ရှင်သုဇာတ (ရွှေလှံဆရာတော်)

ရှင်သုဇာတ (၁၂၀၈ - ၁၂၉၀) သည် “ရွှေလှံဆရာတော်” ဟု ထင်ရှားခဲ့သည့် ဆရာတော်တစ်ပါး ဖြစ်သည်။

ဘဝ

ဆရာတော်ကို ၁၂၀၈ ခုနှစ်၊ ဝါဆိုလပြည့်ကျော် ၂ ရက်နေ့တွင် တန့်ဆည်မြို့နယ်၊ လင်္ကတောအုပ်စု ရွှေလှံရွာ၌ ဖွားမြင်ခဲ့သည်။ ငယ်မည်မှာ မောင်ပြန့် ဖြစ်သည်။ မိဘနှစ်ပါးမှာဦးအုန်း-ဒေါ်ချို ဖြစ်သည်။

ငယ်စဉ်အခါက မင်းကုန်းရွှေကျောင်းဆရာတော် ရှင်စန္ဒာဘိလင်္ကာရထံတွင် ပညာများ သင်ကြား၍ အရွယ်ရောက်သည့်အခါ ရှင်ဂန္ဓမာကို ဥပဇ္ဈာယ်ပြု၍ “ရှင်သုဇာတ” ဟူသည့် ဘွဲ့ဖြင့် ရဟန်းပြုခဲ့သည်။

ဆရာတော်သည် သင်္ဂဇာဆရာတော်၏ တပည့် ပုလဲတောရတိုက်နေ ရှင်ဥတ္တမာဘိလင်္ကာရထံတွင် ပိဋကတ်ကို ဆည်းပူး၍ ထန်းတပင်မြို့နယ် မှန်သာတိုက်၌ သီတင်းသုံးတော်မူခဲ့သည်။ ၁၂၅၀ ပြည့်နှစ်တွင် ရွှေလှံရွာသို့ ကြွရောက်သီတင်းသုံးခဲ့သည်။

ပျံလွန်တော်မူခြင်း

ဆရာတော်သည် ၁၂၉၀ ပြည့်နှစ်၊ သီတင်းကျွတ်လဆုတ် ၄ ရက်နေ့တွင် ပျံလွန်တော်မူခဲ့သည်။