အပ် ဦးပဲ့ထမ်း

ဝီကီပီးဒီးယား မှ
Jump to navigation Jump to search

အပ် ဦးပဲ့ထမ်း ဟူသည်မှာ မြန်မာစကားပုံတစ်ခု ဖြစ်သည်။

ရှင်းလင်းချက်[ပြင်ဆင်ရန်]

ချုပ်အပ်တစ်ချောင်းကိုပင် ဦးကတစ်ယောက် ပဲ့ကတစ်ယောက် ညီညီညွတ်ညွတ် ထမ်းသည်ဆိုသကဲ့သို့ အရာရာ၌ ညီညီညွတ်ညွတ် စုပေါင်းလုပ်ဆောင်သည်ကို ဆိုလိုသည်။ အခြားဆိုလိုရင်းတစ်ခုမှာ အပ်တစ်ချောင်းကိုပင် မိမိတစ်ဦးတည်းဆိုလျှင် မထမ်းဘဲ သူ ဦးက ထမ်းမှ ကိုယ် ပဲ့က ထမ်းနိုင်မည်ဆို၍ တွက်ကတ်သကဲ့သို့ အသေးအမွှားကိစ္စများကိုပင် အချင်းချင်း တွက်ကတ် ကြေးတိုက်သည်ဟူ၍ ဖြစ်သည်။

ဆန့်ကျင်ဘက်အနက်ရှိသည့်အခြားစကားပုံ[ပြင်ဆင်ရန်]

ကတ်မည့်ကတ် အပ် ဦးပဲ့ထမ်း -နှင့် နှိုင်းယှဉ်။

နမူနာအသုံး[ပြင်ဆင်ရန်]

  • "မှုတော်ရေးရာ၊ ထွက်သောခါလျှင်၊ ညီညာချပ်ချပ်၊ တစ်ချောင်းအပ်ကို၊ ကြပ်ကြပ်ဦးပဲ့ထမ်းသကဲ့သို့၊" [၉၀၄] ဘုံ* ၈၅။
  • "တောသူတောင်သားတို့၏ အခြေအနေ တိုးတက်ရာ တိုးတက်ကြောင်းကို အပ်ဦးပဲ့ထမ်းသည့်အလား တွက်ကပ်၍ မနေဘဲ..." [၁၂၉၈] ပြုပြင်ရေး၊ ၁၊ ၁၁။ ၆၉။

ကျမ်းကိုး[ပြင်ဆင်ရန်]

  1. မြန်မာစာအဖွဲ့၊ မြန်မာစကားပုံ၊ နှာ-၂၈၈