ဟန်ရွှင့် ဦးပိုင် လီမိတက်

ဝီကီပီးဒီးယား မှ
Jump to navigation Jump to search
ဟန်ရွှင့် ပင်လယ်ဝ မိုးမျှော်တိုက်ကြီးအား မြင်ရပုံ

ဟန်ရွှင့် ဦးပိုင် လီမိတက် (တရုတ်: 腾讯控股有限公司) သည် တရုတ်နိုင်ငံမှ နိုင်ငံတကာ ရင်းနှီးမြုပ်နှံမှု လုပ်ငန်းကြီးဖြစ်ပြီး ၁၉၉၈ ခုတွင် စထောင်သည်။ အဓိက ရင်းနှီးမြုပ်နှံသော လုပ်ငန်းခေါင်းစဉ်များတွင် အင်တာနက်နှင့်ဆိုင်သော ဝန်ဆောင်မှုများ၊ ထုတ်ကုန်များ၊ အင်တာနက်ပေါ်ရှိ ဖျော်ဖြေရေး လုပ်ငန်းများ၊ ဉာဏ်ရည်တုနှင့် နည်းပညာလုပ်ငန်းများ ပါဝင်သည်။ ရုံးချုပ်ဖြစ်သည့် ဟန်ရွှင့် ပင်လယ်ဝ မိုးမျှော်တိုက်ကို ရှန်ကျန်းပြည်နယ်၊ နမ့်ရှန်တွင် တည်ထားသည်။

ကမ္ဘာ့အကြီးဆုံး ဂိမ်းလုပ်ငန်းကုမ္ပဏီဖြစ်ပြီး ကမ္ဘာ့ တန်ဖိုးအရှိဆုံး နည်းပညာကုမ္ပဏီ၊ ကမ္ဘာ့အကြီးဆုံး ဆိုရှယ်မီဒီယာကုမ္ပဏီ၊ ကမ္ဘာ့အကြီးဆုံး အရင်းဝင် (venture capital) လုပ်ငန်းနှင့် ရင်းနှီးမြုပ်နှံမှု ကော်ပိုရေးရှင်းအဖြစ် သတ်မှတ်ခံရသည်။

စကားပြောအက်ပ် ဟန်ရွှင့် ကျူကျူ (Tencent QQ) နှင့် အကြီးဆုံး ဝဘ်မုခ်ဝ (web portal) ဖြစ်သည့် ကျူကျူ (QQ.com) ကို တရုတ်နိုင်ငံတွင် လုပ်သည်။ တရုတ်နိုင်ငံ၏ အဓိက ဂီတဝန်ဆောင်မှုဖြစ်သော ဟန်ရွှင့် ဂီတဖျော်ဖြေရေးကို လစဉ်ကြေးပေး အသုံးပြုသူ သန်း ၁၂၀ ရှိပြီး သန်း ၇၀၀ ကျော်မှာ အမြဲသုံးသူ ဖြစ်သည်။

၂၀၁၈ ခုတွင် ကုမ္ပဏီ၏ ဈေးကွက်တန်ဖိုးမှာ ဒေါ်လာ ဘီလီယံ ၅၀၀ ရှိရာ အာရှ၏ တန်ဖိုးကြီး နည်းပညာလုပ်ငန်းအားလုံးကို ဖြတ်ကျော်ကာ ထိပ်ဆုံးရောက်သွားသည်။ မီဒီယာများက ဟန်ရွှင့်ကို အသစ်အဆန်း အထွင်နိုင်ဆုံး ကုမ္ပဏီများအနက် တခုအဖြစ် သတ်မှတ်ကြသည်။ ဟန်ရွှင့် ဟူသော အမည်သည် ကမ္ဘာ့အဆင့်တွင် နံပါတ် ၅ နေရာ၌ ရှိသည်။

ဖျော်ဖြေရေး လုပ်ငန်း[ပြင်ဆင်ရန်]

ဗီဒီယိုဂိမ်း[ပြင်ဆင်ရန်]

၂၀၁၁ ခုတွင် လူအများ ဝင်ဆော့နိုင်သည့် ဂိမ်းများကို စတင်ပေးရာ Call of Duty Online နှင့် League of Legends တို့ဖြင့် မျက်နှာ စဖွင့်သည်။ အခြား နာမည်ကြီးဂိမ်းများဖြစ်သော Fortnite နှင့် PlaygerUnknown's Battlegrounds (PUBG) တို့ကို တစိတ်တပိုင်း ပိုင်သည်။ Ring of Elysium ကို အပိုင်ဝယ်လိုက်ပြီ ဖြစ်သည်။