လပြည့်ညရဲ့စိန်ခေါ်သံ

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
လပြည့်ညရဲ့စိန်ခေါ်သံ
Qin's Moon Season 5.jpg
အခြားအမည်ဒဏ္ဍာရီထဲကဓား
တင်ဆက်ပုံကာတွန်းရုပ်ရှင် ဇာတ်လမ်းတွဲ
ဖန်တီးသူဝှမ်းရှစ်ရန်(မူရင်းဇာတ်လမ်း)
ရေးသားသူရော်ဘင်ရှန်
ဒါရိုက်တာဝူးယွင်
ရော်ဘင်ရှန်
အသံသရုပ်ဆောင်ဖှုန်းကျွင့်ဟွာ[၁]
ရှန်ဒါဝေး[၂]
ရှန်းလေ[၃]
ဟွမ်းယီးချင်[၄][၅][၆]
စွမ်းယဲ့[၇]
ဒိုက်ဝေး
ဟုန်းဟိုက်ထျန်း[၈]
အဖွင့်တီးလုံးAnson Hu ၏ Moonlight[၉]
အပိတ်တီးလုံးCrystal Butterfly ၏ Feelings Moved (အတွဲ ၂)
Rim ၏ " Eyes Say" (အတွဲ ၃)
တေးရေးဆရာ(များ)Westlife
နိုင်ငံ တရုတ်ပြည်[၁၀]
ဘာသာစကားတရုတ်ဘာသာစကား
No. of seasons၅
အပိုင်းပေါင်း၁၃၉[၁၁]
ထုတ်လုပ်မှု
အမှုဆောင် ထုတ်လုပ်သူရော်ဘင်ရှန်
ထုတ်လုပ်သူChen Qianyuan
ရော်ဘင်ရှန်
ထုတ်လုပ်သည့် ကုမ္ပဏီစပါးခလီး ကီး [၁၂]
ထုတ်လွှင့်မှု
မူလထုတ်လွှင့်ခြင်း၂၀၀၇[၁၃][၁၄][၁၅][၁၆]

လပြည့်ညရဲ့စိန်ခေါ်သံ သို့မဟုတ် ဒဏ္ဍာရီထဲကဓား ဟု လူသိများသည့် ချင်ဒဏ္ဍာရီသည်[၁၇][၁၈]ရော်ဘင်ရှန်(ရှန်လော့ဖိင်)ရိုက်ကူးသော [၁၉]တရုတ်ကာတွန်းရုပ်ရှင် ဇာတ်လမ်းတွဲဖြစ်သည်။[၂၀][၂၁]ဇာတ်လမ်းကို ထိုင်ဝမ်စာရေးဆရာ ဝှမ်းရှစ်ရန်ရေးသားသော အမည်တူဝတ္ထုပေါ်တွင် အခြေခံထားသည်။[၂၂][၂၃]တရုတ်၏ ပထမဆုံးသော သုံးဘက်မြင် သိုင်းလောကနောက်ခံကာတွန်းရုပ်ရှင်ဖြစ်ပြီး[၂၄][၂၅][၂၆][၁၅] ကျယ်ကျန်း ဟန်ကျိုးတွင်အခြေစိုက်သော[၂၇] စပါးခလီး ကီး(ဟန်ကျိုး ရွှမ်ကျီ သိပ္ပံနှင့်နည်းပညာ သတင်းအချက်အလက် စီးပွားရေးလုပ်ငန်းစု)မှ ထုတ်လုပ်သည်။[၂၈][၂၉][၃၀] [၃၁] ခေါင်းစဉ်မှာ ကျော်ကြားသော ကဗျာတစ်ပုဒ်မှကောက်နုတ်ထားသည့် "ချင်ခေတ်မှာ သာတဲ့လ"ဟု အဓိပ္ပါယ်ရသည်။ ဤတွင် သူရဲကောင်းနှစ်ဦး၏ အမည်များပါဝင်သည်။ သူရဲကောင်းမင်(ထွန်းလင်း)သည် ထျန်းမင်ဖြစ်ပြီး သူရဲကောင်းမယ်ယွဲ့(သော်တာ)သည် ယွဲ့အော်ဖြစ်သည်။[၃၂][၃၃]

ဇာတ်လမ်း[ပြင်ဆင်ရန်]

ချင်ဒဏ္ဍာရီသည် ချင်ဧကရာဇ် ယင်ကျန့် ပထမတရုတ်နိုင်ငံတော်ကို တည်ထောင်ချိန်မှသည် မြို့တော်ရှန်းယန်ကို အနောက်ချူနိုင်ငံဘုရင် ရှန့်ယူ လာရောက်သိမ်းပိုက်ချိန်အထိ ဖြစ်သည်။[၃၄] ဇာတ်လမ်းမှာ ကျင်းထျန်းမင်ဟူသော လူငယ်လေးတစ်ဦး၏ ဘဝဇာတ်ကြောင်းဖြစ်ပြီး[၃၅][၃၆] [၃၇]သာမန်ကလေးတစ်ဦးအဖြစ်မှ သူရဲကောင်းတစ်ယောက်ဖြစ်လာပုံကို တင်ဆက်ထားသည်။[၃၈]

အတွဲ၁[ပြင်ဆင်ရန်]

ကယ်နယဲ့က ထျန်းမင်ကိုခေါ်ပြီး ချင်နန်းတော်မှထွက်လာသည်။ယင်ကျန့်က ကယ်နယဲ့ကို ပြန်ခေါ်ရန် တပ်ရင်းတစ်ရင်းလွှတ်လိုက်သည်။ လွှတ်လိုက်သော တပ်ရင်းမှာ ကယ်နယဲ့ကို ပြန်ခေါ်နိုင်ရန်ဝေးစွ။ အသက်ရှင်လျက် ပြန်လာနိုင်သူပင်မရှိ။ ထိုအခါ အမတ်ကြီးလီစီး၏ အကြံအတိုင်း ဝေ့ကျွမ်းဦးဆောင်သော လျှိုရှားအဖွဲ့ကို လွှတ်ကာ ကယ်နယဲ့ကိုပြန်ခေါ်ရန် စီစဉ်သည်။ လျှိုရှားအဖွဲ့ခေါင်းဆောင်ဝေ့ကျွမ်းနှင့် အမတ်ကြီးလီစီးတို့ အပေးအယူ လုပ်လိုက်သည်။ ချင်ဘုရင်ယင်ကျန့်က ကယ်နယဲ့ကိုလိုချင်သည်။ဝေ့ကျွမ်းက ထျန်းမင်ကိုလိုချင်သည်။ ဤအပေးအယူအရ လျှိုရှားအဖွဲ့က ကယ်နယဲ့တို့တူဝရီးနှစ်ယောက်နောက်သို့ လိုက်သည်။ ကယ်နယဲ့နှင့်ထျန်းမင်တို့သည် မမျှော်လင့်ဘဲ ရွာတစ်ရွာသို့ ရောက်သွားသည်။ ထိုရွာမှာ ချူစစ်သည်တို့ ရုပ်ဖျက်နေထိုင်သောရွာဖြစ်ပြီး ချူမင်းသား ရှန့်ရှောက်ယွီလည်းနေထိုင်သည်။ ထိုအချိန်တွင် လျှိုရှားအဖွဲ့ဝင် ဝူစွမ်းလည်း ထိုရွာသို့ရောက်လာသည်။ ဝူစွမ်းက အစောင့်ရွာသားတစ်ယောက်ကို သတ်လိုက်သည်။ ဝူစွမ်းနှင့် ရွာသားများတိုက်ကြချိန်တွင် ကယ်နယဲ့က ဝူစွမ်းကိုသတ်လိုက်နိုင်သည်။ သို့သော် တပ်ရင်းနှင့်တိုက်စဉ်က ရခဲ့သော ဒဏ်ရာများကို ဆေးကုရန်လိုနေသည်။ ယင်ကျန့် စေလွှတ်ထားသော ဝေ့ကျွမ်းတို့အဖွဲ့ရောက်လာပြီဖြစ်သဖြင့် ယင်ကျန့်တပ်များထပ်မံရောက်လာမည်ကို စိုးရိမ်ကာ ချူစစ်သားများလည်း ရွာကိုစွန့်ခွာရန်ဆုံးဖြတ်လိုက်သည်။ဤသို့ဖြင့် ကယ်နယဲ့၊ထျန်းမင်၊ရုပ်ဖျက်ထားသော ချူစစ်သည်များအားလုံး မော့ဂိုဏ်းသို့သွားရန် ပြင်ဆင်ကြသည်။

လမ်းခရီးတွင် လျှိုရှားအဖွဲ့ဝင် မြေခွေးဘုရင်က လိုက်သတ်ရာ ကယ်နယဲ့ကထွက်တိုက်သည်။မြေခွေးဘုရင် ထွက်ပြေးသွားသော်လည်း ကယ်နယဲ့ထပ်မံဒဏ်ရာရသွားသည်။ ထိုအချိန်တွင် မိန်းကလေးတစ်ဦးရောက်လာကာ မိမိသည် မော့ဂိုဏ်းသားဖြစ်ကြောင်း မော့ဂိုဏ်းဆေးခန်းသို့ လမ်းညွှန်ပေးမည်ဖြစ်ကြောင်း ပြောသဖြင့် ထိုမိန်းကလေးနှင့်အတူ ခရီးဆက်ကြသည်။ မော့ဂိုဏ်းဆေးခန်းသို့ ရောက်သောအခါ ထျန်းမင်နှင့်ကယ်နယဲ့က ဆေးကုရန်နေခဲ့သည်။ ရှောက်ယွီတို့က စက်မှုမြို့တော်သို့ ဆက်သွားသည်။

များမကြာမီ ဆေးခန်းအနီးတွင် လျှိုရှားအဖွဲ့ဝင်ပိုင် ဖုန့်ဟွမ်၏ငှက်ငယ် နောက်ယောင်ခံလိုက်နေသည်ကို မြင်သည်။ ပင့်ကူကွန်ရက်လက်အောက်ခံ ငယ်သားတစ်ဦးကိုလည်း မြင်ကြရသဖြင့် ဆေးခန်းကိုစွန့်ခွာကာ မော့ဂိုဏ်းစက်မှုမြို့တော်သို့ ခရီးဆက်ကြသည်။ လမ်းတွင် ပိုင်ဖုန့်ဟွမ်က လိုက်တိုက်သဖြင့် ချောက်ကမ်းပါးအစွန်းတစ်နေရာသို့ ရောက်သွားသည်။ ချောက်အစွန်းတွင် လျှိုရှားအဖွဲ့ဝင် ချီလျန့်နှင့် ရင်ဆိုင်ကြရပြန်သည်။ ဤတွင် မော့ဂိုဏ်းအဖွဲ့ခေါင်းဆောင် စက်ဆရာပန်းက စက်ရုပ်ငှက်ဖြင့် လာရောက်ကယ်တင်သည်။ စက်ရုပ်ငှက်ကို စီး၍ မော့ဂိုဏ်းစက်မှုမြို့တော်သို့ ခရီးဆက်ကြသည်။ တွမ်းမုလုံ ယွဲ့အော်၊ကယ်နယဲ့၊ထျန်းမင်နှင့် စက်ဆရာပန်းတို့ စက်မှုမြို့တော်သို့ ရောက်ချိန်တွင် မော့ဂိုဏ်းအဖွဲ့ခေါင်းဆောင် နှင်းဖြူနှင့် ကောင်းကျန့်လီတို့လည်း စက်မှုမြို့တော်သို့ ပြန်ရောက်လာကြသည်။[၃၉]

အတွဲ ၂[ပြင်ဆင်ရန်]

လျှိုရှားအဖွဲ့ကလည်း စက်မှုမြို့တော် အပြင်ဘက်တွင် ရောက်နေပြီဖြစ်သည်။ ဦးဆုံးအနေဖြင့် အရိပ်မဲ့လင်းနို့က စက်မှုမြို့တော်တွင်းရှိ တောအုပ်သို့ဝင်လာသည်။သံတူကြီးနှင့်တွေ့ပြီးတိုက်ကြသည်။မော့ဂိုဏ်းသားတဦးက မော့ဂိုဏ်းခန်းမသို့သတင်းပြန်ပို့သည်။ထိုသူကို ချီလင်းက သတ်လိုက်သည်။ပြီးနောက် ထိုလူအယောင်ဆောင်၍ မော့ဂိုဏ်းခန်းမသို့သတင်းသွားပို့သည်။[၄၀]စက်မ့မြို့တော်တွင်းရောက်လျှင် မြို့မြေပုံကိုခိုးသည်။ဗဟိုရေကန်ကို အဆိပ်ခတ်သည်။အဆိပ်ရည်များသည် ဗဟိုရေကန်မှတဆင့် တမြို့လုံးပြန့်သွားသည်။ကောင်းကျန့်လီက ကယ်နယဲ့လုပ်သည်ထင်၍ ကယ်နယဲ့ကို အကျယ်ချုပ်ချထားသည်။[၄၁]တဖက်တွင်လျှိုရှားက ချင်စစ်တပ်နှင့်အတူ စက်မှုမြို့တော်ကိုဝင်တိုက်သည်။[၄၂]တွမ်းမုလုံ၊ယွဲ့အော်၊ထျန်းမင်နှင့် ရှောက်ယွီတို့နောက်ကို အရိပ်မဲ့လင်းနို့ကလိုက်နေသည်။တွမ်းမုလုံက ကလေးများကို တားမြစ်နယ်မြေတွင်းသို့ ပို့လိုက်သည်။[၄၃]ထို့နောက် အရိပ်မဲ့လင်းနို့နှင့် တိုက်ရာ ရှုံးသဖြင့် အဖမ်းခံလိုက်ရသည်။ [၄၄]တောက်ကျစ်က မြို့တွင်းအခြေအနေကို မော့ဂိုဏ်းဂိုဏ်းချုပ်ဆီ သတင်းသွားပို့သည်။ တားမြစ်နယ်မြေထဲတွင် ရှောက်ယွီသည် ယွဲ့အော်၊ထျန်းမင်တို့နှင့်လူချင်းကွဲသွားသည်။ [၄၅]ထျန်းမင်နှင့်ယွဲ့အော်တို့ တားမြစ်နယ်မြေမှ ပြန်ထွက်အလာတွင် လနတ်သမီးနှင့်တွေ့သည်။[၄၆] လနတ်သမီးက ယွဲ့အော်ကို ဖမ်းသွားသည်။ဝေ့ကျွမ်းက တွမ်းမုလုံကို သတ်ခါနီးတွင် ကယ်နယဲ့ရောက်လာသည်။ထို့နောက် ဝေ့ကျွမ်းနှင့်ကယ်နယဲ့တို့တိုက်ကြသည်။ပိုင်ဖုန့်ဟွမ်က ကယ်နယဲ့ကို ကျောဘက်မှ အလစ်ဝင်တိုက်သည်။တွမ်းမုလုံက ကယ်နယဲ့အစားတိုက်ပေးရာမှ ဒဏ်ရာရသွားသည်။ထိုအချိန်တွင် ထျန်းမင်ရောက်လာသည်။ကယ်နယဲ့က သူ့နောက်တွင်နေရန်ပြောသည်။နောက်သို့ရောက်လျှင် ထျန်းမင်က ကယ်နယဲ့ကို ဓားဖြင့်ထိုးလိုက်သည်။[၄၇][၄၈]

အတွဲ၃[ပြင်ဆင်ရန်]

ကယ်နယဲ့နောက်ကျောကို ဓားဖြင့်ထိုးသူမှာ ထျန်းမင်မဟုတ်ဘဲ ဟေးချီလင်းဖြစ်နေသည်။[၄၉]ချီလင်းက ထျန်းမင်ပုံစံအယောင်ဆောင်ထားခြင်းသာဖြစ်သည်။ကယ်နယဲ့က ချီလင်းကို တိုက်မည်ပြုရာ ဝေ့ကျွမ်းက ဝင်တိုက်သည်။[၅၀],ဝေ့ကျွမ်းနှင့်ကယ်နယဲ့တို့တိုက်ကြရာ ကယ်နယဲ့၏ဓား ၂ပိုင်းကျိုးသွားသည်။ထိုအချိန်တွင် ထျန်းမင်ရောက်လာသည်။ကယ်နယဲ့က ဓားကျိုးတစ်ပိုင်းဖြင့် ဝေ့ကျွမ်း၏လည်ပင်းကိုထောက်လိုက်သည်။ကယ်နယဲ့နိုင်သည်။သို့သော် မူလရခဲ့သောဒဏ်ရာများကြောင့် လဲကျသွားသည်။[၅၁]ထျန်းမင်က ကယ်နယဲ့နားသို့ရောက်လာသည်။လျှိုရှားနှင့်မော့ဂိုဏ်းခေါင်းဆောင်များအကြား ပြိုင်ပွဲလုပ်သည်။ပြိုင်ပွဲငယ် ၃ပွဲတွင် နိုင်သည့်ဘက်က ထျန်းမင်ကိုယူရန်ဖြစ်သည်။ဝူစွမ်းနှင့်သံတူကြီး ချီလျန့်နှင့် နှင်းဖြူ ပိုင်ဖုန့်ဟွမ်နှင့်ကောင်းကျန့်လီတို့တိုက်ကြသည်။၂ဖက်စလုံး ၁ပွဲနိုင် ၁ပွဲသရေ ၁ပွဲရှုံးဖြစ်သဖြင့်ရလဒ်တူနေသည်။ တပ်ကူသွားခေါ်သော တောက်ကျစ်စက်မှုမြို့တော်သို့ပြန်လာသည်။လမ်းတွင် ရင်းယန်ဂိုဏ်းသား စီးမင်လေးက လိုက်တိုက်သည်။ရောက်လာသော တပ်ကူများကိုမူ စီးမင်ကြီးနှင့် ချင်တပ်ဖွဲ့တစ်ဖွဲ့က တိုက်သည်။ချင်စစ်သားများအားလုံးသေသည်။[၅၂]ပိုင်ဖုန့်ဟွမ်နှင့် ကောင်းကျန့်လီတိုက်နေချိန်တွင် ထျန်းမင်ကို ရှောက်ယွီက ကယ်ထုတ်သွားသည်။သို့သော် ကောင်းကျန့်လီဒဏ်ရာရသွားသောအခါ ထျန်းမင်ကပြန်လာသည်။ ထို့နောက် ထျန်းမင်နှင့် အရိပ်မဲ့လင်းနို့တို့တိုက်ကြသည်။ထိုအချိန်တွင် ယန်းတန်းရောက်လာပြီး ထျန်းမင်ကိုကယ်လိုက်သည်။မိမိတိုက်ကွက်တစ်ကွက်ကို ရှောင်နိုင်လျှင် အားလုံးကို အသက်ချမ်းသာပေးမည်ဟု ဝေ့ကျွမ်းက ထျန်းမင်ကိုပြောသည်။ ယန်းတန်း၏လမ်းညွှန်မှုဖြင့် ထျန်းမင်ကဝေ့ကျွမ်း၏တိုက်ကွက်ကို ရှောင်လိုက်နိုင်သည်။ဝေ့ကျွမ်းနှင့် ယန်းတန်းတို့ တိုက်ကြပြန်ရာ ဝေ့ကျွမ်းရှုံးသည်။လျှိုရှားအဖွဲ့ကို ခေါ်၍ စက်မှုမြို့တော်မှ ပြန်လည်ထွက်ခွာသည်။ ထိုအချိန်တွင် ယန်းတန်းသည် ဒဏ်ရာရနေပြီဖြစ်သည်။ကွယ်လွန်ခါနီးတွင် ထျန်းမင်ကို အတွင်းအား အားလုံးလွှဲကာ ဂိုဏ်းချုပ်အဖြစ် ခန့်အပ်သည်။ယန်းတန်းကွယ်လွန်ပြီးနောက်တွင် စက်မှုမြို့တော်ကို ဖျက်သိမ်း၍ စန်းဟိုင်မြို့သို့သွားကြသည်။ လမ်းတွင် ထျန်းမင်ကို မော့ဂိုဏ်းအဖွဲ့ခေါင်းဆောင်များက ပညာသင်ပေးသည်။စန်းဟိုင်မြို့သို့ရောက်သောအခါ ထျန်းမင်နှင့်ရှောက်ယွီက ကွန်ဖြူးရှပ်ဂိုဏ်းတွင် ပညာသင်သည်။ကျန်လူများက စန်းဟိုင်မြို့ပြင် တောအုပ်တွင်းရှိရွာတစ်ရွာတွင်နေသည်။ထိုရွာမှာ မော့ဂိုဏ်း၏ လျှို့ဝှက်အခြေစိုက်စခန်းတစ်ခုဖြစ်သည်။ကွန်ဖြူးရှပ်ဂိုဏ်းသည် စားဖိုမှူးသင်း၏ထမင်းဆိုင်မှ ထမင်း မှာစားသည်။ စားဖိုမှူးသင်းမှာ မော့ဂိုဏ်းသားဖြစ်သည်။ ကွန်ဖြူးရှပ်ဂိုဏ်းနှင့်မော့ဂိုဏ်းတို့ဆက်သွယ်ရာတွင် ကြားခံဆောင်ရွက်ပေးသည်။ တခါတွင် ထမင်းလာပို့သော စားပွဲထိုးလေးကို ကွန်ဖြူးရှပ်ဂိုဏ်းမှ ကျောင်းသားအချို့က အနိုင်ကျင့်ကြသည်။ထျန်းမင်က စားပွဲထိုးလေးဘက်မှဝင်ကူညီသည်။ထျန်းမင်နှင့်ရှောက်ယွီတို့ညဘက် အပြင်ထွက်ကြရာ ရင်းယန်ဂိုဏ်းမှ စီးမင်ကြီးနှင့်ရင်းယန်ရုပ်သေးများက ဖမ်းမိသွားသည်။ထိုအချိန်တွင် စားပွဲထိုးလေးပေါ်လာကာဝင်ကူညီသည်။စားပွဲထိုးလေးမှာ ယောက်ျားလေးမဟုတ်ဘဲ မိန်းကလေးဖြစ်နေသည်။မနက်အရုဏ်တက်ခါနီးတွင် ရင်းယန်ဂိုဏ်းသားများကပင်လယ်အနီးသို့စုရုံးရောက်ရှိလာသည်။အိပ်မက်လှေပေါ်သို့တက်ကြမည်ဖြစ်သည်။[၅၃][၅၄]

အတွဲ၄[ပြင်ဆင်ရန်]

ရင်းယန်ဂိုဏ်းသားများ အိပ်မက်လှေပေါ်သို့တက်သွားကြသည်။တချိန်တည်းမှာပင် ရှန်းယန်နန်းတော်မှ စန်းဟိုင်မြို့သို့စာပို့လာသည်။ပို့လိုက်သောစာကို မော့ဂိုဏ်းကဖြတ်လုသည်။[၅၅][၅၆]သို့သော်စာမှာဝှက်စာဖြင့်ရေးထားသဖြင့် အဓိပ္ပာယ်မဖော်နိုင်ဖြစ်နေသည်။သို့ဖြင့် ကျန်းလျန်ကို အကူအညီတောင်းကြရာ ကျန်းလျန်က ပစ္စည်းတခုလိုကြောင်းပြောသည်။ထိုပစ္စည်းကို တောက်ကျစ်က သွားခိုးသည်။[၅၇]ခိုးပြီးပြန်အလာတွင် ရှန့်ချီက လိုက်တိုက်သည်။တောက်ကျစ်အဖမ်းခံလိုက်ရသည်။[၅၈]ထိုအချိန်တွင် စီးမင်လေးရောက်လာသည်။[၅၉]တောက်ကျစ်ခိုးသွားသော ပစ္စည်းကို ပြန်ယူရန်ဖြစ်သည်။ထိုပစ္စည်းကို ရှန့်ချီကပါ လိုချင်နေသဖြင့် ရှန့်ချီနှင့် စီးမင်လေးတို့နှစ်ယောက် တိုက်ကြသည်။တိုက်နေစဉ် ကောင်းကျန့်လီနှင့်ကယ်နယဲ့တို့ရောက်လာပြီးတောက်ကျစ်ကိုကယ်သွားသည်။[၆၀]ထိုပစ္စည်းသည်လည်း တောက်ကျစ်နှင့်အတူပါလာသည်။[၆၁]ပစ္စည်းကိုရမှ ဝှက်စာကို အဓိပ္ပာယ်ဖော်နိုင်သည်။[၆၂] တဖက်တွင်လည်း ချူမင်းသားရှောက်ယွီက ကွဲကွာနေသော စစ်တပ်နှင့်ပြန်တွေ့ဆုံသည်။[၆၃]ဘုရင့်လူများကလည်း မော့ဂိုဏ်းတည်နေရာကို စုံစမ်းနေသည်။[၆၂] သိသွားသောအချိန်တွင်လာတိုက်သည်။မော့ဂိုဏ်းလည်းအငိုက်မိသွားသည်။[၆၄][၆၅]အဖမ်းခံရတော့မည့် အခြေအနေရောက်လာသည်။ထိုအချိန်တွင် ရှီးလန်က ကယ်ထုတ်သွားသည်။[၆၆]ရှီးလန် ရှောက်ယွီ ထျန်းမင်တို့က ကျားဖြူစက်ရုပ်ဖြင့် ထွက်ပြေးသည်။ကယ်နယဲ့နှင့် အခြားလူများက ဥမင်လမ်းမှပြေးသည်။[၆၇]ရှီးလန်တို့ထွက်ပြေးရင်းဖြင့် မတော်တဆ အိပ်မက်လှေပေါ်ရောက်သွားသည်။[၆၈]ကယ်နယဲ့တို့ဥမင်လမ်းမှပြေးကြရာ ဥမင်လမ်းမှ အထွက်တွင် လျှိုရှားနှင့်တည့်တည့်တိုးသည်။[၆၉][၇၀]ထိုနေရာသို့ ကျန်းလျန်လည်းရောက်လာသည်။[၇၁][၆၈][၇၂]

အတွဲ၅[ပြင်ဆင်ရန်]

ကျန်းလျန်၏စေ့စပ်ပေးမှုဖြင့် မော့ဂိုဏ်းနှင့်လျှိုရှား မဟာမိတ်ဖွဲ့လိုက်သည်။[၇၃]

ဇာတ်ကောင်များ[ပြင်ဆင်ရန်]

ကျင်းထျန်းမင်[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - ကျင်းထျန်းမင်

၁၂နှစ်အရွယ် ယောက်ျားလေးတစ်ဦးဖြစ်သည်။ ဟန်ဆောင်မှုကင်းသည်။ ပျော်ပျော်နေတတ်သည်။ ဖခင်ဖြစ်သူမှာ ယင်ကျန့်ကို လုပ်ကြံရန်မော့ ဂိုဏ်းက ရွေးချယ်စေလွှတ်ခဲ့သော သူရဲကောင်းကျင်းခေါဖြစ်သည်။ [၇၄]အစပထမတွင် ကလေးမရှိသော အဘိုးအိုနှင့်အဘွားအိုမောင်နှံက မွေးစားခဲ့သော်လည်း ထိုဇနီးမောင်နှံကွယ်လွန်ချိန်တွင် လေလွင့်ကလေးတစ်ဦးအဖြစ် ဘဝကိုကျင်လည်ခဲ့ရသည်။ နောက်ပိုင်းတွင် ဖခင်၏သူငယ်ချင်းဖြစ်သူ ကယ်နယဲ့က ရှာတွေ့ခဲ့သည်။ အသတ်ခံရမည့်ဆဲဆဲတွင် သူရဲကောင်းကယ်နယဲ့က ကယ်တင်ခဲ့ပြီး ထိုအချိန်မှစ၍ ကယ်နယဲ့ကို ဦးလေးအဖြစ်သတ်မှတ်ခဲ့သည်။ မော့ဂိုဏ်းကို ဝေ့ကျွမ်းတို့အဖွဲ့ တိုက်ခိုက်မှုကြောင့် ဂိုဏ်းချုပ်မှလွဲ၍ မော့ဂိုဏ်းခေါင်းဆောင်အများစု ဒဏ်ရာရနေချိန်တွင် ဝေ့ကျွမ်းကိုစိန်ခေါ်ခဲ့သည်။ဝေ့ကျွမ်း၏တိုက်ကွက်ကို အသက်နှင့်ရင်း၍ ခုခံခဲ့သဖြင့် မော့ဂိုဏ်း ဂိုဏ်းချုပ်က မိမိကွယ်လွန်ခါနီးတွင် ဂိုဏ်းချုပ်အဖြစ် ခန့်အပ်ခဲ့သည်။ စန်းဟိုင်မြို့တွင် ရုပ်ဖျက်နေထိုင်စဉ်အတောအတွင်း ကွန်ဖြူးရှပ်ဂိုဏ်းတွင် ပညာသင်ယူကာ ဂိုဏ်းဝင်အဖြစ် နေထိုင်ခဲ့သည်။

ကောင်းယွဲ့[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - ကောင်းယွဲ့

၁၂နှစ်အရွယ်မိန်းကလေးတစ်ဦးဖြစ်သည်။ ခင်တတ်သည်။ ဖော်ရွေသည်။ ဖခင်မှာ ယန့်နိုင်ငံ၏ အိမ်ရှေ့မင်းသားဟောင်းဖြစ်ပြီး မော့ဂိုဏ်းဂိုဏ်းချုပ်လည်းဖြစ်သည်။ မိခင်ဖြစ်သူမှာ နက္ခတ်တာရာများကို ကျွမ်းကျင်သည်။ ယွဲ့အော်သည် မိခင်ကွယ်လွန်ချိန်မှစ၍ တွမ်းမုလုံနှင့်အတူ နေထိုင်ခဲ့သည်။ မော့ဂိုဏ်းကို ဝေ့ကျွမ်းဦးဆောင်သောအဖွဲ့ လာရောက်တိုက်ခိုက်ချိန်တွင် တွမ်းမုလုံက ယွဲ့အော်ကို မော့ဂိုဏ်းသားအဖြစ်မှ ထုတ်ပယ်ပြီး ထျန်းမင် ရှောက်ယွီတို့နှင့်အတူ စက်မှုမြို့တော်မှ ထွက်ရာလမ်းသို့ ပို့ပေးခဲ့သည်။ သို့သော်လည်း စက်မှုမြို့တော်တွင်း ပြန်ဝင်လာသည့်အတွက် လနတ်သမီး၏ ဖမ်းဆီးခြင်းကိုခံရကာ နောက်ပိုင်းတွင် ရင်းယန်ဂိုဏ်းသားတစ်ဦး ဖြစ်လာသည်။ ရင်းယန်ဂိုဏ်း ဂိုဏ်းချုပ်က ယွဲ့အော်ကို ကျီးလူချင်းလုံဟု အမည်ပြောင်းပေးခဲ့သည်။

ရှန့်ရှောက်ယွီ[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - ရှန့်ရှောက်ယွီ

အသက်၁၄နှစ်အရွယ်[၇၅] ချူမျိုးနွယ် မင်းသားတစ်ပါးဖြစ်သည်။ သွက်လက်သည်။ အစအနောက်သန်သည်။ ဖခင်မှာ ချူဘုရင်ဖြစ်ပြီး တိုက်ပွဲတွင်ကျဆုံးခဲ့သည်။ စစ်ပွဲတွင် ရန်သူများဝန်းရံခံရချိန်၌ ချူစစ်သည်အမြောက်အများ ကျဆုံးခဲ့ရမှုကို မိမိကြောင့်ဟု ယူဆကာ တစ်နှစ်ခန့် စိတ်ဒဏ်ရာရနေခဲ့သည်။ ချူမျိုးနွယ်စစ်သားအချို့နှင့်အတူ ရွာတစ်ရွာတည်၍ နေထိုင်သည်။ ကျေးရွာအကြီးအကဲများအဖြစ် စစ်ဗျူဟာမှူးလျန်နှင့် အခြားတစ်ဦးက ဆောင်ရွက်သည်။ ထို့နောက် ရှောက်ယွီသည် ထျန်းမင်၊ကယ်နယဲ့တို့နှင့် ဆုံတွေ့ကာ မော့ဂိုဏ်းစက်မှုမြို့တော်သို့ အတူခရီးဆက်ခဲ့သည်။ စက်မှုမြို့တော်ကျဆုံးချိန်တွင် စန်းဟိုင်မြို့သို့ ပြောင်းရွှေ့ခဲ့သည်။ ထိုမြို့တွင် ကွန်ဖြူးရှပ်ဂိုဏ်းဝင် ကျောင်းသားတစ်ဦးအဖြစ် ရုပ်ဖျက်နေထိုင်ခဲ့သည်။ စန်းဟိုင်မြို့တွင်ပင် ကွဲကွာနေသော ချူစစ်သည်များနှင့် ပြန်လည်တွေ့ဆုံခဲ့သည်။

ရှီးလန်[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - ရှီးလန်

အသက်၁၄နှစ်အရွယ် မိန်းကလေးတစ်ဦးဖြစ်သည်။ စကားနည်းသည်။ တည်ငြိမ်သည်။ အမည်ရင်းမှာ ရှောင်ယွီဖြစ်ပြီး ရှူမျိုးနွယ်ဝင်ဖြစ်သည်။ အတွဲ ၃ တွင်မှ ဇာတ်လမ်းတွင် ပါဝင်လာသည်။ အတွဲ ၄ တွင် ရှီးလန်ကို မြောင်မင်းသမီးတစ်ဦးအဖြစ် ဖော်ပြခဲ့သည်။ စားဖိုမှူးသင်း၏ ထမင်းဆိုင်တွင် အလုပ်လုပ်သည်။ ရှီးလန်၏သူငယ်ချင်းများမှာ ရှောင်ဟေးဟုခေါ်သော ကြောင်နက်ကြီးတစ်ကောင်၊ထျန်းမင်နှင့် ရှောက်ယွီတို့ ဖြစ်ကြသည်။ ပဉ္စလက် အတတ်များ တတ်ကျွမ်းသည်။

ကယ်နယဲ့[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - ကယ်နယဲ့

အသက် ၃၀ အရွယ် ဓားသမားတစ်ဦး ဖြစ်သည်။ တည်ငြိမ်သည်။ လက်တွေ့ကျသည်။ မိမိသဘောထားနှင့် ရပ်တည်ချက်ကို ပွင့်လင်းစွာပြောတတ်သော်လည်း ခံစားချက်ကိုမူ ထုတ်မပြောဘဲ သိမ်းထားလေ့ရှိသည်။ ကွေကူ(သရဲတောင်ကြား)ဂိုဏ်းဝင်တစ်ဦးဖြစ်ပြီး ဝေ့ကျွမ်း၏ ဆရာတူအစ်ကို ဖြစ်သည်။ ချင်ဘုရင် ယင်ကျန့်၏ သက်တော်စောင့်တစ်ဦးအဖြစ် အမှုထမ်းခဲ့သည်။ သူငယ်ချင်း ကျင်းခေါ၏သားကို ရှာဖွေတွေ့ရှိချိန်တွင် ချင်နိုင်ငံကို စွန့်ခွာခဲ့သည်။ ဤတွင် ချင်စစ်သားများ လိုက်လံဖမ်းဆီးမှုကြောင့် ဒဏ်ရာရခဲ့သည်။ ထို့နောက် ရှောက်ယွီ၊စစ်ဗျူဟာမှူးလျန်တို့နှင့် တွေ့ဆုံခဲ့ပြီး ရှောက်ယွီတို့ကို မြေခွေးဘုရင်၏ရန်မှ ကာကွယ်ပေးခဲ့ရာ ထပ်မံဒဏ်ရာရခဲ့သည်။ ဒဏ်ရာကို ဆေးဆရာမလေး တွမ်းမုလုံက ကုသပေးခဲ့သည်။ ထို့နောက် လျိုရှား အဖွဲ့၏ လိုက်လံတိုက်ခိုက်မှုကို ရှောင်တိမ်းရန် မော့ဂိုဏ်းစက်မှုမြို့တော်သို့ ပြောင်းရွှေ့ခဲ့သည်။ စက်မှုမြို့တော်ကျဆုံးချိန်တွင် စန်းဟိုင်မြို့သို့ပြောင်းရွှေ့ခဲ့သည်။

ဝေ့ကျွမ်း[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - ဝေ့ကျွမ်း

အသက် ၃၀ အရွယ် ဓားသမားတစ်ဦးဖြစ်သည်။ လျှို့ဝှက်သည်။ ခံစားချက်ကို ထုတ်ပြောလေ့မရှိ။ ကွေကူ(သရဲတောင်ကြား)ဂိုဏ်းဝင်တစ်ဦးဖြစ်ပြီး ကယ်နယဲ့၏ ဆရာတူညီ ဖြစ်သည်။ ငယ်စဉ်က ကယ်နယဲ့နှင့် တိုက်ခိုက်ရာတွင် ရှုံးနိမ့်ခဲ့ဖူးသည်။ ဝေ့ကျွမ်းသည် ချင်တပ်ဖွဲ့နှင့် ကုန်းစူးဂိုဏ်း၏ အကူအညီဖြင့် လျှိုရှားအဖွဲ့ကို ဦးဆောင်ကာ မော့ဂိုဏ်းစက်မှုမြို့တော်ကို ချေမှုန်းခဲ့သည်။ စန်းဟိုင်မြို့စခန်းသို့ မော့ဂိုဏ်း ပြောင်းရွှေ့သောအခါ လျှိုရှားအဖွဲ့လည်း စန်းဟိုင်သို့သွားခဲ့သည်။ မော့ဂိုဏ်းသားများ စန်းဟိုင်မြို့တွင် အခြေကျသောအခါ ကွန်ဖြူးရှပ်ကျောင်းမှ ကျန်းလျန်၏စေ့စပ်ပေးမှုဖြင့် မော့ဂိုဏ်းနှင့် မဟာမိတ်ဖွဲ့ခဲ့သည်။

ဇာတ်လမ်းနောက်ခံနေရာများ[ပြင်ဆင်ရန်]

အကျယ်တဝင့် ဖော်ပြထားသောဆောင်းပါး - လပြည့်ညရဲ့စိန်ခေါ်သံ ဇာတ်လမ်းနောက်ခံနေရာများ

အချို့နေရာများသည် အတိတ်ကို နောက်ကြောင်းပြန်ရန် ပြခြင်းသက်သက်ဖြစ်သည်။ ဇာတ်လမ်းဖြစ်ပျက်နေသော အချိန်တွင် ပါဝင်ခြင်းမရှိ။ ထင်ရှားသော ဇာတ်လမ်းနောက်ခံနေရာများမှာ မော့ဂိုဏ်းစက်မှုမြို့တော်၊ စန်းဟိုင်မြို့၊ ကြေးမုံရေကန်တို့ဖြစ်သည်။

စက်မှုမြို့တော်[ပြင်ဆင်ရန်]

စက်မှုမြို့တော်ကို အတွဲ၁တွင် စတင်မိတ်ဆက်သည်။အတွဲ၃အလယ်ခန့်ထိ ဇာတ်လမ်းတွင်ပါဝင်သည်။မော့ဂိုဏ်းအဓိက အခြေစိုက်ရာနေရာဖြစ်သည်။

ကြေးမုံရေကန်[ပြင်ဆင်ရန်]

ကြေးမုံကန်ကို အတွဲ ၁တွင်စတင်မိတ်ဆက်သည်။မော့ဂိုဏ်းဆေးခန်းဖြစ်သည်။အလွန်လျှို့ဝှက်သောနေရာဖြစ်သဖြင့် နေရာသိ မော့ဂိုဏ်းသားတဦးက လမ်းပြမှသာ ရောက်နိုင်သည်။

စန်းဟိုင်မြို့[ပြင်ဆင်ရန်]

အတွဲ ၃အလယ်ခန့်တွင် စတင်မိတ်ဆက်ခဲ့သည်။မြို့တွင်းရော မြို့ပြင်ပါ ဇာတ်လမ်းတွင်ပါဝင်သည်။ကွန်ဖြူးရှပ်ကျောင်း မော့ဂိုဏ်းကျေးရွာ ချူစစ်တပ်စခန်းနှင့် အိပ်မက်လှေတို့မှာ စန်းဟိုင်မြို့ရှိ ထင်ရှားသော ဇာတ်လမ်းနောက်ခံနေရာများဖြစ်ကြသည်။

ဆက်လက်ဖတ်ရှုရန်[ပြင်ဆင်ရန်]

စာကိုးစာရင်း[ပြင်ဆင်ရန်]

  1. ↑ Feng Junha (၂၅ ဧပြီ ၂၀၁၃)။ ၂ နိုဝင်ဘာ ၂၀၁၅ တွင် ပြန်စစ်ပြီး။
  2. ↑ Updates on Huang Yiqing-A Voice Actress to be Remembered။
  3. ↑ Shen Lei (၁၇ ဇွန် ၂၀၁၃)။ ၂ နိုဝင်ဘာ ၂၀၁၅ တွင် ပြန်စစ်ပြီး။
  4. ↑ Huang Yiqing (in အင်္ဂလိပ်ဘာသာ) (၂ ဧပြီ ၂၀၁၃)။ ၂ နိုဝင်ဘာ ၂၀၁၅ တွင် ပြန်စစ်ပြီး။
  5. ↑ Huang Yiqing 黄怡晴 - Voice Actor (Anime/Qin's Moon/LOCH08/Chinese Paladin 3)။
  6. ↑ Huang Yiqing 黄怡晴 - VA for Gao Yue (Yue-er) - Voice Actors and ...။
  7. ↑ Sun Ye (in အင်္ဂလိပ်ဘာသာ) (၂ ဧပြီ ၂၀၁၃)။ ၂ နိုဝင်ဘာ ၂၀၁၅ တွင် ပြန်စစ်ပြီး။
  8. ↑ Hong Haitian (in အင်္ဂလိပ်ဘာသာ) (၁၇ ဇွန် ၂၀၁၃)။ ၂ နိုဝင်ဘာ ၂၀၁၅ တွင် ပြန်စစ်ပြီး။
  9. ↑ ,Qin Shiming Yue Zhi Bai Bu Fei Jian။
  10. ↑ 'Qin's Moon by Starwind။
  11. ↑ 秦时明月之君临天下-第26集_动漫_土豆_高清视频在线观看 (in တရုတ်ဘာသာ)။ ၂၁ ဒီဇင်ဘာ ၂၀၁၅ တွင် ပြန်စစ်ပြီး။
  12. ↑ 中国出版科学硏究所 (2008). 传媒, Issues 1-6 (in Chinese). 传媒杂志社, 23။ 
  13. ↑ jjss08 (ဒီဇင်ဘာ ၁၆ ၂၀၁၄)။ Trailer released for drama adaptation of Qin’s Moon (in အင်္ဂလိပ်ဘာသာ)။
  14. ↑ 上海电影家协会, 上海电影艺朮硏究所 (2007). 电影新作 (in Chinese). 上海文艺出版社။ 
  15. ↑ ၁၅.၀ ၁၅.၁ Qin’s Moon showcases China’s rapidly advancing animation, will be made into a live-action drama (ဇန်နဝါရီ ၂၅ ၂၀၁၅)။ ၁၀ ဒီဇင်ဘာ ၂၀၁၅ တွင် ပြန်စစ်ပြီး။
  16. ↑ Qin's moon (Chinese 3d Cartoon series) (in အင်္ဂလိပ်ဘာသာ)။
  17. ↑ Qin's Moon Review found on the Internet-Ancient Chinese Animations, The Legend of Qin။
  18. ↑ 秦时明月 qin's moon (legend of qin) review။
  19. ↑ "秦时明月之君临天下3集剧透端木蓉苏醒 与盖聂上演耐看感情戏" (in တရုတ်ဘာသာ)၊ ဖေဖော်ဝါရီ ၅ ၂၀၁၅။ ဩဂုတ် ၃၁ ၂၀၁၅ တွင် ပြန်စစ်ပြီး။ 
  20. ↑ Director of Qin’s Moon will be producer of new [ONLINE game]။ ဩဂုတ် ၃၁ ၂၀၁၅ တွင် ပြန်စစ်ပြီး။
  21. ↑ [၁], Cartoon Heroes Race from Clutches of the First Emperor
  22. ↑ Coral Lee။ "Chinese animation dreams take wings" (in အင်္ဂလိပ်ဘာသာ)၊ ဇန်နဝါရီ ၁၂ ၂၀၁၁။ ဩဂုတ် ၃၁ ၂၀၁၅ တွင် ပြန်စစ်ပြီး။ 
  23. ↑ "Animated adventure" (in အင်္ဂလိပ်ဘာသာ)၊ ဩဂုတ် ၁၂ ၂၀၁၄။ ဩဂုတ် ၃၁ ၂၀၁၅ တွင် ပြန်စစ်ပြီး။ 
  24. ↑ Drama adaptation of The Legend of Qin confirms cast (ဩဂုတ် ၁၄ ၂၀၁၄)။ ဒီဇင်ဘာ ၁၀ ၂၀၁၅ တွင် ပြန်စစ်ပြီး။
  25. ↑ {Qin’s Moon (in အင်္ဂလိပ်ဘာသာ) (ဩဂုတ် ၁၁ ၂၀၁၁)။ ဩဂုတ် ၃၁ ၂၀၁၅ တွင် ပြန်စစ်ပြီး။
  26. ↑ 秦时明月 (in တရုတ်ဘာသာ)။ ဩဂုတ် ၃၁ ၂၀၁၅ တွင် ပြန်စစ်ပြီး။
  27. ↑ Hangzhou-made China's 1st 3D Wuxia animation wins acclaim (in အင်္ဂလိပ်ဘာသာ) (ဖေဖော်ဝါရီ ၁၅ ၂၀၁၅)။ ဩဂုတ် ၃၁ ၂၀၁၅ တွင် ပြန်စစ်ပြီး။
  28. ↑ [၂],Hangzhou StarQ - Wuxia Edge Wiki
  29. ↑ Giesen, Rolf (2015 January 6). Chinese Animation: A History and Filmography, 1922-2012. McFarland. ISBN 978-0-7864-5977-3။ 
  30. ↑ 国家广播电影电视总局 (2010). 中国广播影视, Issues 4-6 (in တရုတ်ဘာသာ). 中国广播电视出版社, 40. OCLC 39312376။ ဩဂုတ် ၃၁ ၂၀၁၅ တွင် ပြန်စစ်ပြီး။ 
  31. ↑ Numbers show growth of animation fest (in အင်္ဂလိပ်ဘာသာ) (မေ ၆ ၂၀၁၄)။ ဩဂုတ် ၃၁ ၂၀၁၅ တွင် ပြန်စစ်ပြီး။
  32. ↑ How does the Title relate to the Show? (in အင်္ဂလိပ်ဘာသာ)။ ဩဂုတ် ၃၁ ၂၀၁၅ တွင် ပြန်စစ်ပြီး။
  33. ↑ China Insight Series: Chinese Movies 3-1 (in အင်္ဂလိပ်ဘာသာ) (မေ ၃၁ ၂၀၁၅)။ ဩဂုတ် ၃၁ ၂၀၁၅ တွင် ပြန်စစ်ပြီး။
  34. ↑ Qin's Moon (in အင်္ဂလိပ်ဘာသာ) (ဖေဖော်ဝါရီ ၁၄ ၂၀၁၂)။ ဩဂုတ် ၃၁ ၂၀၁၅ တွင် ပြန်စစ်ပြီး။
  35. ↑ Qin's Moon (in အင်္ဂလိပ်ဘာသာ)။ ဩဂုတ် ၃၁ ၂၀၁၅ တွင် ပြန်စစ်ပြီး။
  36. ↑ [၃],community travel china guide forum2
  37. ↑ Animation: Qin's Moon။ ၂၀၁၅-၀၇-၂၈ တွင် ပြန်စစ်ပြီး။
  38. ↑ Tré Roland-Martin (၂၀၁၄-၀၉-၁၅)။ Qin's Moon: Great Chinese Animated Series, or Blatant Rip-Off of Avatar:The Last Airbender?။ ၂၀၁၅-၀၇-၂၈ တွင် ပြန်စစ်ပြီး။
  39. ↑ [၄],Qin’s Moon Season 1 2007 (Completed) the tube video share
  40. ↑ [၅],လပြည့်ညရဲ့စိန်ခေါ်သံ အတွဲ၂ အပိုင်း၁
  41. ↑ [၆],လပြည့်ညရဲ့စိန်ခေါ်သံ အတွဲ၂ အပိုင်း၄
  42. ↑ [၇],လပြည့်ညရဲ့စိန်ခေါ်သံ အတွဲ၂ အပိုင်း၂
  43. ↑ [၈],Comparing Heroic Qualities of Tianming and Yuer with Wuxia Characters-Wuxia Edge
  44. ↑ [၉],လပြည့်ညရဲ့စိန်ခေါ်သံ အတွဲ၂ အပိုင်း၇
  45. ↑ [၁၀],လပြည့်ညရဲ့စိန်ခေါ်သံ အတွဲ၂ အပိုင်း၁၁
  46. ↑ [၁၁],လပြည့်ညရဲ့စိန်ခေါ်သံ အတွဲ၂ အပိုင်း၁၇
  47. ↑ [၁၂],လပြည့်ညရဲ့စိန်ခေါ်သံ အတွဲ၂ အပိုင်း၁၈
  48. ↑ [၁၃], အတွဲ ၂ ဗွီဒီယိုများTudou Site
  49. ↑ [၁၄],The Legend of Qin / Qin's Moon / 秦时明月 - Season 3 Ep 34 | Watch Online
  50. ↑ [၁၅]လပြည့်ညရဲ့စိန်ခေါ်သံ အတွဲ၃ အပိုင်း၃
  51. ↑ [၁၆],လပြည့်ညရဲ့စိန်ခေါ်သံ အတွဲ၃ အပိုင်း၄
  52. ↑ [၁၇],လပြည့်ညရဲ့စိန်ခေါ်သံ အတွဲ၃ အပိုင်း၂
  53. ↑ [၁၈],အတွဲ၃ ဗွီဒီယိုများ Tudou Site
  54. ↑ jjss08 (ဒီဇငျဘာ ၁၆ ၂၀၁၄)။ Trailer released for drama adaptation of Qin’s Moon။
  55. ↑ [၁၉], Qin’s Moon – Episodes 1-5 Overview
  56. ↑ [၂၀],လပြည့်ညရဲ့စိန်ခေါ်သံ အတွဲ၄ အပိုင်း၁
  57. ↑ [၂၁],လပြည့်ညရဲ့စိန်ခေါ်သံ အတွဲ၄ အပိုင်း၂၄
  58. ↑ [၂၂],လပြည့်ညရဲ့စိန်ခေါ်သံ အတွဲ၄ အပိုင်း၂၆
  59. ↑ [၂၃],Qin’s Moon S4: What an Ingenius Moment! [Episodes 25-26]-Wuxia Edge
  60. ↑ [၂၄],Qin’s Moon – The Epic Battles, History & Comedy!-Wuxia Edge
  61. ↑ [၂၅], လပြည့်ညရဲ့စိန်ခေါ်သံ အတွဲ၄ အပိုင်း၂၇
  62. ↑ ၆၂.၀ ၆၂.၁ [၂၆], Qin’s Moon S4 – Episodes 29 and 30
  63. ↑ [၂၇],လပြည့်ညရဲ့စိန်ခေါ်သံ အတွဲ၄ အပိုင်း၁၆
  64. ↑ [၂၈],Qin’s Moon – Mohist, Taoist and Yin and Yang School Showdown!-Wuxia Edge
  65. ↑ [၂၉], လပြည့်ညရဲ့စိန်ခေါ်သံ အတွဲ၄ အပိုင်း၃၁
  66. ↑ [၃၀], လပြည့်ညရဲ့စိန်ခေါ်သံ အတွဲ၄ အပိုင်း၃၄
  67. ↑ [၃၁],လပြည့်ညရဲ့စိန်ခေါ်သံ အတွဲ၄ အပိုင်း၃၅
  68. ↑ ၆၈.၀ ၆၈.၁ [၃၂], လပြည့်ညရဲ့စိန်ခေါ်သံ အတွဲ၄ အပိုင်း၃၇
  69. ↑ [၃၃],Qin’s Moon – A Fight between Machinery Beasts-Wuxia Edge
  70. ↑ [၃၄], လပြည့်ညရဲ့စိန်ခေါ်သံ အတွဲ၄ အပိုင်း၃၆
  71. ↑ [၃၅],Qin’s Moon S4 The Great Wall Grand Finale!-Wuxia Edge
  72. ↑ [၃၆], အတွဲ၄ ဗွီဒီယိုများTudou Site
  73. ↑ [၃၇],လပြည့်ညရဲ့စိန်ခေါ်သံ အတွဲ၅ အပိုင်း၂
  74. ↑ jjss08 (ဒီဇင်ဘာ ၁၆ ၂၀၁၄)။ Trailer released for drama adaptation of Qin’s Moon (in အင်္ဂလိပ်ဘာသာ)။
  75. ↑ [၃၈],Qin's Moon

ပြင်ပအင်တာနက်စာမျက်နှာများ[ပြင်ဆင်ရန်]

"https://my.wikipedia.org/w/index.php?title=လပြည့်ညရဲ့စိန်ခေါ်သံ&oldid=420533" မှ ရယူရန်