မြန်မာမက်ထရိုဘဏ်လီမိတက်

မြန်မာ မက်ထရိုဘဏ် လီမိတက်
Myanmar Metro Bank Limited

အမျိုးအစား	ပုဂ္ဂလိကဘဏ်
လုပ်ငန်း	ဘဏ်လုပ်ငန်း
တည်ထောင်သည့်နှစ်	၂၃ ဇန်နဝါရီ ၂၀၁၄
ဌာနချုပ်	အမှတ် (၃၁)၊ ပြည်လမ်းနှင့် မဟာမြိုင်လမ်းထောင့်၊ ကျွန်းတောအလယ်ရပ်ကွက်၊ စမ်းချောင်းမြို့နယ်၊ ရန်ကုန်မြို့။
ထုတ်ကုန်ပစ္စည်း	ငွေကြေးဆိုင်ရာဝန်ဆောင်မှုလုပ်ငန်းများ
ဝက်ဘ်ဆိုက်	metrobank.com.mm

မြန်မာ မက်ထရိုဘဏ် လီမိတက် (အင်္ဂလိပ်: Myanmar Metro Bank Limited)သည် မြန်မာနိုင်ငံရှိ ပုဂ္ဂလိက ကူးသန်းရောင်းဝယ်ရေး ဘဏ်တစ်ခု ဖြစ်သည်။ ယခင်က မြန်မာအသေးစား ငွေရေးကြေးရေး ဘဏ်လီမိတက် (Myanmar Microfinance Bank Limited) အမည်ဖြင့် လုပ်ငန်းဆောင်ရွက်ခဲ့ပြီး ၂၀၂၀ ပြည့်နှစ်တွင် မြန်မာ မက်ထရိုဘဏ်အမည်သို့ ပြောင်းလဲခဲ့သည်။

သမိုင်းကြောင်း

မြန်မာ မက်ထရိုဘဏ်သည် ၂၀၁၃ ခုနှစ်၊ ဇူလိုင်လ ၂ ရက်နေ့တွင် မြန်မာနိုင်ငံတော် ဗဟိုဘဏ် ထံမှ ရင်းနှီးမြှုပ်နှံမှု (သို့မဟုတ်) ဖွံ့ဖြိုးရေးဘဏ် လုပ်ငန်းလုပ်ကိုင်ခွင့် လိုင်စင်ကို စတင်ရရှိခဲ့သည်။ ထို့နောက် ၂၀၁၄ ခုနှစ်၊ ဇန်နဝါရီလ ၂၃ ရက်နေ့တွင် ဘဏ်ခွဲများ စတင်ဖွင့်လှစ်ကာ ဘဏ်လုပ်ငန်းများကို စတင်လည်ပတ်ခဲ့သည်။

၂၀၁၆ ခုနှစ်၊ ဩဂုတ်လ ၁၀ ရက်နေ့တွင် ဗဟိုဘဏ်မှ ကူးသန်းရောင်းဝယ်ရေး ဘဏ်လိုင်စင် (Commercial Banking License) ကို ထပ်မံရရှိခဲ့သည်။

အမည်နှင့် အမှတ်တံဆိပ် ပြောင်းလဲခြင်း

၂၀၂၀ ပြည့်နှစ်၊ ဇန်နဝါရီလ ၃ ရက်နေ့တွင် မြန်မာအသေးစား ငွေရေးကြေးရေး ဘဏ်လီမိတက်မှ မြန်မာ မက်ထရိုဘဏ် လီမိတက် အမည်သို့ ပြောင်းလဲခြင်းကို ဗဟိုဘဏ်က အတည်ပြုခဲ့သည်။ ထို့အပြင် ၂၀၂၄ ခုနှစ်၊ ဇန်နဝါရီလ ၉ ရက်နေ့တွင် ဘဏ်အမှတ်တံဆိပ် (Logo) အသစ်ကို အသုံးပြုခွင့် ရရှိခဲ့သည်။

ဝန်ဆောင်မှုများ

လက်ရှိတွင် မြန်မာ မက်ထရိုဘဏ်သည် ဘဏ်ခွဲပေါင်း ၁၄ ဘဏ် ဖွင့်လှစ်ထားရှိပြီး အများပြည်သူဆိုင်ရာ ဘဏ်ဝန်ဆောင်မှုလုပ်ငန်းများကို ဆောင်ရွက်လျက်ရှိသည်။