ဧမာနွေလ ဘုရားကျောင်း
 | ဤဆောင်းပါးကို မြန်မာဘာသာသို့ ပြန်ဆိုရန် လိုအပ်နေသေးသည်။
|
| ဧမာနွေလ ဘုရားကျောင်း Immanuel Baptist Church | |
|---|---|
 | |
| တည်နေရာ | ၄၁၁၊ မဟာဗန္ဓုလလမ်းနှင့် မဟာဗန္ဓုလပန်းခြံလမ်းထောင့်၊ ရန်ကုန်မြို့ |
| နိုင်ငံ | မြန်မာနိုင်ငံ |
| ဂိုဏ်းခွဲ | နှစ်ခြင်းခရစ်ယာန် |
| သမိုင်း | |
| တည်ထောင် | ၁၈၈၅ |
| ဗိသုကာ | |
| ပြီးဆုံး | ၁၈၈၅ |
ရွေးချယ်သတ်မှတ်ခြင်းများ | |
ဧမာနွေလ နှစ်ခြင်း ဘုရားကျောင်းသည် ရန်ကုန်မြို့လယ်၊ မဟာဗန္ဓုလလမ်းနှင့် မဟာဗန္ဓုလပန်းခြံလမ်းထောင့်၊ မြို့တော်ခန်းမနှင့် မျက်နှာချင်းဆိုင်တွင် တည်ရှိသည်။ အဆိုပါဘုရားကျောင်းသည် ရန်ကုန်မြို့ရှိ ရှေးအကျဆုံးသော ခရစ်ယာန်နှစ်ခြင်းဘုရားကျောင်းများမှ တစ်ခုဖြစ်သည်။
သမိုင်းကြောင်း[ပြင်ဆင်ရန်]
ဧမာနွေလ ဘုရားကျောင်းကို အမေရိကန်သာသနာပြုအဖွဲ့မှ ၁၈၈၅ ခုနှစ်တွင် တည်ဆောက်ခဲ့ပြီး ဒုတိယကမ္ဘာစစ်ကြီးအတွင်း ပျက်စီးခဲ့ရာ ၁၉၅၂ ခုနှစ်တွင် ပြန်လည်တည်ဆောက်ခဲ့သည်။[၁] ၁၉၆၅ မတိုင်ခင်အထိ ဘုရားကျောင်း၏ သင်းအုပ်ဆရာကို အမေရိကန်နှစ်ခြင်းခရစ်ယာန် အပြည်ပြည်ဆိုင်ရာ သာသနာပြုအဖွဲ့( American Baptist International Ministries)မှ စေလွတ်ခဲ့ခြင်းဖြစ်သည်။ ယခင်က ထိုအသင်းကို အမေရိကန်နှစ်ခြင်းခရစ်ယာန် နိုင်ငံရပ်ခြား သာသနာပြုအသိုင်းအဝန်း(American Baptist Foreign Mission Society)ဟု ခေါ်ကြသည်။[၂] ထိုသာသနာပြုအဖွဲ့၏ ဦးဆောင်ပုဂ္ဂိုလ်တစ်ဦးဖြစ်သော အဒိုနီရမ် ယုဒသန်သည် မြန်မာနိုင်ငံတွင် ၁၈၁၃ ခုနှစ်မှ ကွယ်လွန်ချိန် ၁၈၅၀ ခုနှစ်အထိ နေထိုင်သွားခဲ့သည်။ ယခုအခါ ဘုရားကျောင်းသည် ရန်ကုန်မြို့တော် စည်ပင်သာယာရေးကော်မတီမှ သတ်မှတ်သော ရန်ကုန်မြို့ပြအမွေအနှစ်စာရင်းတွင် ပါဝင်ခဲ့သည်။[၃]
၁၉၆၀ ခုနှစ်များဆီတွင် ဘုရားကျောင်းတွင် ဝတ်ပြုသူပရိသတ် ၉၀ ရာနှုန်းကျော်သည် မြန်မာလူမျိုးများဖြစ်ပြီး ထိုအထဲတွင် အင်္ဂလိပ်-မြန်မာနှင့် အင်္ဂလိပ်-အိန္ဒိယ လူမျိုးအချို့လည်း ပါဝင်ခဲ့သည်။[၄]
လက်ရှိတွင် အင်္ဂလိပ်/မြန်မာ/ကရင်/တေလဂူ/တရုတ်/လီဆူ/ရှမ်း ဘာသာ(၇) မျိုးဖြင့် ဝတ်ပြုလျက်ရှိသည်။
အထက်ပင်မဆောင် - ၆ခွဲ မှ ၇ခွဲ ( အရုဏ်ဦးဝတ်ပြုခြင်း)/ ၈ခွဲ မှ ၉ခွဲ အင်္ဂလိပ်အသင်းတော်/ ၁၀ နာရီမှ ၁၁ နာရီ ကရင်အသင်းတော်/ ၁၁ခွဲမှ ၁၂ခွဲ တေလဂူအသင်းတော်/ ၁နာရီမှ ၂နာရီ တရုတ်အသင်းတော်/၄နာရီ မှ ၆နာရီအထိ မြန်မာအသင်းတော်တို့ ဝတ်ပြုကြသည်။
အောက်ထပ်ဝတ်ပြုဆောင်တွင် ၉ခွဲမှ ၁၁ နာရီ လီဆူအသင်းတော်/ ၁၁ခွဲမှ ၁၂ခွဲ ရှမ်းအသင်းတော်/ ၁ခွဲမှ ၂ခွဲ လူငယ်ဝတ်ပြုခြင်း တို့ ရှိသည်။
နံနက်တိုင်း ၆ခွဲမှ ၇ခွဲအထိ အရုဏ်ဦး ဝတ်ပြုခြင်းနှင့် ပွဲတော်မင်္ဂလာ ရှိသည်။
မှတ်ချက်။ ။ လတ်တလော နိုင်ငံရေးအခြေအနေများနှင့် ကိုဗစ် (၁၉) ရောဂါသတ်မှတ်ချက်များကြောင့် ဝတ်ပြုခြင်းများကို ယာယီကန့်သတ်ထားပြီး ဗမာဝတ်ပြုခြင်းနှင့် English ဝတ်ပြုခြင်းများကိုသာ ခွင့်ပြုထားပါသည်။ လူငယ်ဝတ်ပြုခြင်း၊ အမျိုးသားမိတ်သဟာရ ဝတ်ပြုခြင်း နှင့် စနေနေ့ ကျမ်းစာ သင်တန်းများကို Zoom Meeting ဖြင့် အပတ်စဉ် ဝတ်ပြု ကိုးကွယ်လျက်ရှိပါသည်။
ဘုရားအမှုတော် ထမ်းရွက်နေကြသော သင်းအုပ်ဆရာတော်များ နှင့် တာဝန်ခံများ
- ၁၉၆၀-၁၉၆၅ ဘရပ်ဒလေ မိုရယ် အာလန်
- ၁၉၆၅-၁၉၆၇ မသိ
- ၁၉၆၇-၁၉၉၀ ဂျော့ ပေါဘာ
- ၁၉၉၀-၂၀၁၃ ဂျွန်ပေါလ်
- ၂၀၁၃- ယနေ့အထိ Rev.Dr. ဦးယောလ/ Rev.Dr. ခရစ္စတီမောယာ /Rev.Dr. ဆမ်ဆင်ဒင်(၂၀၂၀ တွင် ခေါ်တော်မူခြင်းခံရသည်)
အမျိုးသား တာဝန်ခံ - ဆရာဇော်မိုးဝင်း လူငယ်တာဝန်ခံ - ဆရာယောသပ်
ကိုးကား[ပြင်ဆင်ရန်]
- ↑ Immaneul Baptist Church။ 21 February 2013 တွင် မူရင်းအား မော်ကွန်းတင်ပြီး။ 5 August 2017 တွင် ပြန်စစ်ပြီး။
- ↑ "Now Rangoon is Home for us" (in English)၊ Worcester Sunday Telegram, Feature Parade Section၊ 28 April 1963၊ စာ- 3။ 21 January 2016 တွင် ပြန်စစ်ပြီး။
- ↑ "Special Reports: Heritage List" (2001-10-29). The Myanmar Times.
- ↑ "Now Rangoon is Home for us" (in English)၊ Worcester Sunday Telegram, Feature Parade Section၊ 28 April 1963၊ စာ- 4။ 21 January 2016 တွင် ပြန်စစ်ပြီး။