အင်တာနက် ပရိုတိုကောလိပ်စာ
အင်တာနက် ပရိုတိုကော လိပ်စာ (အိုင်ပီ လိပ်စာ) (အင်္ဂလိပ်- Internet Protocol address or IP address) နံပါတ်နှင့် အညွှန်းတပ်ခြင်းဖြစ်ပြီး ကွန်ရက် တွင်း ဆုံမှတ်တို့ အကြား ဆက်သွယ်မှုအတွက် သုံးသော အင်တာနက် ပရိုတိုကော ကို အသုံး ပြု သည့် ကွန်ပျူတာကွန်ရက် တစ်ခုတွင် ပါဝင်သည့် မည်သည့် စက်ပစ္စည်းကို မဆို ပေးဆို သော နံပါတ် သတ်မှတ်ချက်တစ်ခု ဖြစ်သည်။[၁][၂] အိုင်ပီ လိပ်စာ တစ်ခု၏ အဓိကလုပ်ဆောင် ချက် နှစ်ခုမှာ - လက်ခံ host သို့မဟုတ် ကွန်ရက် ကြားခံဆောင်ရွက်ခြင်းကို မည်သူမည်ဝါ သတ်မှတ်ခြင်း နှင့် တည်နေရာ လိပ်စာသတ်မှတ်ခြင်း တို့ ဖြစ်သည်။ သူ၏ ပါဝင်ဆောင်ရွက်မှု အား ဤကဲ့သို့ သတ်မှတ်ဖော်ပြသည်- " အမည်နာမ တစ် ခုမှာ ကျွန်ုပ်တို့ရှာဖွေသည့်အရာကို ဖော်ပြသည်။ လိပ်စာတစ်ခုမှာ ဘယ်နေရာတွင် ရှိသည်ကို ဖော်ပြသည်။ လမ်းကြောင်းတစ်ခု မှာ မည်သို့ရောက်အောင်သွားရမည်ကိုလည်းဖော်ပြသည်" ဟု ဖြစ်သည်။
ဒီဇိုင်းရေးဆွဲသူများမှ TCP/IP ဆိုသည်မှာ 32 bit နံပါတ်များရှိသည့် အိုင်ပီ လိပ်စာ ဖြစ် ပြီးထိုစနစ်သည် ယခုလက်ရှိအထိ အသုံးပြုနေသော အင်တာနက် ပရိုတိုကော ပုံစံကွဲ ၄ (IPv4) ဖြစ်သည်။ သို့သော် လည်း အင်တာနက် သည် အလွန် တိုးတက်လာသည် နှင့် ရရှိ နိုင်သော လိပ်စာများမှာ ကုန်ဆုံး ကုန်ပြီဖြစ်ရာ လိပ်စာများအတွက် 128bit ကို အသုံးပြု ထားသော လိပ်စာအမည် ပေးမှု စနစ်အသစ် အင်တာနက် ပရိုတိုကော ပုံစံကွဲ ၆ (IPv6) ကို ၁၉၉၅ မှ စတင် အသုံး ပြုခဲ့ကြပြီး RFC 2460 မှ ၁၉၉၈ တွင် စံနှုန်းထား သတ်မှတ်ခဲ့သည်၊ယခုအခါတွင် ကမ္ဘာလုံးဆိုင်ရာ ထိထိရောက်ရောက် ဖြန့်ကျက်အသုံးပြုလာပြီ ဖြစ်သည်။
အင်တာနက် လိပ်စာများမှာ အခြေခံ ဘိုင်နရီ နံပါတ်များ အဖြစ် သိမ်းဆည်းထားနိုင် သော်လည်း၊ ၎င်းတို့ မှာ လူအများ-ဖတ်နိုင်လွယ်သော စာသားများအဖြစ် ဖော်ပြထားလေ့ ရှိသည်။ ဥပမာ - 172.16.254.1 (IPv4 အတွက်) နှင့် 2001:db8:0:1234: 0:567:1:1 (IPv6အတွက်) အင်တာနက် ပရိုတိုကောကို ကွန်ရက်များအကြား အချက်အလက် အစုအစည်းများ ကို သင်္ချာ နည်းနှင့်တွက်ချက်ထားသော လမ်းကြောင်းပြစနစ်ရှိ ရင်းမြစ် နှင့် လားရာစုံမှတ်တို့ တည်နေ ရာနှင့် သက်ဆိုင်သော အင်တာနက် လိပ်စာ လမ်းညွှန် ခြင်းတွင်သုံးသည်။ ထို ရည်ရွယ်ချက် အတွက် အိုင်ပီလိပ်စာအတွင်းရှိ အချို့သော bit များမှာ ကွန်ရက်ခွဲ တစ်ခု အတွက် အသုံး ပြုရန် ရေးဆွဲထားသည်။ ၎င်းဘစ်များ၏ နံပါတ်သည် (IP)အိုင်ပီ လိပ်စာများ ထပ်ပေါင်းထည့်သည့် CIDR သင်္ကေတစနစ် တွင် ညွှန်ပြထားသည်။ ဥပမာ- 208.77. 188.166/24
ပုဂ္ဂလိက ကွန်ရက်များ တိုးတက် ဖွံ့ဖြိုးလာသောကြောင့် (IPv4) လိပ်စာရရှိနိုင်မှု့များ ကုန်ဆုံးနည်းပါးလာခြင်း ခြိမ်းခြောက်မှုသည်လည်း တိုးပွားလာပြီ ဖြစ်သည်။ RFC ၁၉၁၈ မှ ပုဂ္ဂလိက ကွန်ရက် ပေါ် တွင်ရှိသော မည်သူမဆို အသုံးပြုနိုင်သည့် ပုဂ္ဂလိက လိပ်စာနေရာ အချို့ကို အုပ်စုလိုက် ဘေး ဖယ် ထုတ်ထားလိုက်သည်။ ထိုသို့သော ကွန်ရက်များ သည် ကမ္ဘာလုံးဆိုင်ရာ အင်တာနက် သို့ ချိတ်ဆက်ရန် ကွန်ရက် လိပ်စာ ပြန်ဆိုသူ မုခ်ပေါက်များ လိုအပ်သည်။ အင်တာနက်နံပါတ်များ သတ်မှတ် နေရာချထားမှု အာဏာပိုင် (IANA) အနေနှင့် (IP)အိုင်ပီ လိပ်စာ နေရာချထားရေး များ ကမ္ဘာအနှံ့အပြား ခွဲဝေသတ်မှတ်ခြင်းနှင့် ဒေသတွင်း အင်တာနက် မှတ်ပုံတင်ရုံး (RIRs) ငါးခုနှင့်လည်း ပူးပေါင်း ဆောင်ရွက်ပြီး ဒေသန္တရ အင်တာနက် မှတ်ပုံတင်ရုံးများ (အင်တာနက် ဝန်ဆောင်မှုပေးသူများ-ISP) မှ ပိတ်ဆို့ ထားသော အင်တာနက်လိပ်စာများ နှင့် အခြားတည်ရှိသောနေရာများကို ခွဲဝေသတ်မှတ်ရန် ဆောင်ရွက်သည်။
အိုင်ပီပုံစံကွဲများ
[ပြင်ဆင်ရန်]အိုင်ပီပုံစံကွဲ၄(IPv4) နှင့် အိုင်ပီပုံစံကွဲ၆(IPv6)ဟူသည့် အင်တာနက် ပရိုတိုကော ပုံစံကွဲ၂မျိုး ကို အသုံး ပြု နေပါသည်။ (အသေးစိတ် သိလိုလျှင် အိုင်ပီ ပုံစံကွဲများ သမိုင်း ကိုကြည့်ရန်) ပုံစံကွဲ တစ်ခု စီ သည် (IP)အိုင်ပီ လိပ်စာတစ်ခုစီကို ကွဲပြားစွာ ဖော်ဆောင်သည်။ ၎င်း၏ ပျံ့နှံ့မှုကြောင့် ယေဘုယျ အခေါ်အဝေါ်ဖြစ်သည့် (IP)အိုင်ပီ လိပ်စာ ဟူသည် အိုင်ပီပုံစံကွဲ၄မှသတ်မှတ်ထားသောလိပ်စာများကိုညွှန်းဆိုနေဆဲဖြစ်သည်။
အဆင့်မီ အဆင့်အတန်းရှိသော ကွန်ရက် ပုံစံသည် အင်တာနက်၏ စဦးအဆင့် အဖြစ် ရည် ရွယ် ဆောင်ရွက်ပေးသော်လည်း ၁၉၉၀ အတွင်းက ဖြစ်ပွားသော ကွန်ရက် လျင်မြန်စွာ ကျယ်ပြန့် လာမှုအပေါ်တွင် ကျွမ်းကျင်ပိုင်နိုင်မှု မရှိခဲ့ပေ။ ၁၉၉၃ တွင် လိပ်စာနေရာလွတ် တို့ အရည်အချင်း ခွဲခြားမှု စနစ်ကို အဆင့်အတန်း ခွဲခြားမှုမရှိသော အင်တာ-ဒိုမိန်း(inter-domain) လမ်းပြမှု (CIDR၊ စိုင်ဒါ) နှင့်အစားထိုးခဲ့သည်။ CIDR သည် အရှည်အတို ပြောင်းလဲနိုင်စွမ်းသော ကွန်ရက်ခွဲ ဖုံးအုပ်မှု (VLSM) ပေါ်တွင် အခြေပြု၍ ခွဲဝေပေးခြင်း နှင့် ရှေ့ ပြေး တစ်ဘက် စောင်းနင်းဆန်သော အလျားများပေါ် မူတည်သည့် လမ်းကြောင်းပြခြင်း တို့ကို ခွင့်ပြုစေသည်။ ယနေ့တွင် ကျန်ရှိသည့် အဆင့်အတန်းရှိသော ကွန်ရက်တို့၏ အယူအဆများသည် အချို့ သော ကွန်ရက်ဆော့(ဖ်)ဝဲ (software)နှင့် ဟာ့(ဒ်)ဝဲ (hardware)ပါဝင်မှု (ဥပမာ - ကွန်ရက် မတ်(စ်ခ်)) တို့၏ မူရင်း ဖွဲ့စည်းပုံ ပုံစံ ကန့်သတ်ချက်တို့နှင့် ကွန်ရက် စီမံခန့်ခွဲသူတို့၏ ဆွေးနွေးမှု တို့တွင် သုံး သော နည်းပညာ စကားဆန်းတို့ အတိုင်း ကန့်သတ်ထားသည့် အတိုင်းအတာ အတွင်းတွင် သာ ဆောင်ရွက်လုပ်ကိုင်သည်။
IPပုံစံကွဲ၄ IPv4၏ လိပ်စာများ
[ပြင်ဆင်ရန်]အစောပိုင်းကွန်ရက်ပုံစံများသည် ကမ္ဘာလုံးဆိုင်ရာအဆုံးမှအဆုံးသို့ ဆက်သွယ်မှုများ ကို အားလုံးသော အင်တာနက် ထမ်းဆောင်သူများနှင့် ဆက်သွယ်ရေးအဖြစ် မြင်ယောင်ကြည့် သောအခါ ) IPအိုင်ပီ လိပ်စာများသည် ကွန်ပျူတာ စက်ပစ္စည်း တစ်ခုချင်းစီ အတွက် သီးခြား ဆန်စွာ ပေးအပ်ရန် ရည်ရွယ်ကြသော်လည်း ၎င်းမှာ အမြဲတစေ မလိုအပ်ကြောင်း ကို သိလာကြသည်။ အကြောင်း မှာ ပုဂ္ဂလိက ကွန်ရက်များ တိုးတက်လာသည့်အတွက် နှင့် အများသုံး ဆိုင်ရာ လိပ်စာ နေရာ များကို ထိန်းသိမ်းစောင့်ရှောက်ရန် လိုအပ်သည့်အတွက် ဖြစ်သည်။
အင်တာနက်နှင့် ချိတ်ဆက်မထားသော ကွန်ပျူတာများ ဥပမာ - TCP/IP တို့ကို ဖြတ်၍ တစ်လုံးနှင့်တစ်လုံးချိတ်ဆက်သော စက်ရုံတွင်းမှ စက်များအနေနှင့် ကမ္ဘာလုံးဆိုင်ရာ သီးခြား ဖြစ်စေသည့် IPအိုင်ပီ လိပ်စာများကို မလိုအပ်ပေ။ ပုဂ္ဂလိက ကွန်ရက်များအတွက် အိုင်ပီပုံစံကွဲ၄(IPv4) လိပ်စာ အမျိုးအစား သုံးမျိုးကို အာအက်(ဖ်)စီ ၁၉၁၈ တွင် သိမ်းဆည်းထားသည်။ ထိုလိပ်စာ များမှာ အင်တာနက်ပေါ်တွင် လမ်းကြောင်း မပေးထားခြင်းကြောင့် သူတို့ကို အသုံးပြုလျှင် အိုင်ပီ လိပ်စာ မှတ်ပုံတင်ခြင်း ပြုလုပ်ရန်မလိုပေ။ ယနေ့တွင် ထိုပုဂ္ဂလိက ကွန်ရက်များသည် ကွန်ရက် လိပ်စာ ဘာသာပြန်ခြင်း (LAT) မှတဆင့် လိုအပ်လျှင် အင်တာနက်သို့ ထုံးစံအတိုင်း ချိတ်ဆက်နိုင်သည်ဖြစ်သည်။
ရှေးဟောင်း အဆင့်အတန်းရှိကွန်ရက် ဗိသုကာ
| အတန်းအစား | ဒွိစုံကိန်းစနစ်တွင် ပထမရှစ်ခုအတွဲ | ပထမရှစ်ခုအတွဲ၏အပိုင်းအခြား | ကွန်ရက်အိုင်ဒီ | ဟို့စ်အိုင်ဒီ | ကွန်ရက်များ၏နံပါတ် | လိပ်စာအရေအတွက်များ |
|---|---|---|---|---|---|---|
| A | 0XXXXXXX | 0-127 | A | B.C.D | 27=128 | 224=16777216 |
| B | 10XXXXXX | 128-191 | A.B | 214=16384 | 214=16384 | 217=65536 |
| C | 110XXXXX | 192-223 | A.B.C | 221=2097152 | 221=2097152 | 28=256 |
အဆင့်မီ အဆင့်အတန်းရှိသော ကွန်ရက် ပုံစံသည် အင်တာနက်၏ စဦးအဆင့် အဖြစ် ရည် ရွယ် ဆောင်ရွက်ပေးသော်လည်း ၁၉၉၀ အတွင်းက ဖြစ်ပွားသော ကွန်ရက် လျင်မြန်စွာ ကျယ်ပြန့် လာမှုအပေါ်တွင် ကျွမ်းကျင်ပိုင်နိုင်မှု မရှိခဲ့ပေ။ ၁၉၉၃ တွင် လိပ်စာနေရာလွတ် တို့ အရည်အချင်း ခွဲခြားမှု စနစ်ကို အဆင့်အတန်း ခွဲခြားမှုမရှိသော အင်တာ-ဒိုမိန်း(inter-domain) လမ်းပြမှု (CIDR၊ စိုင်ဒါ) နှင့်အစားထိုးခဲ့သည်။ စိုင်ဒါ သည် အရှည်အတို ပြောင်းလဲနိုင်စွမ်းသော ကွန်ရက်ခွဲ ဖုံးအုပ်မှု (VLSM) ပေါ်တွင် အခြေပြု၍ ခွဲဝေပေးခြင်း နှင့် ရှေ့ ပြေး တစ်ဘက် စောင်းနင်းဆန်သော အလျားများပေါ် မူတည်သည့် လမ်းကြောင်းပြခြင်း တို့ကို ခွင့်ပြုစေသည်။
ယနေ့တွင် ကျန်ရှိသည့် အဆင့်အတန်းရှိသော ကွန်ရက်တို့၏ အယူအဆများသည် အချို့ သော ကွန်ရက်ဆော့(ဖ်)ဝဲ softwareနှင့် ဟာ့(ဒ်)ဝဲhardware ပါဝင်မှု (ဥပမာ - ကွန်ရက် မတ်(စ်ခ်)) တို့၏ မူရင်း ဖွဲ့စည်းပုံ ပုံစံ ကန့်သတ်ချက်တို့နှင့် ကွန်ရက် စီမံခန့်ခွဲသူတို့၏ ဆွေးနွေးမှု တို့တွင် သုံး သော နည်းပညာ စကားဆန်းတို့ အတိုင်း ကန့်သတ်ထားသည့် အတိုင်းအတာ အတွင်းတွင် သာ ဆောင်ရွက်လုပ်ကိုင်သည်။
အိုင်အေအန်အေနှင့်ထိန်းသိန်းထားသော ပုဂ္ဂလိက အိုင်ပီ ပုံစံခွဲ ၄ ကွန်ရက် နယ်ပယ်
| အစ | အဆုံး | လိပ်စာအရေအတွက် | |
|---|---|---|---|
| 24-bits အစုအဝေး(/8ရှေ့ဆက်၊1 x A) | 10.0.0.0 | 10.255.255.255 | 16777216 |
| 20-bits အစုအဝေး(/12ရှေ့ဆက်၊12 x B) | 172.16.0.0 | 172.31.255.255 | 1048576 |
| 16-bits အစုအဝေး(/16ရှေ့ဆက်၊256 x C) | 192.168.0.0 | 192.168.255.255 | 65536 |
မည်သည့် အသုံးပြုသူ မဆို ထိုသိမ်းထားသော သီးခြားအစုအဝေးများကို အသုံးပြုနိုင်သည်။ ပုံမှန် အားဖြင့် ကွန်ရက်စီမံခန့်ခွဲသူ တစ်ဦးသည် သီးခြား အစုအဝေးတစ်ခုကို ကွန်ရက်ခွဲများ အဖြစ် ပိုင်းခြားမည် ဖြစ်သည် ဥပမာ- အိမ်သုံးဒေတာ(Data) ဖြန့်ဝေသည့် ပစ္စည်း အတော်များများ သည် မူလပေးထားသော လိပ်စာ အပိုင်းအခြားဖြစ်သည့် 192.168.0.0 – 192.168.0.255 (192.168.0.0/24) အတွင်းကို အလိုအလျောက် သုံးစွဲကြသည်။
အိုင်ပီပုံစံကွဲ၄ ၏ လိပ်စာများ ကုန်ခမ်းခြင်း
[ပြင်ဆင်ရန်]အိုင်ပီ ပုံစံကွဲ အမှတ် ၄(IPv4) ၏ လိပ်စာနေရာ များသည် ရရှိနိုင်သော၊ ခွဲဝေသတ်မှတ် ပေးနိုင်သော လိပ်စာအခန်းငယ်များ ကုန်ခမ်းခါနီးပြီ ဖြစ်သည်။
အိုင်ပီ ပုံစံကွဲ အမှတ် ၆(IPv6) လိပ်စာများ
[ပြင်ဆင်ရန်]
သိမ်းဆည်းထားသော နည်းလမ်းများရှိသော်လည်း အိုင်ပီပုံစံခွဲ အမှတ် ၄(IPv4) ၏ လိပ်စာ နေရာ လွတ်များ လျင်မြန်စွာ ကုန်ဆုံးမှုသည် အင်တာနက် တည်ဆောက်ခြင်း လုပ်ငန်း အင်အား (အိုင်အီးထီ အက်(ဖ်)IETF) ကို အင်တာနက် လိပ်စာ ပေးနိုင်စွမ်းကို ကျယ်ပြန့်စေရန် နည်းပညာ အ သစ်များ ရှာဖွေဖော်ထုတ်မှုကို စေ့ဆော်စေသည်။ အပြီးသတ်ဖြေရှင်းမှုမှာ အင်တာနက် လုပ် ထုံးလုပ်နည်းများ ကိုယ်တိုင်ကို ပြန်လည်တည်ဆောက်ရန်အဖြစ် ယူဆကြသည်။ ထို မျိုးဆက် သစ် အင်တာနက် လုပ်ထုံးနည်းများသည် အင်တာနက်ပေါ်တွင် အိုင်ပီပုံစံကွဲ အမှတ်၄(IPv4) ကို အ စားထိုးရန် ရည်ရွယ်ပြီး ၎င်းတို့ကို ၁၉၉၅ တွင် အင်တာနက် ပရိုတိုကော ပုံစံကွဲ၆ (အိုင်ပီ ပုံစံကွဲ ၆)(IPv6) အဖြစ် သတ်မှတ် အမည်ပေးခဲ့သည်။ လိပ်စာ အရွယ်အစားမှာ32 မှ 128 Bits သို့မဟုတ် 16 အော့တက်စ် သို့ တိုးလာခဲ့ပြီး ရှေ့အနာဂတ်တွင် ကွန်ရက် နေရာများကို ရက် ရောစွာပင် ခွဲဝေနေရာပေး နိုင်လောက်အောင် လုံလောက်သည်ဟု ယူဆရသည်။ သင်္ချာနည်း အရ လိပ်စာ နေရာ အသစ်သည် အများဆုံး 2128 သို့မဟုတ် 3.403 x 1038 မျှရှိသော သီးခြား စီ ဖြစ်သည့် လိပ်စာများကို ပေးနိုင်မည့် အလားအလာရှိသည်။
ပုံစံသစ်မှာ လုံလောက်သောပမာဏရှိသည့် လိပ်စာများပေးရန်ဟူသည့် ရည်ရွယ်ချက် တစ်ခု တည်း ပေါ်တွင် အခြေခံထားခြင်း မဟုတ်သော်လည်း လမ်းကြောင်းလမ်းဆုံများတွင် ကောင်း မွန်ကျင်လည်သော ရှေ ့ပြေးကွန်ရက်ခွဲလမ်းကြောင်းများ ပေါ်ပေါက်စေရန် ကိုပါ ခွင့်ပြုစေ သည်။ အကျိုးရလဒ် အနေနှင့် လမ်းကြောင်းပြ ဇယားကွက်များ အရွယ်အစားမှာ သေးငယ် လာပြီး အသေးငယ်ဆုံး ဖြစ်နိုင်ခြေရှိသည့် တစ်ခုချင်းစီ နေရာချထားမှုသည် ကွန်ရက်ခွဲတစ်ခု အတွက် 264 ဖြစ်ပြီး ၎င်းမှာ အိုင်ပီပုံစံခွဲ အမှတ်၄ အင်တာနက်ကြီး တစ်ခုလုံး အရွယ်အစား၏ နှစ်ထပ်ကိန်း ဖြစ်သည်။ ထိုအဆင့်တွင် အိုင်ပီပုံစံကွဲ အမှတ်၆ ကွန်ရက် အစိတ်အပိုင်း ပေါ် ရှိ အမှန်တကယ် လိပ်စာသုံးစွဲမှုနှုန်းမှာ နည်းလာမည်။ ပုံစံသစ်မှ ကွန်ရက် အစိတ်အပိုင်း၏ လိပ်စာ ပြုမှု အခြေ ခံပုံစံကို ခွဲခြားရန် အခွင့်အရေးကိုလည်း အစိတ်အပိုင်း၏ ရရှိနိုင်သော နေရာ လွတ်ပေါ် ဒေသ တွင်း စီမံခန့်ခွဲမှု အဖြစ်ပေးပြီး ကွန်ရက်အတွက် ပြင်ပ လမ်းကြောင်း ပိတ်ဆို့မှုများ အတွက် နည်းလမ်းရှာရာတွင် သုံးသည့် ရှေ ့ပြေးလိပ်စာပြုခြင်းမှ ဖြစ်သည်။ အိုင် ပီပုံစံကွဲ အမှတ်၆ တွင် ကွန်ရက်တစ်ခုလုံးသည် ကမ္ဘာလုံး ဆိုင်ရာ ချိတ်ဆက်မှု ဖြစ်သင့်ခြင်း ဟူသည့် ရှေ ့ပြေးလမ်းပြမှု သို့မဟုတ် အတွင်းပိုင်း ပြန်လည် တည်ဆောက်မှုနှင့် ပြန်လည် ရေ တွက်မှုများ မလိုအပ်ဘဲ လမ်းကြောင်းဖော်ခြင်း မူဝါဒ ပြောင်းလဲခြင်းတို့ကို အလိုအလျောက် ပြောင်းလဲခြင်းဖြင့် ပံ့ပိုးမှု များလည်းရှိသည်။
အရေအတွက် များပြားလှသော အိုင်ပီပုံစံကွဲ အမှတ်၆ လိပ်စာများမှ ကျယ်ပြန့်သော နေရာ အစုတို့ကို သတ်မှတ်ထားသော ရည်ရွယ်ချက်များနှင့် လိုအပ်မည့်နေရာများ အတွက် အသုံး ဝင်သော လမ်းပြခြင်းအတွက် ပေါင်းစည်းမှုပြုပြီး နေရာချထားရန် ခွင့်ပြုသည်။ ကျယ်ပြန့်သော နေရာလွတ်တို့ ရှိလျှင် အဆင့် ခွဲခြင်းမရှိသော အတွင်း ဒိုမိန်းလမ်းပြခြင်း (စီအိုင်ဒီအာ၊ စိုင်ဒါ) တွင် သုံးသည့် ရှုပ်ထွေးသော လိပ်စာ သိမ်းဆည်းထားခြင်း နည်းလမ်းများလည်း ထားရှိရန် မလို အပ်တော့ပေ။ အားလုံးသော မော်ဒန်ဒက်စတော့ပ် နှင့် ဆာဗာလည်ပတ်မှု စနစ်စီမံကိန်းတို့ တွင် အိုင်ပီပုံစံကွဲ အမှတ်၆ အတွက် ပင်ကို ထောက်ပံ့မှုတို့ ပါဝင်သော်လည်း၊ အခြားသော စက်ပစ္စည်းများ ဖြစ် သည့် အိမ်တွင်း ကွန်ရက်လမ်းကြောင်း ပြုသည့်ကိရိယာ၊ အင်တာနက် ပရိုတိုကော ပေါ်မှ ဖုန်း ခေါ်ဆိုမှု (VoIP) နှင့် အမျိုးစုံသော မီဒီယာဆိုင်ရာ အသုံးအဆောင်များ နှင့် ကွန်ရက် သုံး ဆက်စပ်ပစ္စည်းများ တွင် ကျယ်ပြန့်စွာ ထည့်သွင်း သုံးစွဲခြင်း မရှိသေးပေ။
အိုင်ပီ ပုံစံကွဲ အမှတ် ၆ လိပ်စာများ
[ပြင်ဆင်ရန်]အိုင်ပီပုံစံကွဲ အမှတ်၄(IPv4) မှ ပုဂ္ဂလိကနှင့် အတွင်းပိုင်းကွန်ရက်တို့အတွက် လိပ်စာများ သိမ်းဆည်း ထားသကဲ့သို့ပင်၊ အိုင်ပီ ပုံစံကွဲ၆(IPv6) တွင်လည်း ပုဂ္ဂလိက လိပ်စာ တို့အတွက် လိပ်စာ နေ ရာများစွာ ရှိသည်။ အိုင်ပီပုံစံကွဲ၆(IPv6) တွင် ၎င်းတို့ကို သီးသန့်ဒေသတွင်း လိပ်စာများ ULAဟုရည်ညွှန်းသည်။ RFC 4183 မှ ရှေ့ဦး လမ်းကြောင်း fc/:00/7 ကို ထိုနေရာအတွက် ချမှတ်ပြီး ၎င်းကို 2/8 အပိုင်းများအဖြစ် မတူညီသော နည်းလမ်း များ (အိုင်ပီပုံစံကွဲ ၆(IPv6) နှင့် နှိုင်းယှဉ်ခြင်း) သုံး၍ ခွဲခြမ်းမည် ဖြစ်သည်။ ထိုလိပ်စာ နေရာများတွင် အစဉ်လိုက်ဖြစ်သည်ဟု ထင်ယောင်စေသော 40bit အရေအတွက် ပါရှိမည် ဖြစ်ပြီး ၎င်းမှ ဆိုဒ်များ ပေါင်းစည်းလျှင် သို့မဟုတ် ဒေတာ အစုအစည်းများ လမ်းကြောင်းလွဲလျှင် ဖြစ်တတ် သော လိပ်စာနေရာ တိုက်မိမှုများ အန္တရာယ်ကို အနည်းဆုံးဖြစ်အောင် ပြုလုပ်မည်ဖြစ်သည်။
အစောပိုင်း တည်ဆောက်မှုများ ဖြစ်သည့် (RFC 3513) တွင် မတူညီသော နေရာ တစ်ခု (fec၀::) ကို ယင်းရည်ရွယ်ချက် အတွက် အသုံးပြုပြီး ဒေသတွင်းဆိုဒ် လိပ်စာများ ဟု ခေါ်သည်။ သို့သော်လည်း ဆိုဒ်များကို မည်သည်တို့နှင့် ဖွဲ့စည်းထားသည်ဟူသည့် ယင်းသတ် မှတ်ချက်မှာ ဆက်လက်၍ မထင်မရှား ဖြစ်နေဆဲဖြစ်ပြီး ကောင်းမွန်စွာ သတ်မှတ် ခေါ်ဆိုထား ခြင်းမဟုတ်သည့် လိပ်စာပြုမှု စည်းမျဉ်းများမှ လမ်းကြောင်းပြဆိုခြင်းကို မရှင်းမလင်းဖြစ်စေ သည်။ လိပ်စာအကျယ်အဝန်း သတ်မှတ်ချက်မှာ ပယ်ဖျက်ခံရပြီး စနစ်အသစ်တို့တွင် ဆက် လက်သုံးဆွဲခြင်း မရှိတော့ပေ။ fe80: နှင့် အစပြုသော လိပ်စာနေရာများကို ဒေသတွင်း ချိတ်ဆက်မှု လိပ်စာများဟု ခေါ်ပြီး ချိတ်ဆက်ပေါ်တွင် ဆက်သွယ်မှု ကြားခုံ အဖြစ် ထားရှိသည်။ လိပ်စာ နေရာများမှာ ကွန်ရက် ကြားခံချိတ်ဆက်မှုတစ်ခုစီ အတွက် လည်ပတ်မှု စနစ်မှ အလိုအလျောက် ထုတ်လုပ်ပေးခြင်း ဖြစ်သည်။ ၎င်းမှ မည်သည့် အိုင်ပီပုံစံကွဲ၆(IPv6) ၏လက်ခံသူ အတွက် မဆို အသင့် ပြုလုပ် ပြီးသား အလိုအလျောက် ကွန်ရက် ချိတ်ဆက်ခြင်းကို ဖြစ်ပေါ်စေပြီး အကယ်၍ commond hub သို့မဟုတ် swatch တစ်ခုသို့ များစွာသော လက်ခံသူတို့ ချိတ်ဆက်မှုကိုပြုလျှင် ၎င်းအတွက် သူတို့၏ ဒေသတွင်း ချိတ်ဆက်မှု အိုင်ပီပုံစံကွဲ၆(IPv6) လိပ်စာတို့မှ ဖြတ်သန်းပြီး အသင့် လုပ်ထားသော ဆက်သွယ်မှုလမ်းကြောင်းလည်း ရှိသည်။ ထိုအချက်ကို အိုင်ပီပုံစံကွဲ၆(IPv6) ကွန်ရက်စီမံခန့်ခွဲခြင်း ၏ အောက်ခြေ အလွှာများတွင် ကျယ်ပြန့်စွာ သုံးစွဲပြီး အသုံးပြုသူ အများစု မှ မြင်ရခြင်း မရှိပေ။ (နှိုင်းယှဉ် အနီးအနားရှိ စူးစမ်းရှာဖွေခြင်း ပရိုတိုကော)မည်သည့် ရှေ့ဦး ပုဂ္ဂလိက လိပ်စာမှ အများသုံး အင်တာနက်တွင် လမ်းကြောင်း ပြုခြင်း မရှိပေ။
အိုင်ပီ ကွန်ရက်ခွဲများ
[ပြင်ဆင်ရန်]အိုင်ပီကွန်ရက်များကို ကွန်ရက်ခွဲများ အဖြစ် အိုင်ပီပုံစံကွဲ အမှတ် ၄ ရော ၆ တွင်ပါ ခွဲဖြာနိုင် သည်။ ထိုရည်ရွယ်ချက်အရ အိုင်ပီ လိပ်စာတစ်ခုသည် လက်တွေ့ တွင် အပိုင်း၂ပိုင်း အဖြစ် ရှေ့ဦးကွန်ရက် နှင့် လက်ခံသူသတ်မှတ်ခြင်း သို့မဟုတ် ဆက်သွယ်မှုကြားခံသတ်မှတ်ခြင်း (အိုင်ပီပုံစံကွဲ ၆(IPv6) ) တို့အဖြစ် ပါဝင်သည်ဟု သိမြင်စေနိုင်သည်။ subnet mask သို့မဟုတ် CIDR သည် ကွန်ရက် နှင့် လက်ခံသူအပိုင်းများအဖြစ် IPအိုင်ပီလိပ်စာ များကို မည်သို့ ခွဲခြမ်း သည်ကို ရှေ့ဦးဆုံးဖြတ်သည်။
subnet mask ဟူသည့် အခေါ်အဝေါ်သည် အိုင်ပီပုံစံကွဲ၄(IPv4) တွင်သာ အသုံးပြု သည်။ သို့သော်လည်း IPအိုင်ပီ ပုံစံကွဲ နှစ်ခုလုံးမှ အဆင့်အတန်း ခွဲခြင်းမရှိသော inter-domin လမ်းပြခြင်း (CIDR) အယူအဆ နှင့် သင်္ကေတ တို့ကို အသုံးပြုသည်။ ၎င်းတွင် IPအိုင်ပီ လိပ်စာ သည် ကွန်ရက် အစိတ်အပိုင်းအတွက် အသုံးပြုသော မျဉ်းစောင်း၊ bitနံပါတ် (ဆယ်လီစိတ်) တို့ နောက်မှပါလာပြီး ရှေ့ဦးလမ်းကြောင်းပြခြင်း ဟုလည်းခေါ်သည်။ ဥပမာ အိုင်ပီပုံစံ၄ (IPv4)လိပ်စာနှင့် သူ၏ subnet mask မှာ 192.0.0.2 နှင့် 255.255.255.0 တို့ အသီးသီး ဖြစ်နိုင်သည်။ တူညီသော IPအိုင်ပီလိပ်စာ နှင့် ကွန်ရက်ခွဲ အတွက် CIDR သင်္ကေတ မှာ 192.0.1.2/24 ဖြစ်သည်၊ အဘယ်ကြောင့်ဆိုသော် IPအိုင်ပီလိပ်စာ၏ ပထမဆုံး 24bit မှာ ကွန်ရက်နှင့် ကွန်ရက်ခွဲ တို့ကို ညွှန်ပြခြင်းကြောင့် ဖြစ်သည်။
အိုင်ပီလိပ်စာများ နေရာချပေးခြင်း
[ပြင်ဆင်ရန်]အင်တာနက် ပရိုတိုကောလိပ်စာများကို လက်ခံသူများမှ စတင်ဆောင်ရွက်ချိန်တွင် အသစ် တဖန် ပြုလုပ်ခြင်း သို့မဟုတ် ဟာ့(ဒ်)ဝဲ သို့မဟုတ် ဆော့(ဖ်)ဝဲ တို့၏ တသတ်မှတ် တည်းထားသော ဖွဲ့စည်းပုံတွင် ပုံသေထားရှိခြင်း တို့ဖြင့် နေရာချထား ခွဲဝေပေးသည်။ ဆက် တိုက်ရှိနေသော ဖွဲ့စည်းပုံစနစ်သည် အငြိမ် အိုင်ပီလိပ်စာ ကို အသုံးပြုသည်ဟု သိရသည်။ နှိုင်းယှဉ်ဆိုရသော် ကွန်ပျူတာ၏ အိုင်ပီလိပ်စာကို အသစ်တဖန် အချိန်တိုင်းပြုလုပ်သည့် အ ခြေအနေများတွင် မြန်ဆန်ပြောင်းအိုင်ပီ လိပ်စာကို သုံးစွဲသည်ဖြစ်ကြောင်း သိရသည်။
နည်းလမ်းများ
[ပြင်ဆင်ရန်]တည်ငြိမ်သော IPအိုင်ပီလိပ်စာများမှာ စီမံထိန်းချုပ်သူမှ ကွန်ပျူတာအတွင်းသို့ ကိုယ်တိုင် ထည့်သွင်းပေး လိုက်ခြင်း ဖြစ်သည်။ အသုံးပြုသည့်ပလက်ဖောင်း(Platform) ပေါ်တွင် မူတည်၍ လုပ်ကိုင်ပုံ အတိအကျမှာ ပြောင်းလဲပါ သည်။ ၎င်းမှာ ကွန်ပျူတာဖွဲ့စည်းပုံ သို့မဟုတ် လက်ခံပေးသူ software ကိုယ်တိုင် မှ ထည့်သွင်းလိုက်သောအ မြန်ဆန်ပြောင်း IPအိုင်ပီလိပ်စာ နှင့် ကွဲပြားချက်ဖြစ်သည်။ ဥပမာ- Zeroconf (ဇီးရိုးကွန့်) ကဲ့သို့ server မှ မြန်ဆန်ပြောင်း လက်ခံ ဖွဲ့စည်းပုံ ပရိုတိုကော (DHCP) များကိုသုံး၍ ထည့်သွင်းပေးထားခြင်း၊ server မှ DHCP အသုံးပြု၍ ထည့်သွင်း ထားသော IPအိုင်ပီလိပ်စာတို့တောင်မှ အချိန်အကြာကြီးနေပြီး ပြောင်းလဲသွားလေ့ရှိသည်။ အ ချို့သော ကိစ္စများတွင် ကွန်ရက်စီမံခန့်ခွဲသူမှ ထည့်သွင်းထားပြီးသား တည်ငြိမ်နေသောIP အိုင်ပီ လိပ် စာတို့တွင်အ မြန်ဆန်ပြောင်း IPအိုင်ပီလိပ်စာများကို အသုံးပြုနိုင်သည်။ ထိုကိစ္စတွင် DHCP server ကို အသုံးပြုရသော်လည်း ၎င်းမှာ သီးသန့် ကွန်ပျူတာ တစ်ခုစီအတွက် IPလိပ်စာ အတူတူများကို အမြဲထည့်သွင်းပေးရန် သီးသန့် စီစဉ်ထားရှိသည်။ ၎င်းမှာ ငြိမ်သက်နေသော IP လိပ်စာများကို အဓိက သီးသန့်စီစဉ်မှုပြုရန် ကွန်ရက်ပေါ်တွင်ရှိသမျှ ကွန်ပျူတာတစ်ခု ခြင်းစီကို အထူးတလည် စီစဉ်မှုပြုလုပ်ဆောင်ရွက်စရာမလိုဘဲ ခွင့်ပြုခြင်း ဖြစ်သည်။
တည်ငြိမ်မှု သို့မဟုတ် အတည်တကျဖြစ်သော (DHCP) လိပ်စာ ဖွဲ့စည်းပုံများ မရှိလျှင် သို့မဟုတ် မအောင်မြင်လျှင် လည်ပတ်မှုစနစ်သည်အတည်တကျမဖြစ်သော အလိုအလျောက် ဖွဲ့စည်းပုံ နည်းလမ်းများ ဖြစ်သည့် Zeroconf (ဇီးရိုးကွန့်) ကဲ့သို့သော IP လိပ်စာကို သုံး၍ ကွန်ရက် ဆက်သွယ်မှုအဖြစ် ဆောင်ရွက်လိမ့်မည်။
မြန်ဆန်ပြောင်း လိပ်စာပြုမှုကို အသုံးပြုခြင်း
[ပြင်ဆင်ရန်]အမြန်ဆန်ပြောင်း IP လိပ်စာများ ကို အများစုအားဖြင့် LAN များ နှင့် မြန်နှုန်းမြင့် လှိုင်းကျယ် ကွန်ရက်များပေါ်တွင် မြန်ဆန်ပြောင်း လက်ခံမှု ပုံစံပြု နည်းလမ်းများ (DHCP) server တို့မှ နေရာချထားပေးသည်။ ၎င်းတို့မှာ ကွန်ရက်တစ်ခုပေါ်တွင် သီးသန့် အငြိမ်လိပ်စာ များ တစ်ခုခြင်းစီကို နေရာချခြင်းအတွက် စံမံရခြင်း ဒုက္ခမှ ကင်းဝေးစေ၍ အသုံးပြုခြင်း ဖြစ်သည်။ ထို့ပြင် ၎င်းတို့အနေနှင့် တစ်ချိန်စီခွဲ၍ အွန်လိုင်းဖြစ်နေမည်ဆိုလျှင် ကွန်ရက်ပေါ်တွင် ကန့် သတ်ထားသော လိပ်စာနေရာလွတ်များကို မျှဝေအသုံးပြုခွင့်လည်း ရစေနိုင်သည်။ လက်ရှိ desktop လည်ပတ်မှုစနစ် အများစုတွင် လှုပ်ရှားIP ဖွဲ့စည်းပုံကို နဂိုပြုလုပ်ထားရှိခြင်း ကြောင့် သုံးစွဲသူ အနေနှင့် DHCP server နှင့် ချိတ်ဆက်ထားသော ကွန်ရက်များကို ဆက်သွယ်ရန် မည်သည့် ဆက်တင်ကိုမှ မိမိဖာသာ ပြောင်းလဲနေစရာ မလိုပေ။ တယ်လီဖုန်း နှင့်ခေါ်ဆို အသုံးပြုရသော ဆက်သွယ်မှုနှင့် အချို့သော မြန်နှုန်းမြင့်လှိုင်းကျယ် ကွန်ရက်တို့ မှာ တိုက်ရိုက်ချိတ်ဆက်မှု နည်းလမ်း ၏ လှုပ်ရှား လိပ်စာပုံစံများကို အသုံးပြုသည်။
ရှုပ်ထွေးသော ရွေ့လျား အိုင်ပီလိပ်စာများ
[ပြင်ဆင်ရန်]ရှုပ်ထွေးသော ရွေ့လျား IP လိပ်စာ တစ်ခု သို့မဟုတ် ရှုပ်ထွေးသည့်IP သည် ကေ ဘယ်(လ်)နှင့် DSL အင်တာနက် သုံးစွဲခွင့် ကိုယ်စားလှယ်တို့မှ တော်ရုံ ပြောင်းလဲမှု မရှိသော ရွေ့လျားမှု ထည့်သွင်းထားသည့် IP လိပ်စာ တို့ကို ဖော်ပြရန် တရားဝင် မဟုတ်သော ခေါ်ဝေါ်မှု ဖြစ်သည်။ လိပ်စာများသည် သာမန်အားဖြင့် DHCP နည်းလမ်းများ အရ ပေးအပ်ခြင်း ဖြစ်သည်။ တစ်စုံတစ်ခုသော ကာလအတိုင်းအတာအထိ မိုဒမ်းများ(modem) ၏ ဖွင့်ထားခဲ့သောကြောင့် လိပ်စာများ အငှားချမှုမှာ အချိန်ကြာမြင့်စွာ ရှိနေခဲ့ပြီး သက်တမ်း ကုန်ဆုံးသွားလျှင် လွယ်ကူစွာပင် အသစ်ပြန်လည် လုပ်ယူနိုင်ခဲ့သည်။ မိုဒမ်းmodemကို ပိတ်ထားခဲ့ပြီး အငှားချထားသော လိပ်စာ၏ နောက်တစ်ကြိမ် သက်တမ်းကုန်ဆုံးချိန် မတိုင်ခင် ပြန်တိုးခဲ့လျှင် တူညီသော အိုင်ပီလိပ်စာကို ရရှိနိုင်လိမ့်ပေမည်။
လိပ်စာနေရာများ အလိုအလျောက် ဖွဲ့စည်းပုံ
[ပြင်ဆင်ရန်]RFC 3330 မှ လိပ်စာနေရာတစ်ခု 169.254.0.0/16 ဟူသည်မှာ IPပုံစံခွဲ အ မှတ်၄(IPv4) ကွန်ရက်များ အတွက် ဒေသတွင်းချိတ်ဆက်လိပ်စာနေရာပြုခြင်းတွင် အထူးအသုံး ပြု ခြင်းဟု သတ်မှတ်ပါသည်။ အိုင်ပီပုံစံ၆( IPv6) တွင် အငြိမ် သို့မဟုတ် လှုပ်ရှားသော လိပ်စာ နေရာချထားမှု ဟူသည့် ကြားခံဆက်သွယ်မှုတိုင်းတွင် fe80::/10 ကွန်ရက်ခွဲအတွင်း အလိုအ လျောက် ဒေသတွင်း ချိတ်ဆက်လိပ်စာပေးခြင်းကို လက်ခံရရှိသည်။
ထိုလိပ်စာများမှာ လက်ခံရာသို့ လှမ်း၍ချိတ်ဆက်သော ဒေသတွင်း ကွန်ရက် အစိတ်အပိုင်း သို့မဟုတ် တိုက်ရိုက်ချိတ်ဆက်မှု ကဲ့သို့သောချိတ်ဆက်မှု အပေါ်တွင်သာ အတည်ပြုနိုင် သည်။ ထိုလိပ်စာနေရာများမှာ လမ်းကြောင်းပြနိုင်ခြင်းမရှိပဲ ပုဂ္ဂလိက လိပ်စာများကဲ့သို့ပင် အင်တာနက်ကို ဖြတ်သန်းလာသော ဒေတာအစုအစည်းတို့၏ ရင်းမြစ် သို့မဟုတ် ဦးတည်ရာ မဖြစ်နိုင်ပေ။ ဒေသတွင်း ချိတ်ဆက်သော အိုင်ပီပုံစံကွဲအမှတ်၄ လိပ်စာနေရာမှာ သိမ်းဆည်းထားသောအခါ လိပ်စာကို အလိုအလျောက် ဖွဲ့စည်းပြင်ဆင်ခြင်း ပြုရန် စံပြုမှု မရှိပေ။ လစ်ဟာမှုများကို ဖြည့် ဆည်းရင်း Microsoft မှ အလိုအလျောက် ပုဂ္ဂလိကIP လိပ်စာပေးခြင်း (APIPA) ဟုခေါ်သည့် ကိရိယာတစ်မျိုးကို တည်ထွင်လိုက်သည်။ Microsoft၏ ဈေးကွက် စွမ်းအားကြောင့်၊ APIPA ကို သန်းချီသော စက်ပေါင်းများစွာမှ သုံးစွဲကြပြီး စက်မှုလုပ် ငန်းနယ်ပယ်တွင် တရားဝင် အဆင့်အတန်း တစ်ခုဖြစ်လာသည်။ နှစ်များစွာအကြာတွင် IETF မှ ထိုဆောင်ရွက်မှုအတွက် တရားဝင် စံနှုန်းတစ်ခုကို သတ်မှတ်မှု ပြုပေး သည်။ ယင်းမှာ RFC 3927 ဖြစ်ပြီး အိုင်ပီပုံစံကွဲ၄(IPv4) ဒေသတွင်း ချိတ်ဆက်မှု လိပ်စာများ၏ မြန်ဆန်ပြောင်း ဖွဲ့စည်းမှုပုံစံ ဟုနာမည်ပေးခေါ်သည်။
တည်ငြိမ်သောလိပ်စာပြုမှု အသုံးပြုခြင်း
[ပြင်ဆင်ရန်]အချို့သော အခြေခံပုံစံ အခြေအနေများမှာ အငြိမ်လိပ်စာပြုမှုတို့ကို သုံးရန် လိုအပ်သည်။ ဥပမာ ဒိုမိန်း အမည် စနစ် (ဒီအန်(န်)အက်စ်) လက်ခံသူကို ရှာဖွေသောအခါ ၎င်းမှာ ဒိုမိန်း အမည်များ ကို အိုင်ပီလိပ်စာများအဖြစ် ဘာသာပြန်ပေးမည်ဖြစ်သည်။ အငြိမ် လိပ်စာများမှာ အဆင်ပြေလွယ်ကူသော်လည်း စီမံကိန်းတစ်ခု အတွင်းတွင် ဆာဗာများ နေရာထားရန် လုံးဝ လိုအပ်သည်တော့ မဟုတ်ပေ။ ဒီအန်(န်)အက်စ် ဆာဗာတစ်ခုမှ ရရှိသော လိပ်စာတစ်ခု သည် တိုက်ရိုက်ပြုရန် အချိန် သို့မဟုတ် ကူးယူသည့် အချိန် တို့ပါလာပြီး နောက်တွင် ၎င်းမှာ ပြောင်းလဲသွားခြင်း ရှိမရှိကို သေချာရန် ပြန်လည်ကြည့်ရှုသင့်သည်။ အငြိမ် အိုင်ပီလိပ်စာများ သည်ပင် ကွန်ရက်စီမံခန့်ခွဲမှု၏ အကျိုးဆက်အဖြစ် ပြောင်းလဲခြင်းများရှိသည်။ (အာအက်(ဖ်)စီ ၂၀၇၂)
အများသုံးလိပ်စာများ
[ပြင်ဆင်ရန်]အများသုံး IP လိပ်စာ ဆိုသည်မှာ ကမ္ဘာလုံးဆိုင်ရာ အင်တာနက်ပေါ်တွင် ရောက်ရှိနိုင်သော လိပ်စာကို ခေါ်သည်။ နှိုင်းယှဉ်ပြောရလျှင်၊ အိုင်ပီပုံစံကွဲ၄ IPv4) နှင့် အိုင်ပီပုံစံကွဲ၆ IPv6) တို့က ဒေသတွင်း လိပ်စာချိတ်ဆက် ပေးခြင်း နှင့်အခြားသော ရည်ရွယ်ချက်များကြောင့် ပုဂ္ဂလိက ကွန်ရက် တို့အတွက် (အပေါ်တွင်ရှု) သိမ်းဆည်းထားသော လိပ်စာ အပိုင်းအခြားတို့ကို သတ်မှတ်သည်။
အိုင်ပီလိပ်စာတပ်မှု တို့ကို တိုးမြှင့်ခြင်း
[ပြင်ဆင်ရန်]အိုင်ပီ ပိတ်ဆို့ခြင်း နှင့် မီးတံတိုင်းများ (ကွန်ပျူတာ)
မီးတံတိုင်း (တွက်ချက်ခြင်း) (Firewall) များသည် ယနေ့ခေတ် အင်တာနက်တွင် တွေ့ရလေ့ရှိလာပြီဖြစ်သည်။ ကွန်ရက် လုံခြုံရေးတိုးမြင့်လာသည့်အတွက် သုံးစွဲသူ၏ အများသုံးအိုင်ပီပေါ်တွင် အခြေပြု၍ ပုဂ္ဂလိက ကွန်ရက် များကို ထိန်းချုပ်ခွင့်ရကြသည်။ နာမည်ပျက် စာရင်း သို့မဟုတ် နာမည်ကောင်း စာရင်း သုံးနေသော်လည်း ပိတ်ဆို့ထားသောIPလိပ်စာ ဆိုသည်မှာ သတိမူမိပြီ ဖြစ်သော သုံးစွဲသူ၏ အများသုံး အိုင်ပီလိပ်စာ ဖြစ်ပေသည်။ ဆိုလိုသည်မှာ ထိုသုံးစွဲသူမှ ကြားခံဆာဗာ (Proxy Server) သို့မဟုတ် အဲ(န်)အေထီ (NAT) ကိုသုံးနေလျှင် IPလိပ်စာ တစ်ခုကို ပိတ်ဆို့လိုက်ခြင်းသည် အခြား လူများကို ပါပိတ်ဆို့ခြင်း ဖြစ်သွားပေမည်။
ကွန်ရက် လိပ်စာ ပြန်ဆိုခြင်း
[ပြင်ဆင်ရန်]သုံးစွဲသူတို့ ၏ စက်ပစ္စည်းများမှာ IPလိပ်စာတို့ကို မျှဝေသုံးစွဲနိုင်သည်၊ အဘယ့်ကြောင့် ဆို သော် ၎င်းတို့မှာ မျှဝေလက်ခံ ထားသော web server ဝန်းကျင်၏ အစိတ်အပိုင်းဖြစ်ခြင်း ကြောင့် သို့မဟုတ် အိုင်ပီပုံစံကွဲ၄ (IPv4)ကွန်ရက်လိပ်စာ ပြန်ဆိုမှု (NAT) သို့မဟုတ် ကြားခံ server မှ ၎င်း၏ စားသုံးသူတို့ ကိုယ်စား တောင်းဆိုချက် တို့ ကို လက်ခံရာတွင် server မှ မသိအောင်ဖုံးကွယ်ထားခဲ့လျှင် ကြားမှ ဆက်သွယ်ပေးသူ အဖြစ် ဆောင်ရွက်ပေး မှုကြောင့် ဖြစ်သည်။ လုပ်ဆောင်လေ့ရှိသော အချက်မှာ ပုဂ္ဂလိက ကွန်ရက် တစ်ခုအတွင်း တွင် NAT တစ်ခုမှ များပြားလှသော IP လိပ်စာများကို ဝှက်ထားရန် ဖြစ်သည်။ NAT ၏ "ပြင်ပ" သွင်ပြင်(များ) တစ်ခုတည်းကသာ အင်တာနက် လမ်းပြနိုင် သော လိပ်စာများကို ရရှိ ရန် လိုအပ်သည်။
ဖြစ်လေ့ဖြစ်ထ အများဆုံးမှာ NAT တီထွင်မှုတို့သည် အတွင်းဘက်မှ သီးခြားသော ပုဂ္ဂလိက ဆိုင်ရာ လိပ်စာများကို ပြင်ပမှ TCP သို့မဟုတ် UDP port နံပါတ်များသို့ ခြေရာခံ ပေးသည်။ တယ်လီဖုန်း နံပါတ်တစ်ခုမှ တည်နေရာကို ရှာဖွေသိရှိနိုင်သကဲ့သို့ပင် Port နံပါတ် များသည် IP လိပ်စာများအတွက် တည်နေရာဖော်ပြပေးနိုင်သော နံပါတ်များဖြစ်သည်။ အိမ်သုံး ကွန်ရက်ငယ်များတွင် NAT ဆောင်ရွက်ချက်များသည် များသောအားဖြင့် ဌာန တွင်း မုခ်ပေါက် တွင်သာတည်ရှိပြီး၊ အမှန်စင်စစ်တွင် တစ်ခုတည်းကိုသာ လမ်းကြောင်း ပြု သည့် အရာသတ်မှတ်ထားသည်။ ထိုကိစ္စရပ်တွင် "router " သို့ ချိတ်ဆက်လာသော ကွန်ပျူတာများတွင် 'ကိုယ်ပိုင်' IP လိပ်စာများ ရှိရပြီး အင်တာနက်နှင့် ချိတ်ဆက်ရန် ရောက်တာ မှလည်း 'အများသုံး' လိပ်စာတစ်ခု ရှိရမည်။ ထိုကဲ့သို့သော router များမှ မြောက်မြားလှစွာသော ကွန်ပျူတာများကို အများသုံးအိုင်ပီလိပ်စာ တစ်ခုကို မျှဝေရန် ခွင့်ပြုသည်။
ပြင်ဆင်ဖြေရှင်းရန် နည်းလမ်းများ
[ပြင်ဆင်ရန်]ကွန်ပျူတာလည်ပတ်မှု စနစ်များမှ အမျိုးအစားစုံလင်လှသော ကွန်ရက်အပြင်အဆင် နှင့် လိပ် စာများ ပြင်ဆင်ဖွဲ့စည်းပုံတို့ကို စစ်ဆေးပြင်ဆင်ဖြေရှင်းရန် နည်းလမ်းများကို ပေးဆောင် ထား သည်။ window သည်လည်း အမိန့်ပေး ဆောင်ရွက်မှု အပြင်အဆင် ဆိုင်ရာ နည်းလမ်းတို့နှင့် ipconfig , netsh တို့ကို ပေးထားပြီး Unix ကဲ့သို့သော စနစ်ကို သုံးသော သုံးစွဲသူ များ အနေနှင့် ipconfig, natstat, route,lanstat, ifstat, iproute2 ဆိုင်ရာ အသုံးတည့်မှုများ ကို တာဝန်ပြီးဆုံးအောင် ဆောက်ရွက်ရာတွင် သုံးနိုင်သည်။
ကိုးကား
[ပြင်ဆင်ရန်]- ↑ DOD Standard Internet Protocol။ DARPA, Information Sciences Institute။ January 1980။ doi:10.17487/RFC0760။ RFC 760။.
- ↑ J. Postel, ed. (September 1981)။ Internet Protocol, DARPA Internet Program Protocol Specification။ IETF။ doi:10.17487/RFC0791။ RFC 791။