အရှင်မြင့်မှ ကျွန်မြင့်

အရှင်မြင့်မှ ကျွန်မြင့် သည် မြန်မာဆိုရိုးစကား ဖြစ်သည်။

အဓိပ္ပာယ်

အရှင်မြင့်မှ ကျွန်မြင့်: မိမိ၏ အရှင်သခင် သို့မဟုတ် အထက်လူကြီးသည် ရာထူးဌာနန္တရ မြင့်မားလာမှသာ မိမိကိုယ်တိုင်လည်း ရာထူးတိုးတက်ခြင်း၊ ဂုဏ်သတင်း ကျော်ကြားခြင်း စသည့် အကျိုးကျေးဇူးများ ရရှိနိုင်သည်။

ဆိုလိုသည်မှာ လက်အောက်ငယ်သား သို့မဟုတ် အောက်ခြေဝန်ထမ်းများ၏ တိုးတက်မှုသည် အထက်လူကြီး သို့မဟုတ် အဖွဲ့အစည်း၏ အောင်မြင်မှုနှင့် ဆက်စပ်နေကြောင်းကို ဖော်ပြသည်။ အထက်လူကြီး သို့မဟုတ် အဖွဲ့အစည်းသည် တိုးတက်မှုမရှိပါက လက်အောက်ငယ်သားများ၏ တိုးတက်မှုသည်လည်း အကန့်အသတ် ရှိနိုင်သည်။ ဤဆိုရိုးစကားသည် အဖွဲ့အစည်းအတွင်းရှိ အပြန်အလှန် မှီခိုအားထားမှုနှင့် ပူးပေါင်းဆောင်ရွက်မှု၏ အရေးပါမှုကို အလေးပေးဖော်ပြသည်။ အရှင်မြင့်က ကျွန်တင့်, အရှင်တင့် ကျွန်မြင့် ဟူ၍လည်း အဆိုများရှိသည်။

ကိုးကားချက်များ

• "အရှင်မြင့်မှ၊ ကျွန်မြင့်တုံချင်၊ ဤလူ့ခွင်၌၊ အရှင်သွေးထွက်၊ ကျွန်သွေးထွက်တည့်၊ ပျက်လည်းအမျှ၊ ဖြစ်ကအတူ၊"
• "အရှင်မြင့် ကျွန်တင့်ဆိုသည့်အတိုင်း အရှင်ဘုရား၏ ရွှေဘုန်းတော် ကြီးကျယ်မြင့်မြတ်တော်မူပါလျှင်လည်း ဘုရာ့ကျွန်တော်များ ကောင်းစားတင့်တယ်၍…၊"
• "အရှင်တင့် ကျွန်မြင့် ဆိုတဲ့ စကားအတိုင်း အရှင်နှစ်ပါးလည်း ရွှေဘုန်းတော် ကြီးမား၍ ဘုရားကျွန်မလည်း … အမြင့်တန်းသို့ ရောက်လိမ့်မည်ဆိုတာ…၊"