ပေါင်းကူးဆက်ဆံရေး

ပေါင်းကူး ဆက်ဆံရေး (ပြင်ပဆက်ဆံရေး ဟူ၍လည်းသုံးနှုန်း)သည် တဦးချင်း သို့မဟုတ် [[အဖွဲ့အစည်း]] (စီးပွားရေးအဖွဲ့အစည်း၊ အစိုးရအေဂျင်စီ သို့မဟုတ် အကျိုးအမြတ်မယူသော အဖွဲ့အစည်း) နှင့် ပြင်ပ (လူထု) အကြားတွင် သတင်းအချက်အလက်များ ဖြန့်ဝေမှုအား စီမံခန့်ခွဲရသည့် အလေ့အထ ဖြစ်သည်။ ပေါင်းကူး ဆက်ဆံရေးတွင်  တစ်ဦးချင်း သို့မဟုတ် အဖွဲ့လိုက်မှ ၎င်းတို့၏ ပရိသတ်များ (ဖောက်သည်၊ စားသုံးသူ၊ ထောက်ခံသူစသည်)အား တိုက်ရိုက်ပေးချေစရာမလိုသော အများ စိတ်ဝင်စားဖွယ်အရာများနှင့် သတင်းအချက်အလက်များဖြင့် သတိထားမိလာအောင် ပြုလုပ်ခြင်းဖြစ်သည်။ ၎င်းသည် ကြော်ငြာမှဈေးကွက်ရှာဖွေရေးဆိုင်ရာ ပေါင်းကူးဆက်ဆံရေး ပုံစံ တစ်ခုအဖြစ် ခွဲခြားထားခြင်း ဖြစ်သည်။ Public relations ပေါင်းကူးဆက်ဆံရေးသည် ကြော်ငြာနှင့် စျေးကွက်ရှာဖွေရေးထက် ဖောက်သည်များအတွက် အခမဲ့ဖြစ်စေရန် ခြုံငုံ ဖန်တီးထားသော စိတ်ကူးစိတ်သန်း ဖြစ်သည်။ ပေါင်းကူး ဆက်ဆံရေးအတွက် ဥပမာကောင်းတစ်ခုမှာ ဖောက်သည်များအတွက် ဆောင်းပါးဘေးတွင် ကြော်ငြာခပေး၍ ကြော်ငြာခြင်းထက် ဖောက်သည်များ အကြောင်း ဆောင်းပါး ရေးသားခြင်း ဖြစ်သည်။ ပေါင်းကူး ဆက်ဆံရေး၏ ရည်ရွယ်ချက်သည် လူထု၊ ဖောက်သည်ဖြစ်နိုင်ချေရှိသူများ၊ ရင်းနှီးမြှပ်နှံမည့်သူများ၊ တွဲဖက်လုပ်ကိုင်မည့်သူများ၊ ဝန်ထမ်းများ နှင့် အခြားသော ဆက်စပ်ပတ်သက်နေသည့် သူများမှ အဖွဲ့အစည်း ၊ အဖွဲ့အစည်း၏ ခေါင်းဆောင်မှုအပိုင်း၊ ထုတ်ကုန်များ သို့မဟုတ် နိုင်ငံရေးဆိုင်ရာ ဆုံးဖြတ်ချက်များ အပေါ်တွင် အပေါင်းလက္ခဏာဆန်သော သို့မဟုတ် ကောင်းသော အမြင်များ အား ထိန်းသိမ်းရန် အစွမ်းကုန် စွဲဆောင်မှု ပြုလုပ်ခြင်း ဖြစ်သည်။ ပေါင်းကူးဆက်ဆံရေး ကျွမ်းကျင်သူများသည် ပုံမှန်အားဖြင့် PR နှင့် ဈေးကွက်ရှာဖွေရေး လုပ်ငန်း၊ စီးပွားရေး နှင့် ကုမ္ပဏီ၊ အစိုးရ နှင့် ပြည်သူ့ရုံးများ၊ အစိုးရမဟုတ်သော အဖွဲ့အစည်းများ နှင့် အကျိုးအမြတ်မယူသော အဖွဲ့စည်းများအတွက် လူထုသတင်းအချက်အလက် ပြန်ကြားရေးအရာရှိများ အဖြစ်လုပ်ကိုင်ကြသည်။ပေါင်းကူး ဆက်ဆံရေးအလုပ်များတွင် ဖောက်သည်ဆိုင်ရာ ညှိနှိုင်းရေးမှူး (account coordinator)၊ ဖောက်သည်ဆိုင်ရာအမှုဆောင် (account executive)၊ဖောက်သည်ဆိုင်ရာ ကြီးကြပ်ရေးမှူး (account supervisor) နှင့် မီဒီယာဆက်ဆံရေး မန်နေဂျာတို့ ပါဝင်သည်။r.