အီဂျယ်မျောင်း

အီဂျယ်မျောင်း
이재명 李在明
အီဂျယ်မျောင်း (၂၀၂၅)
တောင်ကိုရီးယားနိုင်ငံ၏ ၁၄ ဦးမြောက် သမ္မတ
တာဝန်ထမ်းဆောင်ဆဲ
တာဝန် စတင် ၄ ဇွန် ၂၀၂၅
ဝန်ကြီးချုပ်	ရီဂျူဟို (ယာယီ) ဂင် မင်း-ဆော့ဂ် (ခန့်အပ်ခံ)
ယခင်လူ	ယွန်းဆော့ယော (သမ္မတ) ရီဂျူဟို (ယာယီသမ္မတ)
တောင်ကိုရီးယားနိုင်ငံ၏ အမျိုးသားလွှတ်တော် အဖွဲ့ဝင်
တာဝန်သက်တမ်း ၂ ဇွန် ၂၀၂၂ – ၄ ဇွန် ၂၀၂၅
ယခင်လူ	ဆွံ ယောင်း-ဂီလ်
ဆက်ခံသူ	လစ်လပ်
မဲဆန္ဒနယ်	ဂယယ်ယံ (ခ) (အင်ချောန်း)
ဒီမိုကရက်တစ်ပါတီ ဆဋ္ဌမကြိမ်မြောက် အတိုက်အခံ ခေါင်းဆောင်
တာဝန်သက်တမ်း ၂၈ ဩဂုတ် ၂၀၂၂ – ၉ ဧပြီ ၂၀၂၅
ယခင်လူ	အူ-ဆံဟို
ဆက်ခံသူ	ဘတ်ဂ် ချန်း-ဒယ် (ယာယီ)
ဂယောင်းဂီတိုင်း၏ ၃၅ ကြိမ်မြောက် အုပ်ချုပ်ရေးမှူး
တာဝန်သက်တမ်း ၁ ဇူလိုင် ၂၀၁၈ – ၂၅ အောက်တိုဘာ ၂၀၂၁
ယခင်လူ	နမ် ဂယောင်း-ဖီးလ်
ဆက်ခံသူ	အို ‌ဗျောင်း-ဂွန်း (ယာယီ) ဂင် ဒွံ-ယောန်း
ဆောင်းနမ်မြို့၏ ၁၉・၂၀ ကြိမ်မြောက် မြို့တော်ဝန်
တာဝန်သက်တမ်း ၁ ဇူလိုင် ၂၀၁၀ – ၁၅ မတ် ၂၀၁၈
ယခင်လူ	အီ ဒယ်-ယူ့ပ်
ဆက်ခံသူ	အုန်း ဆူ-မီ
ကိုယ်ရေး အချက်အလက်များ
မွေးဖွား	(1963-12-08) ၈ ဒီဇင်ဘာ၊ ၁၉၆၃ တောင်ကိုရီးယား တောင်ကိုရီးယားနိုင်ငံ၊ အန်ဒုံမြို့
နိုင်ငံရေးပါတီ	ဒီမိုကရက်တစ်ပါတီ
အခြား နိုင်ငံရေးလွှမ်းမိုးမှု	အူရီပါတီ (၂၀၀၅~၂၀၀၇) GUDNP (၂၀၀၇~၂၀၀၈) UDP (၂၀၀၈~၂၀၁၁) DUP (၂၀၁၁~၂၀၁၄)
ကြင်ဖော်	ဂင် ဟျဲ-ဂယောင်း
သားသမီး	၂ ဦး
အလုပ်အကိုင်	နိုင်ငံရေးသမား၊စာရေးဆရာ
ကျွမ်းကျင်မှု	ရှေ့နေ
လက်မှတ်

အီဂျယ်မျောင်း(ကိုရီးယား: 이재명 李在明, ၈ ဒီဇင်ဘာ ၁၉၆၃ ~ )သည် ကိုရီးယားသမ္မတနိုင်ငံ၏ ၁၄ ဦးမြောက် သမ္မတဖြစ်သည်။ ယခင်သမ္မတ ယွန်းဆော့ယော၏ စစ်အုပ်ချုပ်ရေးအမိန့်ကြောင့် ဖရိုဖရဲဖြစ်ခဲ့ရသော အခြေအနေအောက် တောင်ကိုရီးယားနိုင်ငံတွင် ၂၀၂၅ ခုနှစ် ဇွန်လ ၃ ရက်နေ့တွင် ကျင်းပသည့် ရွေးကောက်ပွဲအသစ်၌ မဲအနိုင်ရပြီး သမ္မတအဖြစ် တာဝန်ယူခဲ့သည်။ ယင်းမတိုင်မီက တောင်ကိုရီးယားနိုင်ငံ အတိုက်အခံ ဒီမိုကရက်တစ်ပါတီ၏ ခေါင်းဆောင်ဖြစ်ခဲ့သည်။

ငယ်ဘဝ

အီဂျယ်မျောင်းသည် ၁၉၆၃ ခုနှစ် ဒီဇင်ဘာ ၈ ရက်နေ့တွင် တောင်ကိုရီးယားနိုင်ငံ၊ အန်ဒုံမြို့၌ မွေးဖွားခဲ့သည်။ မိသားစုမှ ဆင်းရဲနွမ်းပါး၍ ငယ်စဉ်ကတည်းက လုပ်ငန်းခွင်အတွင်း၌ ရှင်သန် ဖြတ်သန်းခဲ့ရသည်။ အလုပ်လုပ်စဉ် ကာလအတွင်း လက်တစ်ဖက်၌ ထိခိုက်မှုဖြစ်ပေါ်ခဲ့၍ မသန်စွမ်းမှု တစ်ရပ်ကို ရင်ဆိုင်ခဲ့ရသည်။

သို့သော် သူသည် ကိုယ်ပိုင်ကြိုးစားမှုဖြင့် တက္ကသိုလ်ဝင်တန်းစာမေးပွဲအောင်မြင်ပြီး ဗဟိုတက္ကသိုလ်တွင် ဥပဒေရေးရာပညာရပ်ကို လေ့လာသင်ယူနိုင်ခဲ့သည်။ နောက်ပိုင်းတွင် လူ့အခွင့်အရေးနှင့် အလုပ်သမားအခွင့်အရေးများအတွက် တရားရေးဆိုင်ရာ ရှေ့နေတစ်ဦး အဖြစ် လှုပ်ရှားခဲ့သည်။

နိုင်ငံရေးဖြတ်သန်းမှု

အီဂျယ်မျောင်းသည် ၂၀၁၀ ပြည့် နှစ်တွင် ဆောင်းနမ်မြို့၏ မြို့တော်ဝန်အဖြစ် ရွေးကောက်ခံခဲ့ပြီး၊ ၂၀၁၈ ခုနှစ်တွင် ဂယောင်းဂီတိုင်း အုပ်ချုပ်ရေးမှူးအဖြစ် တာဝန်ထမ်းဆောင်ခဲ့သည်။ ၂၀၂၂ ခုနှစ် သမ္မတရွေးကောက်ပွဲတွင် ဝင်ရောက်ယှဉ်ပြိုင်ခဲ့ဖူးသည်။

၂၀၂၅ ခုနှစ်တွင် ယခင်သမ္မတ ယွန်းဆော့ယော၏ စစ်အုပ်ချုပ်ရေးအမိန့်ကြောင့် ဖြစ်ပေါ်ခဲ့သော နိုင်ငံရေးအကြပ်အတည်းအပြီးတွင် ကျင်းပသော သမ္မတရွေးကောက်ပွဲတွင် မဲရလဒ် ၄၉ ဒသမ ၄၂ ရာခိုင်နှုန်း မဲရလဒ်ဖြင့် အနိုင်ရရှိခဲ့သည်။