၂၀၂၃ အာဆီယံမသန်စွမ်း အားကစားပြိုင်ပွဲ

၂၀၂၃ အာဆီယံမသန်စွမ်း အားကစားပြိုင်ပွဲ
XII ASEAN Para Games

ကျင်းပရာမြို့	ဖနွမ်းပင်မြို့
ဆောင်ပုဒ်	Sports Live In Peace (ခမာ: កីឡារស់នៅដោយសន្តិភាព)
ပါဝင်သော နိုင်ငံများ	၁၁
ပါဝင်ဆင်နွဲသော အားကစားသမားများ	၁၄၅၃
ကစားပွဲအမျိုးအစား	၄၃၉ (၁၂ မျိုး)
ဖွင့်ပွဲအခမ်းအနား	၃ ဇွန်
ပိတ်ပွဲအခမ်းအနား	၉ ဇွန်
အခမ်းအနားကျင်းပရာ အားကစားကွင်း	မိုရိုဒေါ့ တက်ကို အမျိုးသားအားကစားကွင်း
ဝက်ဘ်ဆိုဒ်	cambodia2023.com
<  ၂၀၂၂ ၂၀၂၆  >

၂၀၂၃ အာဆီယံမသန်စွမ်းအားကစားပြိုင်ပွဲ (အင်္ဂလိပ်: 2023 ASEAN Para Games) သည် ကမ္ဘောဒီးယားနိုင်ငံ၊ ဖနွမ်းပင်မြို့တွင် ၂၀၂၃ခုနှစ် ဇွန်လ (၃)ရက်နေ့မှ (၉)ရက်နေ့အထိ ကျင်းပခဲ့သည့် (၁၂)ကြိမ်မြောက် အာဆီယံ မသန်စွမ်း အားကစားပြိုင်ပွဲဖြစ်သည်။ကမ္ဘောဒီးယားနိုင်ငံသည် အာဆီယံမသန်စွမ်းအားကစားပြိုင်ပွဲကို ပထမဆုံးအကြိမ် လက်ခံကျင်းပခြင်းဖြစ်သည်။

အရှေ့တောင်အာရှနိုင်ငံ ၁၁ နိုင်ငံမှ အားကစားသမား ၁၄၅၃ ဦးမှ အားကစားနည်း ၁၂ မျိုးတွင် ဝင်ရောက်ယှဉ်ပြိုင်ခဲ့သည်။ အင်ဒိုနီးရှား၊ ထိုင်းနှင့် ဗီယက်နမ်နိုင်ငံတို့မှ ပထမ၊ ဒုတိယနှင့် တတိယရရှိခဲ့သည်။

လက်ခံကျင်းပခြင်း

ကြိုတင်ပြင်ဆင်ခြင်း

ကမ္ဘောဒီးယားနိုင်ငံသည် (၃၂)ကြိမ်မြောက် အရှေ့တောင်အာရှအားကစားပြိုင်ပွဲနှင့် (၁၂)ကြိမ်မြောက်အာဆီယံမသန်စွမ်းအားကစားပြိုင်ပွဲကို အိမ်ရှင်အဖြစ် လက်ခံကျင်းပခွင့် ရရှိပြီးနောက် တရုတ်နိုင်ငံ၏ အကူအညီဖြင့် အားကစားကွင်းများ တည်ဆောက်ခဲ့သည်။

ပြိုင်ပွဲအထိမ်းအမှတ်များ

အထိမ်းအမှတ်တံဆိပ်

(၃၂)ကြိမ်မြောက် အရှေ့တောင် အာရှအားကစားပြိုင်ပွဲနှင့် (၁၂)ကြိမ်မြောက် အာဆီယံမသန်စွမ်းအားကစားပြိုင်ပွဲတို့၏ အထိမ်းအမှတ်တံဆိပ်မှာ တစ်ခုတည်းပင်ဖြစ်သည်။ နဂါးလေးကောင်နှင့် အန်ကောဝပ်ဘုရားကျောင်းကို ပုံဖော်ထားခြင်းဖြစ်သည်။ ထိုတံဆိပ်ကို ၂၀၂၀ပြည့်နှစ် ဇူလိုင်လ ၂ရက်နေ့တွင် အတည်ပြုခဲ့ပြီး ဩဂုတ်လ ၇ရက်နေ့တွင် ကြေညာခဲ့သည်။

ပွဲများနှင့်အားကစား

ဖွင့်ပွဲအခမ်းအနား

၂၀၂၃အာဆီယံမသန်စွမ်းအားကစားပြိုင်ပွဲ၏ ဖွင့်ပွဲအခမ်းအနားကို ၂၀၂၃ခုနှစ် ဇွန်လ (၃)ရက်နေ့တွင် ကမ္ဘောဒီးယားနိုင်ငံ၊ ဖနွမ်းပင်မြို့ရှိ မိုရိုဒေါ့တက်ကို အမျိုးသားအားကစားကွင်းတွင် ကျင်းပခဲ့သည်။ ကမ္ဘောဒီးယားနိုင်ငံဝန်ကြီးချုပ် ဟွန်ဆန်က ပြိုင်ပွဲကို ဖွင့်လှစ်ပေးခဲ့သည်။ မြန်မာနိုင်ငံမှ မသန်စွမ်းသူများအားကစားအဖွဲ့ချုပ်ဥက္ကဋ္ဌ ဗိုလ်ချုပ်လှမိုးနှင့် အဖွဲ့ဝင်များ တက်ရောက်ခဲ့ကြသည်။

ပိတ်ပွဲအခမ်းအနား

၂၀၂၃အာဆီယံမသန်စွမ်းအားကစားပြိုင်ပွဲ၏ ဖွင့်ပွဲအခမ်းအနားကို ၂၀၂၃ခုနှစ် ဇွန်လ (၉)ရက်နေ့တွင် ကမ္ဘောဒီးယားနိုင်ငံ၊ ဖနွမ်းပင်မြို့ရှိ မိုရိုဒေါ့တက်ကို အမျိုးသားအားကစားကွင်းတွင် ကျင်းပခဲ့သည်။ ကမ္ဘောဒီးယားနိုင်ငံဝန်ကြီးချုပ် ဟွန်ဆန်က ပြိုင်ပွဲကို ပိတ်သိမ်းပေးခဲ့သည်။ ထို့နောက် ၂၀၂၆ပွဲတော်ကို လက်ခံကျင်းပမည့် ထိုင်းနိုင်ငံကို အာဆီယံမသန်စွမ်းအားကစားအဖွဲ့ချုပ် အလံအား လွှဲပြောင်းပေးအပ်ခဲ့သည်။

ပါဝင်​သောနိုင်ငံများ

အာဆီယံမသန်စွမ်း အားကစားအဖွဲ့ချုပ် အဖွဲ့ဝင်နိုင်ငံများ ပါ​ဝင်ယှဉ်ပြိုင်ကြမည်။

IPC	နိုင်ငံ	အားကစားသမားဦးရေ
BRU	ဘရူနိုင်း	၂၀
CAM	ကမ္ဘောဒီးယား	၂၅၂
INA	အင်ဒိုနီးရှား	၂၆၈
LAO	လာအို	၄၃
MAS	မလေးရှား	၁၃၃
MYA	မြန်မာ	၈၂
PHI	ဖိလစ်ပိုင်	၁၇၆
SGP	စင်ကာပူ	၂၆
THA	ထိုင်း	၃၀၄
TLS	အရှေ့တီမော	၁၃
VIE	ဗီယက်နမ်	၁၂၈

ပါဝင်​သောအားကစားနည်းများ

• ​ပြေးခုန်ပစ်
• ကြက်​တောင်ရိုက်
• Boccia
• စစ်တုရင်
• Goalball
• ဘောလုံး (၅ယောက်)
• ဂျူဒို
• Powerlifting
• ​​ထိုင်လျက်ဘော်လီ​ဘော
• ​​​ရေကူး
• ​စားပွဲတင်တင်းနစ်
• ​ဘီးတပ်ကုလားထိုင် ဘက်စကတ်​ဘော

ဆုတံဆိပ်ဇယား

၂၀၂၃ အာဆီယံမသန်စွမ်း အားကစားပြိုင်ပွဲတွင် ရွှေတံဆိပ် ၄၇၅ ခု၊ ငွေတံဆိပ် ၄၄၈ ခု၊ ကြေးတံဆိပ် ၄၄၃ ခု၊ စုစုပေါင်းဆုတံဆိပ် ၁၃၆၆ ခု ချီးမြှင့်နိုင်ခဲ့သည်။

Key

  *   အိမ်ရှင်နိုင်ငံ

၂၀၂၃ အာဆီယံမသန်စွမ်း အားကစားပြိုင်ပွဲ ဆုတံဆိပ်ဇယား

အဆင့်	NPC	ရွှေ	ငွေ	ကြေး	စုစုပေါင်း
၁	အင်ဒိုနီးရှား	၁၅၉	၁၄၈	၉၄	၄၀၁
၂	ထိုင်း	၁၂၆	၁၁၀	၉၂	၃၂၈
၃	ဗီယက်နမ်	၆၆	၅၈	၇၇	၂၀၁
၄	မလေးရှား	၅၀	၃၈	၃၅	၁၂၃
၅	ဖိလစ်ပိုင်	၃၃	၃၃	၅၀	၁၁၆
၆	မြန်မာ	၁၅	၂၃	၁၉	၅၇
၇	စင်ကာပူ	၁၂	၁၅	၁၇	၄၄
၈	ကမ္ဘောဒီးယား	၉	၁၈	၄၃	၇၀
၉	ဘရူနိုင်း	၃	၃	၂	၈
၁၀	အရှေ့တီမော	၂	၀	၅	၇
၁၁	လာအို	၀	၂	၉	၁၁
Total (11 NPCs)		၄၇၅	၄၄၈	၄၄၃	၁၃၆၆
Source: ASEAN Para Games Medal Standings Archived 18 May 2023 at the Wayback Machine.