ရွှေလေးရင်နှင့် ရွှေကညင်

ရွှေလေးရင်နှင့် ရွှေကညင်သည် မွန်လူမျိုးများနှင့် မွန်တို့နှင့်အဆက်အနွယ်ရှိသူများ ကိုးကွယ်ကြသည့် မြန်မာ့မိရိုးဖလာ နတ်တစ်ပါး ဖြစ်သည်။

သမိုင်း

သမိုင်းဖြစ်စဉ်ကိုမူ တိကျစွာ မသိရှိရပေ။ မွန်လူမျိုးများ၏ အိမ်တွင်းနတ် “ရွှေလေးရင်နှင့် ရွှေကညင်နတ်” ဟု ဆိုကြသည်လည်း ရှိသည်။ မွန်လူမျိုးတို့၏ ရိုးရာနတ်ဟုလည်း ဆိုကြသည်။

ယုံကြည်ကိုးကွယ်ခြင်း

အိမ်ဦးခန်းတွင် ရွှေလေးနှစ်လက်နှင့် မြားကျဉ်တောက် နှစ်ခုတွင် မြားငါးစင်းထက်မနည်း ထည့်ကာ ချိတ်ဆွဲ၍ ဆက်သရသည်။ အချိန်အခါကို လိုက်ကာ ဝတ်လဲတော်များကို အသစ်လဲ၍ မပြတ်မလပ် ဆက်သကြရသည်။ နှစ်စဉ် တင်မြှောက်ပသချိန်တွင် သေရည်သေရက်နှင့် သက်သက်လွတ်ကင်းသည့် ပွဲများနှင့် တင်ဆက်ပသကြသည်။ အထူးကိစ္စရှိပါက ပွဲကန္နားဆက်၍ ကကြသည်။