ မိုင်)
ငလျင်ဗဟို22°00′47″N 95°55′19″E / 22.013°N 95.922°E / 22.013; 95.922ကိုဩဒိနိတ်: 22°00′47″N 95°55′19″E / 22.013°N 95.922°E / 22.013; 95.922
အက်ကွဲကြောင်းစစ်ကိုင်းပြတ်ရွေ့ကြော
အမျိုးအစားStrike-slip အလျားလိုက်ရွေ့ ငလျင်
သက်ရောက်ဧရိယာမြန်မာနိုင်ငံ, ထိုင်းနိုင်ငံ, တရုတ်နိုင်ငံ အနောက်တောင်ပိုင်း၊ ဗီယက်နမ်
အများဆုံးပြင်းအားMMI X (ပြင်းထန်မှုလွန်ကဲ)
အရှိန်ထိပ်0.62 g
အဟုန်ထိပ်161.42 cm/s
နောက်ဆက်တွဲငလျင်၃၉၄+ ကြိမ်
Strongest: Mww 6.7[၁]
ထိခိုက်သေကြေမှုများသေဆုံး ၅၄၀၀+၊ ဒဏ်ရာရ ၁၁၄၀၀+၊ ပျောက်ဆုံး ၅၈၈+

၂၀၂၅ မြန်မာ ငလျင်သည် ၂၀၂၅ ခုနှစ် မတ်လ ၂၈ ရက်နေ့ မြန်မာ စံတော်ချိန် မွန်းလွဲ ၁၂ နာရီ ၅၀ မိနစ် ၅၄ စက္ကန့်(06:20:54 UTC)တွင် မြန်မာနိုင်ငံ စစ်ကိုင်းမြို့နှင့် မန္တလေးမြို့ အနီး၌ ဗဟိုပြု လှုပ်ခတ်ခဲ့သည့် မိုးမင့် စကေး Mw ၇.၇–၇.၉ ရှိ ငလျင်ဖြစ်သည်။ အလျားလိုက်ပြတ်ရွေ့အမျိုးအစား ငလျင်ဖြစ်ပြီး မွမ်းမံ မာကယ်လီ ပြင်းအား စကေးအရ အမြင့်ဆုံး ပြင်းအားမှာ X (ပြင်းထန်မှုလွန်ကဲ) ရှိသည်ဟု မှတ်တမ်းတင်ထားသည်။[၂] ဤ ငလျင်သည် ပြင်းအား ၇.၉ အဆင့်ရှိ ၁၉၁၂ မေမြို့ငလျင်နောက်ပိုင်း ဖြစ်ပေါ်သော အကြီးဆုံး ငလျင်ဖြစ်သည်။[၃] မြန်မာ့ ခေတ်ပေါ် သမိုင်းတွင် ၁၉၃၀ ပဲခူးငလျင် ပြီးလျှင် သေဆုံးသူ အများဆုံး ငလျင်အဖြစ် မှတ်တမ်းဝင်ခဲ့သည်။[၄] ဤ ငလျင်ကြောင့် မြန်မာနိုင်ငံတွင် ကြီးမားစွာသော ထိခိုက်ဆုံးရှုံးမှုများ ပေါ်ပေါက်ခဲ့ပြီး အိမ်နီးချင်း ထိုင်းနိုင်ငံ၌လည်း ပျက်စီးဆုံးရှုံးမှုများ ဖြစ်ပေါ်စေခဲ့သည်။ တရုတ်နိုင်ငံ ယူနန်ပြည်နယ်တွင်လည်း အိမ်ခြေရာပေါင်းများစွာ ပျက်စီးဆုံးရှုံးခဲ့ရသလို ဗီယက်နမ်နိုင်ငံ ဟိုချီမင်းမြို့တွင်လည်း တိုက်ခန်း ၄၀၀ ခန့် ထိခိုက်မှု ရှိခဲ့သည်။

မြေငလျင်ဒဏ်ကြောင့် မြန်မာတွင် အနည်းဆုံး လူ ၅၃၅၀ ဦးနှင့် ထိုင်းတွင် ၅၁ ဦးနှင့် ဗီယက်နမ်နိုင်ငံတွင် (၁)ဦး အသက်ဆုံးရှုံးခဲ့သည်။[၅][၆][၇] လူပေါင်း ၁၁,၄၀၀ ကျော် ထိခိုက်ဒဏ်ရာရခဲ့သည်။ ဘန်ကောက်မြို့ရှိ ဆောက်လက်စ အဆောက်အဦပြိုကျမှုအပါအဝင် လူဦးရေ ရာပေါင်းများစွာ ပျောက်ဆုံးလျက်ရှိသည်။[၈][၉] မြန်မာနိုင်ငံနှင့် ထိုင်းနိုင်ငံ အာဏာပိုင်များက အရေးပေါ်အခြေအနေအဖြစ် ကြေညာခဲ့သည်။[၁၀][၁၁] သောကြာနေ့ ဝတ်ပြုချိန်တွင် ငလျင်လှုပ်ခဲ့သည့်အတွက် ဗလီများပြိုကျခဲ့ပြီး မွတ်ဆလင်မ်ရာပေါင်းများစွာ သေဆုံးခဲ့သည်။[၁၂] ထို့အပြင် ဘာသာရေးအဆောက်အဦ၊ ဘုန်းကြီးကျောင်းနှင့် သီလရှင်ကျောင်းပေါင်း ၈,၃၀၀ ကျော် ပျက်စီးခဲ့သည်။[၁၃] ဖြစ်ပွားလျက်ရှိသော လက်ရှိမြန်မာပြည်တွင်းစစ်ကြောင့် ကယ်ဆယ်ရေးနှင့် ပြန်လည်ထူထောင်ရေးတွင် အခက်အခဲများစွာ ကြုံတွေ့နေရသည်။[၁၄][၁၅] ၂၀၂၃ တူရကီ-ဆီးရီးယား ငလျင်ပြီးနောက် တစ်ကမ္ဘာလုံးအနေဖြင့် အသေအပျောက်အများဆုံးသော မြေငလျင်ဖြစ်သည်။[၁၆]

မြေထုချပ် အနေအထား

နောက်ထပ် အချက်အလက်များ။ စစ်ကိုင်းပြတ်ရွေ့ကြော နှင့် မြန်မာနိုင်ငံ၏ ပထဝီဝင်

မြန်မာနိုင်ငံသည် အိန္ဒိယ၊ ယူရေးရှား၊ ဆွန်ဒါးနှင့် ဘားမား နာမည်ခေါ် မြေထုအချပ် ၄ လွှာကြားမှာ တည်ရှိ၍ တက်ကြွသော ဘူမိဗေဒဖြစ်စဉ်များကြောင့် အပြန်အလှန် တုံ့ပြန်ကြခြင်းခံရသည်။ ကိုကိုးကျွန်းအနည်းအနားမှ စ၍ ရခိုင်ကမ်းရိုးတန်း တစ်လျှောက်မှာ Sunda megathrust ဟုခေါ်သည့် အလားတူမြေထုချပ်နယ်မိတ် ရှိသည်။ ထို့နောက် ကပ္ပလီပင်လယ်တွင်ရှိသော အကွဲလွဲမြေထုချပ်နယ်မိတ်မှ စပြီး မြောက်ဘက်သို့ မိုင် ၈၇၀ သွားသော စစ်ကိုင်းပြတ်ရွေ့ကြော ရှိသည်။ ဤ စစ်ကိုင်းပြတ်ရွေ့ကြောသည် Burma နှင့် Sunda မြေထုအချပ် ၂ လွှာ အခြင်းခြင်းပွတ်၍ တစ်နှစ်မှာ ၁၈-၄၉ mm လျှောသည်။စစ်ကိုင်းပြတ်ရွေ့ကြော သည် ရန်ကုန်၊ နေပြည်တော်၊ မန္တလေး စသည့် မြန်မာနိုင်ငံအကြီးဆုံးမြို့များအောက် ဖြတ်သန်းသောကြောင့် ကြီးကြီးမားမား ထိခိုက်မှုပြင်းထန်သော ငလျင် ခဏခဏဖြစ်လျက်ရှိသည်။ ယခင် စစ်ကိုင်းပြတ်ရွေ့ကြောကြောင့် ဖြစ်ခဲ့သော ငလျင်ကြီးများမှာ ၁၈၃၉ Mw 8.3 ၊ မေ ၁၉၃၀ Ms 7.3 ၊ ဒီဇင်ဘာ ၁၉၃၀ Ms 7.5 ၊ ၁၉၃၁ Ms 7.5 ၊ ၁၉၄၆ Mw 7.3 ၊ ၁၉၅၆ Mw 7.0 ၊ ၁၉၉၁ Mw 6.9 ၊ ၂၀၁၂ Mw 6.9 ဖြစ်ပါသည်။[၁၇]

ငလျင်

နောက်ထပ် အချက်အလက်များ။ ၂၀၂၅ မြန်မာငလျင်၏ နောက်ဆက်တွဲ ငလျင်များ စာရင်း

မတ်လ ၂၈ ရက် မြန်မာစံတော်ချိန် မွန်းလွဲ ၁၂:၅၀:၅၄ MMT (06:20:54 UTC) တွင် ငလျင်တစ်ခု မန္တလေးအနီး စစ်ကိုင်းတိုင်းအတွင်း စစ်ကိုင်းမြို့မြောက်ဘက် ၅ မိုင်အကွာမှာ ဗဟိုပြု လှုပ်ခတ်ခဲ့သည်။ အမေရိကန် ဘူမိဗေဒစစ်တမ်းအဖွဲ့ (USGS) အရ moment magnitude ပမာဏ ၇.၇ တိုင်းတာခဲ့သည်။[၂] ထိုင်းမိုးလေဝသဌာန အရ ပမာဏ ၈.၂ တိုင်းတာခဲပြီး[၁၈] ပဲရစ်ဘူမိရူပဗေဒအဖွဲ့အစည်း အရ ပမာဏ ၇.၉ ရှိခဲ့သည်။[၁၉]

ငလျင်၏ ဗဟိုယန္တရားဖြေရှင်းချက်က မြေထဲ ၁၀ ကီလိုမီတာအနက်တွင် ရိုက်ခတ်ချွတ်ချော်မှုကြောင့် ဖြစ်ပေါ်လာခဲ့သည်။ ဤသို့လှုပ်ခတ်မှုသည် စစ်ကိုင်းပြတ်ရွေ့ကြော၏ သာမန်လက္ခဏာများနှင့် ကိုက်ညီသည်။ USGS ထုတ်ပြန့်ခဲ့သော finite fault ပုံစံ အရ ငလျင်ပေါက်ကွဲခြင်းက ငလျင်ဗဟိုမြောက်ဘက် ၆၂ မိုင်အကွာ သပိတ်ကျင်းမြို့ မှ ဗဟိုတောင်ဘက် ၁၆၀ မိုင်အကွာအထိ ချွတ်ချော်လှုပ်ခတ်ခဲ့သည်။ ၃ ပေအထက် ပိုများသော ချွတ်ချော်မှု ဖြစ်ခဲ့နေရာအများစုက သပိတ်ကျင်း နှင့် ရမည်းသင်းမြို့ ကြားမှာဖြစ်ခဲ့သည်။ ချွတ်ချော်မှုအများဆုံးက စဉ့်ကူးမြို့ နှင့် မတ္တရာမြို့ ကြားမှာ ၂၁.၃ ပေ ချွတ်ချော်ခဲ့သည်။ USGS၏ ShakeMap အရ ငလျင်ပေါက်ကွဲခြင်းက မြောက်ဘက်မှာ ဇင်းချောင်းရွာ၊ သပိတ်ကျင်းမြို့နယ် တောက်ဘက်မှာ ထန်းတပင်မြို့၊ တောင်ငူခရိုင် အထိ စုစုပေါင်း မိုင် ၃၁၀ ရှည်ခဲ့နိုင်သည်။[၂]

ထိုင်းနိုင်ငံ မိုးလေဝသဌာန၏ ထုတ်ပြန်ချက်များအရ ဧပြီ ၁ ရက်နေ့အထိ နောက်ဆက်တွဲငလျင်ပေါင်း ၂၃၆ ခုကျော် ဆက်လက်လှုပ်ခတ်ခဲ့သည်။ ပြင်းအား ၅.၀ မှ ၅.၉ အထိ ငလျင် ခုနစ်ခုအပါအဝင် နောက်ဆက်တွဲငလျင်များမှာ မြန်မာနိုင်ငံနှင့် အနီးတဝိုက်တွင် လှုပ်ခတ်ခဲ့သည်ကို တိုင်းထွာရရှိခဲ့သည်။[၂၀] အင်အားအကြီးဆုံး နောက်ဆက်တွဲငလျင်မှာ ပင်မငလျင် လှုပ်ခတ်အပြီး ၁၂ မိနစ်အကြာတွင် မန္တလေးအပြည်ပြည်ဆိုင်ရာလေဆိပ်အောက်ဖက်တွင် လှုပ်ခတ်ခဲ့သည့် Mww 6.7 ရှိ ငလျင် ဖြစ်သည်။[၁]

ပြင်းအား

USGS သရုပ်ဖန်တီးခြင်းတစ်ခုအရ ပင်မငလျင်၏ အမြင့်ဆုံး မွမ်းမံ မေရ်ကာလီ ပြင်းအား စကေး (MMI) မှာ ငလျင်ကွဲကြောင်းနှင့် အနီးဆုံးတွင်ရှိသော မန္တလေး၊ စစ်ကိုင်း၊ ပဲခူးနှင့် နေပြည်တော်တို့တွင် MMI IX (Violent) အထိ ရောက်ရှိခဲ့သည်။ ကရင်၊ ရှမ်းနှင့် မကွေးတို့တွင် VII (Very Strong) အထိ၊ ရန်ကုန်၊ မွန်၊ ကယားနှင့် ဧရာဝတီတို့တွင် VI (Strong) အဆင့်ထိ ဖြစ်သည်။ ထိုင်းနိုင်ငံ ဘန်ကောက်နှင့် ချင်းမိုင်၊ တရုတ်နိုင်ငံ တယ်ဟုန် ရှမ်း နှင့် ဂျိန်းဖော ကိုယ်ပိုင်အုပ်ချုပ်ခွင့်ရစီရင်စုနှင့် အိန္ဒိယနိုင်ငံ အင်ဖာတို့တွင် MMI V (Moderate) ဖြစ်သည်။ တိုင်းဒေသကြီးနှင့် ပြည်နယ် ၁၅ ခုအနက် ၁၁ ခုတွင်နေထိုင်ကြသည့် မြန်မာနိုင်ငံ လူဦးရေ၏ ထက်ဝက်နီးပါးဖြစ်သော လူဦးရေ ၂၆.၆၉ သန်းတို့မှာ MMI VI ထက်ကျော်လွန် ခံစားခဲ့ရသည်။[၂] ထိုင်းနိုင်ငံတွင် ပြည်နယ် ၇၇ ခုအနက် ၆၃ ခုတွင် ငလျင်လှုပ်သည်ကို ခံစားခဲ့ကြရသည်။[၂၁]

ငလျင်လှုပ်ပြီးချိန် အဖြစ်အပျက်

ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိနှိုင်းရေးရုံး (OCHA) ၏ ဧပြီလ ၁ ရက်နေ့ ဖော်ပြချက်တစ်ခုအရ မြန်မာတွင် အမိုးအကာ၊ ရေသန့်နှင့် ဆေးဝါးများ လျော့နည်းလာနေသည်ဆို၏။ ရေမသန့်ရှင်းမှုကြောင့် ကာလဝမ်းရောဂါ ရုတ်တရက်ဖြစ်လာမည့်အရေး ကုလသမဂ္ဂက သတိပေးခဲ့သည်။ ဒေသတွင်း ဆေးရုံများမှာ မျှော်မှန်းထားသော ကုသမှုများ ပြုလုပ်ပေးနိုင်ရေး ရုန်းကန်နေရသည်ဟု ကမ္ဘာ့ကျန်းမာရေးအဖွဲ့ WHO က ဆိုသည်။ ပျက်စီးနေသော လမ်းမကြီးနှင့် တံတားများက ကယ်ဆယ်ရေးလုပ်ငန်းစဉ်များကို နှောင့်နှေးကြန့်ကြာစေသည်။ ၈ နာရီအတွင်းရောက်သော ရန်ကုန်-မန္တလေးခရီးကို ၁၃ နာရီကြာ သွားခဲ့ရကြောင်း OCHA အဖွဲ့က ပြောသွားသည်။[၂၂] မြန်မာပြည် အနှံ့အပြားတွင် ပထမဦးစွာ တုံ့ပြန်လုပ်ဆောင်ပေးကြသူများမှာ အုတ်ပုံ အပျက်အစီးများကြားရှိ အသက်ရှင်ကျန်သူများကို ဆွဲထုတ်ရန် ကြိုးပမ်းကြသူ ကယ်ဆယ်ရေး အထူးပစ္စည်းကိရိယာများ မပါရှိသော လုပ်အားပေးအဖွဲ့များ၊ ပရဟိတအသင်းများဖြစ်ကြသည်။[၂၃]

သက်ရောက်မှု

အခြားကြည့်ရန်။ ၂၀၂၅ မြန်မာငလျင်ကြောင့် ထိခိုက်ပျက်စီးသော နေရာများ စာရင်း
နိုင်ငံအလိုက် ထိခိုက်မှု
နိုင်ငံ သေဆုံး ဒဏ်ရာရ ပျောက်ဆုံး
 မြန်မာ ၅၃၅၀ ခန့် ၁၁၃၆၀ ခန့် ၅၃၀ ခန့်
 ထိုင်း ၅၁ ၃၄ ၅၀
 တရုတ် ၀ ၂ ၀
 ဗီယက်နမ် ၁ ၀ ၀
စုစုပေါင်း ၅၄၀၀+ ခန့် ၁၁၄၀၀+ ခန့် ၅၈၀+ ခန့်

မြန်မာ

နေပြည်တော်ရှိ တစ်ပိုင်းတစ်စလဲပြိုလျက်ရှိသော အဆောက်အဦ

မြန်မာနိုင်ငံရှိ သေဆုံးသူအရေအတွက်မှာ အမျိုးမျိုးကွဲပြားလျက်ရှိသည်။ ၄၉၁၀ ဦးကျော် သေဆုံးပြီး ၅၉၇၀ ဦးခန့် ဒဏ်ရာရရှိပြီး ၇၆၀ ခန့် ပျောက်ဆုံးလျက်ရှိသည်ဟု မဇ္ဈိမ သတင်းဌာနက ဆိုသည်။[၅] ၄၁၇၀ ကျော် သေဆုံးပြီး ၇၆၀ ခန့် ပျောက်ဆုံးလျက်ရှိကာ ၆၁၆၀ ဦးဒဏ်ရာရရှိခဲ့သည်ဟု ဒီမိုကရက်တစ် မြန်မာ့အသံ ဖော်ပြသည်။[၂၄] အစိုးရပိုင် မြန်မာ့အသံနှင့်ရုပ်မြင်သံကြားတွင် ၃၃၀၀ ဦးကျော် သေဆုံးပြီး၊ ၂၂၀ ခန့် ပျောက်ဆုံးလျက်ရှိကာ ၄၇၉၀ ဦး ဒဏ်ရာရရှိသည်ဟု ဆိုသည်။[၂၅] သေဆုံးမှုများမှာ မန္တလေး၊ နေပြည်တော်၊ စစ်ကိုင်း၊ ရှမ်း၊ ပဲခူးနှင့် ကရင်ပြည်နယ်တို့တွင် ဖြစ်ပွားခဲ့သည်။[၂၄] မြန်မာပြည်သူ ၈ သန်းကျော်အား သက်ရောက်မှုရှိခဲ့ပြီး အရေးပေါ် အကူအညီများ လိုအပ်လျက်ရှိသည်ဟု အမျိုးသားညီညွတ်ရေးအစိုးရက ခန့်မှန်းသည်။ [၂၆]

နိုင်ငံအနှံ့အပြားတွင် ဖုန်းနှင့် အင်တာနက် ဆက်သွယ်ရေးများ ပြတ်တောက်ခဲ့သည်။[၂၇] ကျေးလက်ဒေသဘက်ရှိ ထိခိုက်သေကြေ ပျက်စီးမှုများကို အကျယ်တဝင့် မသိရသေးပေ။[၂၈] နိုင်ငံအနှံ့တွင် လူနေအဆောက်အဦ အနည်းဆုံး ၁၃,၄၁၁၊ သာသနိကအဆောက်အဦ ၂၈၀၊ လမ်းမများ ၄၃ ခန့်နှင့် တံတား ၇ စင်းတို့ ထိခိုက်ပျက်စီးခဲ့သည်ဟု အမျိုးသားညီညွတ်ရေး အစိုးရက ဆိုသည်။[၂၉] သောကြာနေ့ ဝတ်ပြုချိန်အတွင်း ဗလီ ၅၀ ကျော် ပြိုကျပျက်စီးခဲ့သည့်အတွက် အနည်းဆုံး လူဦးရေ ၂၅၀ ခန့် သေဆုံးနိုင်သည်ဟု မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့က ခန့်မှန်းထားသည်။[၃၀] မန္တလေးနှင့် စစ်ကိုင်းတို့ရှိ ဗလီ ၆၀ ကျော် ပျက်စီးခဲ့ရာမှ ဝတ်ပြုသူ မွတ်စလာမ် ၇၀၀ ခန့် သေဆုံးခဲ့နိုင်သည်ဟု နွေဦးတော်လှန်ရေးမြန်မာမွတ်စလာမ်ကွန်ယက်က ခန့်မှန်းထားသည်။[၁၂] စစ်အစိုးရက မွတ်စလာမ် ၅၀၀ ခန့်သေဆုံးသည်ဟု ဆိုထားသည်။[၃၁] ဗုဒ္ဓဘာသာဘုန်းကြီးကျောင်း ၆၇၀ နှင့် ဘုရားစေတီ ၂၉၀ ခန့် ပျက်စီးခဲ့သည်ဟုလည်း စစ်အစိုးရက ဆိုသည်။[၃၂]

မန္တလေး၌ လူ ၂၄၀၀ ကျော်သေဆုံးပြီး [၂၄] ၁၆၇၀ ဦး ဒဏ်ရာရရှိခဲ့သည်။[၃၃] မန္တလေးတစ်မြို့ထဲတွင် လူဦးရေ အနည်းဆုံး ၁၂၀၀ ခန့် သေဆုံးခဲ့ပြီး[၂၄] အဆောက်အဦးများစွာ ပြိုကျပျက်စီးခဲ့သည်။[၃၄] မန္တလေး အပြည်ပြည်ဆိုင်ရာလေဆိပ် ပင်မအဆောက်အအုံ၏ မျက်နှာကျက်အမိုးများ ပြိုကျခြင်း၊[၃၅] မန္တလေးတက္ကသိုလ် ပင်မဆောင် မီးစွဲလောင်ပြီး အဆောက်အဦးထဲတွင် လူအချို့ ပိတ်မိခြင်း၊[၃၆]နှင့် စိန်ပန်းရပ်တွင် မီးလောင်ကျွမ်းခြင်းတို့ဖြစ်ပွားသည်။[၃၇]မန္တလေးတက္ကသိုလ် ပင်မဆောင်ပြိုကျပြီး နောက်ဆက်တွဲမီးလောင်မှုကြောင့် ၂၀၂၄-၂၀၂၅ ပညာသင်နှစ် တက္ကသိုလ်ဝင်တန်း စာမေးပွဲအဖြေလွှာများ မီးထဲပါသွားသည်။ မန္တလေးတိုင်း၊ စစ်ကိုင်းတိုင်းနှင့် ကချင်ပြည်နယ်တို့မှ ကျောင်းသူကျောင်းသားများ၏ စာမေးပွဲအဖြေလွှာများဖြစ်သည်။ အင်းဝအနီး ရန်ကုန်-မန္တလေးလမ်းပိုင်းရှိ မြစ်ငယ်မြစ်ကူး ဒုဌဝတီတံတားဟောင်းကျိုးပြီး ကားအချို့ ပြုတ်ကျမှုရှိသည်ဆိုသော်လည်း အတည်ပြုနိုင်ခြင်း မရှိသေးပါ။[၃၈] ဘုန်းကြီးကျောင်း အဆောက်အဦးတစ်လုံး ပြိုကျမှုအတွင်း ကလေးသူငယ်များနှင့် သံဃာတော်များအပါအဝင် လူ ၂၀ ကျော် သေဆုံး ဒဏ်ရာရသည်။[၃၉][၄၀] မန္တလေးမြို့တွင် ဗလီများအပါအဝင် သာသနိကအဆောက်အဦး စုစုပေါင်း ၃၀ ကျော်ပျက်စီးခဲ့ပြီး ၎င်းတို့ထဲမှ အချို့မှာ နှစ်ပေါင်းတစ်ရာကျော်သက်တမ်းရှိသည်။[၄၁]

ငလျင်ကြောင့် လဲပြိုလျက်ရှိသော မန္တလေးမြို့ရှိ အဆောက်အဦတစ်ခု

မဟာအောင်မြေမြို့နယ်တွင် နှစ်ထပ် လဘက်ရည်ဆိုင်တစ်ဆိုင် (ရွှေကြည်မိုး) ပြိုကျမှုအတွင်း လူ ၇၀ ဝန်းကျင် ပိတ်မိခဲ့သည်။ ပြည်ကြီးတံခွန်မြို့နယ်ရှိ သုံးထပ်ကားအပိုပစ္စည်းအရောင်းဆိုင် ပြိုကျပြီး ဝန်ထမ်း ၁၀ ဦးကျော်ပိတ်မိခဲ့သည်။[၄၂] မန္တလေးရေစစ်ကန်အနီးရှိ အထပ် (၁၁)ထပ်ရှိသော Sky Villa Condo သည် မြေညီထပ်အပါအဝင် (၅)ထပ် မြေကြီးအတွင်းသို့ ကျွံကျကာ လူအများ ပိတ်မိနေပြီး ကယ်ဆယ်ရေးလုပ်ငန်းများ ဆောင်ရွက်နေပါသည်။ ဆောက်လုပ်ဆဲ အဆောက်အဦးတစ်လုံး ပျက်ပြားမှုအတွင်း လူ ၈ ဦးသေဆုံးပြီး အများအပြား ပိတ်မိသည်။[၄၃] ပျော်ဘွယ်မြို့ရှိ ဗလီနှင့် တက္ကသိုလ်အဆောက်အဦး ပြိုကျမှုထဲ နှစ်ဦးသေဆုံးကြောင်း သိရ၏။[၄၄]ll မဟာအောင်မြေဘုံစံကျောင်းတိုက်(မယ်နုအုတ်ကျောင်း)လည်း ပျက်စီးခဲ့သည်။[၄၅] မန္တလေးကျုံးမြို့ရိုးနှင့် မဟာမြတ်မုနိဘုရားတန်ဆောင်းလည်း အပျက်အစီးများရှိခဲ့သည်။[၄၆] ရန်ကုန်-မန္တလေး အမြန်လမ်ပိုင်း နေရာအချို့ပျက်စီးခြင်းနှင့် မန္တလေးတွင် ဆည်တစ်ခုကျိုးပေါက်ပြီး ရေးကြီးရေလျှံမှုဖြစ်ခဲ့သည်။[၄၇] ရမည်းသင်းတွင် လူ ၄၀ ကျော်သေဆုံးပြီး ၆၀ ဒဏ်ရာရကြောင်း ထုတ်ပြန်သည်။[၄၈] ကျောက်ဆည်၌ လူ ၃၀ သေဆုံး၊ ၇၃၂ ဦးဒဏ်ရာရကြောင်း သက်ဆိုင်ရာမှ အတည်ပြုခဲ့သည်။ ပျော်ဘွယ်တွင် နောက်ထပ်ခြောက်ဦးသေဆုံးကြောင်း ထုတ်ပြန်ခဲ့သည်။ မိတ္ထီလာတွင် လူနေအိမ်နှင့် ဘာသာရေးအဆောက်အဦးများမှ ငလျင်ဒဏ်ကို ခံစားခဲ့ရပြီး ပြိုကျပျက်စီးမှုကြုံရသည်။ ဘုံးအိုးရွာတွင် လူသေရုပ်အလောင်း ၁၀၀ တွေ့ရှိရကြောင်း ရှာဖွေရေးနှင့် ကယ်ဆယ်ရေးအဖွဲ့များက ထုတ်ပြန်၏။[၂၈] မတ္တရာမြို့နယ်တွင် လူနေအိမ်များနှင့် စေတီပုထိုးများ ပြိုကျခဲ့သည်။[၄၉]

စစ်ကိုင်းမြို့နယ်အတွင်း လူ ၁၈ ဦးသေဆုံးပြီး ၃၀၀ ထိခိုက်ဒဏ်ရာရခဲ့ကာ[၅၀] မတ်လ ၃၀ ရက်ထုတ်ပြန်ချက်အရ သေဆုံးသူအရေအတွက် ၂၀၀ ကျော်လာပြီး ပိတ်မိသူအရေအတွက် များစွာကျန်နေသည်။ အင်းဝတံတားဟောင်း ပြိုကျခဲ့ရသည်။[၅၁][၅၂]

နေပြည်တော်တွင် ၉၆ ဦးသေဆုံးပြီး ၄၃၂ ဦးထိခိုက်ဒဏ်ရာရကြောင်း သက်ဆိုင်ရာမှ ထုတ်ပြန်သည်။[၅၀] နေပြည်တော် အပြည်ပြည်ဆိုင်ရာလေဆိပ်ရှိ လေကြောင်းထိမ်းသိမ်းရေးတာဝါကျိုးကျပြီး ဝန်ထမ်းခြောက်ဦးသေဆုံးခဲ့သည်။ [၅၃][၅၄] [၅၅] လူနေအိမ်များနှင့် ဘာသာရေးဆိုင်ရာ အဆောက်အဦးများ ပျက်စီးမှုလည်းရှိသည်။[၅၆] ကုတင် ၁၀၀၀ ဆေးရုံသို သေဆုံးသူ လူ ၂၀ ၏ရုပ်အလောင်းများအပါအဝင် ရာနှင့်ချီသော ထိခိုက်ဒဏ်ရာရထားသူများကို ပို့ဆောင်ကြသည်။[၅၇] [၃၆] တပ်မတော်ပိုင် အဆောက်အဦးများ၊ ပြည်ထောင်စုလွှတ်တော်အပါအဝင် အစိုးရအဆောက်အဦးများနှင့် ဝန်ထမ်းအိမ်ရာများ အကြီးအကျယ်ပျက်စီးသည်။ [၅၈] ဌာနဆိုင်ရာ အဆောက်အဦးများ ပြိုကျမှုအတွင်း အလုပ်သမား ဝန်ကြီးဌာနရှိ အဆင့်မြင့်အရာရှိအချို့နှင့် အခြားပြည်တွင်းပြည်ပအရာရှိများ အသက်ဆုံးရှုံးသည်။[၅၉][၆၀] ပျဉ်းမနားတွင် ပြိုကျသွားသော အဆောက်အဦးများနှင့် ကျောင်းတိုက်များအောက် အပျက်အစီးများအတွင်း ရုပ်အလောင်း ၈၆ လောင်းတွေ့ရှိသည်။ [၆၁]

အင်းလေးကန် ပတ်ဝန်းကျင်ရှိ ကျေးရွာများအပါအဝင် ရှမ်းပြည်တောင်ပိုင်း၊ ညောင်ရွှေမြို့နယ်တွင် အနည်းဆုံး လူ ၃၆ ယောက် သေဆုံးသည်။[၆၂] ဖောင်တော်ဦးဘုရား ကိန်းဝပ်စံပယ်ရာ နမ့်ဟူးရွာရှိ ကျောင်းအချို့အပါအဝင် သာသနိကအဆောက်အဦးများ ပြိုကျ ပျက်စီးမှုများရှိသည်။ ၂၉ ရက်နေ့ ညနေပိုင်းအထိ ရရှိထားသော အချက်အလက်အရ အလုံးစုံပြိုကျပျက်စီးသော လူနေအိမ် ၁၇၅၁ လုံးနှင့် တစ်စိတ်တပိုင်း ပြိုကျလူနေအိမ် ၉၂ လုံး၊ ဟိုတယ်ပြိုကျ ပျက်စီးမှု ၁၀ လုံးရှိကြောင်း၊ သေဆုံးသူအရေအတွက် ၅၀ ဦးရှိကြောင်း သိရသည်။ [၆၃] အောင်ပန်းတွင် ဟိုတယ်တစ်လုံး ပြိုကျမှုအတွင်း နှစ်ဦးသေဆုံးကာ ဆယ့်ခြောက်ဦး ဒဏ်ရာရပြီး အယောက်နှစ်ဆယ်ခန့် ပိတ်မိခဲ့သည်။[၆၄] [၅၃]

ပဲခူးတိုင်း၊ တောင်ငူမြို့နယ်တွင် ကျောင်းပြိုကျမှုကြောင့် ကလေးငါးယောက် အသက်ဆုံးရှုံးပြီး ဗလီတစ်လုံး ပြိုကျမှုအတွင်း လူ ၁၄ ဦးသေဆုံးသည်။[၄၄] တောင်ငူမြို့ရှိ ရွှေဆံတော်ဘုရားနှင့် မြတ်စောညီနောင်စေတီမှ နောင်တော်စေတီတို့ ထိခိုက်ပျက်စီးသည်။ ဘုန်းကြီးကျောင်းဆောင်တစ်ခု ပြိုကျမှုအတွင်း စစ်ဘေးရှောင် ကလေးများ ၂၀ ကျော်ပိတ်မိသည်။[၆၅] ဖြူးမြို့တွင် အိမ်နံရံလဲမှုကြောင့် မိသားစုဝင် ၄ ဦးသေဆုံးသည်။[၆၆]

ရန်ကုန်တွင် ငလျင်ကြောင့် အသေးစားပျက်စီးမှုဖြစ်ပေါ်ခဲ့ပြီး ဖုန်းလိုင်းမမိခြင်း၊ လျပ်စစ်မီးပြတ်တောက်ခြင်းများ ကြုံတွေ့ရသည်။[၆၇]

ပြည်တွင်း တုံ့ပြန်လုပ်ဆောင်မှုများ

မြန်မာနိုင်ငံ

နိုင်ငံတော်စီမံအုပ်ချုပ်ရေးကောင်စီက ငလျင်ဒဏ်သင့်သွားသော စစ်ကိုင်းတိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ ရှမ်းပြည်နယ်နှင့် နေပြည်တော်ကောင်စီနယ်မြေ ဒေသခြောက်ခုကို အရေးပေါ်အခြေအနေ ကြေညာခဲ့သည်။ ယာယီသမတနှင့် ဝန်ကြီးချုပ် မင်းအောင်လှိုင်က နေပြည်တော်ရှိ ဆေးရုံတစ်ရုံတွင် ထိခိုက်ဒဏ်ရာရ လူနာများကို လိုက်လံကြည့်ရှုခဲ့သည်။ နိုင်ငံတကာ လူသားချင်းစာနာထာက်ထားမှု အကူအညီပေးကြရန်လည်း တောင်းဆိုခဲ့သည်။[၆၈][၆၉] မန္တလေး၊ နေပြည်တော်နှင့် စစ်ကိုင်းမြို့ရှိ ဆေးရုံများ၌ လူနာများပြည့်ကြပ်နေသလို သွေးအလှူရှင်များ လိုအပ်နေကြောင်း နိုင်ငံတော်စီမံအုပ်ချုပ်ရေးကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောခဲ့သည်။[၇၀]

အရေးပေါ် ကူညီကယ်ဆယ်ရေးအတွက် နိုင်ငံတကာအား အမျိုးသားညီညွတ်ရေး အစိုးရကအကူအညီတောင်းခံခဲ့သည်။ နောက်ဆက်တွဲ ငလျင်များ ရှိနိုင်သေးသည့်အတွက် ပြည်သူများ နိုးနိုးကြားကြားနေကြရန်လည်း ဆိုသည်။[၇၁] ငလျင်လှုပ်ပြီးနောက်ရက်တွင် ကုလသမဂ္ဂနှင့် အစိုးရမဟုတ်သော အဖွဲ့များနှင့် လူသားချင်းစာနာမှု အကူအညီများ ညှိနှိုင်းဆောင်ရွက်ရန်အတွက် ထိုးစစ်များ နှစ်ပတ်ကြာ ရပ်နားထားမည်ဟု အမျိုးသားညီညွတ်ရေးအစိုးရက ကြေညာခဲ့သည်။[၇၂] သို့သော်လည်း တော်လှန်ရေးတပ်ဖွဲ့များ ရှိနေသည့် ကျေးရွာများသို့ လေကြောင်းတိုက်ခိုက်မှုများကို တပ်မတော်က ဆက်လက်လုပ်ဆောင်နေဆဲ ဖြစ်သည်။[၇၃]

ရှာဖွေကယ်ဆယ်ရေးများ ကူညီဆောင်ရွက်ရန်အတွက် ဧရာဝတီနှင့် ရန်ကုန်တိုင်းဒေသကြီးတို့မှ ရှာဖွေကယ်ဆယ်ရေးအဖွဲ့များ နေပြည်တော်သို့ ထွက်ခွာလာခဲ့ကြသည်။[၇၄] ကူညီသူနည်းပါးသည့်အတွက် ကယ်ဆယ်ရေးလုပ်ငန်းများ နှောင့်နှေးလျက်ရှိသည်ဟု မန္တလေးမြို့ရှိ သတင်းသမားများက ဆိုသည်။ ပြိုကျပျက်စီးလျက်ရှိသော အဆောက်အဦများစွာကို ရှာဖွေရန် ကျန်ရှိနေဆဲဖြစ်ပြီး ရှာဖွေပြီးသည့် အဆောက်အဦများထဲမှ အသက်ရှင်ကျန်ရစ်သူ အနည်းငယ်ကို ကယ်ဆယ်ထားနိုင်ခဲ့သည်။[၇၅]ဦးအောင်ကိုဝင်း နာယကအဖြစ်ဦးဆောင်သည့် ကမ္ဘောဇဖောင်ဒေးရှင်း နှင့် ကမ္ဘောဇဘဏ် တို့က ကျပ်ငွေ ၁၅ ဘီလီယံ ကနဦးမတည် လှူဒါန်းပြီး ငလျင်ဘေးဒဏ်သင့်ဒေသများသို့ သွားရောက်ကူညီမှုများ စတင်သည်။ယင်းအပြင် ဧရာဝတီဖောင်ဒေးရှင်း နှင့် ဧရာဝတီဘဏ် တို့ကလည်း စက်ယန္တရားများ အသုံးပြု၍ ကူညီကယ်ဆယ်ရေးလုပ်ငန်းများ အပါအဝင် စက်သုံးဆီ နှင့် စားနပ်ရိက္ခာများ ပံ့ပိုးထောက်ပံ့ခြင်းများ ဆောင်ရွက်ကြသည်။အလားတူ ဦးခင်မောင်အေး ဦးဆောင်သည့် CB Bank နှင့် CB-KMA Foundation ကလည်း ကနဦး ငွေကျပ် ၁၀ ဘီလီယံ မတည်ပြီး ငလျင်ဘေးသင့်ဒေသများတွင် ကယ်ဆယ်ရေးနှင့်ပြန်လည်ထူထောင်ရေးလုပ်ငန်းစဉ်များ ဆောင်ရွက်ကြသည်။

၂၀၂၅ ခုနှစ် ဧပြီ ၁ရက်နေ့တွင် နေပြည်တော်၌ ငလျင်ဘေးဒဏ်သင့် ဒေသများအတွက် ကူညီကယ်ဆယ်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် ထင်ရှားသည့် စီးပွားရေးလုပ်ငန်းရှင်များ ဖြစ်သည့် ဦးထွန်းမြင့်နိုင် ၊ဦးဇော်ဇော် ၊ ဦးဇော်ဝင်းရှိန်၊ဦးအေးဝင်း၊ဦးသတိုးဟိန်း၊ဦးတေဇ မိသားစု၊ဦးမောင်ဝိတ် အစရှိသည့် အလှူရှင်များက ငွေသားကျပ် ၁၀၄ ဒသမ ၄၄ ဘီလီယံ၊ အလှူပစ္စည်း ၁၂ ဒသမ ၄ ဘီလီယံ၊ စုစုပေါင်း ၁၁၆ ဒသမ ၈၄ ဘီလီယံတို့ကို ပေးအပ်လှူဒါန်းကြသည်။[၇၆]

ထိုင်းနိုင်ငံ

ထိုင်းဝန်ကြီးချုပ် ပေထုံတန် ရှင်နာဝပ်ထရာက ဖူးခက်တွင် တက်ရောက်ရန်ရှိသော ခရီးသွားလာရေး အစည်းအဝေး ခရီးစဉ်ကို ဖျက်သိမ်းပြီး ဘန်ကောက်သို့ ပြန်လာကာ သဘာဝဘေးအန္တရာယ်ဆိုင်ရာ အရေးပေါ်အစည်းအဝေး ခေါ်ယူခဲ့သည်။[၇၇] [၅၅] ထို့နောက် ချာတူချက်ရှိ ပြိုကျပျက်စီးသွားသော နိုင်ငံတော် စာရင်းစစ်ရုံးကို လာရောက်ကြည့်ရှုစစ်ဆေးပြီး လိုအပ်သည်များ မှာကြားခဲ့သည်။ [၇၈] [၇၉] ငလျင်ကြောင့် ဒဏ်ရာရခဲ့သူများကို ထိုင်းဘုရင်မှ အားပေးစကားပြောကြားမည်ဖြစ်ကြောင်းလည်း ဝန်ကြီးချုပ်က ပြောဆိုသွားသည်။[၈၀]

ဘန်ကောက်မြို့တော်အုပ်ချုပ်ရေးမှူးက မြို့တော်ကို အဆင့် ၂ ဘေးအန္တရာယ်ကျရောက်ဧရိယာအဖြစ် ကြေညာခဲ့သည်။[၈၁] [၈၂] လိုအပ်ပါက လူများကို နေရာချပေးရေးအတွက် လုံဖီနီပန်းခြံ၊ ဘင်ချာသီရိပန်းခြံ၊ ဘင်ဂျာကစ်တီပန်းခြံ နှင့် ချာတူချက်ပန်းခြံများကို ညလုံးပေါက်ဖွင့်ထားရန် ညွန်ကြားခဲ့သည်။[၈၃] လူ (၄၀၀) ဝန်းကျင်က မြို့တွင်းပန်းခြံများထဲ ညတွင်းချင်း တဲထိုးအိပ်ခဲ့ကြသည်။[၈၄] သုဝဏ္ဏဘူမိလေဆိပ်သို့ အကြိုအပို့ပြုလုပ်ရေးတွင် အငှားယာဉ်ပြတ်လပ်မှု မဖြစ်ပေါ်စေရန်ပို့ဆောင်ရေးဝန်ကြီးက ဘတ်စ်ကားများ တိုးမြှင့်ပြေးဆွဲစေခဲ့သည်။ ပညာရေးဝန်ကြီးက တစ်နိုင်ငံလုံးအတိုင်းအတာဖြင့် ကျောင်းများပိတ်ထားရန် ညွန်ကြားခဲ့သည်။ ကျန်းမာရေးဝန်ကြီးက အရေးပေါ်ဖုန်းဝန်ဆောင်မှု (hotlines services) ကို တိုးချဲ့ဖွင့်ပေးခဲ့ပြီး ငလျင်နှင့်ဆက်စပ်သော ဖုန်းခေါ်ဆိုမှု အနည်းဆုံး ၁၅၉၈ ကြိမ်ရှိခဲ့သည်။ [၈၅] [၈၆] [၈၇] [၈၈] ပထုံဌာနီနှင့် ဖရေစီရင်စုတို့ကို အရေးပေါ် ဘေးအန္တရာယ် အကူအညီပေးရေးဇုန်များအဖြစ် ကြေညာသည်။[၈၉] ငလျင်ဆိုင်ရာ စာတိုပေးပို့ချက် နှောင်းနှေးကြန့်ကြာမှုကြောင့် ထိုင်းတွင် ဝေဖန်မှုများ မြင့်တက်ခဲ့သည်။[၉၀]

မတ်လ ၃၀ ရက်တွင် ထိုင်းပြည်ထဲရေးဝန်ကြီး အနုတင်ချန်ဗီရာကု က စာရင်းစစ်ရုံးအဆောက်အဦး ပြိုကျမှု အကြောင်းရင်းကို တစ်ပတ်အတွင်း အပြီးစုံစမ်းစစ်ဆေးရန် ပြောကြားသွားသည်။ တရုတ်နိုင်ငံ၏ သဘာဝဘေးအန္တရာယ် ကျွမ်းကျင်သူများမှ ကူညီစုံစမ်းပေးမည်ဖြစ်ကြောင်းလည်း ဝန်ကြီးက ပြောခဲ့သည်။[၉၁] ထိုင်းအစိုးရ၏ စောင့်ကြည့်ရေးအဖွဲ့တစ်ဖွဲ့ဖြစ်သည့် ထိုင်း အကတိလိုက်စားမှု တိုက်ဖျက်ရေးအဖွဲ့က အဆောက်အဦးအပျက်အစီးများထဲရှိ သံချောင်းနမူနာများ ကောက်ယူပြီးနောက် အရည်အသွေးမမီသော သံမဏိချောင်းများတွေ့ရ၍ စစ်ဆေးမှုပြုနေသည်။[၉၂] ၂၀၂၅ ခု မတ်လ ၃၁ ရက်တွင် တိုက်ခန်းများ အက်ကွဲရာထင်ခြင်းနှင့် လှုပ်ခါမှု သတင်းပေးပို့ချက်ကြောင့် ဘန်ကောက်ရှိ အဆောက်အဦးများထဲမှ လူအများ ထွက်ခွာစေခဲ့ကြသည်။ အစောပိုင်း သတင်းပေးပို့ချက်များအရ နောက်ဆက်တွဲငလျင်များကြောင့် ဖြစ်ရသည်ဟုဆိုသော်လည်း မတ်လ ၃၁ ရက်တွင် ဖြစ်ပွားသော နောက်ဆက်တွဲငလျင်မှာ ထိုင်းနိုင်ငံအပေါ် ထိခိုက်မှုရှိလောက်အောင် အားမပြင်းကြောင်း ဘေးအန္တရာယ် ကာကွယ်ရေးနှင့် လျော့ချရေးဌာနက အတည်ပြုခဲ့သည်။[၉၃] အက်ကွဲကြောင်းများမှာ အသစ်မဟုတ်ပဲ မတ်လ ၂၈ ရက်တွင် ဖြစ်ပေါ်ခဲ့ခြင်းဖြစ်ကြောင်း မြို့တော်အင်ဂျင်နီယာများက ရှင်းပြရာ မှားယွင်းသတင်းပို့မှုဖြစ်သည်ဟု တာဝန်ရှိသူများက နောက်ပိုင်းတွင် အတည်ပြုခဲ့သည်။[၉၄][၉၅] ကျန်းမာရေးဝန်ကြီးမှလည်း ငလျင်ဒဏ်ခံရပြီးနောက် လူများ၏ ငလျင်အပေါ် စိုးရိမ်ပူပန်မှုကို ထောက်ပြခဲ့သည်။[၉၆]

ငလျင်ကြောင့် အသက်ဆုံးရှုံးသူများ၊ ဒုက္ခရောက်သူများအတွက် တစ်မိနစ်ကြာ ငြိမ်သက်မှုကို မတ်လ ၃၁ ရက်တွင် ထိုင်းလွတ်တော်၌ လုပ်ဆောင်ခဲ့ကြသည်။[၉၇]

တရုတ်နိုင်ငံ

ယူနန်အာဏာပိုင်များက စီရင်စုအတွင်းရှိ ငလျင်ဒဏ်သင့်ရာသို့ ကယ်ဆယ်ရေးလုပ်ငန်းဆောင်ရွက်ရန် ကယ်ဆယ်ရေးလုပ်သူ ၆၄၆ ဦးနှင့် ခွေး ၁၄ ကောင် စေလွှတ်ခဲ့သည်။[၉၈]

နိုင်ငံတကာ လူသားချင်းစာနာမှု အကူအညီများ

အပြည်ပြည်ဆိုင်ရာ အဖွဲ့အစည်းများ

နိုင်ငံအသီးသီးမှ လူသားချင်းစာနာမှု အကူအညီများ ပေးအပ်မည့်အကြောင်း ကတိပြုခဲ့ကြသည်။ မြန်မာနိုင်ငံသည် အိန္ဒိယနိုင်ငံနှင့် အာဆီယံ လူသားချင်းစာနာထောက်ထားမှု အကူအညီ ညှိနှိုင်းရေးစင်တာမှ အကူအညီကို လက်ခံခဲ့သည်။ ကုလသမဂ္ဂက အရေးပေါ်အကူအညီများအတွက် စုစုပေါင်း အမေရိကန်ဒေါ်လာ ၅ သန်း ထောက်ပံ့ပေးသွားမည်ဟု ပြောကြားခဲ့သည်။[၉၉] ကုလသမဂ္ဂ ဂြိုဟ်တုဌာန UNOSAT က လူသားချင်း စာနာထောက်ထားမှုဆိုင်ရာ ညှိနှိုင်းရေးရုံး OCHA ကိုယ်စား လူ့အခွင့်အရေးဆိုင်ရာ ဂြိုဟ်တုပုံရိပ်အကူအညီ ကျယ်ကျယ်ပြန့်ပြန့်ပေးရန် မတ်လ ၂၈ ရက် UTC ၁၀:၂၁ အချိန်တွင် နိုင်ငံတကာ အာကာသနှင့် အဓိကဘေးအန္တရယ်များ ပဋိဉာဉ်စာချုပ်အဖွဲ့ International Charter Space and Major Disasters ကို ညွန်ကြားသည်။[၁၀၀] အပြည်ပြည်ဆိုင်ရာ ကြက်ခြေနီနှင့် လခြမ်းနီအသင်းများ ဖက်ဒရေးရှင်းက ငလျင်ဒဏ်ခံပြည်သူများအား အကူအညီပေးရန် အမေရိကန်ဒေါ်လာ သန်း ၁၀၀ ကျော်ရှိ အရေးပေါ် အကူအညီကို တောင်းခံခဲ့သည်။[၁၀၁]

နိုင်ငံအလိုက် အကူအညီများ

ဆေးဝါးများ၊ မိုးကာတဲများ၊ အစာခြောက်များနှင့် ဆေးဝန်ဆောင်မှုများပါဝင်သည့် ကယ်ဆယ်ရေးပစ္စည်းများနှင့်အတူ ကယ်ဆယ်ရေးနှင့် ဆေးအဖွဲ့ကို မြန်မာနိုင်ငံသို့ စေလွှတ်ရန် ဘင်္ဂလားဒေ့ရှ်နိုင်ငံ အကြံပေးအရာရှိချုပ် မိုဟာမက်ယူနွတ် က အမိန့်ပေးခဲ့သည်။[၁၀၂] အဆိုပါ ထောက်ပံ့ရေးပစ္စည်းများအား ဘင်္ဂလားဒေ့ရှ် တပ်မတော်နှင့် လေတပ်တို့၏ လေယာဉ်သုံးစင်းဖြင့် နှစ်သုတ်ခွဲကာ ပေးပို့မည် ဖြစ်သည်။[၁၀၃]

မြန်မာနိုင်ငံသို့ ကနဦး အမေရိကန်ဒေါ်လာတစ်သိန်း ကူညီမည်ဟု ကမ္ဘောဒီးယားနိုင်ငံက ကတိပြုခဲ့သည်။[၁၀၄]

အမေရိကန်ဒေါ်လာ ၁၃.၇၇ သန်းတန်ဖိုးရှိ မိုးကာတဲများ၊ စောင်များ၊ ဆေးပစ္စည်းများ၊ အာဟာရများနှင့် အခြားပစ္စည်းများကို ထောက်ပံ့ပေးမည်ဟု မြန်မာနိုင်ငံရှိ တရုတ်သံရုံးက ဆိုသည်။[၁၀၅] မတ်လ ၂၉ ရက်နေ့တွင် ယူနန်ပြည်နယ်မှ ရှာဖွေကယ်ဆယ်ရေးအဖွဲ့ဝင် ၃၇ ဦးသည် ရန်ကုန်မြို့သို့ ရောက်ရှိလာခဲ့ပြီး ကယ်ဆယ်ရေးလုပ်ငန်းများတွင် ပါဝင်ကူညီရန် နေပြည်တော်သို့ ထွက်ခွာခဲ့သည်။ ဆရာဝန်နှင့် ကယ်ဆယ်ရေးသမား ၁၂၀ ပါဝင်သော အဖွဲ့ကို လေယာဉ်နှစ်စင်းဖြင့် ရုရှားဖက်ဒရေးရှင်း အရေးပေါ်အခြေအနေဝန်ကြီးဌာနက စေလွှတ်ခဲ့သည်။[၁၀၆] ဗြဟ္မာစစ်ဆင်ရေး၏ တစ်စိတ်တစ်ပိုင်းအဖြစ် ကူညီကယ်ဆယ်ရေးပစ္စည်းများဖြစ်သော အကာအရံနှင့် ဆေးပစ္စည်း တန်ချိန် ၁၅ တန်ကျော်ကို အိန္ဒိယလေတပ်က လေယာဉ်တစ်စင်းဖြင့် ပို့ဆောင်ပေးခဲ့သည်။[၁၀၇][၁၀၈] လူသားချင်းစာနာမှု အကူအညီ အမေရိကန်ဒေါ်လာ ၂ သန်းကို တောင်ကိုရီးယားနိုင်ငံက လည်းကောင်း[၁၀၉] နယူးဇီလန်ဒေါ်လာ ၂ သန်းကို နယူးဇီလန်နိုင်ငံကလည်းကောင်း ပေးအပ်မည့်အကြောင်း အသီးသီးကတိပြုခဲ့ကြသည်။[၁၁၀] မလေးရှား သဘာဝဘေးအန္တရာယ် ကူညီကယ်ဆယ်ရေး အထူးတပ်ဖွဲ့ဝင် ၅၀ ကို မလေးရှားနိုင်ငံက မြန်မာနိုင်ငံသို့ စေလွှတ်ခဲ့သည်။[၁၁၁] မြန်မာနိုင်ငံတွင်း ဖိလစ်ပိုင်နိုင်ငံသား လေးဦး ပျောက်ဆုံးလျက်ရှိသည့်အတွက်[၁၁၂] အရေးပေါ်ကယ်ဆယ်ရေးအဖွဲ့ဝင် ၁၀၀ ကို စေလွှတ်မည်ဟု ဖိလစ်ပိုင်နိုင်ငံက ဆိုသည်။[၁၁၃] စင်ကာပူပြည်သူ့ကာကွယ်ရေးတပ်ဖွဲ့က ရှာဖွေကယ်ဆယ်ရေးအတွက် အဖွဲ့ဝင် ၈၀ ကို စေလွှတ်ခဲ့သည်။[၁၁၄] ရှာဖွေရေးနှင့် ကယ်ဆယ်ရေးအဖွဲ့ဝင် ၄၉ ဦးကို ထိုင်းတော်ဝင်တပ်မတော်က မြန်မာနိုင်ငံသို့ စေလွှတ်မည်ဟု ပြောကြားခဲ့သည်။[၁၁၅] အမေရိကန်သမ္မတ ဒေါ်နယ်လ် ထရမ့်က မြန်မာနိုင်ငံသို့ အကူအညီများ ပေးပို့မည်ဟု ပြောကြားခဲ့သည်။[၁၁၆] ရှာဖွေရေးနှင့် ကယ်ဆယ်ရေးအဖွဲ့ဝင် ၅၁ ဦးနှင့် ရှာဖွေကယ်ဆယ်ရေး ခွေးနှစ်ကောင်ပါဝင်သော အဖွဲ့ကို ဟောင်ကောင်ကလည်း စေလွှတ်ခဲ့သည်။[၁၁၇]

မြန်မာနိုင်ငံရှိ ငလျင်ဘေးဒဏ်သင့် ပြည်သူများအတွက် ယူကေအစိုးရက စတာလင်ပေါင် ၁၀ သန်းထောက်ပံ့ကြောင်း မတ်လ ၂၉ ရက်တွင် ကြေညာခဲ့သည်။ ယူကေမှ ရန်ပုံငွေ ထောက်ပံ့ပေးထားသော ပြည်တွင်းမိတ်ဖက်များနှင့် လက်တွဲကာ အရေးတကြီး အကူအညီလိုအပ်နေသူများကို ကူညီနိုင်ရန် ကြိုးပမ်းနေသည်။ ငလျင်ဒဏ် အဆိုးရွားဆုံးကျရောက်သော ဧရိယာများ၌ အစားအစာ၊ ရေ၊ ဆေးဝါးနှင့် အမိုးအကာများ ထောက်ပံ့မှုတိုးမြှင့်မည်ဖြစ်သည်။[၁၁၈] ၂၀၂၅ ခုနှစ် ဧပြီ ၁ရက် တွင် နေပြည်တော်လေဆိပ် ရုရှား၊ အင်ဒိုနီးရှား၊ ထိုင်း၊ ဘူတန်၊ ဖီလစ်ပိုင်၊ လာအို နှင့် ဘင်္ဂလားဒေ့ရှ် နိုင်ငံများမှ ကယ်ဆယ်ရေးအဖွဲ့များ၊ ဆေးအဖွဲ့များလိုက်ပါလာသည့် လေယာဉ် ၁၄စင်း သည် လူသားချင်းစာနာမှုဆိုင်ရာအကူအညီပစ္စည်းများ အပါအဝင် ဆေးဝါးများနှင့်အတူ ရောက်ရှိလာသည်။ယင်းကယ်ဆယ်ရေးအဖွဲ့များသည် ငလျင်ဘေးသင့်ဒေသများသို့ အဖွဲ့ခွဲပြီး ကယ်ဆယ်ရေးနှင့် ကုသရေးလုပ်ငန်းများဆောင်ရွက်ကြသည်။၂၀၂၅ ခုနှစ် ဧပြီ ၂ရက်တွင် အဖွဲ့ဝင် ၃၁ ဦးပါ ဂျပန်နိုင်ငံ သဘာဝဘေးအန္တရာယ်ကူညီကယ်ဆယ်ရေးဆေးဘက်ဆိုင်ရာနည်းပညာအဖွဲ့ ရောက်ရှိသည်။

အာရှဖွံ့ဖြိုးရေးဘဏ် (ADB) က ဒေါ်လာ ၃ သန်းထောက်ပံ့မည်ဖြစ်ပြီး ၎င်းငွေဖြင့် ကမ္ဘာ့စားနပ်ရိက္ခာအစီအစဉ် (WFP) မှတဆင့် အစားအစာ၊ သောက်သုံးရေ၊ ဆေးဝါးနှင့် အမိုးအကာလိုအပ်ချက်များကို ဖြည့်ဆည်းပေးသွားမည်ဆို၏။ ဂျပန်နိုင်ငံ၏ နိပွန်ဖောင်ဒေးရှင်းမှ ဒေါ်လာ ၃ သန်းတန်ဖိုးရှိ အရေးပေါ်အကူအညီများကို ထောက်ပံ့မည်ဟု သိရသည်။[၁၁၉] ကိုးရီးယားသရုပ်ဆောင်နှစ်ဦးကလည်း ဝမ်ငွေသန်း ၃၀ နှင့် သန်း ၅၀ လှူဒါန်းကူညီသည်။[၁၂၀] [၁၂၁]

နိုင်ငံအလိုက် လုပ်ဆောင်ချက်များ

နိုင်ငံတကာ ကူညီမှုအကျဉ်း
နိုင်ငံ တန်ဖိုးငွေ လူသားချင်း စာနာထောက်ထားမှု အကူအညီနှင့် ပံ့ပိုးမှု
ဩစတေးလျ A$၂ မီလီယံ အပြည်ပြည်ဆိုင်ရာ ကြက်ခြေနီကော်မတီ (ICRC) မှတဆင့် ငွေကြေးလှူခဲ့သည်။ အစားအစာ၊ ရေ၊ ကျန်းမာရေးကိစ္စ၊ အရေးပေါ် အသိပညာပေးရေးနှင့် ကျန်းမာရေးအသိ စသည်များလုပ်ဆောင်ရန် နောက်ထပ် ဩစတေးလျဒေါ်လာ ၃.၅ မီလီယံကို ၎င်းတို့၏ ဒေသတွင်းမိတ်ဖက်အဖွဲ့အစည်းများနှင့် အစိုးရမဟုတ်သော အဖွဲ့အစည်း (NGO) များသို့ ပေးခဲ့သည်။ အလျင်အမြန် တုံ့ပြန်ဆောင်ရွက်နိုင်ရေးအတွက် ဩစတေးလျက ဆောင်ရွက်ခဲ့သည်။ အရေးပေါ် ပူးပေါင်းဆောင်ရွက်ရေးအတွက် A$၅၀၀ ထောင်နှင့် အရေးပေါ်အထောက်အပံ့အဖြစ် အာဆီယံ လူသားချင်းစာနာထောက်ထားမှု သဘာဝဘေးအန္တရာယ် စီမံခန့်ခွဲရေးဌာနအတွက် နောက်ထပ် A$၃ မီလီယံကို ပေးအပ်ခဲ့သည်။ [၁၂၂][၁၂၃] ဖွံ့ဖြိုးရေးလုပ်ငန်း ပူးပေါင်းဆောင်ရွက်ရေးနှင့် လူသားချင်းစာနာထောက်ထားမှုအကူအညီပေးသည့် ဩစတေးလျအခြေစိုက် ကက်သလစ် အေဂျင်စီ Caritas Australia က အရေးပေါ်သုံး အမိုးအကာများ၊ အစားအစာ၊ အခြားအသုံးအဆောင်များနှင့် စိတ်ပိုင်းဆိုင်ရာပံ့ပိုးမှုများ လုပ်ခဲ့သည်။[၁၂၄]
ဘင်္ဂလားဒေ့ရှ် ဘင်္ဂလားဒေ့ရှ် အကြံပေးအရာရှိချုပ် မူဟာမက် ယူနွတ်စ် က ဆေးဝါး၊ တဲ၊ ရိက္ခာခြောက်နှင့် ကုသရေးအဖွဲ့များအပါအဝင် ကယ်ဆယ်ရေးတပ်ဖွဲ့များကို စေလွှတ်ခဲ့သည်။[၁၂၅] ထိုထောက်ပံ့မှုနှင့် ဆေးဝါးများကို ဘင်္ဂလားဒေ့ရှ် စစ်တပ်နှင့် လေတပ်မှ လေယာဉ်သုံးစင်းအသုံးပြုကာ နှစ်ကျော့ ပို့ဆောင်ပေးခဲ့ခြင်းဖြစ်သည်။[၁၂၆]
ဘီလာရု တဲများ၊ စောင်များနှင့် ရိက္ခာများအပါအဝင် အကူအညီပစ္စည်း တန် ၂၀ ကိုပေးအပ်ခဲ့သည်။ [၁၂၇]
ဘရူနိုင်း မတ်လ ၃၁ ရက်တွင် အဖွဲ့ဝင် ၃ ယောက်ပါသော ASEAN-ERAT အဖွဲ့ကို မြန်မာနိုင်ငံသို့ စေလွှတ်ခဲ့သည်၊[၁၂၈]
ကမ္ဘောဒီးယား US$၁၀၀ ထောင်[၁၂၉]
ကနေဒါ CA$၉.၇၅ မီလီယံ အရေးပေါ် ဆေးကုသရေး ထောက်ပံ့ခြင်း၊ အမိုးအကာ၊ အစားအစာနှင့် အခြားသော အခြေခံလိုအပ်သည်များ ပံ့ပိုးပေးခဲ့သည်။ အပြည်ပြည်ဆိုင်ရာ ကြက်ခြေနီကော်မတီ (IFRC) အဖွဲ့များကို ထောက်ကူရန်အတွက် ကနေဒါ ကြက်ခြေနီအဖွဲ့မှတဆင့် ကနေဒါဒေါ်လာ ၄ မီလီယံကိုလည်းကောင်း၊ CA$၂ မီလီယံကို ကမ္ဘာ့စားနပ်ရိက္ခာ အစီအစဉ် အတွက်လည်းကောင်း၊ ကုလသမဂ္ဂ လူသားချင်းစာနာထောက်ထားမှုအဖွဲ့ (OCHA) ၏ မြန်မာကို အကူအညီပေးရေးလုပ်ငန်းအတွက် CA$၂ မီလီယံကိုလည်းကောင်း၊ ကနေဒါ လူသားချင်းစာနာထောက်ထားရေးအဖွဲ့ မှတဆင့် CA$၁.၇၅ မီလီယံကိုလည်းကောင်း ထောက်ပံ့ကူညီပေးခဲ့သည်၊ [၁၃၀] ကနေဒါနိုင်ငံမှ Samaritan's Purse လူသားချင်းစာနာထောက်ထားရေး ခရစ်ယာန် အဖွဲ့အစည်းက သဘာဝဘေး ကျွမ်းကျင်သူ ၂၆ ဦးပါအဖွဲ့နှင့် အရေးပေါ်ဆေးရုံကို စေလွှတ်ခဲ့သည်။ [၁၃၁]
တရုတ် US$၁၅၀.၇၇ မီလီယံ ရွက်ဖျင်တဲများ၊ စောင်များ၊ ဆေးပစ္စည်းများ၊ စားစရာများနှင့် အခြားပစ္စည်းများအတွက် US$၁၃.၇၇ မီလီယံကို ကနဦးထောက်ပံ့ခဲ့သည်။[၁၃၂] တရုတ်နိုင်ငံ၊ ယူနန်ပြည်နယ်မှ အဖွဲ့ဝင် ၃၇ ဦးပါ ရှာဖွေကယ်ဆယ်ရေးအဖွဲ့တစ်ဖွဲ့ ရန်ကုန်သို့ ရောက်ရှိခဲ့သည်။ ကယ်ဆယ်ရေးကိရိယာ ၁၀၀ ကျော်ပါဝင်သော ထိုအဖွဲ့က ကယ်ဆယ်ရေးလုပ်ငန်းများ၌ ပါဝင်ရန် နေပြည်တော်သို့ ထွက်ခွာခဲ့ကြသည်။[၁၃၃] မတ်လ ၃၁ ရက်၌ ရွက်ဖျင်တဲများနှင့် ဆေးပစ္စည်းများတင်ဆောင်ထားသော ထရပ်ကား ၁၇ စီး မန္တလေးသို့ ဆိုက်ရောက်ခဲ့သည်။[၁၃၄] အစားအစာ၊ ဆေးဝါးနှင့် အဆင်သင့်တပ်ဆင်နိုင်သော အိမ်များ၊ ဆေးဝါးစရိပ်များ၊ ကပ်ရောဂါ ကာကွယ်ရေးနှင့် ဘေးအန္တရာယ် အကဲဖြတ်ရေးအဖွဲ့များအား ဧပြီလ ၁၀ ရက်တွင် ဘေကျင်းအစိုးရက စေလွှတ်ခဲ့သည်။[၁၃၅]
ချက်သမ္မတနိုင်ငံ ချက်သမ္မတနိုင်ငံမှ အစိုးရမဟုတ်သော ဒေသတွင်း အဖွဲ့အစည်းများ ( NGOs) (UNICEF, ADRA, Diakonie ČCE) က မြန်မာတွင် ငလျင်ဒဏ်ကြောင့် ဘေးဒုက္ခရောက်ရသူများကို ထောက်ပံ့ရန်အတွက် ရန်ပုံငွေရှာဖွေရေးပွဲများ ပြုလုပ်ခဲ့သည်။ [၁၃၆]
ဖင်လန် €၁ မီလီယံ စစ်ဘေးရှောင်များ၊ အထူးသဖြင့် အမျိုးသ်ီးများ၊ ကလေးသူငယ်များနှင့် မသန်မစွမ်းသူများအတွက် (IFRC) မှတဆင့် လှူဒါန်းခဲ့သည်။ [၁၃၇]
ပြင်သစ် မြန်မာနိုင်ငံသို့ အကူအညီများ ပေးပို့ရန် ပြင်သစ်နိုင်ငံက နိုင်ငံတကာ မိတ်ဖက်အဖွဲ့အစည်းများနှင့် ပူးပေါင်းလုပ်ဆောင်ခဲ့သည်။ [၁၃၈]

Médecins du Monde ခေါ် ကမ္ဘာ့ဆရာဝန်များ အဖွဲ့အစည်းက ငလျင်ဒဏ်ခံရသူများကို ကုသပေးနိုင်ရန် ၎င်းတို့၏ ကုသရေးရင်းမြစ်ပစ္စည်းများကို နေရာချခဲ့သည်။[၁၃၉]

ဂျာမနီ မြန်မာနိုင်ငံသို့ အကူအညီများ ပေးပို့ရန် ဂျာမနီနိုင်ငံက နိုင်ငံတကာ မိတ်ဖက်အဖွဲ့အစည်းများနှင့် ပူးပေါင်းလုပ်ဆောင်ခဲ့သည်။ [၁၄၀]

Malteser International က ငလျင်ဖြစ်ပွားရာဒေသသို့ အရေးပေါ် တုံ့ပြန်လုပ်ဆောင်မှုအဖွဲ့တဖွဲ့ကို ပို့ခဲ့သည်။ ဂျာမနီ အကူအညီပေးရေးအဖွဲ့အစဉ်းက ဒေသတွင်းမိတ်ဖက်အဖွဲ့အစည်းမျာနှင့် လက်တွဲပြီး အရေးပေါ် ဆေးဝါးကုသရေး ဆောင်ရွက်ပေးခဲ့သည်။ အစားအစာ၊ ရေ၊ အရေး၌ပေါ်ရွက်ဖျင်တဲနှင့် ဆေးအကူအညီများ ပေးခဲ့သည်။[၁၄၁] ဂျာမနီအရပ်ဘက် အေဂျင်စီတစ်ခုဖြစ်သည့် Welthungerhilfe က ယူရို €၁၀၀၀၀၀ အရေးပေါ်အကူအညီပေးခဲ့သည်။[၁၄၁]

ဟောင်ကောင် ရှာဖွေရေးနှင့် ကယ်ဆယ်ရေးအဖွဲ့ဝင် ၅၁ ဦးနှင့် ရှာဖွေရေး ခွေးနှစ်ကောင်ပါဝင်သော အဖွဲ့ကို ဟောင်ကောင်က စေလွှတ်ခဲ့သည်။ ဂြိုဟ်တုစနစ်သုံး အလိုအလျောက် ခြေရာခံကိရိယာများနှင့် သက်ရှိ ရှိ မရှိ အာရုံခံကိရိယာများအပါအဝင် ကုန်ပစ္စည်း ၉ တန်ကိုလည်း ကယ်ဆယ်ရေးအဖွဲ့က ယူဆောင်လာသည်။[၁၃၄]
အိန္ဒိယ Operation Brahma အမည်ဖြင့် အရေးကြီးသော ရွက်ဖျင်တဲများနှင့် ဆေးပစ္စည်းများအပါအဝင်ဖြစ်သော ထောက်ပံ့ရေးပစ္စည်း ၁၅ တန်ကို

အိန္ဒိယလေတပ်လေယာဉ်က သယ်ဆောင်လာခဲ့သည်။ [၁၄၂][၁၄၃] အိန္ဒိယအဖွဲ့မှ လူနာ ၂၀၀ ကိုကုသပေးနိုင်သော လဟာပြင်ဆေးခန်းတစ်ခုကို မန္တလေးတွင် ဖွင့်လှစ်ခဲ့သည်။ ပထမရက်အတွင်း အရေးပေါ် ခွဲစိတ်မှုနှစ်ခုအပါအဝင် လူနာ (၁၀၀) ကျော်ကို ကုသပေးနိုင်ခဲ့သည်။[၁၄၄]

အင်ဒိုနီးရှား ဆေးအကူအညီ၊ ရွက်ဖျင်တဲများ ဆင်ပေးခြင်းနှင့် ပျောက်ဆုံးနေသူများကို ရှာဖွေရန် လူသားချင်းစာနာထောက်ထားမှု ကုန်ပစ္စည်းအကူအညီ ၁၂ တန်နှင့်အတူ တပ်ဖွဲ့ဝင် ၃၉ ဦးကို နေပြည်တော်သို့ လေယာဉ်ဖြင့် ပို့ဆောင်ပေးခဲ့သည်။[၁၄၅] အမျိုးသား Alms အေဂျင်စီက မီးစက်အလုံး (၁၀၀)၊ ရွက်ဖျင်တဲ အလုံး (၅၀)၊ Sarong ခေါ် ပုဆိုး၊ထဘီအဝတ် (၁၀၀၀၀)၊ အမျိုးသမီးနှင့် ကလေးအသုံးအဆောင် (၅၀၀၀) တို့ကို ပေးပို့ခဲ့သည်။[၁၄၆] အဖွဲ့ဝင် ၅၃ ဦးပါသော ရှာဖွေကယ်ဆယ်ရေးအဖွဲ့တစ်ဖွဲ့ကိုလည်း အင်ဒိုနီးရှားက စေလွှတ်ပေးခဲ့သည်။[၁၄၇]

လူသားချင်း စာနာထောက်ထားမှု အကူအညီ ၃ သုတ်ကို မတ်လ ၃၁ ရက်၊ ဧပြီလ ၁ ရက် နှင့် ဧပြီလ ၃ ရက်တို့တွင် ပေးခဲ့သည်။[၁၄၈]

အိုင်ယာလန် €၆ မီလီယံ[၁၄၉]
အစ္စရေး Colonel Yossi Pinto ဦးဆောင်သော ရှာဖွေကယ်ဆယ်ရေးအဖွဲ့က ထိုင်းနိုင်ငံရှိ ဒေသဆိုင်ရာ အာဏာပိုင်များကို အကူအညီပေးခဲ့သည်။[၁၅၀] နိုင်ငံတော် စာရင်းစစ်ရုံး အဆောက်အဦးအောက်ရှိ အသက်ရှင်ကျန်နေသူများကို ရှာဖွေရာ၌အသုံးပြုရန် အစ္စရေးသံရုံးက အာရုံခံစက်ကိရိယာတစ်လုံး ပေးပို့ခဲ့သည်။ [၁၅၁] IsraAid အဖွဲ့ကိုလည်း ဖြန့်ကျက်ချထားပေးခဲ့၏။[၁၅၂]
အီတလီ €၃.၃ မီလီယံ
ဂျပန်
လာအို
မလေးရှား US$၂.၃ မီလီယံ[၁၅၃]
နယ်သာလန်
နယူးဇီလန် NZ$၂မီလီယံ[၁၅၄]
နော်ဝေ ထိုင်းမှတဆင့် မြန်မာနိုင်ငံသို့ အကူအညီပေးအပ်မည့် ကျွမ်းကျင်သူနှစ်ယောက်ကို ဥရောပ၏အကူအညီပေးရေးအဖွဲ့ အစိတ်အပိုင်းတစ်ရပ်အဖြစ် နော်ဝေက စေလွတ်ခဲ့သည်။ [၁၅၅]
Pakistan
ဖိလစ်ပိုင်
ပိုလန်
ရုရှ
စင်ကာပူ
တောင်ကိုးရီးယား US$၄ မီလီယံ[၁၅၆]
စပိန် €၂ မီလီယံ
သီရိလင်္ကာ US$၁ မီလီယံ
ဆွီဒင် ၁၅၈ kr မီလီယံ[၁၅၇]
ဆွစ်ဇာလန် SFr ၆ မီလီယံ[၁၅၈]
ထိုင်ဝမ် US$၁၁၁ ထောင်
ထိုင်း
တီမော US$၅၀၀ ထောင်[၁၅၉]
တူရကီ
အာရပ်စော်ဘွားများ ပြည်ထောင်စု
ယူကေ £၁၀ မီလီယံ[၁၆၀]
အမေရိကန် ပြည်ထောင်စု US$၂ မီလီယံ
ဗီယက်နမ် US$၃၀၀ ထောင်[၁၆၁]

ကိုးကား

  1. ↑ ၁.၀ ၁.၁ ANSS။ "M 6.7 – Burma (Myanmar) 2025"။ Comprehensive Catalog။ U.S. Geological Survey။
  2. ↑ ၂.၀ ၂.၁ ၂.၂ ၂.၃ ANSS။ "M 7.7 – 16 km NNW of Sagaing, Myanmar 2025"။ Comprehensive Catalog။ U.S. Geological Survey။
  3. ↑ Adkin၊ Ross (၃၁ မတ် ၂၀၂၅)၊ "Voices are starting to emerge from quake-devastated Myanmar. Here's what we are hearing"၊ CNN (အင်္ဂလိပ်ဘာသာစကားဖြင့်)
  4. ↑ "Friday's quake is the deadliest to hit Myanmar in 95 years"၊ 28 March 2025။ 
  5. ↑ ၅.၀ ၅.၁ "ငလျင်ကြောင့် သေဆုံးသူ ၅,၀၀၀ နီးပါးရှိလာ" (in my)၊ Mizzima၊ 5 April 2025။ 
  6. ↑ ကိုးကား အမှား - Invalid <ref> tag; no text was provided for refs named TH32
  7. ↑ ကိုးကား အမှား - Invalid <ref> tag; no text was provided for refs named hochiminhdeath
  8. ↑ Earthquakes in Thailand—Is Bangkok at Risk? (9 November 2020)။ 28 March 2025 တွင် ပြန်စစ်ပြီး။
  9. ↑ Seismic hazard in Bangkok due to long-distance earthquakes (4 February 2000)။
  10. ↑ "Myanmar Earthquake LIVE Updates: 107 Dead, 350 Injured As Rescue Efforts Continue; Thailand PM Urges Calm" (in en)၊ CNN-News18၊ 28 March 2025။ 
  11. ↑ Myanmar's military junta makes rare plea for help after powerful earthquake kills scores (in en)။ CNN (28 March 2025)။ 28 March 2025 တွင် ပြန်စစ်ပြီး။
  12. ↑ ၁၂.၀ ၁၂.၁ "Up to 700 Myanmar Muslims Killed in Quake-Hit Mosques Weakened by Neglect"၊ The Irrawaddy၊ 31 March 2025။ 
  13. ↑ ကိုးကား အမှား - Invalid <ref> tag; no text was provided for refs named ap0410
  14. ↑ Myanmar at a glance: Embroiled in civil war, now facing more devastation after powerful earthquake (in en) (28 March 2025)။ 28 March 2025 တွင် ပြန်စစ်ပြီး။
  15. ↑ Myanmar quake death toll rises to 1,644 as resistance movement announces partial ceasefire (in en) (29 March 2025)။ 30 March 2025 တွင် ပြန်စစ်ပြီး။
  16. ↑ "Satellite images reveal scope of destruction from Burma’s devastating earthquake"၊ Fox Weather၊ 1 April 2025။ 
  17. ↑ Wang၊ Y. (၂၀၁၃)။ Earthquake Geology of Myanmar (Ph.D.)။ ကယ်လီဖိုးနီးယား တက်နိုလော်ဂျီ အင်စတီကျု (ကယ်တက်)။ doi:10.7907/XWW2-9P26။
  18. ↑ "Massive Bangkok Quake Leaves City Reeling, Building Crumbles"၊ 28 March 2025။ 
  19. ↑ MYANMAR 2025/03/28 06:20:54 UTC, Mw=7.9။ Institut de Physique du Globe de Paris (29 March 2025)။ 29 March 2025 တွင် ပြန်စစ်ပြီး။
  20. ↑ "236 aftershocks recorded since Friday’s earthquake in Myanmar"၊ The Nation၊ 30 March 2025။ 
  21. ↑ ကိုးကား အမှား - Invalid <ref> tag; no text was provided for refs named DDPM 30 Mar
  22. ↑ "Water and medicine in short supply after Myanmar earthquake: UN"၊ The Straits Times၊ 1 April 2025။ 
  23. ↑ "‘No one came’: Myanmar volunteers dig with bare hands to save earthquake victims"၊ The Guardian၊ 3 April 2025။ 
  24. ↑ ၂၄.၀ ၂၄.၁ ၂၄.၂ ၂၄.၃ "မြေငလျင် နောက်ဆုံးရရှိသော သတင်းအချက်အလက်များ" (in my)၊ Democratic Voice of Burma၊ 2 April 2025။ 
  25. ↑ "Myanmar earthquake death toll rises to 3,301"၊ China Daily၊ 4 April 2025။ 
  26. ↑ "ငလျင်အပြီး ဆောက်လုပ်ရေးသုံး ပစ္စည်းများနှင့် ဆေးဝါးများ ဈေးခုန်တက်" (in my)၊ Mizzima News၊ 2 April 2025။ 
  27. ↑ "မြန်မာနိုင်ငံမြို့ကြီးအချို့တွင် ပြင်းထန်ငလျင်လှုပ်ခတ်"၊ Myanmar now၊ 28 March 2025။ 
  28. ↑ ၂၈.၀ ၂၈.၁ Volk၊ Kristina။ "Myanmar rescuer says villages near Mandalay are suffering even more"၊ BBC၊ 29 March 2025။ 
  29. ↑ "ငလျင်ကြောင့် သေဆုံးသူ ၁,၆၀၀ ကျော်နှင့် ဒဏ်ရာရသူ ၁,၅၀၀ ကျော်ရှိကြောင်း NUG ထုတ်ပြန်" (in my)၊ Democratic Voice of Burma၊ 29 March 2025။ 
  30. ↑ "ငလျင်ကြောင့် ဗလီ ၅၀ခန့် ပြိုကျပြီးနောက် လူရာချီသေဆုံး" (in my)၊ Myanmar Now၊ 30 March 2025။ 
  31. ↑ "The man mourning 170 loved ones lost in Myanmar's earthquake"၊ BBC News၊ 2 April 2025။ 
  32. ↑ "Myanmar quake struck mosques as minority Muslims gathered for Ramadan prayers" (in en)၊ Bangkok Post၊ 29 March 2025။ 
  33. ↑ "မန္တလေးတိုင်းတွင် ငလျင်ဒဏ်ကြောင့် သေဆုံးသူ ၆၄၉ ဦးရှိပြီး ဒဏ်ရာရရှိသူ ၁၆၇၀ ဦးရှိကာ ပျောက်ဆုံးနေသူ ၆၈ ဦးရှိ၊ သေဆုံးသူအရေအတွက် ဆက်လက်မြင့်တက်မည်" (in my)၊ Khit Thit Media၊ 29 March 2025။ 
  34. ↑ "ငလျင်ဒဏ်ကြောင့် မန္တလေးမြို့က နေအိမ်အဆောက်အဦ အများအပြား ထိခိုက်ပျက်စီး" (in my)၊ Democratic Voice of Burma၊ 28 March 2025။ 
  35. ↑ "အင်အားပြင်းငလျင်ကြောင့် မန္တလေးအပြည်ပြည်ဆိုင်ရာလေဆိပ်နှင့် နေပြည်တော်အပြည်ပြည်ဆိုင်ရာ လေဆိပ်တို့တွင် ထိခိုက်ပျက်စီးမှုများ ရှိ"၊ Elevennews၊ 28 March 2025။ 
  36. ↑ ၃၆.၀ ၃၆.၁ "Myanmar earthquake live: 'Hundreds of casualties' after 7.7-magnitude quake"၊ 28 March 2025။ 
  37. ↑ "ငလျင်လှုပ်အပြီး မန္တလေးတက္ကသိုလ်ပင်မဆောင်နှင့် စိန်ပန်းရပ်ကွက် မီးလောင်"၊ Democratic Voice of Burma၊ 29 March 2025။ 
  38. ↑ "မန္တလေး လေဆိပ်အဝင်လမ်းပေါ်ရှိ ဒုဌဝတီတံတား ငလျင်ဒဏ်ကြောင့် ပြိုကျသွားပြီး ကားတချို့ ပြုတ်ကျမှုရှိ"၊ 28 March 2025။ 
  39. ↑ "20 Killed As Mosque Collapses In Myanmar Earthquake; Children Among Victims In Monastery Tragedy" (in en)၊ News18၊ March 28, 2025။ 
  40. ↑ "ငလျင်ဒဏ်ကို တစ်နိုင်ငံလုံးခံစားရပြီး မန္တလေး၊ စစ်ကိုင်းနှင့် ရှမ်းတောင်တို့တွင် အပျက်အစီးများ" (in my)၊ 28 March 2025။ 
  41. ↑ "မန္တလေးမြို့တွင် ဦးလှသိန်းဗိမာန်အတွင်း ပိတ်မိနေသော သံဃာအပါး ၁၀၀ ကျော်ကို ရှာဖွေကယ်ဆယ်ရေးများ ဆက်လက်လုပ်ဆောင်"၊ Khit Thit Media၊ 28 March 2025။ 
  42. ↑ မန္တလေးမြို့ မဟာအောင်မြေမြို့နယ်ရှိ နှစ်ထပ်ခွဲလက်ဖက်ရည်ဆိုင် ငလျင်ကြောင့် ပြိုကျခဲ့ပြီး လူ ၇၀ ခန့် ပိတ်မိနေ (in my)။ 2025-03-28 တွင် ပြန်စစ်ပြီး။
  43. ↑ "Thailand and Myanmar earthquake death toll rises as Bangkok declared disaster area with dozens trapped under skyscraper – live"၊ 28 March 2025။ 
  44. ↑ ၄၄.၀ ၄၄.၁ "ငလျင်ဒဏ်ကြောင့် တောင်ငူ၊ ပျော်ဘွယ်တွင် လူ ၂၁ ဦး သေဆုံး"၊ Mizzima News၊ 28 March 2025။ 
  45. ↑ "ငလျင်ကြောင့် မယ်နုအုတ်ကျောင်း ပြိုကျပျက်စီ"၊ Elevennews၊ 28 March 2025။ 
  46. ↑ "Myanmar earthquake: Photos, video show devastation as mosque and Mahamuni Pagoda collapse after strong tremors"၊ The Times of India၊ 2025-03-28။ 
  47. ↑ "Powerful quake rocks Myanmar and Thailand and kills more than 150 people"၊ Associated Press၊ 28 March 2025။ 
  48. ↑ "ငလျင်ကြောင့် ရမည်းသင်းမှာ လူလေးဆယ်ကျော် သေဆုံး"၊ RFA၊ 28 March 2025။ 
  49. ↑ "ငလျင်ကြောင့် မတ္တရာမြိုပေါ် နေအိမ်များနှင့် သာသနာ့အဆောက်အဦများပြိုကျ" (in my)၊ Mizzima News။ 
  50. ↑ ၅၀.၀ ၅၀.၁ "ငလျင်ကြောင့် ဒေသသုံးခုမှာ ၁၄၄ ဦးသေဆုံးပြီး ၇၀၀ ကျော်ဒဏ်ရာရကြောင်း စစ်ကောင်စီဥက္ကဋ္ဌပြော"၊ RFA၊ 28 March 2025။ 
  51. ↑ "ငလျင်ကြောင့် စစ်ကိုင်းတွင် လူ ၂ ဦးသေဆုံး၊ စစ်ကိုင်းတံတားဟောင်းပြိုကျ၊ တံတားသစ် ဖြတ်သန်းခွင့်ပိတ်"၊ Democratic Voice of Burma၊ 28 March 2025။ 
  52. ↑ "Under-Construction Skyscraper In Bangkok Collapses After 7.7-Magnitude Earthquake Hits Myanmar"၊ CNN-News18၊ 28 March 2025။ 
  53. ↑ ၅၃.၀ ၅၃.၁ "မြေငလျင်ကြောင့် သေဆုံးထိခိုက်သူ ၈၀ ဝန်းကျင်ရှိလာ"၊ RFA၊ ၂၈ မတ် ၂၀၂၅။ 
  54. ↑ "Breaking News- ငလျင်ကြောင့် နေပြည်တော်လေဆိပ်၏ လေကြောင်းထိန်းသိမ်းရေး တာဝါ ကျိုးကျပြီး တာဝန်ထမ်းဆောင်နေသည့် ဝန်ထမ်းအားလုံး သေဆုံး"၊ Khit Thit Media၊ 28 March 2025။ 
  55. ↑ ၅၅.၀ ၅၅.၁ "Two powerful earthquakes hit Myanmar"၊ Al Jazeera၊ 28 March 2025။ 
  56. ↑ "Violent earthquakes rock Southeast Asia, prompting evacuations in Thailand and Myanmar"၊ AP News၊ 28 March 2025။ 
  57. ↑ "Mass casualty earthquake devastates Myanmar, Thailand, trapping dozens and injuring hundreds"၊ Malay Mail၊ 28 March 2025။ 
  58. ↑ "ငလျင်ကြောင့် နေပြည်တော် စစ်ရုံးနှင့် အနီးတစ်ဝိုက်ရှိ ဝန်ထမ်း အိမ်ရာများ ပျက်စီးမှုများပြား"၊ MPA Press၊ 28 March 2025။ 
  59. ↑ "Lines of wounded at Myanmar hospital after powerful quake"၊ France 24၊ 28 March 2025။ 
  60. ↑ "Earthquake death toll in Myanmar, Thailand surpasses 150"၊ Al Jazeera၊ 28 March 2025။ 
  61. ↑ "ပျဉ်းမနားမြို့တွင် ငလျင်ဒဏ်ကြောင့် သေဆုံးသူ ၈၆ ဦးထိရှိလာပြီး ရုပ်အလောင်း အားလုံး ဆွဲမထုတ်နိုင်သေး၊ အရေးပေါ် ကုသနေရသည့် လူနာ ၅၀၀ ခန့်ရှိ"၊ Khit Thit Media၊ 29 March 2025။ 
  62. ↑ "ညောင်ရွှေမြို့နယ် အင်းလေးဒေသရှိ ကျေးရွာများတွင် ငလျင်ဒဏ်ကြောင့် ပြည်သူ ၃၀ ကျော် သေဆုံးကြောင်း ကနဦးသိရ"၊ Khit Thit Media၊ 28 March 2025။ 
  63. ↑ "အင်းလေးတွင် ငလျင်ဒဏ်ကြောင့် နေအိမ် ၁၀၀ ကျော် ပျက်စီးပြီး လူ ၄ ဦး သေဆုံး"၊ Democratic Voice of Burma၊ 28 March 2025။ 
  64. ↑ "ငလျင်ကြောင့် အောင်ပန်းဟိုတယ် ပြိုကျ၊ ၂ ဦး သေဆုံးပြီး ၂၀ ခန့် ပိတ်မိနေ"၊ Democratic Voice of Burma၊ 28 March 2025။ 
  65. ↑ "ငလျင်လှုပ်ခတ်မှုကြောင့် တောင်ငူဝေဠုဝန်ကျောင်းပြိုကျပြီး စစ်ဘေးရှောင်ကလေး ၂၀ ကျော်ပိတ်မိ"၊ Yangon Media Group၊ 28 March 2025။ 
  66. ↑ "ဖြူးမြို့တွင် ငလျင်ကြောင့် ကျောင်းဆရာမအပါအဝင် မိသားစုဝင် ၄ ဦး သေဆုံး"၊ Democratic Voice of Burma၊ 28 March 2025။ 
  67. ↑ "ရန်ကုန်တွင် ငလျင်ဒဏ်ခံစားရသော်လည်း အပျက်အစီးနည်"၊ Democratic Voice of Burma၊ 28 March 2025။ 
  68. ↑ Live updates: Myanmar earthquake magnitude 7.7, tremors felt in Thailand (in en)။ CNN (2025-03-28)။ 2025-03-28 တွင် ပြန်စစ်ပြီး။
  69. ↑ Myanmar earthquake latest: tremors felt 640 miles away in Bangkok (in en) (2025-03-28)။ 2025-03-28 တွင် ပြန်စစ်ပြီး။
  70. ↑ "မန္တလေး၊နေပြည်တော်၊ စစ်ကိုင်းတို့ရှိ ဆေးရုံများတွင် ငလျင်ဒဏ်ကြောင့် ဒဏ်ရာရရှိလူနာများပြားနေပြီး သွေးအလှူရှင်များလိုအပ်နေ"၊ Eleven Media Group၊ 28 March 2025။ 
  71. ↑ "Opposition National Unity Government calls for international help for Myanmar quake victims"၊ Mizzima News၊ 28 March 2025။ 
  72. ↑ "Myanmar resistance movement announces partial ceasefire to aid quake relief as death toll tops 1,600"၊ Los Angeles Times၊ 29 March 2025။ 
  73. ↑ "Myanmar junta continues air strikes after devastating earthquake"၊ BBC၊ 29 March 2025။ 
  74. ↑ "ရန်ကုန်နှင့် ဧရာဝတီတိုင်းတို့မှ မြန်မာနိုင်ငံမီးသတ်တပ်ဖွဲ့ ရှာဖွေကယ်ဆယ်ရေး(အထူး)တပ်ဖွဲ့ဝင်များ နေပြည်တော်သို့ ထွက်ခွာ"၊ 28 March 2025။ 
  75. ↑ "‌ငလျင်ကြောင့် သေဆုံးသူအရေအတွက် စစ်ကောင်စီ ဘာပြောလဲ"၊ BBC၊ 28 March 2025။ 
  76. ↑ ငလျင်ဘေးဒဏ်သင့်ဒေသများ၌ ကူညီကယ်ဆယ်ရေးနှင့် ပြန်လည်တည်ဆောက်ရေး လုပ်ငန်းများဆောင်ရွက်ရန်အတွက် စေတနာရှင်၊ အလှူရှင်များက အလှူငွေများ ပေးအပ်လှူဒါန်းပွဲ ကျင်းပပြုလုပ်။ cincds myanmar (၁ ဧပြီ ၂၀၂၅)။ ၂ ဧပြီ ၂၀၂၅ တွင် ပြန်စစ်ပြီး။
  77. ↑ Thai PM calls for calm, aftershock alerts in place (in en)။ 28 March 2025 တွင် ပြန်စစ်ပြီး။
  78. ↑ First deaths confirmed as 'mass casualty' quake hits Myanmar, Thailand (in en)။ France 24။ 28 March 2025 တွင် ပြန်စစ်ပြီး။
  79. ↑ PM orders committee to investigate the collapse of the SAO building (in en)။ 29 March 2025 တွင် ပြန်စစ်ပြီး။
  80. ↑ Their Majesties take earthquake victims under royal patronage (in en)။ 29 March 2025 တွင် ပြန်စစ်ပြီး။
  81. ↑ กทม.ประกาศเขตประสบสาธารณภัย ระดับ 2 หลังแผ่นดินไหว (in TH)။ 28 March 2025 တွင် ပြန်စစ်ပြီး။
  82. ↑ Bangkok ends disaster zone announcement as overall situation improves (in en-US) (1 April 2025)။ 1 April 2025 တွင် ပြန်စစ်ပြီး။
  83. ↑ Quake-hit Bangkok declared disaster area (in en)။ 28 March 2025 တွင် ပြန်စစ်ပြီး။
  84. ↑ Myanmar quake toll passes 1,000 as rescuers dig for survivors (in en)။ France 24။ 29 March 2025 တွင် ပြန်စစ်ပြီး။
  85. ↑ Earthquake situation resolved, PM Paetongtarn confirmed (in en)။ 28 March 2025 တွင် ပြန်စစ်ပြီး။
  86. ↑ "Suvarnabhumi Airport Deploys Extra Shuttle Buses Amid Post-Earthquake Taxi Shortage"၊ The Nation၊ 28 March 2025။ 
  87. ↑ Chatuchak Building Collapse Claims Three Lives (in en)။ 28 March 2025 တွင် ပြန်စစ်ပြီး။
  88. ↑ "Thailand's Mental Health Services Mobilised Following Earthquake, Hotline Capacity Tripled"၊ The Nation၊ 31 March 2025။ 
  89. ↑ "DDPM updates on earthquake: Tremors felt in 57 provinces"၊ The Nation၊ 29 March 2025။ 
  90. ↑ "Thai govt 'slow to react' to tremors" (in en)၊ Bangkok Post၊ 31 March 2025။ 
  91. ↑ "Probe into State Audit Office collapse to conclude in 7 Days: Anutin"၊ The Nation၊ 30 March 2025။ 
  92. ↑ "Thai watchdog had flagged concerns over building that collapsed in earthquake"၊ 1 April 2025။ 
  93. ↑ "Bangkok on Edge as Aftershocks Trigger Evacuations and Safety Scrutiny"၊ The Nation၊ 31 March 2025။ 
  94. ↑ PM Paetongtarn urges public not to panic after Bangkok tremor (in en-US) (31 March 2025)။ 31 March 2025 တွင် ပြန်စစ်ပြီး။
  95. ↑ "Old cracks cause alarm, evacuation of Bangkok buildings" (in en)၊ Bangkok Post၊ 31 March 2025။ 
  96. ↑ "Thai govt warns over 'earthquake drunk' syndrome" (in en)၊ Bangkok Post၊ 31 March 2025။ 
  97. ↑ "Thai parliament reports no real earthquake damage, just 'minor cracks'" (in en)၊ Bangkok Post၊ 31 March 2025။ 
  98. ↑ ကိုးကား အမှား - Invalid <ref> tag; no text was provided for refs named xinhua
  99. ↑ "Myanmar quake death toll expected to rise as junta seeks aid"၊ Bloomberg News, Reuters၊ 29 March 2025။ 
  100. ↑ Earthquake in Thailand – Charter Activations။
  101. ↑ Rescue hopes fading three days after deadly Myanmar quake။ France 24 (31 March 2025)။
  102. ↑ Bangladesh sends emergency relief to quake-hit Myanmar (in en) (2025-03-30)။ 2025-04-02 တွင် ပြန်စစ်ပြီး။
  103. ↑ Bangladesh sends second aid package to Myanmar quake victims (in en) (2025-04-01)။ 2025-04-02 တွင် ပြန်စစ်ပြီး။
  104. ↑ "Cambodia to provide 100,000 USD in initial emergency aid to quake-devastated Myanmar"၊ 31 March 2025။ 
  105. ↑ "China to provide quake-stricken Myanmar with US$13.8 million in aid, sends 82 rescuers"၊ Channel News Asia၊ 29 March 2025။ 
  106. ↑ "တရုတ်၊ရုရှားအပြင် နိုင်ငံတကာကယ်ဆယ်ရေးအဖွဲ့တွေ မြန်မာပြည်ကိုလာနေ"၊ MPA Press၊ 29 March 2025။ 
  107. ↑ "Myanmar earthquake: India to send 15 tonnes of relief material"၊ 2025-03-29။ [လင့်ခ်သေ]
  108. ↑ Ray၊ Kalyan။ "India intensifies relief efforts under 'Operation Brahma' as Myanmar reels from earthquake"၊ Deccan Herald၊ 29 March 2025။ 
  109. ↑ "S. Korea to offer US$2 mln in humanitarian aid to Myanmar over disastrous quake"၊ 2025-03-29။ 
  110. ↑ International aid flows to Myanmar after devastating earthquake (March 30, 2025)။
  111. ↑ "Myanmar's earthquake death toll jumps to more than 1,000 as more bodies recovered from the rubble"၊ 2025-03-29။ 
  112. ↑ "4 Filipinos unaccounted for after Myanmar earthquake"၊ GMA News၊ 30 March 2025။ 
  113. ↑ "Over 100 PH personnel ready for Myanmar quake response"၊ Philippine Daily Inquirer၊ 29 March 2025။ 
  114. ↑ SCDF deploys 80-member Operation Lionheart rescue team to assist quake-hit Myanmar (in en)။ 2025-03-29 တွင် ပြန်စစ်ပြီး။
  115. ↑ Thai military to aid search and rescue in Myanmar (in en)။ 2025-03-29 တွင် ပြန်စစ်ပြီး။
  116. ↑ Remaining USAID staff fired, Trump says Myanmar will still get earthquake aid (March 28, 2025)။
  117. ↑ The Latest: Countries sending humanitarian aid after Myanmar earthquake (March 30, 2025)။
  118. ↑ Foreign, Commonwealth & Development Office and Baroness Chapman of Darlington (March 29, 2025)။ UK Government announces a package of up to £10 million support to help the people of Myanmar following recent earthquake။
  119. ↑ ELEVEN Media (April 2, 2025)။ ဂျပန်နိုင်ငံ၏ နိပွန်ဖောင်ဒေးရှင်းက ငလျင်ဒဏ်ခံခဲ့ရသည့်မြန်မာနိုင်ငံအား ဒေါ်လာ ၃ သန်းတန်ဖိုးရှိ အရေးပေါ်အကူအညီများ ထောက်ပံ့ပေးမည်။
  120. ↑ ELEVEN Media (April 2, 2025)။ Squid Game သရုပ်ဆောင် အင်ဆီဝမ်က ငလျင်ဒဏ်သင့် မြန်မာနိုင်ငံမှ ကလေးငယ်များအတွက် ဝမ်သန်း ၃၀ လှူဒါန်း။
  121. ↑ ELEVEN Media (April 2, 2025)။ Exhuma သရုပ်ဆောင် ကင်ဂိုအွန်းက ငလျင်ဒဏ်သင့် မြန်မာပြည်သူများအတွက် ဝမ်သန်း ၅၀ လှူဒါန်း။
  122. ↑ "Further humanitarian assistance to Myanmar"၊ Minister for Foreign Affairs, Senator the Hon Penny Wong၊ 2 April 2025။ 
  123. ↑ "Myanmar Earthquake [Overview]"၊ Department of Foreign Affairs and Trade, Australia။ 
  124. ↑ "Caritas Australia launches Myanmar earthquake appeal"၊ Catholic Archdiocese of Melbourne၊ 31 March 2025။ 
  125. ↑ Bangladesh sends emergency relief to quake-hit Myanmar (30 March 2025)။ 2 April 2025 တွင် ပြန်စစ်ပြီး။
  126. ↑ Bangladesh sends second aid package to Myanmar quake victims (1 April 2025)။ 2 April 2025 တွင် ပြန်စစ်ပြီး။
  127. ↑ "Belarus to ship 20 tonnes of humanitarian aid to quake-hit Myanmar"၊ Belarusian Telegraph Agency၊ 6 April 2025။ 
  128. ↑ Kasan Anuar၊ Mohd Iswandi။ "ASEAN Military Ready Group Activates Rapid Response For Myanmar Quake Victims"၊ 1 April 2025။ 
  129. ↑ "Cambodia to provide 100,000 USD in initial emergency aid to quake-devastated Myanmar"၊ 31 March 2025။ 
  130. ↑ Canada providing assistance in response to earthquake's devastation in Myanmar။ Government of Canada (4 April 2025)။ 5 April 2025 တွင် ပြန်စစ်ပြီး။
  131. ↑ "မြန်မာငလျင်ဘေးအတွက် ကနေဒါက အရေးပေါ် ဆေးရုံပါဝင်သည့် လေယာဉ်စေလွှတ်" (in my)၊ Democratic Voice of Burma၊ 5 April 2025။ 
  132. ↑ "China to provide quake-stricken Myanmar with US$13.8 million in aid, sends 82 rescuers"၊ Channel NewsAsia၊ 29 March 2025။ 
  133. ↑ "တရုတ်၊ရုရှားအပြင် နိုင်ငံတကာကယ်ဆယ်ရေးအဖွဲ့တွေ မြန်မာပြည်ကိုလာနေ" (in my)၊ MPA Press၊ 29 March 2025။ 
  134. ↑ ၁၃၄.၀ ၁၃၄.၁ Hannon၊ Brian P. D.။ "Medical supplies in great need as international assistance flows into Myanmar after earthquake"၊ 30 March 2025။ 
  135. ↑ "China pledges $137 million for Myanmar earthquake relief"၊ 11 April 2025။ 
  136. ↑ "Czech charities launch Myanmar earthquake funds: Here's how you can help"၊ 30 March 2025။ 
  137. ↑ "Finland donates €1m to Myanmar"၊ yle၊ 5 April 2025။ 
  138. ↑ "France offers support, condolences to Myanmar quake victims as relief efforts underway"၊ rfi၊ 30 March 2025။ 
  139. ↑ Séisme au Myanmar : Médecins du Monde se mobilise et lance un appel à dons (in fr)။ Médecins du Monde (28 March 2025)။ 6 April 2025 တွင် ပြန်စစ်ပြီး။
  140. ↑ "Deutschland prüft internationale Hilfe nach Erdbeben in Südostasien" (in de)၊ it-boltwise.de၊ 31 March 2025။ 
  141. ↑ ၁၄၁.၀ ၁၄၁.၁ Germany sends aid to earthquake zone။ deutschland.de (30 March 2025)။ 6 April 2025 တွင် ပြန်စစ်ပြီး။
  142. ↑ "Myanmar earthquake: India to send 15 tonnes of relief material"၊ 29 March 2025။ [လင့်ခ်သေ]
  143. ↑ Ray၊ Kalyan။ "India intensifies relief efforts under 'Operation Brahma' as Myanmar reels from earthquake"၊ Deccan Herald၊ 29 March 2025။ 
  144. ↑ "Live Updates: Death Toll Exceeds 3,000; Indian Army field hospital begins operations; 70 Aftershocks Within a Week and more"၊ The Irrawaddy၊ 3 April 2025။ 
  145. ↑ "Indonesia sends 12 tons of aid to Myanmar earthquake victims"၊ Antara၊ 31 March 2025။ 
  146. ↑ "Baznas sends emergency supplies to support Myanmar earthquake recovery"၊ Antara၊ 1 April 2025။ 
  147. ↑ "Indonesia dispatches SAR team to earthquake-stricken Myanmar"၊ Antara၊ 1 April 2025။ 
  148. ↑ "Indonesia stops humanitarian aid delivery for Myanmar quake victims"၊ Antara၊ 3 April 2025။ 
  149. ↑ "Ireland donates €6m to Myanmar earthquake response"၊ 29 March 2025။ 
  150. ↑ Israel to send search and rescue delegation to Thailand after deadly earthquake။ 29 March 2025 တွင် ပြန်စစ်ပြီး။
  151. ↑ ကိုးကား အမှား - Invalid <ref> tag; no text was provided for refs named thai18
  152. ↑ IsraAID deploys emergency team in wake of Myanmar and Thailand Earthquake။ 30 March 2025 တွင် ပြန်စစ်ပြီး။
  153. ↑ "Malaysia will provide US$2.3 million in earthquake aid to Myanmar: PM Anwar"၊ Channel NewsAsia၊ 30 March 2025။ 
  154. ↑ International aid flows to Myanmar after devastating earthquake (30 March 2025)။
  155. ↑ Norske eksperter til Bangkok for å bistå etter jordskjelvet i Myanmar (in no)။ Norwegian Directorate for Civil Protection (4 April 2025)။ 6 April 2025 တွင် ပြန်စစ်ပြီး။
  156. ↑ "Seoul to provide additional $2 mil. in aid to earthquake-hit Myanmar"၊ The Korea Times၊ 8 April 2025။ 
  157. ↑ "Sweden Redirects 158 Million Kronor Aid to Myanmar Earthquake Relief"၊ Sweden Herald၊ 28 March 2025။ 
  158. ↑ "Swiss Solidarity raises over CHF6 million for earthquake victims in Myanmar and Thailand"၊ 9 April 2025။ 
  159. ↑ "Timor-Leste pledges $500,000 for quake-hit Myanmar"၊ Union of Catholic Asian News၊ 3 April 2025။ 
  160. ↑ Foreign, Commonwealth & Development Office and Baroness Chapman of Darlington (29 March 2025)။ UK Government announces a package of up to £10 million support to help the people of Myanmar following recent earthquake။
  161. ↑ "Vietnam offers $300,000 emergency aid for Myanmar earthquake"၊ 30 March 2025။ 
"https://my.wikipedia.org/w/index.php?title=၂၀၂၅_မြန်မာ_ငလျင်&oldid=868825" မှ ရယူရန်