မြန်မာနိုင်ငံ၏ အလံတော်: တည်းဖြတ်မှု မူကွဲများ
စာတွဲများ: မိုဘိုင်းလ် တည်းဖြတ် မိုဘိုင်းလ် ဝက်ဘ် တည်းဖြတ် အဆင့်မြင့် မိုလ်ဘိုင်းတည်းဖြတ် |
စာတွဲများ: မိုဘိုင်းလ် တည်းဖြတ် မိုဘိုင်းလ် ဝက်ဘ် တည်းဖြတ် အဆင့်မြင့် မိုလ်ဘိုင်းတည်းဖြတ် |
||
စာကြောင်း ၁၄၆ - | စာကြောင်း ၁၄၆ - | ||
== သမိုင်းတလျှောက် မြန်မာ့အလံများ == |
== သမိုင်းတလျှောက် မြန်မာ့အလံများ == |
||
<gallery> |
<gallery> |
||
File:Flag of Konbaung Dynasty (Nonrectangular).svg|[[ကုန်းဘောင်ခေတ်]] (၁၈၂၆–၁၈၈၅) |
File:Flag of Konbaung Dynasty (Nonrectangular).svg|[[ကုန်းဘောင်ခေတ်]] [[ကုန်းဘောင်ခေတ် အလံများ|မြန်မာအလံတော်]] (၁၈၂၆–၁၈၈၅) |
||
File:Flag of the United Kingdom.svg|မြန်မာနိုင်ငံကို [[ဗြိတိသျှအင်ပါယာ]]၏ လက်အောက်အဖြစ်ထားရှိချိန် (၁၈၂၄–၁၉၃၇) |
File:Flag of the United Kingdom.svg|မြန်မာနိုင်ငံကို [[ဗြိတိသျှအင်ပါယာ]]၏ လက်အောက်အဖြစ်ထားရှိချိန် (၁၈၂၄–၁၉၃၇) |
||
File:British Raj Red Ensign.svg|[[ဗြိတိသျှအိန္ဒိယ|အိန္ဒိယကိုလိုနီ]]ကိုယ်စားပြုအလံ (၁၈၈၀–၁၉၃၇) |
File:British Raj Red Ensign.svg|[[ဗြိတိသျှအိန္ဒိယ|အိန္ဒိယကိုလိုနီ]]ကိုယ်စားပြုအလံ (၁၈၈၀–၁၉၃၇) |
||
စာကြောင်း ၁၅၂ - | စာကြောင်း ၁၅၂ - | ||
File:Burmese Nationalist Flag.svg|[[တို့ဗမာအစည်းအရုံး]]၏ သုံးရောင်ခြယ်အလံ (၁၉၃၀–၁၉၃၅) |
File:Burmese Nationalist Flag.svg|[[တို့ဗမာအစည်းအရုံး]]၏ သုံးရောင်ခြယ်အလံ (၁၉၃၀–၁၉၃၅) |
||
File:Flag of the State of Burma (1943-45).svg|တို့ဗမာအစည်းအရုံးအမျိုးသားလှုပ်ရှားမှုအလံ (၁၉၃၅–၁၉၃၈) |
File:Flag of the State of Burma (1943-45).svg|တို့ဗမာအစည်းအရုံးအမျိုးသားလှုပ်ရှားမှုအလံ (၁၉၃၅–၁၉၃၈) |
||
File:Hammer and Sickle flag of Burma.svg|တို့ဗမာအစည်းအရုံးအမျိုးသားလှုပ်ရှားမှုအလံ ( |
File:Hammer and Sickle flag of Burma.svg|တို့ဗမာအစည်းအရုံးအမျိုးသားလှုပ်ရှားမှုအလံ (၁၉၃၈–၁၉၃၉) |
||
File:British Burma 1937 flag.svg|သီးခြား[[ကိုလိုနီခေတ်|မြန်မာကိုလိုနီ]]အလံ (၁၉၃၉ ဖေဖော်ဝါရီ ၆ – ၁၉၄၁ မေ ၃၀၊ ၁၉၄၅ မေ ၃ – ၁၉၄၈ ဇန်နဝါရီ ၄) |
File:British Burma 1937 flag.svg|သီးခြား[[ကိုလိုနီခေတ်|မြန်မာကိုလိုနီ]]အလံ (၁၉၃၉ ဖေဖော်ဝါရီ ၆ – ၁၉၄၁ မေ ၃၀၊ ၁၉၄၅ မေ ၃ – ၁၉၄၈ ဇန်နဝါရီ ၄) |
||
File:Flag of Burma (1941–1942).svg|[[ဗြိတိသျှဘားမား]]အလံ (၁၉၄၁ မေ ၃၀ – ၁၉၄၂ ဩဂုတ်လ ၁) |
File:Flag of Burma (1941–1942).svg|[[ဗြိတိသျှဘားမား]]အလံ (၁၉၄၁ မေ ၃၀ – ၁၉၄၂ ဩဂုတ်လ ၁) |
||
File:Flag of Japan (1870–1999).svg|[[ဂျပန်ကိုလိုနီခေတ်|ဂျပန်တို့၏သိမ်းပိုက်မှု]] (၁၉၄၂ ဩဂုတ် ၁ – |
File:Flag of Japan (1870–1999).svg|[[ဂျပန်ကိုလိုနီခေတ်|ဂျပန်တို့၏သိမ်းပိုက်မှု]] (၁၉၄၂ ဩဂုတ် ၁ – ၁၉၄၃ ဩဂုတ် ၁) |
||
File:Flag of Burma 1943.svg|[[ဂျပန်ခေတ်မြန်မာပြည်|ဂျပန်ခေတ်ဗမာနိုင်ငံတော်]]အလံ ၁၉၄၃ ဩဂုတ် ၁ – ၁၉၄၅ မေ ၃ |
File:Flag of Burma 1943.svg|[[ဂျပန်ခေတ်မြန်မာပြည်|ဂျပန်ခေတ်ဗမာနိုင်ငံတော်]]အလံ (၁၉၄၃ ဩဂုတ် ၁ – ၁၉၄၅ မေ ၃) |
||
File:Flag of the State of Burma (Stylized version).svg|ဂျပန်ခေတ်အလံရိုးရှင်းပုံစံ |
File:Flag of the State of Burma (Stylized version).svg|ဂျပန်ခေတ်အလံရိုးရှင်းပုံစံ |
||
File:Flag of the AFPFL.svg|ဖက်ဆစ်ဆန့်ကျင်ရေးလှုပ်ရှားမှုအလံ (၁၉၄၃–၁၉၄၅) |
File:Flag of the AFPFL.svg|ဖက်ဆစ်ဆန့်ကျင်ရေးလှုပ်ရှားမှုအလံ (၁၉၄၃–၁၉၄၅) |
၁၅:၃၂၊ ၁၂ နိုဝင်ဘာ ၂၀၂၁ ရက်နေ့က မူ
အသုံးပြုခြင်း | နိုင်ငံတော်အလံ နှင့် အရပ်သားသုံးအလံ |
---|---|
အချိုးအစား | ၂:၃[၁] |
ရွေးချယ်ခြင်း | ၂၁ အောက်တိုဘာ ၂၀၁၀ |
ဒီဇိုင်း | ထောင့်မှန်စတုဂံပုံစံ သုံးရောင်ခြယ်အလံတော် |
မြန်မာနိုင်ငံ၏ အလံတော်သည် ပြည်ထောင်စုသမ္မတမြန်မာနိုင်ငံတော်ကို ကိုယ်စားပြုသော အလံတော်ဖြစ်သည်။ မြန်မာနိုင်ငံတော်အစိုးရသည် ၂၀၁၀ ခုနှစ် အောက်တိုဘာလ ၂၁ ရက်နေ့ ညနေ ၃ နာရီ ၃၀ မိနစ် တွင် အလံတော်အသစ်ကို တရားဝင်လွှင့်ထူ သုံးစွဲခဲ့ပြီး ၁၉၇၄ ခုနှစ်မှစ၍ သုံးစွဲခဲ့သည့် ပြည်ထောင်စု ဆိုရှယ်လစ်သမ္မတ မြန်မာနိုင်ငံတော်အလံကို ဖျက်သိမ်းလိုက်သည်။ နိုင်ငံတော်အလံ ဥပဒေ၊ နိုင်ငံတော်အထိမ်းအမှတ်တံဆိပ် ဥပဒေ၊ နိုင်ငံတော်သီချင်း ဥပဒေနှင့် နိုင်ငံတော်အလံ နည်းဥပဒေများ၊ နိုင်ငံတော်အထိမ်းအမှတ်တံဆိပ် နည်းဥပဒေများ၊ နိုင်ငံတော်သီချင်း နည်းဥပဒေများကို တပြိုင်နက်တည်း ပြဋ္ဌာန်းထုတ်ပြန်ခဲ့သည်။ နိုင်ငံတော်အလံ၊ နိုင်ငံတော်အထိမ်းအမှတ်တံဆိပ်နှင့် နိုင်ငံတော်သီချင်း အသစ်များကို ၂၀၀၈ ခုနှစ်တွင် အတည်ပြုခဲ့သည့် ဖွဲ့စည်းပုံအခြေခံဥပဒေ အခန်း ၁၃ ပုဒ်မ ၄၃၇၊ ၄၃၈ နှင့် ၄၃၉ တို့တွင် အသီးသီး ပြဋ္ဌာန်းရေးသားထားသည်။ [၂][၃]
ဖော်ပြချက်
အလံတော်တွင် အဝါ၊အစိမ်း၊အနီရောင်တို့ အောက်ခံအဖြစ် ပါရှိခြင်းမှာ လွတ်လပ်ရေးကြိုးပမ်းမှုကာလအတွင်းက အသုံးပြုခဲ့သော သုံးရောင်ခြယ်အလံကို အလေးမြတ်ပြု ဖော်ညွှန်းခြင်းဖြစ်သည်။
- အဝါရောင်သည် စည်းလုံးခြင်း၊ ညီညွတ်ခြင်း၊ ဉာဏ်ပညာကြီးမားခြင်း၊ ပျော်ရွှင်ခြင်းနှင့် တိုင်းရင်းသားအားလုံး စည်းလုံးညီညွတ်မှုရှိခြင်း
- အစိမ်းရောင်သည် မြေဆီဩဇာကြွယ်ဝခြင်း၊ ညီညွတ်မျှတခြင်းနှင့် အေးချမ်းသာယာ၍ စိမ်းလန်းစိုပြည်သည့်နိုင်ငံဖြစ်ခြင်း
- အနီရောင်သည် ရဲရင့်ခြင်းနှင့် ပြတ်သားခြင်း
- ကြယ်၏အရောင်ဖြစ်သော အဖြူရောင်သည် သန့်ရှင်းစင်ကြယ်ခြင်း၊ ဖြောင့်မတ်မှန်ကန်ခြင်း၊ ကရုဏာတရားပြည့်ဝခြင်းနှင့် စွမ်းအင်နှင့်ပြည့်စုံခြင်း ဟူသောအဓိပ္ပာယ်များကို ဖော်ညွှန်းသည်။[၄]
အရွယ်အစားနှင့် အတိုင်းအတာ
- နိုင်ငံတော်အလံ၏ စံပြုအရွယ်အစားမှာ ထောင့်မှန်စတုဂံပုံဖြစ်ပြီး အလျား ၉ ပေ၊ အနံ ၆ ပေဖြစ်သည်။
- နိုင်ငံတော်အလံ၏အောက်ခံအရောင်ဖြစ်သော အဝါ၊အစိမ်းနှင့် အနီရောင်တို့မှာ အနံ ၆ ပေကို သုံးပုံတစ်ပုံစီဖြစ်၍ တစ်ရောင်လျှင် ၂ ပေ ဖြစ်သည်။
- ထိုအောက်ခံပေါ်တွင် ရောင်ခြည်လက်တံငါးခုပါသော ကြယ်ဖြူကြီးတစ်လုံးပါရှိသည်။ထိုကြယ်ဖြူကြီး၏ အပေါ်ကြယ်လက်တံသည် အလံတော်အလျား၏ တစ်ဝက်ဖြစ်သော ၄ ပေ ၆ လက်မနှင့် တည့်တည့်နေရာတွင်ရှိပြီး အထက်သို့ မတ်မတ်ညွှန်းရမည်။
- ကြယ်၏ အပေါ်ထိပ်မှ အဝါရောင်အနားသတ်အထိ အကွာအဝေးနှင့် ကြယ်၏အောက်ဘက်ရှိ ကြယ်လက်တံနှစ်ခုမှ အနီရောင်အနားသတ်အထိ အကွာအဝေးတို့သည် ၁ ပေစီရှိရမည်။
- ကြယ်လက်တံထိပ်တစ်ခုနှင့် တစ်ခုသည် ၂ ပေ ၇.၂ လက်မစီ အကွာအဝေး တူညီရမည်။[၄]
အရောင်အသွေး
အရောင် | အဝါ | အစိမ်း | အနီ | အဖြူ |
---|---|---|---|---|
သတ်မှတ်ချက် အညွှန်းကိန်း | 116 | 361 | 1788 | Safe |
RGB | 254-203-0 | 52-178-51 | 234-40-57 | 255-255-255 |
Hexadecimal | #FECB00 | #34B233 | #EA2839 | #FFFFFF |
CMYK | 0, 20, 100, 0 | 76, 0, 100, 0 | 0, 98, 82, 0 | 0, 0, 0, 0 |
နိုင်ငံတော်အလံ အသုံးပြုခြင်း
နိုင်ငံတော်အလံကို အသုံးပြုရာတွင် ပြဋ္ဌာန်းထားသော ဥပဒေ၊နည်းဥပဒေများနှင့် အညီအသုံးပြုရမည်ဖြစ်ပြီး တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ပြီး ပြစ်မှုထင်ရှားပါက ၃နှစ်ထက်မပိုသော ထောင်ဒဏ်ဖြစ်စေ၊ငွေဒဏ် ၃သိန်းဖြစ်စေ၊ ပြစ်ဒဏ်၂ရပ်လုံးဖြစ်စေ ချမှတ်ခံရမည်ဖြစ်သည်။
အလံသမိုင်းကြောင်း
အစောဆုံးအလံ
မြန်မာနိုင်ငံတွင် အစောဆုံးဟူ၍ သိရှိရသောအလံမှာ ဟံသာဝတီအလံဟူ၍ ဆိုနိုင်သည်။ ထိုအလံတွင် အစိမ်းရောင်နောက်ခံ၌ ရွှေရောင်ဟင်္သာပုံပါရှိသည်။
ကုန်းဘောင်ခေတ်အလံ
ကုန်းဘောင်ခေတ်အလံသည် မည်သို့ရှိသည်ကို အသေအချာမသိရပေ။ သို့သော်အလံတွင် အနီစက်ဝိုင်း၌ အစိမ်းရောင်ဒေါင်းရုပ်ပါရှိသည် ဟူ၍သိရှိကြသဖြင့် အလံပုံစံမှာ ဒီဇိုင်းဆွဲသူအပေါ်မူတည်၍ ကွဲလွဲနိုင်သည်။[၅] ဒေါင်းသည် နေမင်း၏ အထိမ်းအမှတ်ဖြစ်သည်။ ထို့အပြင် မြန်မာနိုင်ငံ၏ ကိုယ်စားပြုသတ္တဝါလည်းဖြစ်ရာ နောက်ပိုင်းတွင်ခွပ်ဒေါင်းအလံများကို အသုံးပြုလွှင့်ထူကြသည်။
ကိုလိုနီခေတ်အလံ
ကိုလိုနီခေတ်ဦးတွင် မြန်မာပြည်ကို အိန္ဒိယပြည်နယ်အဖြစ် သတ်မှတ်ထားသောကြောင့် အိန္ဒိယကိုကိုယ်စားပြုသော အလံကိုသာ လွှင့်ထူခဲ့ရသည်။ နောက်ပိုင်းတွင် မြန်မာနိုင်ငံသည် သီးခြားကိုလိုနီဖြစ်လာခဲ့သောအခါ ယူနီယံဂျက်နှင့်ဒေါင်းရုပ်အလံကို အသုံးပြုခဲ့သည်။ ၁၉၂၀ ပထမကျောင်းသားသပိတ်အချိန်မှစ၍ ဒေါင်းရုပ်အလံကို ပြန်လည်အသုံးပြုလာခဲ့ကြသည်။
၁၉၃၀ တွင် တို့ဗမာအစည်းအရုံးအသင်းပေါ်ပေါက်လာခဲ့သည်။ တို့ဗမာအစည်းအရုံးသည် ဝါ၊ စိမ်း၊ နီ သုံးရောင်ခြယ်အလံကို ရေးဆွဲခဲ့ပြီး သုံးရောင်ခြယ် သီချင်းလည်း ပေါ်ပေါက်လာခဲ့သည်။ အဝါရောင်သည် ဘာသာရေး၊ သာသနာရေးနှင့် ပညာရေး အထိမ်းအမှတ်ဖြစ်သည်။ အစိမ်းရောင်သည် စပါးဆန်ရေ ပေါကြွယ်ဝမှု၊ ရွှေငွေရတနာ အထွက်ကောင်းမှုတို့ကို ကိုယ်စားပြုသည်။ အနီရောင်သည် မြန်မာတို့၏ ရဲ့ရင့်ခြင်းကို ကိုယ်စားပြုသည်။ အမျိုးသားရေးလှုပ်ရှားသူများသည် ယူနီယံဂျက်အလံအစား ထိုသုံးရောင်ခြယ်အလံကို လွှင့်ထူခဲ့ကြသည်။ ၁၉၃၅ တွင် ဒေါင်းရုပ်ကို ထည့်သွင်းခဲ့ပြီး ၁၉၃၈ တွင် အရေးတော်ပုံကြီး ပေါ်ပေါက်လာခဲ့ရာ အလုပ်သမားနှင့် လယ်သမားကိုယ်စားပြု တူနှင့်တံစဉ်းတို့ဖြင့် အစားထိုးခဲ့သည်။[၆]
ဂျပန်ခေတ်မြန်မာနိုင်ငံတွင်လည်း ဝါ၊ စိမ်း၊ နီ သုံးရောင် ခြယ်နှင့်ဒေါင်းရုပ်အလံကိုလည်း အသုံးပြုခဲ့သည်။ ဂျပန်တို့ကို တော်လှန်သောအခါ၌ ပိတ်အနီ လက်ဝဲဖက်ထောင့်တွက် ကြယ်ဖြူတစ်ပွင့်ပါရှိသော အလံတော်ကို အသုံးပြုခဲ့ကြသည်။
ပြည်ထောင်စုမြန်မာနိုင်ငံအလံ
၁၉၄၇-ခုနှစ်တွင် မြန်မာနိုင်ငံသည် လုံးဝအချုပ်အခြာအာဏာပိုင်လွတ်လပ်ရေး ရရှိတော့မည်ဖြစ်၍ နိုင်ငံတော်နှင့်တကွ တမျိုးသားလုံးကို၎င်း၊ နိုင်ငံ၏ အုပ်ချုပ်ရေးအာဏာကို၎င်း ကိုယ်စားပြုသည့် နိုင်ငံတော်အလံ၊ နိုင်ငံတော်တံဆိပ်နှင့် နိုင်ငံတော်သီချင်းကို မရှိမဖြစ် လိုအပ်လာတော့သည်။ ထို့ကြောင့် တိုင်းပြည်ပြုလွှတ်တော်သည် နိုင်ငံတော်အလံ၊ နိုင်ငံတော်တံဆိပ်နှင့် နိုင်ငံတော်သီချင်းအတွက် ကော်မတီတစ်ရပ် ဖွဲ့စည်းခဲ့သည်။ ထိုကော်မတီတွင် မူလက သဘာပတိအဖြစ် ဒီးဒုတ်ဦးဘချို ကြီးမှူး၍ အဖွဲ့ဝင်များအဖြစ်
- ဦးအောင်ဇံဝေ
- ဗိုလ်မှူးအောင်
- မွန်ထွန်းရင်
- ဗိုလ်အောင်ကြီး
- ဒေါ်ခင်လှ
- ဆရာလှမင်း
- မိုင်းပွန်စော်ဘွား စဝ်စံထွန်း
- ဦးဇော်လွန်း
- ဦးဝမ်ကိုဟော တို့ပါဝင်ခဲ့သည်။ (နောင်တွင် ဦးဝမ်ကိုဟော နုတ်ထွက်၍ ဦးငွန်းတိုးအား အစားခန့်ထားသည်။)
ထို့နောက် မြန်မာမှုနှင့် အနုပညာဆိုင်ရာ ကျွမ်းကျင်သူများ ဖြစ်သော ပန်းချီဆရာကြီး ဦးငွေကိုင်နှင့် ဦးအုန်းလွင်၊ ဂီတဆိုင်ရာ ဦးဘသန်းနှင့် ဒဂုန် ဆရာတင်၊ အသံလွှင့်ဌာနမှ ဦးခင်ဇော်နှင့် ဦးထင်ဖတ်တို့ကို ဖြည့်စွက်ခန့်ထားပြီးနောက် အတိုင်ပင်ခံအဖြစ် ဦးသိန်းဟန် (ဆရာဇော်ဂျီ) ကိုလည်း ထည့်သွင်းခဲ့ပေသည်။
ထိုကော်မတီသည် အလံဒီဇိုင်းပြိုင်ပွဲကို ကျင်းပခဲ့၍ ကိုမောင်ဝင်း၏ဒီဇိုင်းသည် ပထမရရှိခဲ့ရာ ထိုဒီဇိုင်းကို အတည်ပြုခဲ့သည်။[၇] လွတ်လပ်ရေးရပြီး ၁၉၄၈ ဇန်နဝါရီလ ၄ ရက်၊ နံနက် ၄ နာရီ ၂၅ မိနစ်တွင် ပြည်ထောင်စုမြန်မာနိုင်ငံအလံကို ပထမဆုံးလွှင့်ထူနိုင်ခဲ့သည်။ မြန်မာ့အရေးနှင့်ပက်သက်သော ဆန္ဒပြပွဲများတွင် ထိုအလံကိုအသုံးပြုလေ့ရှိတတ်သည်။[၈]
အတိုင်းအတာများ
အလံတော်သည် အလျား ၉ ပေ၊ အနံ ၅ ပေ၊ ဘယ်ဘက်ထောင့်တွင် အလျား ၄ ပေ၊ အနံ ၂ ပေ ၆ လက်မ ရှိသော အပြာရင့်ရောင်အခန်းပါရှိသည်။ ထိုအပြာခန်းတွင် တော်လှန်ရေးကြယ်ကြီးတစ်လုံးကို ကြယ်ငယ် ၅ လုံးက ဝန်းရံလျက်ရှိသည်။ ကြယ်ကြီး၏ထောင့်စွန်းများကို ဆက်ဆွဲထားသော စက်ဝိုင်း၏အချင်းမှာ ၁၈ လက်မ၊ ကြယ်ငယ်များအတွက် အချင်း ၉ လက်မဖြစ်သည်။[၉]
Colours scheme | အပြာ | အနီ | အဖြူ |
---|---|---|---|
RGB | 32-66-161 | 218-45-28 | 255-255-255 |
Hexadecimal | #2042A1 | #DA2D1C | #FFFFFF |
CMYK | 80, 59, 0, 37 | 0, 79, 87, 15 | 0, 0, 0, 0 |
အဓိပ္ပာယ်
ကြယ်အကြီးသည် ဖက်ဆစ်ဂျပန်တို့ကို တော်လှန်တိုက်ထုတ်ခဲ့ကြောင်းကိုကိုယ်စားပြု၍ ကြယ်ငယ်ကလေးများသည် ပြည်ထောင်စုမြန်မာနိုင်ငံတော်ရှိ တိုင်းရင်းသားအားလုံး၏ စည်လုံးညီညွတ်ခြင်းကို ကိုယ်စားပြုသည်။
အနီရောင်သည် ရဲ့ရင့်ခြင်း၊ သတ္တိရှိခြင်းကို ကိုယ်စားပြုသည်။ အပြာရောင်သည် ကောင်းကင်၏သဘောဖြစ်သော တည်ငြိမ်အေးချမ်းခြင်း၊ ကြည်လင်ခြင်းတို့ကို ကိုယ်စားပြုသည်။ အဖြူရောင်သည် ဖြူစင်ခြင်း၊ ဖြောင့်မတ်မှန်ကန်ခြင်း၊ တည်ကြည်ခြင်းတို့ကို ကိုယ်စားပြုသည်။ ကြယ်ကိုအသုံးပြုရခြင်းမှာ ခရီးလမ်းတွင် မရပ်မနားသွားတတ်ခြင်း၊ ခရီးသည်တို့၏ လမ်းညွှန်ကဲ့သို့ဖြစ်ခြင်း၊ ကမ္ဘာဦးကာလကတည်းက တည်ရှိနေခဲ့ခြင်းစသော သဘောသဘာဝများကြောင့်ဖြစ်သည်။[၁၀]
ပြည်ထောင်စု ဆိုရှယ်လစ် သမ္မတ မြန်မာနိုင်ငံတော်အလံ
ပြည်ထောင်စု ဆိုရှယ်လစ် သမ္မတ မြန်မာနိုင်ငံတော်အလံကို ၁၉၇၄ ခုနှစ်တွင် ပြဋ္ဌာန်းခဲ့သည့် ဖွဲ့စည်းပုံအခြေခံဥပဒေ ပုဒ်မ ၁၉ဝ အရ နိုင်ငံတော်အလံ၏ အရောင်အသွေး၊ အမှတ်အသား၊ ပုံသဏ္ဌာန်နှင့် အရွယ်အစားကို ပြဋ္ဌာန်းထားသည်။ ထို့ပြင် ၁၉၇၄ ခုနှစ်၊ ပြည်သူ့လွှတ်တော် ဥပဒေအမှတ် ၁ နှင့် ပြည်သူ့လွှတ်တော် နည်းဥပဒေ အမှတ် ၁ တို့အရလည်း ထပ်မံ၍ အသေးစိတ် ပြဋ္ဌာန်းထားသည်။ ထိုဥပဒေများအရ နိုင်ငံတော်အလံမှာ ထောင့်မှန်စတုဂံပုံဖြစ်၍ အောက်ခံအရောင်မှာ အနီရောင်ဖြစ်သည်။ လက်ဝဲဘက် အထက်ထောင့်ရှိ အပြာရောင် အောက်ခံလေးထောင့်ကွက်ပေါ်တွင် အရွယ်တူကြယ်ဖြူ ၁၄ လုံး ဝန်းရံထားသော ပင်နယံနှင့် စပါးနှံ နှစ်ခက်ရှိသည်။။ ပင်နယံတွင် တူညီသော စက်သွားစိတ်ပေါင်း ၁၄ ခုရှိသည်။ ပင်နယံအတွင်းရှိ စပါးနှံများတွင် စပါးစေ့ပေါင်း ၃၄ စေ့ရှိသည်။ စပါးနှံများ၏ တစ်ဖက်တစ်ချက်စီတွင် စပါးရွက်နှစ်ရွက်စီရှိသည်။
နိုင်ငံတော်အလံကို လွှင့်ထူရမည့်အဆောက်အဦး၊ နေရာဌာနများနှင့် လွှင့်ထူရမည့် နေ့ကြီးရက်ကြီးများ၊ လိုက်နာရမည့်အချက်များ၊ တားမြစ်ချက်များနှင့် ပြစ်ဒဏ်များကိုလည်း ဥပဒေအရတိကျစွာ ပြဋ္ဌာန်းထားသည်။ ၁၉၄၈ ခုနှစ် အခြေခံဥပဒေတွင် အတည်ပြုထားခဲ့သော တော်လှန်ရေးကြယ်ကြီး တစ်လုံးကို ခြံရံထားသည့် ကြယ်ငါးလုံးပါအလံကို ၁၉၇၄ ခုနှစ် အခြေခံဥပဒေဖြင့် ရုပ်သိမ်းခဲ့သည်။[၁၁]
အတိုင်းအတာများ
နိုင်ငံတော်အလံသည် ဒေါင့်မှန်စတုဂံပုံဖြစ်ပြီး အလျား ၉ ပေ (၂၇၄.၃၂ စင်တီမီတာ) နှင့် အနံ ၅ ပေ (၁၅၂.၄ စင်တီမီတာ) ရှိသည်။ အောက်ခံအရောင်မှာ အနီရောင်ဖြစ်ပြီး၊ လက်ဝဲဖက်အထက် ဒေါင့်အလျား ၄ ပေ (၁၂၁.၉၂ စင်တီမီတာ) ခန့်၊ အနံ ၂ ပေ ၆ လက်မ (၇၆.၂ စင်တီမီတာ) ခန့်ရှိ အပြာရင့်ရောင်၊ လေးဒေါင့် ခန်းအောက်ခံ၍ အရွယ်တူကြယ်ဖြူ ၁၄ လုံးဝန်းရံထားသော ပင်နီယံနှင့် စပါးနှံရှိသည်။ ပင်နီယံ၏ဗဟိုချက်မှာ အပြာရင့်ခန်း၏ ဗဟိုချက်ဖြစ်ပြီး၊ ပင်နီယံ၏အတွင်းခွေအနားကို အချင်း ဝက် ၄ လက်မ (၁၀.၁၆ စင်တီမီတာ) ခန့်ဖြင့်လည်းကောင်း အလယ်ခွေအနားကို အချင်းဝက် ၆.၅ လက်မ (၁၆.၅၁ စင်တီမီတာ) ခန့်ဖြင့်လည်းကောင်း၊ အပြင်ခွေအနားကို အချင်းဝက် ၈ လက်မ (၂၀.၃၂ စင်တီမီတာ) ခန့်ဖြင့်လည်းကောင်း အသီးသီးဆွဲသားထားသော စက်ဝန်းများဖြစ်သည်။ ပင်နီယံတွင် တူညီသော စက်သွားစိတ်ပေါင်း ၁၄ စိတ်ရှိသည်။ စက်သွားစိတ်တစိတ်၏ အောက်ခြေ အကျယ်မှာ ၁.၇ လက်မ (၄.၃၂ စင်တီမီတာ) ခန့်ဖြစ်သည်။ စက်သွားစိတ်တစိတ်နှင့်တစိတ် ၏အောက်ခြေအကွာအဝေးမှာ ၁.၂ လက်မ (၃.၀၅ စင်တီမီတာ) ခန့်ဖြစ်သည်။ စက်သွားစိတ်တစိတ်စီ၏ ထိပ်မျက်နှာပြင်အကျယ်သည် ၁.၅ လက်မ (၃.၈၁ စင်တီမီတာ) ခန့်ဖြစ်သည်။ စက်သွားစိတ်တစိတ်စီ၏ အမြင့်မှာ ၁.၅ လက်မ (၃.၈၁ စင်တီမီတာ) ခန့်ဖြစ်သည်။
ပင်နီယံအတွင်း၌ စပါးနှံနှစ်ခက်ရှိသည်။ ယင်းစပါးနှံများတွင် စပါးစေ့ပေါင်း ၃၄ စေ့ရှိသည်။ စပါးနှံများသည် အောက်ဖက်တည့်တည့်သို့ မျက်နှာမူနေသည့် စက်သွားစိတ်မှ အထက်သို့ ထောင်တက် သွားသည်။ လက်ဝဲဖက်စပါးနှံ၏ အဖျားပိုင်းသည် အထက်ဖက်တည့်တည့်တွင် ရှိသောစက်သွားစိတ်နှင့် ယင်း၏လက်ဝဲဖက်ရှိသော စက်သွားစိတ်တို့၏ အကြားသို့ ကိုင်းညွတ်၍ဝင်နေသည်။ လက်ျာဖက်စပါးနှံ ၏အဖျားသည် အထက်တည့်တည့်ရှိစက်သွားစိတ်နှင့် ယင်း၏လက်ျာဖက်ရှိ စက်သွားစိတ်တို့၏အကြား ပင်နီယံဗျက်၏အလယ်ခန့်တွင် လက်ဝဲဖက်သို့ အနည်းငယ်ကိုင်းညွတ်လျက်ရှိသည်။
စပါးနှံများ၏ တဖက်တချက်စီတွင် စပါးရွက်နှစ်ရွက်စီရှိသည်။ လက်ဝဲဖက်အထက်စပါးရွက်သည် စပါးနှံများအခြေခံ ရာစက်သွားစိတ်မှ လက်ဝဲဖက်သို့ ရေတွက်သော် တတိယနှင့်စတုတ္ထ စက်သွားစိတ်အကြားနှင့်တည့်တည့် ရှိသောစပါးစေ့မှ ကပ်လျက် လက်ဝဲဖက်သို့ အနည်းငယ်စောင်းကာတက်သွားသည်။ ထိုစပါးရွက်သည် ထိပ်တည့်တည့်ရှိ စက်သွားစိတ်မှ လက်ဝဲဖက်သို့ ရေတွက်သော်ပထမနှင့်ဒုတိယစက်သွားစိတ်တို့အကြား ပင်နီယံဗျက်၏ အလယ်တွင်စပါးရွက်သည်အောက်ဖက်သို့ ကိုင်းညွတ်ကျဆင်းသွားပြီး ယင်းစပါးရွက် ၏ထိပ်အဖျားသည် လက်ဝဲဖက် တတိယစက်သွားစိတ်၏ အောက်ခြေတွင် ကျရောက်လျက်ရှိသည်။ လက်ဝဲဖက်အောက်စပါးရွက်သည် စပါးနှံအခြေခံရာ စက်သွားစိတ်မှနေ၍ အထက်သို့တက်သွားသည်။ ထိုစပါးရွက်သည် ပင်နီယံအတွင်းခွေ၏ လက်ဝဲဖက်ခြမ်း အလယ်ခန့်မှနေ၍ အောက်သို့ကိုင်းညွတ် ကျဆင်းသွားပြီး ယင်းစပါးရွက်၏ထိပ်အဖျားသည် စပါးနှံများအခြေခံရာစက်သွားစိတ်မှ လက်ဝဲဖက်သို့ရေတွက်သော် ဒုတိယ စက်သွားစိတ်၏ အောက်ခြေအပေါ်ပိုင်းခန့်တွင် ကျရောက်လျက်ရှိသည်။
လက်ျာဖက်အထက်စပါးရွက်သည် ထိပ်တည့်တည့်ရှိစက်သွားစိတ်မှ လက်ျာဖက်သို့ရေတွက်သော် တတိယ စက်သွားစိတ်အောက်ခြေနှင့်တည့်တည့်ရှိသော စပါးစေ့မှကပ်လျက် လက်ျာဖက်သို့ အနည်းငယ်စောင်းကာ တက်သွားသည်။ ထိုစပါးရွက်သည် ထိပ်တည့်တည့်ရှိ စက်သွားစိတ်မှ လက်ျာဖက်သို့ရေတွက်သော် ဒုတိယစက်သွားစိတ်၏ အောက်ခြေပင်နီယံဗျက်၏အလယ်ခန့်မှ အောက်ဘက်သို့ ကိုင်းညွတ်ကျဆင်းသွားပြီး ယင်းစပါးရွက်၏ ထိပ်အဖျားသည် လက်ျာဘက်ရှိ တတိယနှင့် စတုတ္ထစက်သွားစိတ်တို့အကြားတွင် ကျရောက်လျက်ရှိသည်။ လက်ျာဘက်အောက်စပါးရွက်သည် စပါးနှံအခြေခံရာ စက်သွားစိတ်မှနေ၍ အထက်သို့တက်သွားသည်။ ထိုစပါးရွက်သည် ပင်နီယံအတွင်းခွေ၏ လက်ျာဘက်ခြမ်း အလယ်ခန့်မှနေ၍ အောက်သို့ကိုင်းညွတ်ကျဆင်းသွားပြီး ယင်းစပါးရွက်၏ ထိပ်အဖျားသည် စပါးနှံများအခြေခံရာ စက်သွားစိတ်မှ လက်ျာဖက်သို့ ရေတွက်သော် ဒုတိယစက်သွားစိတ်၏ အောက်ခြေအပေါ်ပိုင်းခန့်တွင် ကျရောက်လျက်ရှိသည်။
ကြယ်များသည် စက်သွားစိတ်တခုစီ၏ ထိပ်တည့်တည့်တွင်ရှိသည်။ ကြယ်များ၏ဗဟိုချက်တို့သည် ပင်နီယံ၊ သို့မဟုတ် အပြာရင့်ခန်း၏ ဗဟိုချက်မှ ၁၀.၄ လက်မ (၂၆.၄၂ စင်တီမီတာ) ခန့်အကွာတွင်ရှိ သည်။ ကြယ်တလုံးစီ၏ အချင်းမှာ ၃.၈ လက်မ (၉.၆၅ စင်တီမီတာ) ခန့်ဖြစ်သည်။ ကြယ်တလုံးတွင် ငါးဒေါင့်ရှိပြီး၊ ကြယ်တလုံးစီ၏ ထိပ်ချွန်တခုစီသည် နိုင်ငံတော်အလံ၏အထက်သို့ မူသေမတ်မတ်ထောင်ကာရှိနေသည်။[၁၂]
Colours scheme | အပြာ | အနီ | အဖြူ |
---|---|---|---|
RGB | 32-66-161 | 218-45-28 | 255-255-255 |
Hexadecimal | #2042A1 | #DA2D1C | #FFFFFF |
CMYK | 80, 59, 0, 37 | 0, 79, 87, 15 | 0, 0, 0, 0 |
အဓိပ္ပာယ်
စပါးနှံနှင့် စက်သွားသည် အခြေခံ လူတန်းစားနှစ်ရပ်ဖြစ်သော တောင်သူလယ်သမားများနှင့် အလုပ်သမားများကို ရည်ညွှန်းသည်။ အရွယ်တူကြယ်ဖြူ ၁၄ လုံးသည် ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်းစသည့် ပြည်နယ်ခုနစ်ခုနှင့် စစ်ကိုင်း၊ တနင်္သာရီ၊ ပဲခူး၊ မန္တလေး၊ မကွေး၊ ရန်ကုန်နှင့် ဧရာဝတီတိုင်း ခုနစ်တိုင်းတို့၏ တန်းတူညီတူရှိမှုကို ဖော်ဆောင်ထားသည်။
အလံတော်ရှိ အဖြူရောင်သည် သန့်ရှင်းခြင်းနှင့် စင်ကြယ်ခြင်းကို လည်းကောင်း၊ အနီရောင်သည် ရဲရင့်ခြင်းနှင့် ပြတ်သားခြင်းကိုလည်းကောင်း ဖော်ဆောင်သည်။ အပြာရောင်မှာ ငြိမ်းချမ်းခြင်းနှင့် တည်ကြည်ခြင်းကို ဖော်ဆောင်သည်။[၁၃]
အလံသစ်အဆိုပြုခြင်း
၂၀၁၉ ခုနှစ်တွင် ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးအတွက် နိုင်ငံရေးပါတီများမှတင်ပြချက်များတွင် နိုင်ငံရေးပါတီလေးခုဖြစ်သော အမျိုးသားဒီမိုကရေစီအဖွဲ့ချုပ်၊ရှမ်း တိုင်းရင်းသားများဒီမိုကရေစီ အဖွဲ့ချုပ်၊ဇိုမီး ဒီမိုကရေစီအဖွဲ့ချုပ်၊အမျိုးသားညီညွတ်သောဒီမို ကရက်တစ်ပါတီတို့မှ နိုင်ငံတော်အလံအသစ်ကို တင်ပြထားကြသည်။[၁၄]
-
၂၀၀၆ ခုနှစ် အဆိုပြုအလံ
-
အမျိုးသားဒီမိုကရေစီအဖွဲ့ချုပ်မှ တင်သွင်းသော အဆိုပြုအလံ
-
ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ တင်သွင်းသော အဆိုပြုအလံ
-
အမျိုးသားညီညွတ်သောဒီမိုကရက်တစ်ပါတီမှ တင်သွင်းသော အဆိုပြုအလံ
-
ဇိုမီးဒီမိုကရေစီအဖွဲ့ချုပ်မှ တင်သွင်းသော အဆိုပြုအလံ
သမိုင်းတလျှောက် မြန်မာ့အလံများ
-
ကုန်းဘောင်ခေတ် မြန်မာအလံတော် (၁၈၂၆–၁၈၈၅)
-
မြန်မာနိုင်ငံကို ဗြိတိသျှအင်ပါယာ၏ လက်အောက်အဖြစ်ထားရှိချိန် (၁၈၂၄–၁၉၃၇)
-
အိန္ဒိယကိုလိုနီကိုယ်စားပြုအလံ (၁၈၈၀–၁၉၃၇)
-
ပထမကျောင်းသားသပိတ်အပြီး အသုံးပြုလာခဲ့ကြသောအလံ (၁၉၂၀–၁၉၃၀)
-
တို့ဗမာအစည်းအရုံး၏ သုံးရောင်ခြယ်အလံ (၁၉၃၀–၁၉၃၅)
-
တို့ဗမာအစည်းအရုံးအမျိုးသားလှုပ်ရှားမှုအလံ (၁၉၃၅–၁၉၃၈)
-
တို့ဗမာအစည်းအရုံးအမျိုးသားလှုပ်ရှားမှုအလံ (၁၉၃၈–၁၉၃၉)
-
သီးခြားမြန်မာကိုလိုနီအလံ (၁၉၃၉ ဖေဖော်ဝါရီ ၆ – ၁၉၄၁ မေ ၃၀၊ ၁၉၄၅ မေ ၃ – ၁၉၄၈ ဇန်နဝါရီ ၄)
-
ဗြိတိသျှဘားမားအလံ (၁၉၄၁ မေ ၃၀ – ၁၉၄၂ ဩဂုတ်လ ၁)
-
ဂျပန်တို့၏သိမ်းပိုက်မှု (၁၉၄၂ ဩဂုတ် ၁ – ၁၉၄၃ ဩဂုတ် ၁)
-
ဂျပန်ခေတ်ဗမာနိုင်ငံတော်အလံ (၁၉၄၃ ဩဂုတ် ၁ – ၁၉၄၅ မေ ၃)
-
ဂျပန်ခေတ်အလံရိုးရှင်းပုံစံ
-
ဖက်ဆစ်ဆန့်ကျင်ရေးလှုပ်ရှားမှုအလံ (၁၉၄၃–၁၉၄၅)
-
ပြည်ထောင်စုမြန်မာနိုင်ငံတော်အလံ (၁၉၄၈ ဇန်နဝါရီ ၄ – ၁၉၇၄ ဇန်နဝါရီ ၃)
-
ပြည်ထောင်စုဆိုရှယ်လစ်သမ္မတမြန်မာနိုင်ငံတော်အလံ (၁၉၇၄ ဇန်နဝါရီ ၄ – ၂၀၁၀ အောက်တိုဘာ ၂၀)
-
ပြည်ထောင်စုသမ္မတမြန်မာနိုင်ငံတော်အလံ (၂၀၁၀ အောက်တိုဘာ ၂၁ – ယနေ့ထိ)
စစ်ဖက်သုံးအလံများ
မြန်မာနိုင်ငံ၏ စစ်ဖက်သုံးအလံများမှာ–
အလံလွှင့်ထူထားသောပုံများ
-
၂၀၀၇ ခုနှစ် နျူးကာဆယ်မြို့ဆန္ဒပြပွဲ၌ ဆိုရှယ်လစ်မြန်မာအလံကို ကိုင်ဆောင်ထားစဉ်
-
ကော့သောင်းမြို့,ဘုရင့်နောင်ကုန်းမြေ အလံတိုင်
-
1199တောင်ထိပ်တွင်မြန်မာနိုင်ငံအလံနှင့်တနင်္သာရီတိုင်းဒေသကြီးအလံ လွှင့်ထူထားပုံ
-
သမ္မတအိမ်တော်တွင် နိုင်ငံတော်အလံ လွှင့်ထူထားစဉ်
ဆင်တူအလံများ
-
အလံဒေါင်လိုက်အနေအထားပုံ
-
၁၉၄၈ မြန်မာအလံသည် ဆမိုးအားအလံနှင့် ရောထွေးနိုင်သည်
-
ဆိုရှယ်လစ်မြန်မာအလံသည် တရုတ်သမ္မတနိုင်ငံ၏ အလံတော်နှင့် ရောထွေးနိုင်သည်[၁၅]
-
၂၀၁၀ မြန်မာအလံနှင့်ဆင်တူသော လစ်သူယေးနီးယားအလံ
အခြားကြည့်ရန်
- မြန်မာနိုင်ငံ ပြည်နယ်နှင့် တိုင်းဒေသကြီးများ၏ အလံများ
- မြန်မာနိုင်ငံ၏ အလံများ
- မြန်မာနိုင်ငံ၏ နိုင်ငံတော်အထိမ်းအမှတ်တံဆိပ်
- ကုန်းဘောင်ခေတ် အလံများ
ကိုးကား
- ↑ State Flag Law with State Peace and Development Council Law (8/2010)
- ↑ ၂၂.၁၀.၂၀၁၀ ရက်ထုတ် မြန်မာ့အလင်း သတင်းစာ
- ↑ ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေ (၂၀၀၈ ခုနှစ်)
- ↑ ၄.၀ ၄.၁ နိုင်ငံတော်အလံ ဥပဒေနှင့်နည်းဥပဒေများ။ အထွေထွေအုပ်ချုပ်ရေး ဦးစီးဌာန။
- ↑ FOTW, Konbaung Dynasty Flag
- ↑ ခင်ရီ၊ မြန်မာနိုင်ငံနှင့် တို့ဗမာလှုပ်ရှားမှု (၁၉၃၀–၁၉၃၈) စာအုပ်
- ↑ နန်းညွန့်ဆွေ၊ သုံးရောင်ခြယ်နှင့် စစ်တွင်းခေတ် လွတ်လပ်ရေးကြိုးပမ်းမှုစာစုများ
- ↑ In Pictures: Myanmar military seizes power (in en)။ 11 June 2021 တွင် ပြန်စစ်ပြီး။
- ↑ မြန်မာနိုင်ငံ၊ ၁၉၄၇ ဖွဲ့စည်းပုံအခြေခံဥပဒေ၊ အခန်း (၁၃) အထွေထွေဆိုင်ရာပြဋ္ဌာန်းချက်များ။
- ↑ နိုင်ငံတော်အလံနှင့် နေ့ထူးများ (၁၉၅၅)
- ↑ မောင်အုန်းဖေရေးသည့် “ဒီဟာအစ ဒီလိုက” စာအုပ်
- ↑ ၁၉၇၄ ခုနှစ်၊ ပြည်သူ့လွှတ်တော် နည်းဥပဒေများ အမှတ် ၁
- ↑ မြန်မာ့စွယ်စုံကျမ်း၊ အတွဲ(၁၄)၊ စာ– ၂၉၃၊ ၂၉၄
- ↑ "မြန်မာနိုင်ငံ အလံကိုပြောင်းချင်သူတွေ"၊ ဘီဘီစီ၊ ၁၇ ဇူလိုင် ၂၀၁၉။
- ↑ "မြန်မာအလံကို ထိုင်ဝမ်အလံဟူ၍မှားသုံး" (in English)၊ 25 May 2010။ 15 June 2021 တွင် ပြန်စစ်ပြီး။ Archived from the original on 28 May 2010။