သွားကိုက်ခြင်း

ဝီကီပီးဒီးယား မှ

သွားပိုးစားရောဂါ သို့မဟုတ် သွားဖုံး​ရောဂါများ​ကြောင့် သွားနာခြင်းကို သွားကိုက်ခြင်းဟု ​ခေါ်သည်။ သွား​ရောဂါ များ​ကြောင့်ဖြစ် နိုင်သလို သွား​ကြောင့်မဟုတ်ပဲ တစ်ခြား​ရောဂါများ​ကြောင့်လည်း ဖြစ်နိုင်သည်။ အဓိက ဖြစ်​စေ​သော အ​ကြောင်းအရာများအရာများမှာ သွားပိုးစား​ရောဂါသည် မွသွားလွှာအထိ ​ရောက်သွား​သော​ကြောင့်၎င်း၊ သွားကိုထိခိုက်မိ​သော​ကြောင့်၎င်း သွားမြစ်ထိပ် ပြည်တည်နာများကြောင့် ​သော်လည်း​ကောင်း သွားမျက်နှာပြင်​ပေါ်တွင် ​ကြွေလွှာများပြုန်းတီး၍ ဆင်စွယ်လွှာ​ပေါ်လာခြင်း​ကြောင့် ၎င်း ဖြစ်​စေနိုင်သည်။

သွားကိုက်ခြင်းဖြစ်​စေ​သော အ​ကြောင်းအရာများ[ပြင်ဆင်ရန်]

  • သွားနှင့်ပက်သက်၍သွားကိုက်ခြင်း
  • အခြား​ရောဂါများ​ကြောင့် သွားကိုက်ခြင်း

သွားနှင့်ပက်သက်၍သွားကိုက်ခြင်း[ပြင်ဆင်ရန်]

၁။မွသွားလွှာ​ရောင်ခြင်း[ပြင်ဆင်ရန်]

သွားတစ်​ချောင်းဖွဲ့စည်းမှုတွင် အတွင်းဆုံးအလွှာမှာ မွသွားလွှာဖြစ်ပြီး ထိုအလွှာထဲတွင် နာကျင်မှကို ခံစားရ​သော အာရုံ​ကြောများ ​သွေး​ကြောများတည်ရှိခြင်း​ကြောင့် သွားပိုးစား​ရောဂါဟာ မွသွားလွှာကို ​ရောက်​နေပြီဆိုပါက သွားကိုက်ခြင်းကို ခံစားရမည်ဖြစ်သည်။

၂။သွားကျင်ခြင်း[ပြင်ဆင်ရန်]

မွသွားလွှာ၏ အ​ပေါ်ရှိ ဆင်စွယ်လွှာတွင် မွသွားလွှာနှင့်ဆက်ထား​သော tubules များရှိ​နေခြင်း​ကြောင့် ဆင်စွယ်လွှာတွင် သွားပိုးစားခြင်း ​ကြွေလွှာပြုန်းတီးခြင်း​ကြောင့် ဆင်စွယ်လွှာ​ပေါ်​နေမည် ဆိုပါကလည်း သွားကိုက်ခြင်းကိုခံစားရမည်ဖြစ်သည်။

သွားဖုံး​ရောဂါများ[ပြင်ဆင်ရန်]

သွားပတ်ပတ်လည်ရှိ သွားဖုံးများ​ရောင်ရမ်းခြင်း သွားဖုံးများပြည်တည်ခြင်း​ကြောင့်လည်း သွားကိုက်ခြင်းကို ဖြစ်​ပေါ်​စေသည်။

ထိခိုက်မိခြင်း[ပြင်ဆင်ရန်]

သွားကို ထိခိုက်မိ၍ဖြစ်​စေ မာ​ကျော​သောအရာများကို ကိုက်မိ၍ဖြစ်​စေ သွားမျက်နှာပြင်အက်ပြီး မွသွားလွှာကို ထိသွားလျှင်လည်း သွားကိုက်ခြင်း ဖြစ်နိုင်သည်။