ညောင်ရွှေယဉ်ကျေးမှုပြတိုက်

ဝီကီပီးဒီးယား မှ
(ရှမ်းစော်ဘွားပြတိုက် မှ ပြန်ညွှန်းထားသည်)
ညောင်ရွှေယဉ်ကျေးမှုပြတိုက်
ယခင်အမည်ညောင်ရွှေဟော်နန်း
တည်ထောင်ခြင်း၁၉၁၃ (၁၉၁၃)
တည်နေရာညောင်ရွှေမြို့ရှမ်းပြည်နယ်မြန်မာနိုင်ငံ
ကိုဩဒိနိတ်ကိုဩဒိနိတ်: 20°39′47″N 96°56′06″E / 20.663°N 96.935°E / 20.663; 96.935
အသိအမှတ်ပြုမှုသာသနာရေးနှင့် ယဉ်ကျေးမှု ဝန်ကြီးဌာန

ညောင်ရွှေယဉ်ကျေးမှုပြတိုက် သည် ညောင်ရွှေရှမ်းစော်ဘွား စဝ်ရွှေသိုက် အပါအဝင် ရှမ်းပြည်စော်ဘွားများ၏ အထိမ်းအမှတ်ပြတိုက်တစ်ခု ဖြစ်သည်။[၁] ရှမ်းပြည်နယ်၊ ညောင်ရွှေမြို့၊ နန္ဒာဝန်ရပ်ကွက်တွင် တည်ရှိပြီး စဝ်ရွှေသိုက်၏ နန်းတော်ဟောင်း ဖြစ်ကာ ညောင်ရွှေဟော် (ရှမ်း: ႁေႃယွင်ႁူၺ်ႈ) ဟူ၍လည်း သိကြသည်။[၂]

ပြတိုက်ကို အင်္ဂါနေ့မှ တနင်္ဂနွေနေ့အထိ မနက် ၁၀ နာရီမှာ ညနေ ၃ နာရီခွဲအထိ ဖွင့်လှစ်ထားသည်။ [၃]

သမိုင်းကြောင်း[ပြင်ဆင်ရန်]

၁၉၀၈ ခုနှစ်တွင် နန်းတော်ဟောင်းမှာ မီးလောင်ပျက်စီးခဲ့ပြီးနောက် ညောင်ရွှေနယ်ကို အုပ်ချုပ်သူ စောမောင်က ၁၉၁၃ ခုနှစ်တွင် ညောင်ရွှေဟော်ကို တည်ဆောက်ခဲ့သည်။[၁] မန္တလေးနန်းတော်နှင့် ရိုးရာရှမ်းဟော်နန်းများ၏ ဒီဇိုင်းကို ပေါင်းစပ်ဆောက်လုပ်ထားပြီး ၁၀ နှစ်ကြာတည်ဆောက်ခဲ့ရကာ ကုန်ကျငွေမှာ မြန်မာကျပ်ငွေ ၃၀၀,၀၀၀ ဖြစ်သည်။[၁] ပင်မအဆောက်အဦးတွင် ဘုံခုနစ်ဆင့်ပါ ပြာသာဒ် ပါရှိသည်။[၁] အထပ်နှစ်ထပ် ပါဝင်ကာ ပင်မဧည့်ခန်းဆောင်၊ လေသာခန်းမဆောင်နှင့် အတွင်းခန်းမဆောင် တို့ပါဝင်သည်။[၁] စော်ဘွားမိသားစုဝင်များအတွက် နေထိုင်ရန်သီးခြားခန်းမဆောင်များလည်း ပါဝင်သည်။[၁][၂]

၁၉၆၂ ခုနှစ်တွင် ဦးနေဝင်းက အာဏာသိမ်းခဲ့ရာတွင် ထိုစဉ်က နိုင်ငံတော်သမ္မတဖြစ်သူ စဝ်ရွှေသိုက်ကို ဖမ်းဆီးထိန်းသိမ်းခဲ့သည်။ ၁၉၇၂ ခုနှစ်တွင် အစိုးရက ဟော်နန်းအား နိုင်ငံပိုင်သိမ်းခဲ့ကာ ရှမ်းစော်ဘွားများပြတိုက်အဖြစ် ဖွင့်လှစ်ခဲ့သည်။[၄][၅] ၂၀၀၃ ခုနှစ်တွင် ညောင်ရွှေယဉ်ကျေးမှုပြတိုက်အဖြစ် အမည်ပြောင်းလဲခဲ့သည်။[၅] ၂၀၀၆ ခုနှစ်တွင် ပြတိုက်ရှိ ထိန်းသိမ်းပြသထားသော ပစ္စည်းများကို နေပြည်တော်သို့ ပြောင်းရွှေ့ခဲ့သည်။[၄] ၂၀၀၇ ခုနှစ် စက်တင်ဘာလတွင် ဗုဒ္ဓပြတိုက်အဖြစ် ပြန်လည်ဖွင့်လှစ်ခဲ့သည်။[၄] ၂၀၁၄ ခုနှစ်တွင် ပြတိုက်ကို သာသနာရေးနှင့် ယဉ်ကျေးမှု ဝန်ကြီးဌာန မှ ရှမ်းပြည်နယ် အစိုးရအဖွဲ့သို့ လွှဲပြောင်းပေးခဲ့သည်။[၅]

ကိုးကား[ပြင်ဆင်ရန်]

  1. ၁.၀ ၁.၁ ၁.၂ ၁.၃ ၁.၄ ၁.၅ Nyaungshwe Cultural Museum and Shan Saophas’ costumes (in en) (2019-07-06)။ 2023-12-27 တွင် ပြန်စစ်ပြီး။
  2. ၂.၀ ၂.၁ Monroe၊ Tara။ "Secrets of a Shan Palace"၊ The Irrawaddy၊ May 2005။ 
  3. Nyaungshwe - Around Inle, Myanmar - Myanmar's Net။ 4 March 2016 တွင် မူရင်းအား မော်ကွန်းတင်ပြီး။ 8 April 2019 တွင် ပြန်စစ်ပြီး။
  4. ၄.၀ ၄.၁ ၄.၂ Forbidden Glimpses of Shan State (November 2009)။
  5. ၅.၀ ၅.၁ ၅.၂ Htet Naing Zaw။ "Residence of Burma’s First President to Become Heritage Site"၊ The Irrawaddy၊ 2016-09-08။