ယောကာကွယ်ရေးတပ်

ယောတပ်တော် နှင့် မရောထွေးပါနှင့်။

ယောကာကွယ်ရေးတပ် Yam Defense Force
ယောကာကွယ်ရေးတပ်၏ အမှတ်တံဆိပ်
ခေါင်းဆောင်	မြတ်သူ စစ်ဦးစီးချုပ်
စတင်လှုပ်ရှားခြင်း	၁၂ မေ ၂၀၂၁ (၂၀၂၁-၀၅-၁၂) – လက်ရှိ
ဌာနချုပ်	မကွေးတိုင်းဒေသကြီး၊ယောဒေသ
လှုပ်ရှားနယ်မြေ	မကွေးတိုင်းဒေသကြီး၊ယောဒေသ
နိုင်ငံရေးအယူဝါဒ	စစ်အာဏာရှင်စနစ်ချုပ်ငြိမ်းရေး
အရွယ်အစား	မသိရှိရ
မဟာမိတ်	အာရက္ခတပ်တော် ချင်းညီနောင် ချင်းအမျိုးသားတပ်ဦး ချင်းအမျိုးသားအဖွဲ့ချုပ် ဗမာပြည်သူ့လွတ်မြောက်ရေးတပ်တော် ကျောင်းသားလက်ရုံးတပ်တော် ရွှေဘိုမြို့နယ် ပြည်သူ့ကာကွယ်ရေးတပ်ဖွဲ့ မြိုင်မြို့နယ် ပြည်သူ့ကာကွယ်ရေးတပ်ဖွဲ့ မြန်မာ့တော်ဝင်နဂါးတပ်တော် ပြည်သူ့လွတ်လပ်ရေးအဖွဲ့ /ပြည်သူ့လွပ်လပ်ရေးတပ်တော် (PIO/PIA)
ပြိုင်ဘက်များ	မြန်မာနိုင်ငံ နိုင်ငံတော်စီမံအုပ်ချုပ်ရေးကောင်စီ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် တပ်မတော်
စစ်ပွဲနှင့် တိုက်ပွဲများ	မြန်မာ့ပြည်တွင်းပဋိပက္ခများ ချင်းညီနောင်စစ်ဆင်ရေး

ယောကာကွယ်ရေးတပ် (အင်္ဂလိပ်: Yam Defense Force၊ အတိုကောက် YDF ) သည် ယောဒေသအခြေစိုက် မြန်မာနိုင်ငံရှိတိုင်းရင်းသား လက်နက်ကိုင်အဖွဲ့အစည်းတစ်ခုဖြစ်သည်။

သမိုင်းအကျဉ်း

၂၀၂၁ ခုနှစ်၊ဖေဖော်ဝါရီ (၁)ရက်တွင် မြန်မာနိုင်ငံစစ်အာဏာသိမ်းမှုဖြစ်ပွားခဲ့သည်။ဤတွင် မြန်မာပြည်တစ်ဝန်း ဆန့်ကျင်ဆန္ဒပြမှုများ ဖြစ်ပေါ်လာခဲ့သည်။

စစ်တပ်သည် ဆန့်ကျင်ဆန္ဒပြသူများအား အကြမ်းဖက်နှိမ်နင်းခြင်းပြုလုပ်ခဲ့သည်။ထို့ကြောင့် မကွေးတိုင်းဒေသကြီး၊ဂန့်ဂေါမြို့နယ်အတွင်းရှိ စစ်အာဏာရှင်စနစ်ဆန့်ကျင်ရေးဆန္ဒပြပွဲများ၌ ပါဝင်ခဲ့သည့် ကျောင်းဆရာ ကိုမြတ်သူသည် ပညာရေးအသိုင်းအဝိုင်းမှ လူငယ်သုံးဦးနှင့်အတူ ကချင်လွတ်လပ်ရေးတပ်မတော် (KIA)နယ်မြေသို့ သွားရောက်၍ အခြေခံစစ်ပညာ သင်ယူပြီး၊ လက်နက်ကိုင်ဆန့်ကျင်တော်လှန်ရေးလမ်းကြောင်းကို ရွေးချယ်ခဲ့ကြသည်။

တပ်ဖွဲ့ပေါ်ပေါက်လာပုံ

၂၀၂၁ ခုနှစ် မေ ၁၂ ရက်တွင် ကေအိုင်အေမှစစ်ပညာသင်ယူလာခဲ့ကြသည့် ကိုမြတ်သူအပါအဝင် လူငယ်အချို့သည် ယောကာကွယ်ရေးတပ်၊ YDF ကို တည်ထောင်ခဲ့ကြသည်။ကနဦးဖွဲ့စည်းစဉ် အဖွဲ့ဝင်အင်အား ကိုးဦးရှိခဲ့သည်။ဦးဆောင်ကော်မတီဖြင့် အဖွဲ့ကို ကြီးကြပ်ကာ၊မကွေးတိုင်းဒေသကြီး၊ ဂန့်ဂေါခရိုင်အတွင်းရှိ ဂန့်ဂေါ၊ ထီးလင်း၊ ဆောနှင့် ပေါက်မြို့နယ်တို့တွင် အခြေစိုက်၍ စစ်ရေး လှုပ်ရှားသည်။

YDF သည် အာရက္ခတပ်တော်(AA)၏ စစ်ရေးဦးစီးမှုအောက်တွင် ရှိသည့်အဖွဲ့ တစ်ခုဖြစ်သော်လည်း၊သီးခြားလွတ်လပ်စွာလှုပ်ရှားသည်။အမျိုးသားညီညွတ်ရေးအစိုးရ (NUG)နှင့် နိုင်ငံရေး မဟာမိတ်အဖြစ် ရပ်တည်သည်။

ရည်ရွယ်ချက်

စစ်အာဏာရှင် ကျဆုံးရေးကို ဦးတည်ရည်မှန်းချက်ထားရှိသည်။

ထင်ရှားဖြစ်ရပ်များ

YDF တပ်ဖွဲ့ တည်ထောင်သူထဲ ပါဝင်ခဲ့သည့် ဒုတိယ စစ်ဦးစီးချုပ် ကိုဖြိုးဝေစိုး နှင့် ရဲဘော်ပွားလေး (ခ)ပြည့်ဖြိုးလင်းတို့သည် ၂၀၂၂ ခုနှစ်၊ အောက်တိုဘာ ၉ ရက်တွင် ဂန့်ဂေါမြို့နယ်မြောက်ဘက် ကျွန်းခုံသာရွာအနီး အင်အား ၈ ဦးခန့်ပါ ရဲတပ်ဖွဲ့နှင့် ထိပ်တိုက်တွေ့တိုက်ပွဲ၌ ကျဆုံးခဲ့သည်။ ၂၀၂၃ ခုနှစ် နိုဝင်ဘာ ၇ ရက် တွင် ဂန့်ဂေါမြို့နယ်၊ မြောက်ခင်ရန်းရွာစခန်းသိမ်းတိုက်ပွဲ၌ YDF ရဲဘော် ၂ဦးသည် မြောက်ခင်ရန်းရွာရှိ ပျူစောထီးတို့၏ ဖမ်းဆီးခြင်းကိုခံရပြီး၊ပြီးနောက် အရှင်လတ်လတ် မီးရှို့သတ်ဖြတ်ခံခဲ့ရသည်။