ပရိုဂရမ်မင်းဘာသာစကား

မြန်မာဘာသာဖြင့် သင့်လျော်သော အမည်မရှိသေးသောကြောင့် ဤဆောင်းပါးခေါင်းစဉ်ကို အခြားဘာသာစကား / စာဖြင့် ရေးသားထားခြင်း ဖြစ်သည်။

C programming language ဖြင့်ရေးထားသော ရိုးရှင်းသည့် Hello world source code

Programming language (အစီစဉ်ချ ဘာသာစကား (သို့) ကွန်ပျူတာဆော့ဖ်ဝဲလ်များရေးသားရာတွင်သုံးသည့် ဘာသာစကား) သည် စက်များ အထူးသဖြင့် ကွန်ပျူတာ များကို ညွှန်ကြားချက် ပေးရန် ပုံစံကျ တည်ဆောက်ထားသော လူနားလည်ရန်လွယ်သော စနစ်ကျ ဘာသာစကား ဖြစ်သည်။ Programming Language အား အသုံးပြု၍ စက်များ၏ အပြုအမူများကို ထိန်းချုပ်ခြင်း၊ algorithms များဖြင့် ဉာဏ်တုများ တည်ဆောက်ခြင်းတို့ကို ပြုလုပ်နိုင်သည်။

နာမည်ကြီး Programming Languages များမှာ C, C++, C#, Java, Python, Ruby, PHP စသည်တို့ဖြစ်သည်။

Programming Languages များကို ခွဲခြားကြည့်လျှင် General Purpose Language နှင့် Special Purpose Language ဟူ၍ (၂) မျိုးတွေ့ရသည်။

ရှေးဦးစွာ Software အမျိုးအစားများကို အကြမ်းဖျင်းလေ့လာကြည့်လျှင်

• System Software
• Computer Software
• Mobile
• Web

စသဖြင့် တွေ့နိုင်သည်။

General Purpose Language ဆိုသည်မှာ အထွေထွေသုံးရန်ရည်ရွယ်ထားသော ဘာသာစကားဟုခေါ်သည်။ ယင်းဘာသာစကားများသည် Software အမျိုးအစား(၁)မျိုးထက်ပို၍ ရေးသားနိုင်ကြသည်။ ဥပမာ-Java Language (Computer, Mobile, Web)။

Special Purpose Language ဆိုသည်မှာ သီးသန့်သုံးရန်ရည်ရွယ် ထားသော ဘာသာစကားဟုခေါ်သည်။ Software အမျိုးအစားတစ်ခု တည်းအတွက်သာ တီထွင်ထားသော ဘာသာစကားများဖြစ်ကြသည်။ ဥပမာ-PHP Language (Web Only)။

သမိုင်း

ဒီဂျစ်တယ် ကွန်ပျူတာများ မပေါ်မီကပင် စီစဉ်ချ ရေးဆွဲနိုင်သော စက်များ ပေါ်ခဲ့သည် ဆိုရမည်။ သက္ကရာဇ် ကိုးရာစုလောက်တွင် ဗဟုသုတများ စုဝေးရာဟု ခေါ်ရမည့် ဘက်ဂဒက်မြို့တွင် မူဆာ ညီအကိုက အလိုအလျောက် တီးမှုတ်နိုင်သော ပလွေကိရိယာစက်ကို တီထွင်ခဲ့သည်။