မဟာကပ္ပိန
မဟာကပ္ပိနမထေရ်[၁]သည် ဗုဒ္ဓဘာသာတွင် ထင်ရှားကျော်ကြားသော ရဟန်းတော်တစ်ပါးဖြစ်သည်။ ဘုရားရှင် ကိုယ်တော်မြတ်မှ "ဘိက္ခု ဩဝါဒက" ဟူသော ရဟန်းတို့အား ဆုံးမဟောကြားရာတွင် အကောင်းဆုံး အမြတ်ဆုံးဖြစ်သော ဧတဒဂ်ဘွဲ့ကို ချီးမြှင့်ခံရသူဖြစ်သည်။ (၁) ကပ္ပိနမင်း။ (၂) ကပ္ပိန ဥပါသကာ။ (၃) ကပ္ပိနမထေရ်။ ဤအမည် သုံးခုလုံးပင် မဟာကပ္ပိနမင်း၏ ဖြစ်စဉ်များ၌ ပါဝင်သည်၊
မဟာကပ္ပိန၏ ဘဝ
[ပြင်ဆင်ရန်]မဟာကပ္ပိနသည် မဇ္ဈိမဒေသ၏ အစွန်အဖျားကျသော ပစ္စန္တအရပ် ကုက္ကုဋဝတီမြို့၌ မင်းသားအဖြစ် မွေးဖွားခဲ့သည်။ ငယ်စဉ်အခါက ကပ္ပိန ကုမာရဟု ခေါ်တွင်ခဲ့ပြီး ခမည်းတော် နတ်ရွာစံပြီးနောက် မင်းအဖြစ်ကို ရရှိသောအခါ မဟာကပ္ပိနဟု ထင်ရှားလာခဲ့သည်။ မိဖုရားကား အနောဇာဒေဝီဖြစ်သည်။
ဘုရားရှင်နှင့် တွေ့ဆုံခြင်း
[ပြင်ဆင်ရန်]မဟာကပ္ပိနမင်းသည် သာဝတ္ထိမြို့မှ ကုန်သည်များထံမှ ဘုရား၊ တရား၊ သံဃာ ရတနာသုံးပါး သူတို့၏ဒေသ၌ ပွင့်ပေါ်လျက်ရှိကြောင်း သတင်းစကားကို ကြားသိရပြီး ပီတိဖြစ်ကာ မင်းအမတ်ပေါင်း ခြံရံလျက် ဘုရားရှင်ရှိရာ သာဝတ္ထိသို့ သွားရောက်ခဲ့သည်။ ထိုခရီးစဉ်တွင် အခြံအရံအားလုံး အရဟတ္တဖိုလ်ရ ဧဟိဘိက္ခုများ ဖြစ်သွားကြသည်။ အနောဇာဒေဝီနှင့် မောင်းမ မိဿံများလည်း ထိုနည်းအတူ ဘိက္ခုနီပြုပြီး သောတာပန်များ ဖြစ်ကြသည်။
ရဟန်းဘဝ
[ပြင်ဆင်ရန်]မဟာကပ္ပိနမင်းသည် ဘုရားရှင်ထံတွင် ရဟန်းပြုခဲ့သည်။ ရဟန်းဘဝတွင် တရားဟော ဆုံးမသည့်အရာ၌ အကောင်းဆုံးဖြစ်သောကြောင့် "ဘိက္ခု ဩဝါဒက" ဧတဒဂ်ဘွဲ့ကို ရရှိခဲ့သည်။
ဧတဒဂ်ဘွဲ့ ရရှိခြင်း
[ပြင်ဆင်ရန်]အရှင်မဟာကပ္ပိနမထေရ်သည် ရဟန်းတို့အား တရားဟောကြား ဆုံးမသည့်အရာတွင် အကောင်းဆုံးဖြစ်သောကြောင့် မြတ်စွာဘုရားရှင်မှ "ဘိက္ခု ဩဝါဒက" ဧတဒဂ်ဘွဲ့ကို ချီးမြှင့်ခဲ့သည်။[၂]