ရှင်ဝရ

ရှင်ရဝ (၁၁၀၂ − ၁၁၈၄) သည် အမရပူရမြို့တည် မင်းတရားကြီး၏ သားတော် အိမ်ရှေ့မင်း ကိုးကွယ်ခဲ့သည့် ဆရာတော် ဖြစ်သည်။

ဘဝ

ရှင်ရဝကို ၁၁၀၂ ခုနှစ်တွင် အင်းရင်း မုံတောရွာ၌ ဖွားမြင်ခဲ့သည်။ ငယ်မည်မှာ ဦးပျော်ဖြစ်သည်။

အသက် ၁၃ နှစ်အရွယ်တွင် သာမဏေဝတ်ခဲ့သည်။ သာမဏေဝတ်၍ ၈ ဝါအရ အသက် ၂၁ နှစ်အရွယ်တွင် ရဟန်းပြုခဲ့သည်။ ဘွဲ့တော်သည် ရှင်ဝရ ဖြစ်သည်။ အမရပူရမြို့ကို တည်ထောင်သည့် မင်းတရားကြီး၏ သားတော် အိမ်ရှေ့မင်းသားက ကိုးကွယ်ခဲ့သည်။ အင်းဝမြို့ အရှေ့တောင်ထောင့် မိုးထိတိုက်မဟာမင်္ဂလာရွှေကျောင်းတော်ကို အလှူခံယူခဲ့သည်။

ဆရာတော်သည် မိုးထိဆရာတော် ပဉ္ဇင်းတက်သည့်အခါတွင် ကမ္မဝါဆရာတော်အဖြစ် ချီးမြှောက်ခဲ့သည်။ ဘိုးတော်ဘုရားလက်ထက်တွင် ပုံတော်ပြက္ခဒိန်နှင့် မူလပြက္ခဒိန် လက်ခံရေးကိစ္စတွင် သုဓမ္မာသဘင်၌ မူလပြက္ခဒိန်ကို ကြိုက်သည်ဟု မင်းမျက်နှာကို မငဲ့ဘဲ မိန့်တော်မူခဲ့သည်။ ထိုကိစ္စတွင် မင်းတရားကြီး၏ အမိန့်ဖြင့် လက်ဝဲသင်္ခဗိုလ်က မေးမြန်းခဲ့ခြင်းကို ဆရာတော်က ဖြေကြားခြင်း ဖြစ်သည်။

ဆရာတော်သည် သာသနာပြုဆရာတော် တစ်ကျိပ်နှစ်ပါးတွင် ပါဝင်သည်။

ပျံလွန်တော်မူခြင်း

ဆရာတော်သည် သက်တော် ၈၀၊ ဝါတော် ၆၂ အရ ၁၁၈၄ ခုနှစ်တွင် ပျံလွန်တော်မူခဲ့သည်။

ထူးခြားမှုများ

ဆရာတော်သည် အတိတ်ဘဝ သုံးဘဝကို ပြန်ပြောင်းပြောပြနိုင်သည်ဟု ဆို၏။

ပြုစုခဲ့သည့် ကျမ်းများ

၁။ ဝီသတိနိပါတ်ဇာတ်အဋ္ဌကထာနိသျ၊

၂။ တိံသနိပါတ်ဇာတ်အဋ္ဌကထာနိသျ။