လရောင်၊ ဗိုလ် (ရဲဘော်သုံးကျိပ်)

ဗိုလ်ချုပ်အောင်ဆန်း ၏ အဘိုးလေး ဗိုလ်လရောင် နှင့် မှားနိုင်သည်။

ဗိုလ်လရောင်
မွေးသက္ကရာဇ်	၂၈ မေ ၁၉၁၁
မွေးဖွားရာဒေသ	မင်းဘူး မြို့၊ သူဌေးကုန်းရပ်
အမည်ရင်း	ဗဂျမ်း
သခင်အမည်	သခင်ဗဂျမ်း
ဗိုလ်ဘွဲ့အမည်	ဗိုလ်လရောင်
ဂျပန်အမည်	(Baba Takeshi)
မိဘအမည်	ဦးသာဒွါး + ဒေါ်သင်
နိုင်ငံသား	ဖိုင်:Flag of Myanmar.png
လူမျိုး	မြန်မာ
ကိုးကွယ်သည့်ဘာသာ	ဗုဒ္ဓဘာသာ
အလုပ်အကိုင်	အထူးအရာရှိ၊ လုပ်ငန်းစစ်ဆေးရေးဌာနခွဲ၊ ကုန်သွယ်ရေးဌာန၊ တော်လှန်ရေးအစိုးရအဖွဲ့
ကွယ်လွန်ရက်	၁၉၆၉-ခုနှစ်၊ ဇူလိုင်လ(၉)ရက်နေ့
လက်မှတ်	ဖိုင်:Bo la yaung sig.jpg

ငယ်စဉ်ဘဝ နှင့် ပညာရေး

သခင်ဗဂျမ်း (ခေါ်) ဗိုလ်လရောင်သည် ရဲဘော်သုံးကျိပ်ဝင် တစ်ဦးဖြစ်သည်။ ၁၉၁၁ မေ ၂၈ (၁၂၇၅ ခုနှစ် နယုန်လဆန်း ၁-ရက်နေ့) တွင် ဦးသာဒွါး ဒေါ်သင် တို့မှ ဖွားမြင်၍ မွေးချင်း ၉ ဦးအနက်မှ ပဉ္စမမြောက်ဖြစ်သည်။ မင်းဘူး အစိုးရ အထက်တန်းကျောင်းတွင် ၁၀တန်း အထိပညာသင်ကြား၍ အသက် ၁၇ နှစ် အရွယ်တွင် သက်ပန်းဆရာတော် ၏ ဂျီစီဘီအေ သို့ ဝင်ရောက်ခဲ့သည်။

နိုင်ငံရေးလှုပ်ရှားမှုအစ

၁၉၃၁ ခုနှစ်တွင် တို့ဗမာအစည်းအရုံး ဌာနချုပ် ခေါင်းဆောင်များဖြစ်ကြသော သခင်ထွန်းအုပ်၊ သခင်လေးမောင်၊ သခင်ဗစိန် တို့ စည်းရုံးရေးအတွက် မင်းဘူးမြို့သို့ရောက်လာရာ ၁၀တန်းကျောင်းသား မောင်ဗဂျမ်းသည် တို့ဗမာအစည်းအရုံး ၏ ဝါဒ နှင် သဘောတရား တို့ကို များစွာသဘောကျ နှစ်ခြိုက်၍ အသင်းဝင်ခဲ့ရာမှ သခင်ဗဂျမ်းဖြစ်လာခဲ့သည်။ ၁၉၃၃ တွင် မင်းဘူးမြို့၌ တို့ဗမာအစည်းအရုံးခွဲ ကို တည်ထောင်ရာ မြို့နယ်စည်းရုံးရေး ခေါင်းဆောင်တစ်ဦး အဖြစ်တာဝန်ယူဆောင်ရွက်ခဲ့ပြီး ကျောင်းနေဘက် သူငယ်ချင်းများဖြစ်ကြသော သခင်မင်းကျောက်၊ သခင်ထွန်းအောင်၊ သခင်ကြောင်ရွှေ တို့နှင့် လက်တွဲဆောင်ရွက်ခဲ့သည်။

ရဲဘော်သုံးကျိပ်ဝင် ဖြစ်လာခြင်း

ဒုတိယ ကမ္ဘာစစ် နီး၍ တို့ဗမာအစည်းအရုံးက အင်္ဂလိပ်အခက်-ဗမာ့အချက် ဟူသော ကြွေးကြော်သံဖြင့် လှုံ့ဆော်သောအခါ သခင်ဗဂျမ်း တို့ကလည်း အရေးတော်ပုံ ပေါ်လာလျှင် တော်လှန်ရန် အသင့်ဖြစ်နေခဲ့သည်။ သခင်အောင်ဆန်း ဂျပန်သို့ ရောက်သွားပြီဟု ကြားသောအခါ သခင်ဗဂျမ်းသည် ရန်ကုန်သို့ ဆင်းပြီး နဂါးနီ သခင်ထွန်းရွှေ၊ သခင်ဗဟိန်း စသည့် ဌာနချုပ် ခေါင်းဆောင်များနှင့် အတူ မြေအောက်တော်လှန်ရေး လုပ်ငန်းများ ဆောက်ရွက်ခဲ့သည်။ အစည်းအရုံးတာဝန်ဖြင့် ဒေးဒရဲ ရောက်နေစဉ် ဌာနချုပ်မှ ဂျပန်သို့စစ်ပညာ သင်သွားရန် ပြန်ခေါ်ခဲ့သည်။သို့ဖြင့် ရဲဘော်သုံးကျိပ် ပထမ အသုတ် တွင်ပါဝင်ခဲ့လေသည်။

ဘဝနိဂုံး

၁၉၆၉-ခုနှစ်၊ ဇူလိုင်လ(၉)ရက်နေ့တွင် ရန်ကုန်မြို့၌ နှလုံးရောဂါဖြင့် ကွယ်လွန်သည်။

ကိုးကား

စိန်တင်၊ တက္ကသိုလ် (၁၉၆၈)။ ရဲဘော်သုံးကျိပ်မော်ကွန်း။