သိမ်ကြီးဈေး

ဝီကီပီးဒီးယား မှ
Jump to navigation Jump to search
သိမ်ကြီးဈေး
Theingyi Market Bandoola Road.jpg
သိမ်ကြီးဈေး
တည်နေရာ လသာနှင့် ပန်းဘဲတန်းမြို့နယ်ရန်ကုန်မြို့မြန်မာနိုင်ငံ
ဖွင့်လှစ်ခဲ့သည်ရက်စွဲ ၁၈၅၄
ရောင်းချသောကုန် ကုန်စိမ်းနှင့် ကုန်ခြောက်များ
ဆိုင်ခန်းငှားရမ်းသူအရေအတွက် ၁၁၅၆
သိမ်ကြီးဈေး စီရုံနှင့်ဒီရုံ

သိမ်ကြီးဈေး သည် မြန်မာနိုင်ငံရန်ကုန်တိုင်းဒေသကြီးရန်ကုန်မြို့ရှိ ဈေးတစ်ခု ဖြစ်သည်။

သမိုင်းကြောင်း[ပြင်ဆင်ရန်]

မြေနေရာအစ[ပြင်ဆင်ရန်]

ကိုလိုနီခေတ်ရန်ကုန်မြို့ ကို သိမ်းယူပြီးစအချိန်တွင် ဗြိတိသျှ အစိုးရသည် ဘာသာရေးအဆောက်အအုံများ၊ ဈေးများ နေရာချထားရေးအတွက် စီမံဆောင်ရွက်ရာတွင် ၎င်းမြေနေရာများအတွက် မြေဂရန်များ အခမဲ့ ထုတ်ပေးခဲ့ရာ ယနေ့ သိမ်ကြီးဈေးဟုခေါ်တွင်ကြသော ဈေးမြေနေရာအနီးတွင် ဗုဒ္ဓဘာသာဝင်များအတွက် သိမ်ဆောက်လုပ်ရန် မြေဂရန်တစ်ခုထုတ်ပေးခဲ့သည်။[၁]

စူရတီဘားရားဘဇားမှ သိမ်ကြီးဈေးသို့[ပြင်ဆင်ရန်]

အောက် မြန်မာပြည် ကို ဗြိတိသျှ တို့ သိမ်းပိုက်ပြီးကတည်းက မော်လမြိုင်တွင် မြို့မဈေးကြီးကို တည်ထောင်ထားသော "ကုလားတန်း စူရတီ ဈေးကုမ္ပဏီ" ၏ အစုရှယ်ရာဝင် များသည် အထက်ပါ မြေနေရာအနီးတွင် "စူရတီဘားရားဘဇား(သိမ်ကြီးဈေး)ကို ၁၈၅၃ခုနှစ်လောက်တွင် တည်ဆောက်ခဲ့သည်။

ပြည်ထောင်စု မြန်မာနိုင်ငံတော်ဟူ၍ ဗြိတိသျှကိုလိုနီလက်အောက်မှ လွပ်လပ်ရေးရပြီး နောက် တွင် ပြည်ထောင်စု အစိုးရသည် ၁၉၅၁ခုနှစ် ဩဂုတ် လ ၁ ရက်နေ့တွင် သိမ်ကြီးဈေးအဆောက်အအုံများကို မူလကုမ္ပဏီထံမှ သိမ်ကြီးဈေးအုပ်ချုပ်ကြီးကြပ်ရေးအဖွဲ့၏ လက်အောက်သို့ လွဲပြောင်းအုပ်ချုပ်စေခဲ့သည်။[၂]

မူလဈေးရုံများ[ပြင်ဆင်ရန်]

စူရတီဘားရားဘဇား( မြန်မာတို့အခေါ် သိမ်ကြီးဈေး) တွင် မူလဈေးရုံများအဖြစ် အေရုံ၊ ဘီရုံ၊ စီရုံ၊ ဒီရုံနှင့် အီးရုံဟူ၍ ငါးရုံရှိသည်။ မြေကွက်ပေါင်း ၁၂၂ကွက် ပါဝင်သည်။

သိမ်ကြီးဈေး အေရုံ[ပြင်ဆင်ရန်]

အေရုံ ဈေးအဆောက်အအုံကို ၁၉၀၅ခုနှစ်တွင် စတင် ဆောက်လုပ်သည်။

သိမ်ကြီးဈေး ဘီရုံ[ပြင်ဆင်ရန်]

ဘီရုံကို ၁၉၃၈ ခုနှစ်တွင် စတင်ဆောက်လုပ်သည်။

သိမ်ကြီးဈေး စီရုံ[ပြင်ဆင်ရန်]

စီရုံ ဈေးအဆောက်အအုံကို ၁၉၂၈ခုနှစ်တွင် စတင် ဆောက်လုပ်သည်။

သိမ်ကြီးဈေး ဒီရုံ[ပြင်ဆင်ရန်]

ဒီရုံ ဈေးအဆောက်အအုံကို ၁၉၀၆ခုနှစ်တွင် စတင် ဆောက်လုပ်သည်။

အကိုးအကားများ[ပြင်ဆင်ရန်]

  1. ပါမောက္ခပန်း. ရန်ကုန်ရာဇဝင်, စာမျက်နှာ ၁၉၅။ 
  2. ပြည်သူ့ဝန်ထမ်းဝန်ကြီးဌာန၊ ဒေသန္တရအုပ်ချုပ်ရေးဌာနခွဲ၊ အမိန့်ကြေငြာစာ ၂၆၁၊ ဩဂုတ်လ ၁ရက်၊ ၁၉၅၁ခုနှစ်။