အာဟုနေယျသုတ်

ပိဋကတ် သုံးပုံ
ဝိနယပိဋက
ပါရာဇိကဏ် ပါစိတ် မဟာဝဂ် စူဠဝါ ပရိဝါ
သုတ္တန်ပိဋကတ်
ဒီဃနိကာယ် မဇ္ဈိမနိကာယ် သံယုတ္တနိကာယ် အင်္ဂုတ္တရနိကာယ် ခုဒ္ဒကနိကာယ်
အဘိဓမ္မာပိဋကတ်
ဓမ္မသင်္ဂဏီ ဝိဘင်း ဓာတုကထာ ပုဂ္ဂလပညတ် ကထာဝတ္ထု ယမိုက် ပဋ္ဌာန်း

(၇)သုတ် ရှိပါသည်။

ဒွါရ ၆-ပါးတို့ဖြင့် အာရုံ ၆-ပါးတို့ကို သိသည်ရှိသော် ဣဋ္ဌာရုံ၌ ဝမ်းမြောက်မှု၊ အနိဋ္ဌာရုံ၌ စိတ်နှလုံးမသာယာမှု မဖြစ်ပဲ လျစ်လျူရှု၍ သတိသမ္ပဇဉ်ဖြင့် နေသည် ရှိသော် အာဟုနေယျ အစရှိသောဂုဏ်တို့နှင့် ပြည့်စုံနိုင်၏-ဟု ဟောတော်မူသည့်သုတ်။

ဤသုတ်၌-ရဟန္တာပုဂ္ဂိုလ်၏ အမြဲဖြစ်နေသော နေခြင်းကို ဟောတော်မူသည်ဟု အဋ္ဌကထာ၌ ဖွင့်ပြထားပါသည်။

---

ဣဒ္ဓိဝိဓ၊ ဒိဗ္ဗသောတ၊ စေတောပရိယ၊ ပုဗ္ဗေနိဝါသာနုဿတိ၊ ဒိဗ္ဗစက္ခု၊ အာသဝက္ခယ-ဟူသော အဘိညာဏ် ၆-ပါးနှင့် ပြည့်စုံသောရဟန်းတော်သည် အာဟုနေယျ အစရှိသောဂုဏ်တို့နှင့် ပြည့်စုံ၏-ဟု ဟောတော်မူသည့်သုတ်။

အဋ္ဌကထာ၌ -ရဟန္တာပုဂ္ဂိုလ်၏အဘိညာဉ် ၆-ပါးကို ဟောတော်မူသည်ဟု ဖွင့်ပါသည်။

ဋီကာ၌ -ပါဠိတော်လာ ပါဠိအဖွင့်တို့ကို အကျယ်ဖွင့်ပြထားပြီး၊ ဝိသုဒ္ဓိမဂ္ဂဋီကာ (၂။ ၅၆)၌ အကျယ်ယူပါလေ-ဟု ဖွင့်ပြထားပါသည်။

---

(၁)သီလရှိခြင်း၊ (၂)ဗဟုဿုတရှိခြင်း၊ (၃)ကလျာဏမိတ္တရှိခြင်း၊ (၄)သမ္မာဒိဋ္ဌိ ရှိခြင်း၊ (၅)ရူပသမာပတ်ကို ရပြီးခြင်း၊ (၆)ပုဗ္ဗေနိဝါသာနုဿတိအဘိညာဉ်ကို ရပြီးခြင်း၊ (၇)ဒိဗ္ဗစက္ခုအဘိညာဉ်ကို ရပြီးခြင်း၊ (၈)အာသဝက္ခယဉာဏ်ကို ရပြီးခြင်း-ဟူသော တရား ၈-ပါးတို့နှင့် ပြည့်စုံသောရဟန်းသည် အာဟုနေယျ-အစရှိသော ဂုဏ်လေးပါးတို့နှင့် ပြည့်စုံ၏-ဟု ဘုရားရှင် ဟောတော်မူသည့်သုတ်။

---

သီလရှိခြင်း၊ ဗဟုဿုတရှိခြင်း၊ အာရဒ္ဓဝီရိယဖြစ်ခြင်း၊ အာရညိကဖြစ်ခြင်း အရတိ ရတိသဟဖြစ်ခြင်၊ ဘယဘေရဝသဟဖြစ်ခြင်း၊ ရူပသမာပတ်လေးပါးကို ရပြီးခြင်း၊ အာသဝက္ခယဉာဏ်ကို ရပြီးခြင်း-ဟူသော တရား ၈-ပါးတို့နှင့် ပြည့်စုံသောရဟန်းတော်သည် အာဟုနေယျ-အစရှိသော ဂုဏ်လေးပါးနှင့် ပြည့်စုံပေ၏-ဟု ဟောတော်မူသည့်သုတ်။

---

အရဟာ၊ အရဟတ္တာယပဋိပန္န၊ အနာဂါမီ၊ အနာဂါမိဖလသစ္ဆိကိရိယာယပဋိပန္န၊ သကဒါဂါမီ၊ သကဒါဂါမိဖလသစ္ဆိကိရိယာယ၊ သောတာပန္န၊ သောတာပတ္တိဖလ သိစ္ဆိကိရိယာယပဋိပန္န၊ ဂေါတြဘူ-ဟူသော ပုဂ္ဂိုလ် (၉)ယောက်သည် အာဟုနေယျ၊ ပါဟုနေယျ၊ ဒက္ခိဏေယျ၊ အဉ္ဇလီကရဏီယ၊ အနုတ္တရံ ပုညက္ခေတ္တလောကဿဖြစ်သည်ဟု ရဟန်းတို့အား ဘုရားရှင် ဟောကြားတော်မူသည့်သုတ်။

---

သဗ္ဗညုဘုရားရှင်၊ ပစ္စေကဗုဒ္ဓါ၊ ဥဘတောဘာဂဝိမုတ္တပုဂ္ဂိုလ်၊ ပညာဝိမုတ္တပုဂ္ဂိုလ်၊ ကာယသက္ခီပုဂ္ဂိုလ်၊ ဒိဋ္ဌိပ္ပတ္တပုဂ္ဂိုလ်၊ သဒ္ဓါဝိမုတ္တပုဂ္ဂိုလ်၊ သဒ္ဓါနုသာရီပုဂ္ဂိုလ်၊ ဓမ္မာနုသာရီ ပုဂ္ဂိုလ်၊ (သိခါပတ္တဝိပဿနာဉာဏ်ဖြစ်သော နိဗ္ဗာန်ကိုအာရုံပြုသော)ဂေါတြဘူဉာဏ်နှင့် ပြည့်စုံသော တိဟိတ်ပုထုဇဉ်ပုဂ္ဂိုလ်-ဟူသော ပုဂ္ဂိုလ်ဆယ်မျိုးတို့သည် အာဟုနေယျအစရှိသော ဂုဏ်လေးပါးတို့နှင့် ပြည့်စုံပေကုန်၏-ဟု ဟောတော်မူသည့်သုတ်။

---

(၁)သီလရှိခြင်း၊ (၂)ဗဟုဿုတရှိခြင်း၊ (၃)ကလျာဏမိတ္တရှိခြင်း၊ (၄)သမ္မာဒိဋ္ဌိ ဖြစ်ခြင်း၊ (၅)ဣဒ္ဓိဝိဓ၊ (၆)ဒိဗ္ဗသောတ၊ (၇)ပရစိတ္တဝိဇာနန၊ (၈)ပုဗ္ဗေနိဝါသာနုဿတိ၊ (၉)ဒိဗ္ဗစက္ခု-ဟူသော အဘိညာဉ်ငါးပါးနှင့် (၁၀)အာသဝက္ခယဉာဏ်ကို ရပြီးခြင်း-ဟူသော တရားဆယ်မျိုးတို့နှင့် ပြည့်စုံသောပုဂ္ဂိုလ်သည် အာဟုနေယျ-အစရှိသော ဂုဏ်တို့နှင့် ပြည့်စုံပေ၏-ဟု ဘုရားရှင် ဟောတော်မူသည့်သုတ်။