အိတ်ချ်အိုင်ဗွီ ရောဂါပိုး

ဝီကီပီးဒီးယား မှ
(အိတ်ခ်ျအိုင်ဗွီ ရောဂါပိုး မှ ပြန်ညွှန်းထားသည်)
Jump to navigation Jump to search
HIV ရောဂါပိုး(အစိမ်းရောင်)

HIV ဆိုတာ လူ့ခုခံစွမ်းအားကို ကျဆင်းစေသော ဗိုင်းရပ်စ်ရောဂါပိုး တစ်မျိုးပါ။ HIV ပိုး ကူးစက်ခံရပြီဆိုရင် အဲဒီပိုးဟာ ခန္ဓာကိုယ်အတွင်းရှိ သွေးဖြူဥဆဲလ်များကို ဖျက်ဆီးတော့တယ်။ ကျွန်ုပ်တို့သည် ရောဂါကာကွယ်နိုင်ရန် အတွက် သွေးဖြူဥဆဲများ လိုအပ်သည်။ သွေးဖြူဥဆဲလ်များ ပျက်စီးသွားပါက ပြင်ပက ဝင်လာတဲ့ ရောဂါပိုးတွေကို ခုခံနိုင်စွမ်းအား မရှိတော့ပါ။ အဲဒီလို ခုခံစွမ်းအား ဖျက်ဆီးခြင်း ခံရတာကို ခုခံအားကျဆင်းရောဂါ (AIDS) လို့ ခေါ်ပါတယ်။ မှတ်ချက် - HIVပိုးကူးစက်ခံရပေမယ့်လည်း သာမန်လူတယောက်လို သွားလာလှုပ်ရှား နိုင်တယ်ဆိုတာ မမေ့ပါနဲ့။

ကူးစက်နိုင်သည့်နည်းလမ်းများ[ပြင်ဆင်ရန်]

လိင်ဆက်ဆံမှုမှ တဆင့်ကူးစက်ခြင်း[ပြင်ဆင်ရန်]

  • HIV ရောဂါပိုးရှိသူ တစ်ဦးနှင့် အကာအကွယ်မဲ့ လိင်ဆက်ဆံခြင်း၊ လိင်တူ၊ လိင်ကွဲ ဆက်ဆံခြင်း၊ (မိန်းမကိုယ်ဖြင့်လည်းကောင်း၊ စအိုဖြင့်လည်းကောင်း၊ ပါးစပ်ဖြင့်လည်းကောင်း ကွန်ဒုံးကဲ့သို့သော အကာအကွယ် ပစ္စည်း မသုံးပဲ လိင်ဆက်ဆံခြင်း)
  • သွေးမှ တဆင့်ကူးစက်ခြင်း၊ ရောဂါပိုးရှိသူ. သွေးကိုသွင်းမိခြင်း၊ ရောပိုးရှိသူနှင့် ချွန်ထက်မြက်စူးရှတတ်သော အသုံးအဆောင်များ မျှဝေသုံးစွဲခြင်း၊ (ဥပမာ- ဘရိတ်ဓား။ ဆေးထိုးအပ်။ ဆေးမှင်ကြောင်ထိုးခြင်း)
  • ကိုယ်ဝန်ဆောင်မိခင်မှ သန္ဓေသားကို ကူးစက်ခြင်း၊ ရောဂါပိုးရှိသော မိခင်မှတဆင့် ၎င်း. ကလေးထံသို့ သားဖွားစဉ် (သို့) ကလေး နို့ရည်တိုက်ကျွေးခြင်း၊


သတိပြုရမည့်အချက်များ[ပြင်ဆင်ရန်]

HIV ရောဂါပိုး ပုံစံကားချပ်
  • HIV ပိုးသည် ခြင်။ ကြမ်းပိုး ကိုက်ခြင်းမှတဆင့် မကူးစက်နိုင်ပါ၊
  • HIV ပိုးသည် နှာချေခြင်း။ ချောင်းဆိုးခြင်း မှတဆင့် မကူးစက်နိုင်ပါ၊
  • HIV ပိုးရှိသူတစ်ဦးနှင့် အိမ်သာတစ်ခုတည်းကို အတူတကွအသုံးပြုခြင်းဖြင့် ရောဂါမကူးစက် နိုင်ပါ၊
  • HIV ပိုးရှိသူတစ်ဦးနှင့် ပွေ့ဖက် နမ်းရှုပ်ခြင်းဖြင့် ရောဂါ မကူးစက်နိုင်ပါ၊
  • HIV ပိုးရှိသူတစ်ဦး၏ အဝတ်အစားများကို ဝတ်ဆင်ခြင်းဖြင့် ရောဂါမကူးစက် နိုင်ပါ၊
  • HIV ပိုးရှိသူတစ်ဦးနှင့် အစားအသောက်အတူစားခြင်း၊ ပန်းကန်တစ်ခုထဲတွင် စားသောက်ခြင်းဖြင့် ရောဂါပိုး မကူးစက်နိုင်ပါ၊

HIV / AIDS ရောဂါကို ကုသနိုင်ပါသလား[ပြင်ဆင်ရန်]

မကုသနိုင်ပါ၊ ယခုတိုင် HIV ရောဂါကို မကုသနိုင်သေးပါ။ ၎င်းအပြင် ကျွန်ုပ်တို့ကို HIV ပိုးကူးစက်ခြင်း မခံရအောင် ကာကွယ်ပေးနိုင်သော ဆေးလည်းမရှိသေးပါ။ ကျွန်ုတို့ လုပ်ဆောင်နိုင်တာ တစ်ခုတည်းသော အရာကား HIV ပိုးများ ခန္ဓာကိုယ်အတွင်းသို့ မဝင်ရောက်နိုင်အောင် ကာကွယ်တားဆီးခြင်းပင် ဖြစ်ပါသည်။


ခန္ဓာကိုယ်အတွင်းသို့ HIV ပိုးဝင်ရောက်ခြင်းမှ ဘယ်လို တားဆီးနိုင်သလဲ၊[ပြင်ဆင်ရန်]

  • လိင်ဆက်ဆံသောအခါတိုင်းတွင် ကွန်ဒုံး ကို အသုံးပြုခြင်း၊
  • ဆေးထိုးအပ် (သို့) သင့်အရေပြားကို ထိုးဖောက်နိုင်သော အခြားပစ္စည်း ကိရိယာများကို ကောင်းမွန်သေချာစွာ ပိုးသန့်ပြီးမှ သုံးစွဲပါ၊ မလိုအပ်သော အရေပြားထိုးဖောက်ခြင်းကို ရှောင်ပါ၊ ဥပမာ- ဆေးမင်ကြောင်ထိုးခြင်း၊
  • သွေးသွင်းရန် အသုံးပြုမည့် သွေးကို HIV ပိုးမရှိကြောင်း သေချာစေရန် စစ်ဆေးရမည်၊ တခြားသူများ၏ သွေး (သို့) ကိုယ်အရည်များနှင့် ထိတွေ့ရသော အလုပ်ကို သင်လုပ်ကိုင်ရပါက လက်အိတ်များစွတ်ခြင်းဖြင့် ကာကွယ်ပါ၊
  • ကိုယ်ဝန်ဆောင် မိခင်များသည် မိမိတွင် HIV ပိုးရှိကြောင်း သိရှိပါက လျင်မြန်စောစီးစွာ ဆေးကုသမှု ခံယူရမည်၊ သားဖွားပြီးနောက် ကလေးကို မိခင်နို့ရည်မတိုက်ပဲ အထူးဖော်စပ်ထားသော နို့မုန့်များကိုသာ တိုက်ကျွေးရမည်၊

HIV ပိုးရှိမရှိ ဘယ်လိုသိနိုင်မလဲ[ပြင်ဆင်ရန်]

  • အပြင်ပန်းကြည့်ရုံနဲ့ မသိနိုင်ပါဘူး။ ရောဂါပိုးရှိသူဟာ သာမာန်လူတွေလိုဘဲ ကျန်းမာသန်စွမ်းနေနိုင်ပါတယ်။
  • ရောဂါပိုး ရှိ၊ မရှိ ကို သွေးစစ်ကြည့်မှသာ သိနိုင်ပါတယ်။
  • HIV ပိုးဝင်ပြီး အင်တီဘော်တီ လုံလုံလောက်လောက်ထက်ဖို့ရာ အချိန် သုံးလကြာတဲ့အတွက် ပထမအကြိမ် သွေးစစ်ပြီး HIV ပိုးမရှိသော်လည်း နောက်သုံးလအကြာတွင် သွေးထပ်စစ်ရန် လိုအပ်ပါတယ်။


AIDS ရောဂါ လက္ခဏာ များကတော့[ပြင်ဆင်ရန်]

  • ကြာရှည်ဖျားခြင်း၊
  • ကိုယ်အလေးချိန် သိသိသာသာလျော့ကျခြင်း၊
  • မကြာခဏ ဝမ်းပျက်ခြင်း၊
  • အကြိတ်ရောင်ခြင်း၊
  • ရေယုန်ပေါက်ခြင်း၊
  • ပါးစပ်အတွင်း မက်ခရု ပေါက်ခြင်း၊

HIV/AIDS ၏ သမိုင်းမှတ်တိုင်များ[ပြင်ဆင်ရန်]

၁၉၉၁ခုနှစ် - Queen တေးဂီတအဖွဲ့မှ နာမည်ကျော်တေးသံရှင် Freddie Mercury သည် AIDS ရောဂါနှင့်စပ်လျဉ်းသည့်ရောဂါဝေဒနာဖြင့်သေဆုံးခဲ့ပါသည်။

အနီရောင် ဖဲပြားလေးသည် HIV ၏အပြည်ပြည်ဆိုင်ရာ သင်္ကေတဖြစ်လာသည်။ ကမ္ဘာတစ်ဝန်းတွင် HIV ရောဂါစွဲကပ်နေပေါင်း၁၀သန်းခန့်ရှိနေကြပြီး အသက် ၂၅နှစ်မှ၄၄နှစ်အကြားအဖြစ်များကြသည်ကိုလေ့လာတွေ့ရှိရသည်။

၁၉၉၅ - အရှေ့ဥရောပတွင်ဆေးတင်သွင်းသူများနှင့် မူးယစ်ဆေးဝါးထိုးသူများမှ HIV Virus ကူးစက်နိုင်ကြောင်းတွေ့ရှိရသည်။အမေရိကန်ပြည်ထောင်စုတွင် HAART(Highly Active Antiretroviral Therapy) ခေါ် စုပေါင်းရောဂါကုထုံးတစ်ရပ်ကိုအသုံးပြုရန်အတည်ပြုခဲ့သည်။
၁၉၉၆ - HIV Virus ကိုတိုက်ခိုက်နိုင်သည့် ထိုးဆေးကိုစမ်းသပ်ခဲ့၏။

၂၀၀၀ပြည့်နှစ် -

လိင်တူဆက်ဆံသူများအကြား အသုံးပြုလေ့ရှိသည့် လိင်ဆက်ဆံနည်းများ[ပြင်ဆင်ရန်]

များသောအားဖြင့် လိင်တူဆက်ဆံသူတွေ ကြားမှာ အသုံးပြုလေ့ရှိတဲ့ လိင်ဆက်ဆံနည်းတွေကတော့ -

  • ပါးစပ်ခြင်း နမ်းစုပ်ခြင်း၊
  • လိင်အင်္ဂါကို ပါးစပ်နှင့် ဆက်ဆံခြင်း၊ (69 ပုံစံဖြင့် ဆက်ဆံခြင်း)
  • စအိုနှင့် ဆက်ဆံခြင်း၊
  • အချင်းချင်း လက်ဖြင့် အာသာဖြေသည့်နည်းဖြင့် ဆက်ဆံခြင်း၊
  • အုပ်စုအလိုက် ဆက်ဆံခြင်း၊
  • လိင်တံတု (သို့) လိင်ကစားစရာများနှင့် ဆက်ဆံခြင်း၊ စသည့်နည်းတွေကို အသုံးပြုလေ့ရှိ ကြပါတယ်၊

ကိုးကား[ပြင်ဆင်ရန်]

http://him.civiblog.org