မိုးမျှော်တိုက်

ပီထရိုနာ အမြွှာမျှော်စင်

မိုးပျံတိုက်ဟူသည်မှာ အလွန်မြင့်မားသော အဆောက်အအုံကြီးများကို ခေါ်ဆိုသည်။ ထိုအဆောက်အအုံ ကြီးများတွင် အထပ်ပေါင်းများစွာရှိပြီး လူနေအိမ်ခန်းများ၊ ဆိုင်ခန်းများ၊ ရုံးခန်းများ စသဖြင့် အခန်းပေါင်း များစွာ ပါဝင်သည်။ ထိုတိုက်ကြီးများကိ်ု ခိုင်ခံ့စေရန်အတွက် အတွင်းတွင် သံမဏိစတီးချောင်းကြီးများဖြင့် ထောက်ပံ့ပေး ထားသည်။ မိုးပျံတိုက်ကြီးများတွင် အစောဆုံး ထင်ရှားခဲ့သော အဆောက်အအုံကြီးမှာ အမေရိကန် ပြည်ထောင်စုရှိ အင်ပါယာစတိတ် အဆောက်အအုံကြီး ဖြစ်သည်။ ယင်းကို ၁၉၃၁-ခုနှစ်တွင် တည်ဆောက်ခဲ့သည်။ တိုက်ကြီး၏အမြင့်မှာ ၁၂၅၃-ပေ မြင့်မားသည်။

ယခုအခါတွင်မူ အင်ပါယာစတိတ် အဆောက်အအုံထက် ပိုမိုမြင့်မားသော အဆောက်အအုံကြီးများ တည်ဆောက်နိုင်လာပြီဖြစ်သည်။ မလေးရှားနိုင်ငံတွင် အမြင့် ၁၄၈၆-ပေရှိသော ကမ္ဘာကျော် ပက်ထရိုနော့ မိုးပျံအမွှာတိုက်ကြီးကို တွေ့မြင်နိုင်ပြီဖြစ်သည်။

ပက်ထရိုနော့ အဆောက်အအုံကြီးသည် ပြင်သစ်နိုင်ငံရှိ အီဖယ်မှျော်စင်ထက် ပေ ၅၀၀-ပို၍ မြင့်မားသည်။ အီဖယ်မှျော်စင်ကြီးသည် ၁၉၃၀-ပြည့်နှစ်အထိ ကမ္ဘာ့အမြင့်ဆုံး အဆောက်အအုံအဖြစ် ထင်ရှားခဲ့သည်။ ယခုအခါ ပိုမိုတိုးတက် ခေတ်မီလာသော နည်းပညာများဖြင့် ပိုမိုမြင့်မားသော မိုးပျံတိုက်ကြီးများကို တည်တောက်လာနိုင်ပြီဖြစ်သည်။ ဒူဘိုင်းနိုင်ငံတွင် ကမ္ဘာ့အမြင့်ဆုံး မိုးပျံတိုက်ကြီးကို ၂၀၁၀-ပြည့်နှစ်တွင် စတင်ဖွင့်လှစ်နိုင်ပြီဟု သိရသည်။