ဆေးတက္ကသိုလ် (၁) ရန်ကုန်

ဆေးတက္ကသိုလ်(၁) ရန်ကုန်
University of Medicine 1, Yangon
ဆေးတက္ကသိုလ်(၁) ရန်ကုန်
တည်ထောင်ခုနှစ်	၁၉၂၇၊ ဖေဖေါ်ဝါရီလ (၂)ရက်
ပါမောက္ခချုပ်	ပါမောက္ခ ဒေါက်တာဇော်ဝေစိုး
တည်နေရာ	*လမ်းမတော် (မိန်း) ပြည်လမ်း သထုံလမ်း
ဝဘ်ဆိုတ်	http://www.um1ygn.edu.mm/

ဆေးတက္ကသိုလ်(၁) ရန်ကုန် သည် မြန်မာပြည်ရှိ ဆေးတက္ကသိုလ် ၄ ခုအနက် ပထမဦးဆုံး တည်ထောင်ခဲ့သော ကျောင်းဖြစ်ပါသည်။ မြန်မာပြည် တက္ကသိုလ်ဝင်တန်းစာမေးပွဲတွင် အမှတ်မြင့်ကျောင်းသားများ တက်ရောက်ခွင့်ရှိသော ကျောင်းတစ်ကျောင်းဖြစ်သည်။ နှစ်စဉ် ကျောင်းသား ဦးရေ ၆၀ဝ ဝန်းကျင်ခန့်ကို လက်ခံသင်ကြားပေးသည်။ ဆေးပညာဘွဲ့ (M.B.B.S.) အပ်နှင်းသော ကျောင်းဖြစ်သည်။ ဆေးတက္ကသိုလ်(၁) ရန်ကုန်တွင် တက္ကသိုလ် ပရဝုဏ် ၃ ခုရှိသည်။ လမ်းမတော်တွင်တစ်ခု၊ ပြည်လမ်းတွင်တစ်ခု (လိပ်ခုံးကျောင်း ဟူ၍လည်း သိကြသည်)၊ သထုံလမ်းတွင်တစ်ခု ဖြစ်သည်။ လမ်းမတော်ဆေးကျောင်းမှာ ရန်ကုန်ဆေးရုံကြီး (Yangon General Hospital)၊ ရန်ကုန်အထွေထွေရောဂါကု ဆေးရုံသစ်ကြီး (ဂျပန်ဆေးရုံ သို့မဟုတ် ဂျကာဆေးရုံ ဟုလည်း အမည်တွင်သည်)တို့ အနီးတွင်ရှိသည်။ လိပ်ခုံးကျောင်းမှာ မြန်မာ့အသံနှင့်ရုပ်မြင်သံကြားဌာန အနီးတွင်ရှိပါသည်။

ဆေးတက္ကသိုလ်(၁) ရန်ကုန်သည် Educational Commission for Foreign Medical Graduates က မြန်မာနိုင်ငံအတွင်း အသိအမှတ်ပြုသော ကျောင်း ၄ ကျောင်းအနက် တစ်ကျောင်းလည်းဖြစ်သည်။

သမိုင်းကြောင်း

လမ်းမတော်ဆေးကျောင်း၏ မြင်ကွင်းကျယ်ဓါတ်ပုံ

မြန်မာပြည်တွင် ဆေးကျောင်းများကို ၁၉၀၇ ခုနှစ်တွင်ရန်ကုန်ဆေးရုံကြီးဝင်းအတွင်းတွင်စတင်တည်ထောင်သည်။ ထိုစဉ်ကသင်တန်းကာလ မှာ ၄နှစ်ဖြစ်ပြီး Licentiate Medical Practice(L.M.P) course ဟုခေါ်သည်။ ထိုသင်တန်းအောင်မြင်သူများကို L.M.P လက်မှတ်ပေးအပ်ခဲ့သည်။ ၁၉၂၃-၁၉၂၄ ပညာသင်နှစ်တွင်မူ ဆေးပညာဘွဲ. M.B.,B.S သင်တန်းကို ရန်ကုန်ဆေးရုံကြီးဝင်းအတွင်းရှိ လက်ရှိ ဦးနှောက်နှင့်အာရုံကြောဌာန နေရာတွင်စတင်သည်။

ဦးဆောင်မှု

၁၉၆၄ခုနှစ်မှ စတင်၍ ဆေးတက္ကသိုလ်(၁) ရန်ကုန်ကို ပါမောက္ခချုပ်မှ ဦးဆောင်အုပ်ချုပ်သည်။ တာဝန်ထမ်းဆောင်ခဲ့သော ပါမောက္ခချုပ်များမှာ-

1. ၁၉၆၄-၁၉၇၀: ပါမောက္ခ ဦးဘသန်း
2. ၁၉၇၁-၁၉၇၂: ဒေါက်တာ ဦးဖေကျင်
3. ၁၉၇၂-၁၉၈၄: ဒေါက်တာ ဦးထွန်းမင်း
4. ၁၉၈၄-၁၉၈၇: ပါမောက္ခ ဦးလှမြင့်
5. ၁၉၈၇-၁၉၈၈: ပါမောက္ခ ဦးတင်အောင်စိုး
6. ၁၉၈၈-၁၉၉၁: ပါမောက္ခ ဦးမောင်မောင်စိန်
7. ၁၉၉၁-၁၉၉၆: ပါမောက္ခ ဦးမြဦး
8. ၁၉၉၆-၁၉၉၇: ပါမောက္ခ ဦးကျော်မြင့်ထွန်း
9. ၁၉၉၇-၁၉၉၈: ပါမောက္ခ ဦးကျော်မြင့်
10. ၁၉၉၈-၂၀၀၇: ပါမောက္ခ ဦးမျိုးမြင့်
11. ၂၀၀၇-၂၀၀၉: ပါမောက္ခ ဦးအေးမောင်ဟန်
12. ၂၀၀၉-၂၀၁၁: ပါမောက္ခ ဦးဖေသက်ခင်
13. ၂၀၁၁-၂၀၁၃: ပါမောက္ခ ဦးသန်းချို
14. ၂၀၁၃-၂၀၁၅:ပါမောက္ခ ဦးသက်ခိုင်ဝင်း
15. ၂၀၁၅-လက်ရှိ:ပါမောက္ခ ဦးဇော်ဝေစိုး

သင်ကြားမှုကာလ

ပညာသင်နှစ်	အချိန်ကာလ
ပထမနှစ်	၁ နှစ်
ဒုတိယနှစ်	၁ နှစ်ခွဲ
တတိယနှစ်	၁ နှစ်
စတုတ္ထနှစ်	၁ နှစ်
ပဉ္စမနှစ်	၁ နှစ်
အလုပ်သင်ဆရာဝန်	၁ နှစ်
ပညာသင်နှစ်စုစုပေါင်း	၆ နှစ်ခွဲ

ဘာသာရပ်များ

ပထမနှစ် အမ်ဘီဘီအက်စ်

• မြန်မာစာ
• အင်္ဂလိပ်စာ
• သင်္ချာ နှင့် စာရင်းအင်း ပညာ
• ရူပဗေဒ
• ဓာတုဗေဒ
• ဇီဝဗေဒ(ရုက္ခဗေဒနှင့် သတ္တဗေဒ)
• လူ့အကျင့်ဆိုင်ရာ သိပ္ပံပညာ
• လူသားခန္ဓာဗေဒ မိတ်ဆက်
• ဇီဝကမ္မဗေဒ နှင့် ဇီဝဓာတုဗေဒ

ဒုတိယနှစ် အမ်ဘီဘီအက်စ်

• ခန္ဓာဗေဒ
• ဇီဝကမ္မဗေဒ
• ဇီဝဓာတုဗေဒ

တတိယနှစ် အမ်ဘီဘီအက်စ်

• အထွေထွေ ရောဂါဗေဒ
• အဏုဇီဝဗေဒ
• ဆေးဝါးဗေဒ

သင်ကြားရေး ဆေးရုံများရှိ ဆေးကုသဆောင်နှင့် ခွဲစိတ်ကုသဆောင်များတွင် ဆေးပညာလက်တွေ့သင်တန်းပေးခြင်း ၁၈ပတ်

နောက်ဆုံးနှစ် အပိုင်း(က) အမ်ဘီဘီအက်စ်

• မှုခင်းဆေးပညာ
• ကာကွယ်ရေးနှင့် လူမှုရေးဆေးပညာ (နယ်ကွင်းဆင်းသင်တန်း ၃ပတ်)
• ရောဂါဗေဒ နှင့် သွေးပညာ

သင်ကြားရေး ဆေးရုံများတွင် ဆေးပညာ၊ ခွဲစိတ်ကုသမှုပညာ၊ သားဖွားနှင့် မီးယပ်ရောဂါကုပညာများနှင့် ပတ်သက်သော သင်ကြားပို့ချချက်များကို နားထောင်ပြီး လူနာဆောင်များနှင့် ဆေးခန်းများတွင် လေ့လာသင်ယူရသည်။ မြို့ပြကျန်းမာရေးဌာနများသို့လည်း ကာကွယ်ရေးနှင့် လူမှုရေးဆေးပညာဘာသာရပ်အတွက် သွားရောက်လေ့လာရသည်။

နောက်ဆုံးနှစ် အပိုင်း(ခ) အမ်ဘီဘီအက်စ်

• ကလေးကျန်းမာရေးဆေးပညာ
• ဆေးပညာ
• သားဖွားနှင့် မီးယပ်ဆေးပညာ
• ခွဲစိတ်ကုသမှုပညာ

အလုပ်သင်ဆရာဝန်

နောက်ဆုံးနှစ် အပိုင်း(ခ) အောင်မြင်ပြီးဆုံးသူတိုင်း ရန်ကုန်(သို့မဟုတ်) တိုင်းနှင့်ပြည်နယ်ရှိ သင်ကြားရေးဆေးရုံများတွင် အလုပ်သင်ဆရာဝန်အဖြစ် ၁နှစ်တာ လက်တွေ့ပညာသင်ယူရသည်။ လက်တွေ့သင်ယူရသော အချိန်ကာလများမှာ-

ဘာသာရပ်	အချိန်ကာလ
ကလေးကျန်းမာရေးဆေးပညာ	၂ လခွဲ
ပြည်သူ့အကျိုးပြု ဆေးပညာ	၂ ပတ်
ဆေးပညာ(စိတ်ရောဂါကုသမှုပညာ အပါအဝင်)	၃ လ
သားဖွားနှင့် မီးယပ်ဆေးပညာ	၃ လ
ခွဲစိတ်ကုသမှုပညာ(ထိခိုက်ဒဏ်ရာ ဆေးပညာ အပါအဝင်)	၃ လ

• အလုပ်သင်ဆရာဝန်အဖြစ် ၁နှစ်တာ လက်တွေ့ပညာသင်ယူပြီးမှ ဆေးပညာဘွဲ့ (M.B.,B.S.) အပ်နှင်းခြင်း ခံရသည်။

အလားတူလင့်ခ်များ

• ဆေးတက္ကသိုလ်(၂) ရန်ကုန်
• ဆေးတက္ကသိုလ် (မန္တလေး)
• ဆေးတက္ကသိုလ် (မကွေး)
• ပြည်သူ့ကျန်းမာရေးတက္ကသိုလ်(ရန်ကုန်)