ရှင်ပညာ (မြင်းဝန်မင်းကြီးဆရာတော်)

ဝီကီပီးဒီးယား မှ

ရှင်ပညာ (၁၁၂၅ - ၁၂၁၂) သည် မြင်းဝန်မင်းကြီးဆရာတော် ဟု ထင်ရှားသည့် ဆရာတော် ဖြစ်သည်။[၁]

ဘဝ[ပြင်ဆင်ရန်]

ဆရာတော်ကို ၁၁၂၅ ခုနှစ်တွင် အလုံမြို့၊ မောင်းထောင်ရွာတွင် ဖွားမြင်ခဲ့သည်။ ငယ်မည်မှာ ဦးမြတ်ညို ဖြစ်သည်။ ဆွေမျိုးတော် သခင်မရှင်ရွဲက ကောက်ယူမွေးစားသဖြင့် “မြောက်မြို့မုဆိုးဖိုသား” ဟု တွင်ခဲ့သည်။

အရွယ်ရောက်သည့်အခါ “ရှင်ပညာ” ဟူသည့် ဘွဲ့ဖြင့် ရဟန်းပြုခဲ့သည်။ အမရပုရမြို့ မြောက်မျက်နှာ မဟာမုနိဘုရားမြောက်ဘက် မြင်းစုကြီးဝန် မဟာမင်းခေါင် ဆောက်လုပ်သည့် ကျောင်းတွင် သီတင်းသုံးခဲ့သည်။

ဆရာတော်သည် ပညာဘိဓဇမဟာဓမ္မရာဇဂုရု တံဆိပ်တော်ကို ရခဲ့သည်။[၁]

ပျံလွန်တော်မူခြင်း[ပြင်ဆင်ရန်]

ဆရာတော်သည် ၁၂၁၂ ခုနှစ်၊ နတ်တော်လပြည့်ကျော် ၂ ရက်နေ့တွင် ပျံလွန်တော်မူခဲ့သည်။[၁]

ကိုးကား[ပြင်ဆင်ရန်]

  1. ၁.၀ ၁.၁ ၁.၂ လှသမိန် (၁၉၆၁)။ ဂန္ထဝင်ပုဂ္ဂိုလ်ကျော်များ အတ္ထုပ္ပတ္တိပေါင်းချုပ်။ ရန်ကုန်မြို့: ဟံသာဝတီစာအုပ်တိုက်။ pp. ၅၇။