ဝန်ဆောင်မှုပေးသော စက်ရုပ်

ဝီကီပီးဒီးယား မှ

ဝန်ဆောင်မှုပေးသော စက်ရုပ်များသည် လူသားများကို ကူညီ လုပ်ကိုင်ဆောင်ရွက်ပေးရန်ဖြစ်ပြီး ညစ်ပတ်ပေရေသော၊ စိတ်ပျက်ညဉ်းညူဖွယ်ကောင်းသော၊ ဝေးလံသော၊ အန္တရာယ်များသောနှင့် အိမ်အလုပ်များ အပါအဝင် ထပ်ခါထပ်ခါ လုပ်ရသော အလုပ်များကို ဆောင်ရွက်ပေးသည်။ အဲဒီစက်ရုပ်များဟာ များသောအားဖြင့် အလိုအလျောက်ထိန်းချုပ်စနစ် (နဂိုမူလပါဝင်သော ထိန်းချုပ်မှုစနစ်) ပါဝင်ပြီး ထပ်မံပြင်ဆင်ခွင့်ပါရှိကြသည်။ ဝန်ဆောင်မှုပေးသော စက်ရုပ်များအတွက် နည်းပညာဆိုင်ရာ တိကျသော အဓိပ္ပာယ်ဖွင့်ဆိုချက် မရှိပဲ အပြည်ပြည်ဆိုင်ရာ စက်ရုပ်နည်းပညာ အဖွဲ့အစည်း (International Federation of Robotics (IFR) ) မှ အဆိုပြုသော အစမ်းသုံးသောအဓိပ္ပာယ်အရ - ဝန်ဆောင်မှုပေးသော စက်ရုပ်ဆိုသည်မှာ "တစ်စိတ်တပိုင်း (သို့) လုံးဝ အလိုအလျောက် အလုပ်လုပ်ပြီး လူများ သက်တောင့်သက်သာရှိစေရန်နှင့် ကုန်ထုတ်လုပ်ငန်းများ အဆင်ပြေချောမွေ့စေရန်အတွက် ဝန်ဆောင်မှုလုပ်ပေးသော စက်ရုပ်များ"ကိုခေါ်သည်။[၁]

အမျိုးအစားများ[ပြင်ဆင်ရန်]

လူသားတို့ရဲ့ လုပ်ငန်းဆောင်တာများကို ကူညီရန် သုံးသော စက်ရုပ်များ၏ အသုံးချမှုမှာလည်း ကျယ်ပြန်လို့လာပြီ ဖြစ်သည်။ ယနေ့ခေတ်တွင် အသုံးပြုသော စက်ရုပ်များ၏ အခန်းကဏ္ဍမှာ အောက်ပါအတိုင်းဖြစ်သည်။

စက်မှုလုပ်ငန်းသုံး[ပြင်ဆင်ရန်]

စက်မှုလုပ်ငန်းငန်းသုံး ဝန်ဆောင်မှုပေးသော စက်ရုပ်များကို တိကျစွာ ဂဟေဆော်ခြင်း စသော ရိုးရှင်းသော လုပ်ငန်းများမှအစ နျူးကလီယား ဓာတ်အားပေးစက်ရုံ ဖြိုဖျက်ရာမှာ ကူညီခြင်း စသော ကြမ်းတမ်းသော ပတ်ဝန်းကျင်မှ ရှုပ်ထွေးသော လုပ်ငန်းစဉ်များထိ အသုံးပြုနိုင်ကြသည်။ စက်မှုလုပ်ငန်းသုံးစက်ရုပ်များကို အပြည်ပြည်ပြည်ဆိုင်ရာ စက်ရုပ်နည်းပညာ ဖက်ဒရေးရှင်း၏ အဆိုအရ အဓိပ္ပာယ်ဖွင့်ဆိုရမည်ဆိုလျှင် "အလိုအလျောက်ထိန်းချူပ်မှုစနစ်ပါရှိခြင်း၊ ပရိုဂရမ်များ ထပ်ခါထပ်ခါပြင်ရေးနိုင်ခြင်း၊ manipulator ၏ အနေအထားများသည် ဝန်ရိုး သုံးခု (သို့) ထိုထက်ပိုခြင်း၊ ထိုစက်ရုပ်လက်တံများသည် အသေတပ်ဆင်ထားခြင်း (သို့) ရွေ့လျားနိုင်ခြင်းတို့ကို အသုံးပြုမည် စက်မှုလုပ်ငန်းနှင့် ကိုက်ညီစွာ အသုံးပြုနိုင်ခြင်းရှိသော စက်ရုပ်များ"ဖြစ်သည်။[၂]

စားသောက်ဆိုင်နှင့် ဘားသုံး[ပြင်ဆင်ရန်]

ယခုအခါ စာသောက်ဆိုင်များနှင့် ဘားများတွင်လည်း စက်ရုပ်များကို စတင်အသုံးပြုလာ ကြပြီဖြစ်သည်။ ထိုစက်ရုပ်များသည် ရှုပ်ထွေးသော ကော့တေးစပ်ခြင်း အစရှိသော လုပ်ငန်းများပါ လုပ်ဆောင်နိုင်ကြသည်။ စားပွဲထိုးလုပ်ဖို့အတွက်လည်း ထိုကဲ့သို့သော စက်ရုပ်များကို အသုံးပြုကြသည်။

အိမ်တွင်းမှုလုပ်ငန်းသုံးစက်ရုပ်ဖြစ်သော Roomba(vacuum cleaner စက်ရုပ်)

အိမ်တွင်းမှုကိစ္စများသုံး[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - အိမ်တွင်းမှုလုပ်ငန်းသုံး စက်ရုပ်

အိမ်တွင်းမှုလုပ်ငန်းသုံးစက်ရုပ်များသည် အိမ်သန့်ရှင်းရေး၊ ကြမ်းတိုက်ခြင်း၊ မြတ်ရိတ်ခြင်းနှင့် ရေကူးကန်များ ထိန်းသိမ်းခြင်း စသော လူတို့ ပုံမုန်လုပ်ဆောင်နေကြသော အိမ်တွင်းမှုကိစ္စများအတွက် အသုံးပြုနိုင်သည်။ သူတို့သည် မသန်မစွမ်းသူများနှင့် ကိုယ်လက်အင်္ဂါချို့ယွင်းနေသော သူများကို ကူညီနိုင်ရုံမျှမကသေး အိမ်ရဲ့ ဘဏ္ဍာစိုးလည်း ဖြစ်ကြသည်။ မသန်မစွမ်းသောသူများနှင့် အိုမင်းမစွမ်းရှိကြသူများသည် ဝန်ဆောင်မှုလုပ်ငန်းသုံး စက်ရုပ်များကို အသုံးပြုခြင်းဖြင့် အမှီအခိုကင်းစွာ ရပ်တည်နိုင်မည် ဖြစ်သည်။ [၃]

သိပ္ပံလုပ်ငန်းသုံး[ပြင်ဆင်ရန်]

ဝန်ဆောင်မူပေးသောစက်ရုပ်များကို သိပ္ပံသုတေသနနယ်ပယ်တွင် ပုံစံအမျိုးမျိုးဖြင့် အသုံးပြုနေကြသည်။ ဝေလပြည်နယ်၊ Aberystwyth တက္ကသိုလ်မှာ ADAM ဟုခေါ်သော စက်ရုပ်သည် ထည့်သွင်းထားသော အချက်အလက်များကို မူတည်၍ လော့ဂျစ်ကျကျ ခန့်မှန်းမူများကို ပြုလုပ်နိုင်သည်။ ၎င်း၏ ခန့်မှန်းချက်များသည် မှန်ကန်ကြောင်း အတည်ပြုထားကြသည်။ [၄]

အလိုအလျောက်ထိန်းချုပ်စနစ်ပါရှိသော စက်ရုပ်များသည် နတ်ရှိုင်းသော ပင်လယ်ကြမ်းပြင်မှစ၍ ကမ္ဘာအပြင်ဘက်တိုင်အောင် လူသားတို့အတွက် ခတ်ခဲသော၊ မဖြစ်နိုင်သော အလုပ်များနှင့် ကြုံတွေ့ရသည့်အခါ ကူညီဆောင်ရွက်ပေးနိုင်ကြသည်။ Woods Hole Oceanographic Institution မှ အလိုအလျောက်ထိန်းချုပ်စနစ်ပါ ရေအောက်ယာဉ်ငယ် Sentry သည် ရေအောက်သို့ ၄၅၀၀ မိတာ သက်ဆင်းနိုင်ပြီး သင်္ဘောမှအကူအညီလိုအပ်သည့်အခါ ကောင်းမွန်စွာ အထောက်အပံပေးနိုင်သည်။[၅] အင်္ဂါဂြိုဟ်ဆင်းယာဉ် (Mars rover) အပါအဝင် အာကသအတွင်းရှိ စက်ရုပ်များသည် ကြမ်းတမ်းသော အင်္ဂါဂြိုဟ်၏ ပတ်ဝန်းကျင်မှာပင် နမူနာပုံစံများယူခြင်း၊ ဓာတ်ပုံရိုက်ကူးပေးခြင်းများကို ပြုလုပ်ပေးနိုင်သည်။

ဝန်ဆောင်မှုပေးသော စက်ရုပ်နမူနာများ[ပြင်ဆင်ရန်]

ကိုးကား[ပြင်ဆင်ရန်]

  1. Provisional definition of Service Robots English, 27th of October 2012
  2. International Federation of Robotics
  3. Graf, Birgit (2004). "Care-O-bot II—Development of a Next Generation Robotic Home Assistant". Autonomous Robots 16 (2): 193-205. Kluwer Academic Publishers. doi:10.1023/B:AURO.0000016865.35796.e9. 
  4. Adam becomes first robot to make a scientific discovery after conducting its OWN experiments။ Dail Mail (3 April 2009)။ 31 January 2011 တွင် ပြန်စစ်ပြီး။
  5. AUV Sentry။ Woods Hole Oceanographic Institution။ 31 January 2011 တွင် ပြန်စစ်ပြီး။