သိမ်ကြီးဈေး

မြေနေရာအစ

ကိုလိုနီခေတ်၊ ရန်ကုန်မြို့ ကို သိမ်းယူပြီးစအချိန်တွင် ဗြိတိသျှ အစိုးရသည် ဘာသာရေးအဆောက်အအုံများ၊ စျေးများ နေရာချထားရေးအတွက် စီမံဆောင်ရွက်ရာတွင် ၄င်းမြေနေရာများအတွက် မြေဂရန်များ အခမဲ့ ထုတ်ပေးခဲ့ရာ ယနေ့ သိမ်ကြီးစျေးဟုခေါ်တွင်ကြသော စျေးမြေနေရာအနီးတွင် ဗုဒ္ဓဘာသာဝင်များအတွက် သိမ်ဆောက်လုပ်ရန် မြေဂရန်တစ်ခုထုတ်ပေးခဲ့သည်။

စူရတီဘားရားဘဇားမှ သိမ်ကြီးစျေးသို့

အောက် မြန်မာပြည် ကို ဗြိတိသျှ တို့ သိမ်းပိုက်ပြီးကတည်းက မော်လမြိုင်တွင် မြို့မစျေးကြီးကို တည်ထောင်ထားသော "ကုလားတန်း စူရတီ စျေးကုမ္ပဏီ" ၏ အစုရှယ်ရာဝင် များသည် အထက်ပါ မြေနေရာအနီးတွင် "စူရတီဘားရားဘဇား(သိမ်ကြီးစျေး)ကို ၁၈၅၃ခုနှစ်လောက်တွင် တည်ဆောက်ခဲ့သည်။

ပြည်ထောင်စု မြန်မာနိုင်ငံတော်ဟူ၍ ဗြိတိသျှကိုလိုနီလက်အောက်မှ လွပ်လပ်ရေးရပြီး နောက် တွင် ပြည်ထောင်စု အစိုးရသည် ၁၉၅၁ခုနှစ် သြဂုတ် လ ၁ ရက်နေ့တွင် သိမ်ကြီးစျေးအဆောက်အအုံများကို မူလကုမ္ပဏီထံမှ သိမ်ကြီးစျေးအုပ်ချုပ်ကြီးကြပ်ရေးအဖွဲ့၏ လက်အောက်သို့ လွဲပြောင်းအုပ်ချုပ်စေခဲ့သည်။

မူလစျေးရုံများ

စူရတီဘားရားဘဇား( မြန်မာတို့အခေါ် သိမ်ကြီးစျေး) တွင် မူလစျေးရုံများအဖြစ် အေရုံ၊ ဘီရုံ၊ စီရုံ၊ ဒီရုံနှင့် အီးရုံဟူ၍ ငါးရုံရှိသည်။ မြေကွက်ပေါင်း ၁၂၂ကွက် ပါဝင်သည်။

သိမ်ကြီးစျေး အေရုံ

အေရုံ စျေးအဆောက်အအုံကို ၁၉၀၅ခုနှစ်တွင် စတင် ဆောက်လုပ်သည်။

သိမ်ကြီးစျေး ဘီရုံ

ဘီရုံကို ၁၉၃၈ ခုနှစ်တွင် စတင်ဆောက်လုပ်သည်။

သိမ်ကြီးစျေး စီရုံ

စီရုံ စျေးအဆောက်အအုံကို ၁၉၂၈ခုနှစ်တွင် စတင် ဆောက်လုပ်သည်။

သိမ်ကြီးစျေး ဒီရုံ

ဒီရုံ စျေးအဆောက်အအုံကို ၁၉၀၆ခုနှစ်တွင် စတင် ဆောက်လုပ်သည်။