၂၀၂၅ ခုနှစ် ပုပ်ရဟန်းမင်းကြီး ရွေးချယ်တင်မြှောက်ပွဲ

ပုပ်ရဟန်းမင်းကြီး ရွေးချယ်တင်မြှောက်ပွဲ မေ ၂၀၂၅
ရက်စွဲ့နှင့် နေရာ
၇ မေ ၂၀၂၅ စစ္စတင်ဝတ်ပြုကျောင်းဆောင်၊ ဗာတီကန်နန်းတော်
အဓိကပုဂ္ဂိုလ်များ
ဌာနမှူး	Giovanni Battista Re
လက်ထောက်ဌာနမှူး	Leonardo Sandri
အတွင်းဝန်	Kevin Farrell
ဝတ်ပြုပေးသူ ဘုန်းကြီး	Michael Michai Kitbunchu
ဝတ်ပြုရေးရာ သင်းအုပ်	Dominique Mamberti
အတွင်းရေးမှူး	Ilson de Jesus Montanari
ရွေးချယ်တင်မြှောက်ပွဲ
ရွေးချယ်တင်မြှောက်သူများ	၁၃၃ ပါး
ရွေးချယ်တင်မြှောက်ခံသူများ	ကာဒီနယ်ရဟန်းအမတ်အဖွဲ့ဝင်များ
ရွေးချယ်တင်မြှောက်ခဲ့သော ပုပ်ရဟန်းမင်းကြီး
ရောဘတ် ဖရန်စစ် ပရီဗို့စ် (Robert Francis Prevost) ဘွဲ့နာမံတော်: လီယို ၁၄

 ၂၀၂၅ ခုနှစ်၊ ဧပြီလ ၂၁ ရက်နေ့တွင် ပုပ်ရဟန်းမင်းကြီး ဖရန်စစ် ကွယ်လွန်ခဲ့ပြီးနောက် ပုပ်ရဟန်းမင်းကြီးအသစ်တစ်ပါးကို ရွေးချယ်တင်မြှောက်ရန်အတွက် ၂၀၂၅ ခုနှစ်၊ မေလ ၇ ရက်နေ့တွင် ပုပ်ရဟန်းမင်းကြီး ရွေးချယ်တင်မြှောက်ပွဲ (papal conclave) ကို စတင်ကျင်းပခဲ့ပါသည်။ မဲပေးခွင့်ရှိသော ကာဒီနယ် ဘုန်းတော်ကြီး ၁၃၅ ပါးအနက် နှစ်ပါးမှလွဲ၍ ကျန်အားလုံး တက်ရောက်ခဲ့ကြပါသည်။ ထို့ကြောင့် ရွေးကောက်တင်မြှောက်ခံရရန် လိုအပ်သော သုံးပုံနှစ်ပုံအထက် အများစုမဲဖြစ်သည့် ၈၉ မဲ လိုအပ်ပါသည်။

အချိန်နှင့် လုပ်ထုံးလုပ်နည်းများ

ပုပ်ရဟန်းမင်းကြီး ဘက်နဒစ် ၁၆ က ၂၀၁၃ ခုနှစ်တွင် ပြင်ဆင်ဖြည့်စွက်ခဲ့သော ၁၉၉၆ ခုနှစ်ထုတ် တမန်တော်ဆိုင်ရာ ဖွဲ့စည်းပုံအခြေခံဥပဒေ Universi Dominici gregis အရ၊ ပုပ်ရဟန်းမင်းကြီး၏ ရာထူးနေရာ လစ်လပ်သွားသည့်အခါ၊ အနည်းဆုံး ၁၅ ရက်စောင့်ဆိုင်းပြီးမှ ကာဒီနယ်များက ပုပ်ရဟန်းမင်းကြီးအသစ် ရွေးကောက်ပွဲကို ကျင်းပရမည်ဖြစ်သည်။ သို့ရာတွင်၊ မဲပေးခွင့်ရှိသော ကာဒီနယ်များအားလုံး စောလျင်စွာ ရောက်ရှိနေပါက သို့မဟုတ် ကျင်းပရန် ရက်ရွှေ့ဆိုင်းသင့်သည့် လေးနက်သောအကြောင်းရင်းများ ပေါ်ပေါက်လာပါက၊ ကာဒီနယ်အဖွဲ့အနေဖြင့် ရွေးကောက်ပွဲကို သတ်မှတ်ရက်ထက်စော၍ ကျင်းပနိုင်သည် သို့မဟုတ် ရာထူးလစ်လပ်ပြီး ရက်ပေါင်း ၂၀ ထက်မကျော်စေဘဲ နောက်သို့ရွှေ့ဆိုင်းနိုင်သည်။

၂၀၂၅ ခုနှစ် ဧပြီလ ၂၈ ရက်နေ့က ကျင်းပခဲ့သော ကာဒီနယ်များ၏ အထွေထွေညီလာခံ ဆုံးဖြတ်ချက်အရ၊ အဆိုပါရွေးကောက်ပွဲကို ၂၀၂၅ ခုနှစ် မေလ ၇ ရက်နေ့တွင် စတင်ကျင်းပခဲ့သည်။

ရွေးကောက်ခံ ကာဒီနယ်ရဟန်းအမတ်များ

အကျယ်တဝင့် ဖော်ပြထားသောဆောင်းပါး - ကာဒီနယ်ရဟန်းအမတ်အဖွဲ့

လက်ရှိတွင် ကာဒီနယ် ၂၅၂ ပါးရှိပြီး၊ ၎င်းတို့အနက် အသက် ၈၀ မကျော်လွန်သော ရွေးကောက်ခံ ကာဒီနယ် ၁၃၅ ပါးသည် ပုပ်ရဟန်းမင်းကို ရွေးချယ်ရန် ကွန်ကလပ်တွင် စုဝေးကြမည်ဖြစ်သည်။ ဤကာဒီနယ်များသည် ကမ္ဘာ့ကက်သလစ်ချာ့ခ်ျ၏ ကျယ်ပြန့်သော ကိုယ်စားပြုမှုဖြစ်ပြီး၊ တိုက်ကြီးအသီးသီးမှ လာကြသည်။

ရွေးကောက်ခံမည့် ကာဒီနယ် ရဟန်းအမတ်များ၏ ကိုယ်စားပြု ဒေသများ

ကိုယ်စားပြုဒေသများ	လူဦးရေ
အီတလီနိုင်ငံ	၁၇
ကျန်ဥရောပနိုင်ငံများ	၃၅
မြောက်အမေရိကတိုက်	၂၀
တောင်အမရေိကတိုက်	၁၇
အာရှတိုက်	၂၃
အိုရှန်းနီးယား	၄
အာဖရိကတိုက်	၁၇
စုစုပေါင်း	၁၃၃

ရွေးချယ်တင်မြှောက်ပွဲ

Sistine Chapel သို့သွားသောတံခါးများ (2014 ခုနှစ်ပုံ) သည် 5:46 တွင်ပိတ်ခဲ့သည်။ မေလ ၇ ရက်နေ့ ညနေ

နေ့ ၁

ပုပ်ရဟန်းမင်းကြီး ရွေးချယ်မှု ပထမနေ့ မေ ၇ ရက်မှာ ထောင်နဲ့ချီတဲ့ ကက်သလစ် သာသနာဝင်တွေဟာ စစ္စတင်း ဘုရားရှိခိုးကျောင်းဆောင် မီးခိုးခေါင်းတိုင်က အချက်ပြ မီးခိုးကို စိန့်ပီတာရင်ပြင်မှာ စုဝေးစောင့်ဆိုင်းခဲ့ကြသည်။

ပုပ်ရဟန်းမင်းကြီး ရွေးချယ်မှု ပထမနေ့တွင် အဖြေမထွက်ကြောင်း မီးခိုးမည်းဖြင့် အချက်ပြခဲ့သည်။

နေ့ ၂

ရွေးကောက်ပွဲ၏ ဒုတိယနေ့သည် နံနက် ၁၀း၃၀ နာရီနှင့် မွန်းတည့် ၁၂း၀၀ နာရီတို့တွင် ဆက်တိုက် မဲပေးခြင်း နှစ်ကြိမ်ဖြင့် စတင်ခဲ့သည်။ ပုပ်ရဟန်းမင်း မရွေးချယ်ရသေးသောကြောင့် ညနေ ၅း၃၀ နာရီနှင့် ည ၇း၀၀ နာရီတို့တွင် မဲပေးခြင်းများ ဆက်လက်ပြုလုပ်မည်ဖြစ်သည်။

မအောင်မြင်သော ရွေးကောက်ပွဲတိုင်းတွင် မီးခိုးထုတ်လွှတ်ရန် မလိုအပ်ပါ။ တစ်ခါတစ်ရံ မဲပေးမှု နှစ်ကြိမ်မှ မဲလက်မှတ်များကို တစ်ပြိုင်နက်တည်း မီးရှို့ကြသည်။

မဲပေးမှု အသုတ်များ

အောက်တွင် ဖော်ပြထားသော အချိန်များသည် UTC+2 (ဗဟိုဥရောပဒေသ နွေရာသီစံတော်ချိန်) အတိုင်းဖြစ်သည်။​

မဲပေးမှု	ရက်စွဲ	အချိန်	ရလဒ်	မှတ်ချက်
၁	၇ မေ ၂၀၂၅	ည ၀၉:၀၀	အနက်ရောင်မီးခိုး	ရွေးချယ်မှု အဖြေမထွက်ပါ။
၂-၃	၈ မေ ၂၀၂၅	နေ့ ၁၁:၅၂	အနက်ရောင်မီးခိုး	ရွေးချယ်မှု အဖြေမထွက်ပါ။
၄	၈ မေ ၂၀၂၅	ညနေ ၆:၀၇	အဖြူရောင်မီးခိုး	ပုပ်ရဟန်းမင်းကြီးအသစ် ရွေးမြှောက်ပြီ။