သာဓုခေါ်
| တစ်စိတ်တစ်ပိုင်း ဖော်ပြချက် |
| ဗုဒ္ဓဘာသာ |
|---|
 |
သာဓုခေါ်ဆိုခြင်းသည် တရားဓမ္မများကို နာကြားရသည့်အခါ သို့မဟုတ် သူတစ်ပါး၏ ကုသိုလ်ကောင်းမှုကို မြင်တွေ့ရသည့်အခါ စိတ်ထဲတွင် ကြီးစွာသော ဝမ်းမြောက်မှု (ပီတိ) ဖြစ်ပေါ်လာရာမှ ထွက်ပေါ်လာသော အသံဖြစ်သည်။
ထိုဝမ်းမြောက်မှုသည် ရင်ထဲမှနေ၍ လည်ပင်း၊ ထိုမှတစ်ဆင့် နှုတ်ခမ်း၊ လျှာ စသည့် အသံဖြစ်အင်္ဂါများကို လှုပ်ခတ်ကာ "သာဓု၊ သာဓု၊ သာဓု" ဟူသော အသံအဖြစ် ထွက်ပေါ်လာခြင်း ဖြစ်သည်။
ကျမ်းဂန်လာ ဥပမာ
[ပြင်ဆင်ရန်]အင်္ဂုတ္တိုရ် အဋ္ဌကထာ ဆရာ၏ ဖွင့်ဆိုချက်အရ သူတော်ကောင်းတရားကို ဟောကြားသည့်အခါ "သာဓု" ဟု ခေါ်ဆိုသူ၏ နှုတ်မှ ထွက်ပေါ်လာသော အသံသည် မွှေးပျံ့သော ရနံ့ နှင့် တူသည်ဟု ဆိုသည်။ [၁]
ဥပမာအားဖြင့် ကြာဖြူ၊ ကြာညို ပန်းများသည် ရေထဲတွင် ပေါက်ဖွား၍ လှပမွှေးပျံ့သကဲ့သို့၊ သာဓုခေါ်သံသည်လည်း တရားနာပရိသတ်၏ နှုတ်ဖျားတွင် တင့်တယ်စွာ ဖြစ်ပေါ်လာသော တန်ဖိုးရှိသည့် အသံဖြစ်သည်။
ပုညကြိယာဝတ္ထု (၁၀) ပါးတွင် ပါဝင်မှု
[ပြင်ဆင်ရန်]မြတ်စွာဘုရားရှင်၏ တရားတော်အရ သာဓုခေါ်ဆိုခြင်းသည် ပတ္တာနုမောဒနာ ကုသိုလ် (သူတစ်ပါးပြုသော ကုသိုလ်ကို ဝမ်းမြောက်နုမောဒနာပြုခြင်း) ဖြစ်ပြီး၊ ပုညကြိယာဝတ္ထု ၁၀ ပါးတွင် အရေးကြီးသော အချက်တစ်ချက် ဖြစ်သည်။[၂]
ဘဝ၏ တန်ဖိုးနှင့် လမ်းညွှန်မှု
[ပြင်ဆင်ရန်]လူ့ဘဝသည် ရခဲသော ဘဝဖြစ်ပြီး ကောင်းမှု၊ ဆိုးမှု ခွဲခြားနိုင်သည့် အခွင့်အရေးရှိသည်။ မှန်ကန်သော လမ်းညွှန်မှုကို ရရှိသည့်အခါ၊ ပိတ်ထားသော အရာများကို ဖွင့်ပြပေးနိုင်သော ဓမ္မကထိကများ၏ တရားကို နာကြားရသည့်အခါ ဝမ်းမြောက်စွာ သာဓုခေါ်ဆိုခြင်းဖြင့် ကုသိုလ်ပွားများနိုင်ပါသည်။
နိဂုံးချုပ်အနေဖြင့် သူတော်ကောင်းတရားများကို နာကြားရပြီး "သာဓု" ခေါ်ဆိုနိုင်ခြင်းဖြင့် မင်္ဂလာရှိသော ဘဝကို တည်ဆောက်ကြရန် တိုက်တွန်းထားပါသည်။ [၃]
ဆက်စပ်ဖတ်ရှုရန်
[ပြင်ဆင်ရန်]ကိုးကား
[ပြင်ဆင်ရန်]- ↑ အံ၊ဋ္ဌ၊၁၊၂၁၊ ၂၂၊ တရားပွဲအဆုံး၌ သာဓုခေါ် ရသောကြောင့် နံ့သာကြုပ်ကို ဖွင့်သကဲ့ ပါးစပ်မှမွှေးကြိုင်လှသောအနံ့ ရှိသောမထေရ်ဝတ္ထု။ ။ ဝိဟာရဝိမာနဝတ္ထု၊ ဝိမာန၊၆၀၊ ဝိမာန၊ဋ္ဌ၊၁၇၂၊ ပုဗ္ဗာရုံကျောင်းရေစက်ချပွဲ၌ သာဓုခေါ်ရကျိုး။ ။ သင်္ခဗြဟ္မဏဝတ္ထု၊ စရိယာ၊ဋ္ဌ၊၃၄၊ ဇာတက၊ဋ္ဌ၊၄၊၂၁။ ။ သီလာနိသံသဇာတက၊၁၊၄၉၊ ဇာတက၊ဋ္ဌ၊၂၊၁၀၂။ ܀ပိဋကတ်လမ်းညွှန်[02/540]
- ↑ (အဘိ၊ဋ္ဌ၊၁၊၂၀၁။)
- ↑ ဆရာဦးဆန်းလင်း (ဆည်မြောင်း)