မြောက်ဦး ရမ်းချောင်း အစုလိုက်အပြုံလိုက် သတ်ဖြတ်မှု

ရမ်းချောင်းဒေသ လေကြောင်းတိုက်ခိုက်ခံရမှု
၂၀၂၁ မြန်မာနိုင်ငံစစ်အာဏာသိမ်းခံရခြင်း နှင့် ပြည်သူ့ခုခံတော်လှန်စစ် ၏ တစ်စိတ်တစ်ပိုင်း
ရမ်းချောင်း မြောက်ဦးမြို့နယ်အတွင်း ရမ်းချောင်း တည်နေရာ
နေရာ	ရမ်းချောင်းအနီး၊ မြောက်ဦးမြို့နယ်
ကိုဩဒိနိတ်	20.5186°N 93.1895°E / 20.5186; 93.1895
ရက်စွဲ	၁၈ ဇန်နဝါရီ ၂၀၂၅ ညနေ ၄:၄၅ – ၄:၄၇
သေဆုံးသူဦးရေ	၂၈ ဦး (ကလေး ၈ ဦးနှင့် အမျိုးသမီး ၂၁ ဦး ပါဝင်)
ဒဏ်ရာရဦးရေ	၂၅ ဦး (စစ်သုံ့ပန်းမိသားစုဝင်များ)
ပြစ်မှုကျူးလွန်သူများ	တပ်မတော် (လေ)
ဂျက်ဖိုက်တာ (၁) စီးဖြင့် (၃) ကြိမ်တိုင်တိုင် ဗုံးကြဲတိုက်ခိုက်ခဲ့ခြင်း ဖြစ်သည်။ ၂၀၂၃ ခုနှစ်နောက်ပိုင်း အာရက္ခတပ်တော်မှ သိမ်းပိုက်ထိန်းချုပ်ထားသည့် နယ်မြေများအတွင်းရှိ စစ်သုံ့ပန်းစခန်းများ ပစ်မှတ်ထားတိုက်ခိုက်ခံရသည့် ဖြစ်စဉ်များထဲမှ တစ်ခုဖြစ်သည်။ အလားတူဖြစ်စဉ်များမှာ - ဒါးလက်ချောင်းဖြစ်စဉ် (၂၀၂၆ မတ် ၈)၊ ချောင်းတူဖြစ်စဉ် (၂၀၂၆ ဇန်နဝါရီ ၂၀)၊ ရှင်ရွာဖြစ်စဉ် (၂၀၂၄ စက်တင်ဘာ ၈)၊ နခခ (၂) ဖြစ်စဉ် (၂၀၂၄ စက်တင်ဘာ ၉) တို့ဖြစ်သည်။

မြောက်ဦးမြို့နယ် ရမ်းချောင်းဒေသ အစုလိုက်အပြုံလိုက် သတ်ဖြတ်မှု သည် ၂၀၂၅ ခုနှစ်၊ ဇန်နဝါရီလ ၁၈ ရက်နေ့တွင် ရခိုင်ပြည်နယ်၊ မြောက်ဦးမြို့နယ်၊ ရမ်းချောင်းကျေးရွာအနီးတစ်ဝိုက်၌ ဖြစ်ပွားခဲ့သော တပ်မတော်(လေ)၏ လေကြောင်းတိုက်ခိုက်မှု ဖြစ်စဉ်တစ်ခုဖြစ်သည်။ ထို တိုက်ခိုက်မှုကြောင့် စစ်ပွဲအတွင်း အာရက္ခတပ်တော် ဖမ်းဆီးရမိထားသော စစ်သုံ့ပန်းမိသားစုဝင်များအား ယာယီထိန်းသိမ်းထားရှိသည့်နေရာ ထိမှန်ခဲ့ပြီး ကလေးငယ်များနှင့် အမျိုးသမီးများအပါအဝင် ၂၈ ဦး သေဆုံးခဲ့ရသည်။

ဖြစ်စဉ်အကျဉ်း

၂၀၂၅ ခုနှစ်၊ ဇန်နဝါရီလ ၁၈ ရက်နေ့ ညနေ ၄ နာရီ ၄၅ မိနစ်တွင် တပ်မတော်(လေ)၏ ဂျက်တိုက်လေယာဉ် (၁) စီးသည် ရမ်းချောင်းအနီးတစ်ဝိုက်အား တစ်ကြိမ်၊ ၄ နာရီ ၄၆ မိနစ်တွင် တစ်ကြိမ် နှင့် ၄ နာရီ ၄၇ မိနစ်တွင် တစ်ကြိမ် စုစုပေါင်း (၃) ကြိမ်တိုင်တိုင် ဗုံးကြဲတိုက်ခိုက်ခဲ့သည်။အဆိုပါ တိုက်ခိုက်ခံရသည့်နေရာမှာ အာရက္ခတပ်တော်က စစ်ပွဲများအတွင်း လက်ရဖမ်းဆီးထားသော စစ်ကောင်စီတပ်ဖွဲ့ဝင်များ၏ မိသားစုဝင်များကို မကြာမီကာလတစ်ခုအတွင်း ပြန်လည်လွှတ်ပေးရန် စီစဉ်ထားရှိထားသော ယာယီထိန်းသိမ်းထားသည့် နေရာဖြစ်နေသည်။

သေဆုံးသူများစာရင်း

၂၀၂၅ ခုနှစ်၊ ဇန်နဝါရီလ ၁၈ ရက်နေ့ လေကြောင်းတိုက်ခိုက်မှုကြောင့် သေဆုံးခဲ့ရသော စစ်သုံ့ပန်းမိသားစုဝင် ၂၈ ဦး၏ စာရင်းမှာ အောက်ပါအတိုင်းဖြစ်သည်။တိုက်ခိုက်မှုကြောင့် စုစုပေါင်း ၂၈ ဦး သေဆုံးခဲ့ပြီး ၂၅ ဦး ထိခိုက်ဒဏ်ရာရရှိခဲ့သည်။ သေဆုံးသူများအနက် အသက် ၁၅ နှစ်အောက် ကလေးငယ် ၈ ဦးနှင့် အမျိုးသမီး ၂၁ ဦး ပါဝင်သည်။ ဒဏ်ရာရရှိသူ ၂၅ ဦးတွင်လည်း ၁၅ နှစ်အောက် ကလေးငယ် ၁၂ ဦးနှင့် အမျိုးသမီး ၁၃ ဦး ပါဝင်ခဲ့ကာ အချို့မှာ ဒဏ်ရာပြင်းထန်သဖြင့် အရေးပေါ်ဆေးကုသမှု ခံယူခဲ့ရသည်။

စဉ်	အမည်	အသက်	ကျား/မ	လူမျိုး/ဘာသာ	နေရပ်လိပ်စာ
၁	ဒေါ်မခင်အေး	၄၃	မ	ရက္ခိုင်/ဗုဒ္ဓ	မြောက်ဦးမြို့၊ ဘီလူးကန်ရပ်ကွက်
၂	ဒေါ်နှင်းနွယ်ဝင်း	၃၃	မ	ဗမာ/ဗုဒ္ဓ	ချောက်မြို့၊ အမှတ်(၈)ရပ်ကွက်
၃	မရွန်းလတ်လတ်ကို	၂၃	မ	ဗမာ/ဗုဒ္ဓ	ပဲခူးမြို့၊ မဟာစေတီရပ်ကွက်
၄	ဒေါ်ခိုင်သန်းကြည်	၄၈	မ	ရက္ခိုင်/ဗုဒ္ဓ	မြောက်ဦးမြို့နယ်၊ ကင်းချောင်းကျေးရွာ
၅	မောင်အောင်ရဲဝင်း	၁၂	ကျား	ရက္ခိုင်/ဗုဒ္ဓ	မြောက်ဦးမြို့နယ်၊ နတ်ချောင်းကျေးရွာ
၆	ဒေါ်မစံအေး	၅၁	မ	ရက္ခိုင်/ဗုဒ္ဓ	မြောက်ဦးမြို့နယ်၊ နတ်ချောင်းကျေးရွာ
၇	ဒေါ်သွယ်သွယ်စိုး	၃၉	မ	ရက္ခိုင်/ဗုဒ္ဓ	မြောက်ဦးမြို့၊ ထမ္မရာဇ်ရပ်ကွက်
၈	မောင်ရန်နိုင်ဝင်း	၅	ကျား	ရက္ခိုင်/ဗုဒ္ဓ	မြောက်ဦးမြို့၊ ထမ္မရာဇ်ရပ်ကွက်
၉	မနန္ဒာမိုး	၁၅	မ	ရက္ခိုင်/ဗုဒ္ဓ	မြောက်ဦးမြို့နယ်၊ ဘောင်းဒွတ်ကျေးရွာ
၁၀	ဒေါ်ပါစကွာလီနာ	၃၈	မ	ကယော/ခရစ်ယာန်	လွိုင်ကော်၊ ဖရူဆို၊ ဟိုယာကျေးရွာ
၁၁	မောင်အောင်မျိုးလင်း	၉	ကျား	ဗမာ/ဗုဒ္ဓ	လက်ပတန်းမြို့နယ်၊ ဂျိုးပင်ကျေးရွာ
၁၂	ဒေါ်ဦးစောနု	၅၆	မ	ရက္ခိုင်/ဗုဒ္ဓ	မြောက်ဦးမြို့၊ ရွှေဂူတောင်ရပ်ကွက်
၁၃	မောင်အောင်သူရိန်လင်း	၂	ကျား	ရက္ခိုင်/ဗုဒ္ဓ	မြောက်ဦးမြို့၊ ရွှေဂူတောင်ရပ်ကွက်
၁၄	မောင်ရန်ကျော်ဖြိုး	၁၃	ကျား	ရက္ခိုင်/ဗုဒ္ဓ	မြောက်ဦးမြို့၊ ဆင်ချဆိပ်ရပ်ကွက်
၁၅	ဒေါ်အဝိုင်း	၅၈	မ	ရက္ခိုင်/ဗုဒ္ဓ	မြောက်ဦးမြို့၊ ပြင်ဈေးရပ်ကွက်
၁၆	ဒေါ်စောယုခိုင်	၄၈	မ	ရက္ခိုင်/ဗုဒ္ဓ	မြောက်ဦးမြို့၊ အလယ်ဈေးရပ်ကွက်
၁၇	ဒေါ်ဦးစောခင်	၅၉	မ	ရက္ခိုင်/ဗုဒ္ဓ	ရသေ့တောင်မြို့နယ်၊ တင်းကုန်ကျေးရွာ
၁၈	မောင်အောင်စစ်မင်း	၁၀	ကျား	ရက္ခိုင်/ဗုဒ္ဓ	မြောက်ဦးမြို့နယ်၊ တိမ်ညိုကျေးရွာ
၁၉	မစုပြည့်နွယ်ကြည်	၁၄	မ	ရက္ခိုင်/ဗုဒ္ဓ	မင်းပြားမြို့နယ်၊ ဘူးပင်ကျေးရွာ
၂၀	ဒေါ်မဦးကြည်	၃၉	မ	ရက္ခိုင်/ဗုဒ္ဓ	မင်းပြားမြို့နယ်၊ ဘူးပင်ကျေးရွာ
၂၁	ဒေါ်ဦးလှသိန်း	၄၃	မ	ရက္ခိုင်/ဗုဒ္ဓ	မြောက်ဦးမြို့၊ ဝသဲရပ်ကွက်
၂၂	ဒေါ်ခင်မာချို	၄၇	မ	ရက္ခိုင်/ဗုဒ္ဓ	မင်းပြားမြို့နယ်၊ လက်မကျေးရွာ
၂၃	ဒေါ်မီမီမင်းထွဋ်ဦး	၃၇	မ	ဗမာ/ဗုဒ္ဓ	ဧရာဝတီတိုင်း၊ ဓနုဖြူမြို့
၂၄	မောင်အောင်ဆန်းမင်း	၆	ကျား	ရက္ခိုင်/ဗုဒ္ဓ	မြောက်ဦးမြို့၊ ဝသဲရပ်ကွက်
၂၅	ဒေါ်အောင်စောနု	၅၆	မ	ရက္ခိုင်/ဗုဒ္ဓ	မင်းပြားမြို့နယ်၊ လက်မယာကျေးရွာ
၂၆	ဒေါ်မေလာဘီ	၄၆	မ	ရက္ခိုင်/ဗုဒ္ဓ	ကျောက်တော်မြို့နယ်၊ ညောင်ပင်လှကျေးရွာ
၂၇	ဒေါ်သန်းသန်းနု	၅၉	မ	ရက္ခိုင်/ဗုဒ္ဓ	စစ်တွေမြို့နယ်၊ နာရီကန်ကျေးရွာ
၂၈	ဒေါ်ခင်ဦး	၄၈	မ	ရက္ခိုင်/ဗုဒ္ဓ	တောင်ကုတ်မြို့နယ်၊ လမုမော်ကျေးရွာ

တုံ့ပြန်မှုများ

အာရက္ခတပ်တော် ပြန်ကြားရေးအရာရှိ ဦးခိုင်သုခက ယခုကဲ့သို့ စစ်သုံ့ပန်းများနှင့် မိသားစုဝင်များကို ရည်ရွယ်ချက်ရှိရှိ ပစ်မှတ်ထားတိုက်ခိုက်ခြင်းသည် ဂျီနီဗာ ကွန်ဗန်းရှင်း (Geneva Conventions) ခေါ် နိုင်ငံတကာ လူသားချင်းစာနာမှုဆိုင်ရာ သဘောတူညီချက်များကို ပြောင်ပြောင်တင်းတင်း ချိုးဖောက်ခြင်းဖြစ်ကြောင်း ပြောကြားခဲ့သည်။

ဆက်စပ်ကြည့်ရှုရန်

• ဒလက်ချောင်းဒေသ အစုလိုက်အပြုံလိုက် သတ်ဖြတ်မှု (၂၀၂၆ မတ် ၈)
• ချောင်းတူရွာဖြစ်စဉ် (၂၀၂၆ ဇန်နဝါရီ ၂၀)
• ရှင်ရွာဖြစ်စဉ် (၂၀၂၄ စက်တင်ဘာ ၈)
• နခခ (၂) ဖြစ်စဉ် (၂၀၂၄ စက်တင်ဘာ ၉)