အားမာ့ဇ်
 အားမာ့ဇ်၏ မြို့စားမင်းနှင့် မြင်းလှည်းပုံ လိုဂို | |
 ပါရီမြို့၊ 24 Rue du Faubourg Saint-Honoré ရှိ အားမာ့ဇ် flagship စတိုးဆိုင် | |
| အမျိုးအစား | အများပိုင် (Société Anonyme (S.A.)) ကုမ္ပဏီလီမိတက် |
|---|---|
| လုပ်ငန်း | ဇိမ်ခံအသုံးအဆောင် |
| တည်ထောင်သည့်နှစ် | ပါရီမြို့၊ ၁၈၃၇ |
| တည်ထောင်သူများ | သီယာရီ အားမာ့ဇ် |
| ဌာနချုပ် | ပြင်သစ်နိုင်ငံ၊ ပါရီမြို့၊ 24 Rue du Faubourg Saint-Honoré – 75008 ကိုဩဒိနိတ်: 48°52′08″N 02°19′18″E / 48.86889°N 2.32167°E |
| အရေးပါ ပုဂ္ဂိုလ်များ |
|
| ထုတ်ကုန်ပစ္စည်း | အဝတ်အထည် နှင့် ဖက်ရှင်အသုံးအဆောင်များ |
| ဝင်ငွေ |  € ၁၃.၄၃ ဘီလီယံ (၂၀၂၃)[၁] |
| အခွန်မဆောင်မီ ဝင်ငွေ | € ၅.၆၅ ဘီလီယံ (၂၀၂၃) |
| အသားတင် ဝင်ငွေ | € ၄.၃၁ ဘီလီယံ (၂၀၂၃) |
| ရင်းနှီးမြှုပ်နှံမှု | € ၂၀.၄၅ ဘီလီယံ (၂၀၂၃) |
| စုစုပေါင်း ရှယ်ယာတန်ဖိုး | € ၁၅.၂၀ ဘီလီယံ (၂၀၂၃) |
| ပိုင်ရှင်များ | အားမာ့ဇ် မိသားစုနှင့် အခြားရှယ်ယာရှင်များ |
| အလုပ်သမားဦးရေ | ၂၂,၀၃၇ ဦး (၂၀၂၃) |
| ဝက်ဘ်ဆိုက် | hermes.com |
အားမာ့ဇ် နိုင်ငံတကာ အများပိုင်ကုမ္ပဏီလီမိတက် (အင်္ဂလိပ်: Hermès International S.A.) (/ɛərˈmɛz/ (
) er-MEZ, ပြင်သစ်: [ɛʁmɛs] ( )) သည် ပြင်သစ် ဇိမ်ခံဖက်ရှင်ပစ္စည်းနှင့် ဒီဇိုင်းထုတ်လုပ်ရေးလုပ်ငန်းဖြစ်ပြီး ၁၈၃၇ ခုနှစ်တွင် စတင်တည်ထောင်ခဲ့သည်။ သားရေပစ္စည်းများ၊ ပိုးထည်ပစ္စည်းများ၊ ဖက်ရှင်အသုံးအဆောင်များ၊ အိမ်သုံးပရိဘောဂများ၊ ရေမွှေးများ၊ လက်ဝတ်ရတနာများ၊ နာရီများနှင့် ရယ်ဒီမိတ် အဝတ်အထည်များနှင့်ပတ်သက်၍ အထူးပြုထုတ်လုပ်သည်။[၂] ၁၉၅၀ ပြည့်နှစ်မှစ၍ ၎င်း၏ မြို့စားမင်းနှင့် မြင်းလှည်းပုံ လိုဂိုအမှတ်တံဆိပ်ကို စတင်အသုံးပြုခဲ့သည်။
သမိုင်း
[ပြင်ဆင်ရန်]၁၉ ရာစုတွင် အစပြုခဲ့ခြင်း
[ပြင်ဆင်ရန်]
သီယာရီ အားမာ့ဇ် (Thierry Hermès) အား ဂျာမနီနိုင်ငံ၊ ကရီဖက်မြို့တွင် ပြင်သစ်လူမျိုး ဖခင်နှင့် ဂျာမန်လူမျိုး မိခင်တို့မှ မွေးဖွားခဲ့သည်။ ၁၈၂၈ ခုနှစ်တွင် ပြင်သစ်သို့ တစ်မိသားစုလုံး ပြောင်းရွှေ့နေထိုင်ခဲ့သည်။[၃] ၁၈၃၇ ခုနှစ်တွင် အားမာ့ဇ်သည် ပါရီမြို့ ဂရန်းဘိုးဗာ့ဒ်ရပ်ကွက်တွင် မြင်းကုန်းနှီး တပ်ဆင်ထုတ်လုပ်သည့် အလုပ်ရုံအား ကနဦးစတင်တည်ထောင်ခဲ့သည်။[၄][၅] သူသည် မြင်းလှည်းနှင့် ရထားလုံးများအတွက် အရည်အသွေးမြင့် ကုန်းနှီးနှင့် ဇက်ကြိုးများ[၆] ဖန်တီးခဲ့ပြီး ကုန်သွယ်ရေးပြပွဲများတွင်လည်း ဆုအများအပြားကို ဆွတ်ခူးခဲ့သည်။[၆][၇]
အားမာ့ဇ်၏သား Charles-Émile သည်[၃] ကုမ္ပဏီသည် ဥရောပ၊ မြောက်အာဖရိက၊ ရုရှား၊ အာရှနှင့် အမေရိကရှိ အထက်တန်းလွှာများအတွက် မြင်းစီးကိရိယာတန်ဆာပလားများကို ထုတ်လုပ်ရောင်းချခဲ့သည်။ ၁၉၀၀ ပြည့်နှစ်တွင် ကုမ္ပဏီသည် မြင်းစီးနင်းသူများအတွက် ၎င်းတို့၏ မြင်းကုန်းနှီးများထည့်သွင်းသယ်ဆောင်နိုင်မည့် ယနေ့ခေတ်တွင် ကယ်လီအိတ် (Kelly Bag) ဟု လူသိများသော အထူးထုတ်လုပ်ထားသည့် Haut à Courroies အိတ်များအား စတင်မိတ်ဆက်၍ ထုတ်လုပ်ရောင်းချခဲ့သည်။
အားမာ့ဇ် ဖဲယားခေတ်
[ပြင်ဆင်ရန်]
Charles-Émile Hermès အနားယူပြီးနောက်၊ Adolphe နှင့် Émile-Maurice တို့၏သားများမှ ဦးဆောင်ခဲ့ကြပြီး Hermès Frères ကုမ္ပဏီဟု အမည်ပြောင်းခဲ့သည်။ များမကြာမီပင် Émile-Maurice သည် ရုရှားဘုရင်၏ မြင်းများတွင် ကုန်းနှီးများဖြင့် အလှဆင်ပေးခဲ့ရသည်။[၃] ၁၉၁၄ ခုနှစ်တွင် ကုန်းနှီးထုတ်လုပ်ရေးအတွက် ဝန်ထမ်း ၈၀ ဦးအထိ အလုပ်ခန့်ခဲ့သည်။ နောက်ပိုင်းတွင် Émile-Maurice သည် သားရေပစ္စည်းများနှင့် အဝတ်အထည်များအတွက် ဇစ်ကိုအသုံးပြုရန် သီးသန့်မူပိုင်ခွင့်ကို ရရှိခဲ့ပြီး ပြင်သစ်တွင် ပထမဆုံးသော စက်ပစ္စည်းကို မိတ်ဆက်သူဖြစ်လာခဲ့သည်။[၄] ၁၉၁၈ ခုနှစ်တွင် Hermès သည် ဝေလမင်းသားအတွက် ဇစ်ပါသည့် ပထမဆုံးသော ဂေါက်သီးရိုက်အားကစားသုံး သားရေဂျက်ကက်ကို မိတ်ဆက်ခဲ့သည်။[၇] ၎င်း၏သီးသန့်မူပိုင်ခွင့်ဖြစ်သည့် ဇစ် အား ပြင်သစ်တွင် fermeture Hermès (Hermès fastener) အဖြစ် လူသိများလာခဲ့သည်။[၆]
အသုံးအဆောင်များနှင့် ထုတ်ကုန်များ
[ပြင်ဆင်ရန်]
ဇိမ်ခံပစ္စည်းများနှင့်ပတ်သက်၍ လူသိများကျော်ကြားသော အားမာ့ဇ်တွင် သားရေ၊ ပုဝါ၊ လည်စည်း၊ အမျိုးသားဝတ်၊ အမျိုးသမီးဝတ်၊ ရေမွှေး၊ လက်ပတ်နာရီ၊ စာရေးကိရိယာ၊ ဖိနပ်၊ လက်အိတ်၊ ကြွေထည်၊ အလှဆင် အနုပညာလက်ရာများ၊ ပန်းကန်ခွက်ယောက်နှင့် လက်ဝတ်ရတနာ စသည့် ထုတ်လုပ်ရေးဌာနကြီး ၁၄ ခု ရှိသည်ဟု ၂၀၀၈ ခုနှစ် အချက်အလက်များအရ သိရသည်။[၄]
အားမာ့ဇ်၏ ရောင်းချရမှုများတွင် သားရေပစ္စည်း ၃၀%၊ အဝတ်အထည် ၁၅%၊ ပဝါ ၁၂% နှင့် အခြားပစ္စည်းများ ၄၃% ခန့်ပါဝင်သည်။[၃] ကုမ္ပဏီသည် ထုတ်ကုန်များကို လိုင်စင်မပေးဘဲ ၎င်း၏များပြားလှသော ဒီဇိုင်းနှင့် ထုတ်လုပ်မှုများအပေါ် တင်းကျပ်စွာထိန်းချုပ်ထားသည်။[၆]
ကုမ္ပဏီသည် ၎င်း၏ မိရိုးဖလာ ထုတ်လုပ်မှုပုံစံအတိုင်း အလွန်လိုက်နာကျင့်သုံးပြီး အများအပြား ထုတ်လုပ်ခြင်းနှင့် စက်များအသုံးပြု၍ ထုတ်လုပ်ခြင်း မရှိပေ။ အားမာ့ဇ် ၏ ကုန်ပစ္စည်းများသည် အရည်အသွေးမြင့် ထုတ်လုပ်မှုကို အလေးထားသောကြောင့် ပြင်သစ်နိုင်ငံရှိ Les Ateliers Hermès ဟု လူသိများသော ၎င်း၏ တပိုင်တနိုင် အလုပ်ရုံများတွင် လက်ဖြင့်ပြုလုပ်၍သာ ထုတ်လုပ်သည်။ အမှန်စင်စစ်တွင် အားမာ့ဇ်၏ ပစ္စည်းအများစုသည် အစမှအဆုံးအထိ လူတစ်ဦးတည်းကသာ ဖန်တီးထားခြင်းဖြစ်သောကြောင့် ၎င်း၏ထုတ်ကုန်များနှင့်ပတ်သက်၍ အရည်အသွေးနှင့် ထူးခြားမှုကို အာမခံသည် ယူဆနိုင်သည်။
သားရေပစ္စည်း အသုံးအဆောင်များ
[ပြင်ဆင်ရန်]အားမာ့ဇ်သည် ၎င်း၏ လက်လုပ် ခရီးဆောင်အိတ်များနှင့် လက်ကိုင်အိတ်များကြောင့် လူသိများသည်။ ၎င်းပစ္စည်းများကို ပြုလုပ်ရန် အချိန် ၁၈ နာရီမှ ၂၄ နာရီအထိ လိုအပ်သည်။ ၎င်း၏ ကမ္ဘာကျော် ကယ်လီအိတ် (Kelly Bag) တစ်လုံးအား အစမှ အဆုံးထိ ထုတ်လုပ်ချိန် ၁၈ နာရီရှိသည်။[၅] အားမာ့ဇ်၏ အထင်ကရထုတ်ကုန်ဖြစ်သော ၎င်း ကယ်လီအိတ်ကို ဝယ်ယူနိုင်ရန် အချိန် ခြောက်လမှ တစ်နှစ်အထိ စောင့်ဆိုင်းရတတ်သည်။ အားမာ့ဇ်၏ နောက်ထပ်နာမည်ကျော် လက်ကိုင်အိတ်တစ်မျိုးမှာ "ဘာကင်အိတ် (Birkin Bag)" ဖြစ်သည်။[၈][၉]
ကယ်လီအိတ် 
ဌက်ကုလားအုတ်သားရေကဲ့သို့ ထူးဆန်းရှားပါးသည့် သားရေများဖြင့်ပြုလုပ်ထားသော အိတ်များ၏တန်ကြေးသည် ပို၍မြင့်မားသည်။ 
ဘာကင်အိတ်
ပြင်သစ်နိုင်ငံ၊ ပါရီမြို့၊ ၈ ရပ်ကွက်၊ ပဉ္စမမြောက်ဂျော့ရှ်လမ်းမပေါ်ရှိ Hermes စတိုးဆိုင်
ဟောင်ကောင်၊ Prince's Building ရှိ Hermès စတိုးဆိုင်
ကိုးကား
[ပြင်ဆင်ရန်]- ↑ Regulated information။
- ↑ Activity Report 2023။ Paris။ 16 April 2024။ p. 14။
- 1 2 3 4 View the Profilepage of Designer: Hermes။ Fashion Model Directory။
- 1 2 3 Hermès Watches။ WorldTempus။
- 1 2 Hermès။
- 1 2 3 4 Contemporary Fashion။ London။ 1995။ p. 750။
- 1 2 History of Hermès။ History of Fashion။
- ↑ THE BIRKIN RULES (5 September 2006)။
- ↑ Scarlet Conlon, "Birkin 'Satisfied" by Hermès Investigation," Vogue, 15 September 2015
ပြင်ပလင့်များ
[ပြင်ဆင်ရန်]- လက်ပတ်နာရီ အမှတ်တံဆိပ်များ
- ရေမွှေးဖော်စပ်ထုတ်လုပ်သည့် အိမ်တော်များ
- ဇိမ်ခံပစ္စည်း အမှတ်တံဆိပ်များ
- ခရီးဆောင်အိတ် အမှတ်တံဆိပ်များ
- သားရေပစ္စည်း ထုတ်လုပ်သူများ
- ဖက်ရှင် အသုံးအဆောင် အမှတ်တံဆိပ်များ
- အလှကုန်ပစ္စည်း အမှတ်တံဆိပ်များ
- အဝတ်အစား အမှတ်တံဆိပ်များ
- ပြင်သစ်နိုင်ငံ၏ ကုမ္ပဏီများ
- အဝတ်အစား ကုမ္ပဏီများ
- လက်ပတ်နာရီ ထုတ်လုပ်ရေး ကုမ္ပဏီများ
- တန်ဖိုးကြီး ဖက်ရှင် အမှတ်တံဆိပ်များ
- အိတ်များ (ဖက်ရှင်)