အကူအညီ:Wiki Markup ဖြင့် ဇယားများထည့်ခြင်း မိတ်ဆက်/အားလုံး

ဝီကီပီးဒီးယား မှ
Enhanced editing toolbar
Enhanced editing toolbar


ဇယားတွေကို ကိန်းဂဏန်းဒေတာတွေ ပြသဖို့အတွက် သုံးလေ့ရှိပါတယ်။ ဒီသင်ခန်းစာက ဇယားအသစ်တွေ ဘယ်လိုဆွဲမယ်၊ ရှိပြီးသားဇယားတွေကို ဘယ်လိုတည်းဖြတ်မယ်ဆိုတာကို ပြသပေးသွားမှာပါ။ ဇယားတွေ ဘယ်လိုသုံးမလဲ၊ ဘယ်လိုနေရာတွေမှာ သုံးမလဲဆိုတဲ့ လမ်းညွှန်ချက်တွေအတွက် စတိုင်လက်စွဲမှာ ကြည့်ပါ။


ဇယားအသစ်တစ်ခုကို ထည့်ဖို့ အလွယ်ဆုံးနည်းလမ်းကတော့ သင်စာမျက်နှာတစ်ခု တည်းဖြတ်ရင် ပေါ်လာတဲ့ ကိရိယာဘား (အပေါ်မှာ ကြည့်ပါ) ကနေ ထည့်တာပဲ ဖြစ်ပါတယ်။ ခလုတ်ကို နှိပ်လိုက်ရင် လိုချင်တဲ့ ဇယားပုံစံကို ထည့်နိုင်တဲ့ အကွက်တစ်ခု ကျလာပါလိမ့်မယ်။ တိုင်၊ တန်းအရေအတွက်ကို ရွေးလိုက်ပြီးရင် ဆောင်းပါးထဲမှာ ဇယားအတွက် Wiki markup စာသားကို ထည့်ပေးသွားမှာဖြစ်ပါတယ်။ အဲဒီနောက် "နမူနာ" စာသားတွေနေရာမှာ သင်ရေးလိုတာကို အစားထိုး ရေးထည့်လိုက်ပါ။


ဝီကီပီးဒီးယားထဲက ဇယားတွေ၊ အထူးသဖြင့် ဇယားအကြီးတွေက ကြည့်ရတာ လန့်ဖို့ကောင်းပေမယ့် သူတို့အလုပ်လုပ်ပုံက ရိုးရှင်းပါတယ်။

ဇယားများ တည်းဖြတ်ခြင်း[ပြင်ဆင်ရန်]

ဇယားအသစ်ထည့်တာပဲ ဖြစ်ဖြစ်၊ ရှိပြီးသားကို တည်းဖြတ်တာပဲဖြစ်ဖြစ်၊ ဇယားကွက်ထဲက စာသားတွေအပြောင်းအလဲက စာဖတ်သူကို ဘယ်လိုပုံစံနဲ့ ပြမလဲဆိုတာ ဆုံးဖြတ်ပေးပါတယ်။ ဒါပေမယ့် စာသားပြောင်းတာတင်မကဘဲ လုပ်လို့ရပါသေးတယ်။

ဇယားတစ်ခုမှာ အောက်ပါ အခြေခံအစိတ်အပိုင်းတွေ ပါဝင်ပြီး အားလုံးကို သင် ပြင်ဆင်နိုင်ပါတယ်။

{| အစ ဇယားအသစ် စတင်ဖို့အတွက် မဟုတ်ဘဲ ဇယားအမျိုးအစားကိုလည်း ပြင်ဆင်နိုင်ပါတယ်။  –  ဥပမာ၊ class="wikitable"။ ဇယားတစ်ခုရဲ့ "class" က အဲဒီဇယားမှာ ဝီကီပီးဒီးယားရဲ့ စံပုံစံကို သတ်မှတ်ပါတယ်။ အများဆုံးသုံးလေ့ရှိတဲ့ အမျိုးအစားနှစ်ခုကတော့ "wikitable" နဲ့ "wikitable sortable" တို့ ဖြစ်ပါတယ်။ နောက်ကတစ်ခုက ဖတ်ရှုသူတွေကို ကော်လံထိပ်က ခေါင်းစီးအကွက်ကို နှိပ်ပြီး ဇယားကွက်ကို စီလို့ ရပါတယ်။
|+ ဇယား
စာညွှန်း
အချက်အလက် ဒေတာ ဇယားကွက်တွေအတွက် လိုအပ်ပါတယ်။ သူ့ကိုtable start နဲ့ ဇယားရဲ့ ပထမဆုံး အတန်းကြားမှာ ထားပါတယ်။
! ခေါင်းစီး အကွက် Optional. ခေါင်းစီးဇယားကွက်တွေကို စာကြောင်းသစ်တစ်ကြောင်းစီမှာ အာမေဋိတ်သင်္ကေတ တစ်ခု (!) နဲ့ ထားနိုင်သလို စာကြောင်းတစ်ခုတည်းမှာ အာမေဋိတ်သင်္ကေတနှစ်ခု (!!) စီနဲ့ဆိုရင် ခေါင်းစီးဇယားကွက်များစွာ ထားနိုင်ပါသေးတယ်။
|- အတန်းသစ်  ဇယားအတန်းသစ် စတင်ဖို့ ဒေါင်လိုက်ဘား (|) တစ်ခုနဲ့ ဟိုက်ဖန်သင်္ကေတ (-) တစ်ခုကို သုံးပါတယ်။
| အတန်း ထဲမှ
အကွက်သစ်
ဇယားအတန်းတစ်ခုထဲမှာ ဇယားကွက်အသစ်တစ်ခု ထပ်တိုးဖို့အတွက် ဖြစ်ပါတယ်။ စာကြောင်းအသစ်မှာ ဒေါင်လိုက်ဘားတစ်ခု (|) နဲ့ ထားနိုင်သလို လိုင်းတစ်ခုတည်းမှာ ဇယားကွက်တွေ အများကြီး ထပ်တိုးဖို့အတွက် ဒေါင်လိုက်ဘားတန်း နှစ်ခု (||) ကို သုံးပါတယ်။
|} အဆုံး ဇယားတစ်ခုကို အဆုံးသတ်ဖို့ ဒေါင်လိုက်ဘားတစ်ခု (|) နဲ့ တွန့်ကွင်းအပိတ် (}) ကို စာကြောင်းအသစ်မှာ ထားလိုက်ရုံပါပဲ။


Layout

ရှိပြီးသား ဇယားတစ်ခုကို တည်းဖြတ်တဲ့အခါမှာ အောက်ပါ ပုံစံနှစ်မျိုးကို တွေ့မြင်ရနိုင်ပါတယ်။

စာဖတ်သူတွေအတွက် အထက်ပါ ပုံစံနှစ်မျိုးစလုံးက အတူတူပဲ ပြသပေးမှာပါ။

Caption
Header C1 Header C2 Header C3
R1C1 R1C2 R1C3
R2C1 R2C2 R2C3

ဇယားများ ချဲ့ကားခြင်း[ပြင်ဆင်ရန်]

ဒါက ရှိနှင့်ပြီးသား ဇယားကွက်မှာ ကော်လံအသစ်တစ်ခု၊ ဒါမှမဟုတ် အတန်းတစ်ခု ထပ်တိုးတဲ့နေရာမျိုးမှာ သုံးတဲ့ပုံစံဖြစ်ပါတယ်။


အတန်းသစ်တစ်ခု ထပ်တိုးခြင်း

ဇယားတစ်ခုတွင်းမှာ အတန်းသစ်တစ်ခု ထပ်တိုးဖို့အတွက် အတန်းခြားတစ်ခုနဲ့ တခြားအတန်းက ဇယားကွက် အရေအတွက် တူတူ ထပ်ဖြည့်ဖို့ လိုပါတယ်။


အလွယ်ဆုံးနည်းလမ်းကတော့ ရှိပြီးသား အတန်းရဲ့ markup ကုဒ်ကို ကူးယူလိုက်တာပဲ ဖြစ်ပါတယ်။ အဲဒါဆိုရင် ဇယားထဲက စာတွေကိုပဲ ပြင်လိုက်ရုံပါပဲ ဇယားရဲ့ နောက်ဆုံး အတန်းအောက်က |} ကို ချန်ထားဖို့ မမေ့ပါနဲ့။

ကော်လံသစ်တစ်ခု ထပ်တိုးခြင်း

ဇယားတစ်ခုမှာ ကော်လံတစ်ခု ထပ်တိုးဖို့ဆိုရင် အတန်းတစ်ခုစီမှာ ဇယားကွက်တစ်ခုစီ ထပ်ဖြည့်ရမှာ ဖြစ်ပါတယ်။


ပြောင်းလဲမှုများ နမူနာကြည့်ခြင်း

ပြင်ဆင်ထားတာတွေကို နမူနာကြည့်ခြင်းက ဇယားတွေမှာ အထူးအရေးပါ ပါတယ်။ ဇယားကွက်ပုံစံ ပျက်စေနိုင်တဲ့ အမှားအသေးတွေ ဖြစ်ပေါ်စေနိုင်လို့ပါ။

အခြားကြည့်ရန်[ပြင်ဆင်ရန်]