ရှင်ဂုဏမုနိန္ဒ

ရှင်ဂုဏမုနိန္ဒသည် မန်လည်သာသနာပိုင်ဟု ထင်ရှားသည့် ဆရာတော် တစ်ပါး ဖြစ်သည်။ ဆေးကျမ်း၊ ဓာတ်ကျမ်း၊ ဗေဒင်ကျမ်းများကို သက္ကတမှ ပါဠိမြန်မာသို့ ပြန်ဆိုခဲ့သည့် ကျမ်းတတ်ဆရာတော် တစ်ပါး ဖြစ်သည်။

ဘဝ

ဆရာတော်ကို သက္ကရာဇ် ၁၀၇၆ ခုနှစ်တွင် သစိုးမန်လည်ရွာတွင် ဖွားမြင်ခဲ့သည်။ ငယ်မည်မှာ ဦးသာကြီး ဖြစ်သည်။ ရှင်မဏေဘွဲ့မှာ ရှင်ဂုဏဟူ၍လည်းကောင်း၊ ရှင်ဇဝနဟူ၍လည်းကောင်း တွင်ခဲ့သည်။ အသက် ၂၂ အရွယ်တွင် ဘိုးတော်မင်းတရား၏ သမီးတော် ကန္နီမြို့စားမင်းသမီးအား ရဟန်းဒါယကာပြု၍ ရဟန်းဘောင်သို့ ဝင်တော်မူခဲ့သည်။ ဆရာတော်သည လောကီလောကုတ္တရာ စ ောပနှံ့စပ်တော်မူသသည်။

၁၁၅၃ ခုနှစ်၊ နတ်တော်လဆန်း ၁၂ ရက်နေ့တွင် မြို့တော်အရှေ့တောင်ဘက် မိုးထိဘုံသာဝေယံကျောင်းတော်ကြီးကို မင်းတရားကြီးက လှူဒါန်းခဲ့သည်။ ဂုဏမုနိန္ဒာဓိပတိပဝရသာမိမဟာရာဇဂုရုဘွဲ့တံဆိပ်တော်ကိုလည်း ကပ်လှူခဲ့သည်။ ဆရာတော်သည် သာသနာပြုဆရာတော် ၁၂ ပါးတွင် တစ်ပါးအပါအဝင် ဖြစ်သည်။ ဂုဏမုနိန္ဒာဓိပဓိမဟာဓမ္မရာဇာဓိရာဇဂုရုတံဆိပ်တော်ကိုလည်း ရရှိခဲ့သည်။

ပျံလွန်တော်မူခြင်း

ဆရာတော်သည် သက္ကရာဇ် ၁၁၆၇ ခုနှစ်တွင် ပျံလွန်တော်မူခဲ့သည်။ ကျမ်းဂန်ပြုစုတော်မူခဲ့ကြောင်း မတွေ့ရပေ။