မြင့်နိုင်

ဝီကီပီးဒီးယား မှ
(မြင့်နိုင်၊ ဦး မှ ပြန်ညွှန်းထားသည်)
ဒေါက်တာ

ဦးမြင့်နိုင်
စစ်ကိုင်းတိုင်းဒေသကြီး ဝန်ကြီးချုပ်
တာဝန်သက်တမ်း
၃၀ မတ် ၂၀၁၆ – ၁ ​ဖေ​ဖော်ဝါရီ ၂၀၂၁
ယခင်လူဦးသာအေး
တိုင်းဒေသကြီးလွှတ်တော် ကိုယ်စားလှယ်
တာဝန်သက်တမ်း
၈ ​ဖေ​ဖော်ဝါရီ ၂၀၁၆ – ၃၁ ဇန်နဝါရီ ၂၀၂၁
မဲဆန္ဒနယ်ရွှေဘိုမြို့နယ် မဲဆန္ဒနယ် ၁
အမျိုးသားလွှတ်တော် ကိုယ်စားလှယ်
တာဝန်သက်တမ်း
၂၀၁၂ – ၂၉ ဇန်နဝါရီ ၂၀၁၆
ယခင်လူဦးဝင်းမြင့်
ဆက်ခံသူဦးဝင်းအောင်
မဲဆန္ဒနယ်စစ်ကိုင်းတိုင်းဒေသကြီး မဲဆန္ဒနယ် ၃
ပြည်သူ့လွှတ်တော် ကိုယ်စားလှယ်
Member of လွှတ်တော်
for ကန့်ဘလူမြို့ မဲဆန္ဒနယ် ၂
တာဝန်သက်တမ်း
၁၉၉၀ – ၁၉၉၀
ယခင်လူအခြေခံဥပဒေ စတင်
ဆက်ခံသူအခြေခံဥပဒေ ဖျက်သိမ်း
အနိုင်ရမဲ အရေအတွက်၃၀,၆၂၈ (၇၆%)
ကိုယ်ရေး အချက်အလက်များ
မွေးဖွား (၁၉၅၁-၁၀-0၆) အောက်တိုဘာ ၆၊ ၁၉၅၁ (အသက် ၇၂)
ရွှေဘိုမြို့မြန်မာနိုင်ငံ
လူမျိုးမြန်မာ
နိုင်ငံရေးပါတီအမျိုးသားဒီမိုကရေစီအဖွဲ့ချုပ်
ကြင်ဖော်(များ)ဒေါ်ခြူးခြူး
သွေးသားတော်စပ်သူဦးဇော် (ဖခင်)
ဒေါ်အေးရင် (မိခင်)
နေထိုင်ရာအစိုးရအဖွဲ့အိမ်ရာ၊ မုံရွာမြို့။
မိခင်ကျောင်းမန္တလေးဆေးတက္ကသိုလ်
အလုပ်အကိုင်နိုင်ငံရေးသမား
ကိုးကွယ်သည့်ဘာသာထေရဝါဒဗုဒ္ဓဘာသာ

ဒေါက်တာမြင့်နိုင် (၆ အောက်တိုဘာ ၁၉၅၁ မွေးဖွား)သည် မြန်မာနိုင်ငံသား နိုင်ငံရေးသမားနှင့် နိုင်ငံရေးအကျဉ်းသားဟောင်း ဖြစ်သည်။ ၂၀၁၂ ကြားဖြတ်ရွေးကောက်ပွဲတွင် စစ်ကိုင်းတိုင်းဒေသကြီး မဲဆန္ဒနယ် အမှတ် ၃ မှ အမျိုးသားလွှတ်တော် ကိုယ်စားလှယ်အဖြစ် ရွေးကောက်ခံခဲ့ရသူလည်း ဖြစ်သည်။[၁]

၁၉၉၀ အထွေထွေ ရွေးကောက်ပွဲတွင် မဲအရေအတွက် ၃၀,၆၂၈ (၇၆%) ဖြင့် ကန့်ဘလူမြို့နယ် အမှတ် ၂ မဲဆန္ဒနယ်မှ ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခံခဲ့ရသည်။[၂]

ဒေါက်တာမြင့်နိုင်သည် ၁၉၆၉ ခုနှစ်က ကျင်းပခဲ့သည့် တက္ကသိုလ်ဝင်တန်းကို အ-ထ-က (၁) ရွှေဘိုမှအောင်မြင်ခဲ့ပြီး မန္တလေးဆေးတက္ကသိုလ် သို့ တက်ရောက်ခွင့်ရခဲ့ကာ ၁၉၇၆ ခု၊ မှိုင်းရာပြည့်တွင် ပါဝင်ခဲ့မှုဖြင့် ဆေးတက္ကသိုလ်မှ(၃) နှစ် ထုတ်ပယ် ခြင်းခံခဲ့ရသေးသည်။ ၁၉၈၁ ခုနှစ်တွင် မန္တလေးဆေးတက္ကသိုလ်မှ ဆရာဝန်ဘွဲ့ကို ရရှိခဲ့သည်။

၁၉၉၀ စက်တင်ဘာတွင် ဖမ်းဆီးခံခဲ့ရပြီး စင်ပြိုင်အစိုးရဖွဲ့ရန် ကြိုးစားသည်ဟုဆိုပြီး နိုင်ငံတော် ပုန်ကန်မှု ၁၂၂(၁) ပြစ်မှုဆိုင်ရာ ဥပဒေ ပုဒ်မ ၁၂၂ ဖြင့် ထောင်ဒဏ် ၂၅ နှစ်(တစ်သက်တစ်ကျွန်း)၊ ထောင်တွင်း နိုင်ငံရေးသမား အခွင့်အရေး ကာကွယ်ရေးအဖွဲ့ ဖွဲ့စည်းမှု  သင်း/ဖွဲ့ (၆)ဖြင့် (၅)နှစ် စသည်ဖြင့်ချမှတ်ခံခဲ့ရသည်။[၂] ၂၀၀၄ ခုနှစ်တွင် ထောင်မှ ပြန်လွတ်လာခဲ့သည်။ ဆရာဝန်လိုင်စင်ကို ၁၉၉၀ မှ ၂၀၁၃ ခုနှစ်အထိ ၂၄ နှစ်ခန့် သိမ်းဆည်းခံခဲ့ရသည်။

၂၀၁၂ ခုနှစ် ကြားဖြတ်ရွေး‌ကောက်ပွဲတွင် အမျိုးသားလွှတ်​တော်အတွက် စစ်ကိုင်းတိုင်း‌ဒေသကြီး မဲဆန္ဒနယ် အမှတ် (၃) မှ ဝင်ရောက်ယှဉ်ပြိုင်ရာတွင် အနိုင်ရရှိခဲ့သည်။[၃]

၂၀၁၅ ခုနှစ် အထွေထွေရွေး‌ကောက်ပွဲတွင် စစ်ကိုင်းတိုင်း‌ဒေသကြီး၊ ‌ရွှေဘိုမြို့နယ်မဲဆန္ဒနယ် အမှတ် (၂) မှ ဝင်ရောက်ယှဉ်ပြိုင်ခဲ့ရာ အနိုင်ရရှိခဲ့သည်။[၄] ထို့နောက် ၂၀၁၆ ခုနှစ်တွင် နိုင်ငံတော်သမ္မတ ဦးထင်ကျော်က ‌ဒေါက်တာမြင့်နိုင်အား စစ်ကိုင်းတိုင်း‌ဒေသကြီး ဝန်ကြီးချုပ်အဖြစ် အမည်စာရင်း တင်သွင်းခဲ့ပြီး လွှတ်တော်၏ သဘောတူညီချက်ဖြင့် ခန့်အပ်ခဲ့သည်။

ဝန်ကြီးချုပ်တာဝန်ထမ်းဆောင်စဉ် မဆုတ်မနစ် တာဝန်ထမ်းဆောင်ခဲ့သူဟု မှတ်ချက်ပြုခံခဲ့ရသူဖြစ်သည်။[][၅][၆]

၂၀၂၀ အထွေထွေရွေးကောက်ပွဲတွင် မူလမဲဆန္ဒနယ်ဖြစ်သည့် ရွှေဘိုအမှတ်(၂)တိုင်းဒေသကြီးလွှတ်တော်ကိုယ်စားလှယ်အဖြစ်ဝင်ပြိုင်ရာ အနိုင်ရခဲ့သည်။ ၂၀၂၁ ဖေဖော်ဝါရီ ၁ ရက်နေ့ မနက်ပိုင်းတွင် စစ်တပ်က အာဏာသိမ်း ပြီးနောက် အခြားသောဝန်ကြီးချုပ်များနှင့်အတူ ဒေါက်တာမြင့်နိုင်လည်း ထိန်းသိမ်းခံခဲ့ရသည်။ နောက်တစ်ရက်အကြာတွင် ပြန်လွတ်လာခဲ့သော်လည်း ရက်အနည်းငယ်အကြာတွင် ထပ်မံဖမ်းဆီးခံခဲ့ရသည်။[၇] ဖမ်းဆီးခံရပြီးနောက် ဒေါက်တာမြင့်နိုင်အပေါ် ပုဒ်မမျိုးစုံဖြင့် အမှုဖွင့်ထားကြောင်း နိုင်ငံတော်စီမံအုပ်ချုပ်ရေးကောင်စီ ထိန်းချုပ်သတင်းစာများတွင် ဖော်ပြကြသည်။

၂၀၂၁ ဒီဇင်ဘာ ၂၀ရက်နေ့အရောက်တွင် မုံရွာအကျဉ်းထောင်တွင်း တရားရုံးက ဒေါက်တာမြင့်နိုင်အား အမျိုးသား ဒီမိုကရေစီအဖွဲ့ချုပ် NLD ဗဟိုအလုပ်အမှုဆောင်အဖွဲ့က ထုတ်ပြန်ခဲ့သော ကြေညာချက်နှစ်စောင်နှင့် ပတ်သတ်ပြီး တာဝန်ရှိသည်ဆိုကာ ရာဇသတ်ကြီး ဥပဒေ ပုဒ်မ ၅၀၅ (ခ) အမှုအတွက် ထောင်ဒဏ် ၂ နှစ် အမိန့်ချခဲ့သည်။[၈] ယင်းနောက် အဂတိတိုက်ဖျက်ရေးစွပ်စွဲချက်များဖြင့်  မုံရွာအကျဉ်းထောင်တရားရုံးက ၂၀၂၂ ဖေဖော်ဝါရီ  ၂၈ ရက်တွင်  အမှုခုနစ်မှုအတွက် ထောင်ဒဏ် ၂၁ နှစ်အမိန့်ချမှတ်ထားသည်။[၉]

ဒေါက်တာမြင့်နိုင်က ၎င်းအပေါ် စွဲဆိုထားမှု အမှုများနှင့်  စပ်လျဉ်းပြီး အပြစ်မရှိကြောင်း ခုခံချေပြထားကာ အယူခံပင်မဝင်ဟု ပြတ်သားစွာပြောဆိုထားသည်။

ကိုးကား[ပြင်ဆင်ရန်]

  1. "Names of Pyithu Hluttaw representatives announced"၊ ပြည်ထောင်စု ရွေးကောက်ပွဲ ကော်မရှင်၊ Government of Myanmar၊ 2 April 2012။ 5 October 2012 တွင် ပြန်စစ်ပြီး။ Archived from the original on 9 May 2012။ 
  2. ၂.၀ ၂.၁ Khin Kyaw Han (1 February 2003)။ Brief Biographies of Elected MPs1990 Multi-party Democracy General Elections။ 5 October 2012 တွင် ပြန်စစ်ပြီး။
  3. ၁-၄-၂၀၁၂ ရက်နေ့ ကြားဖြတ်ရွေးကောက်ပွဲ မဲဆန္ဒနယ်အလိုက် အတည်ပြုပြီးသည့် လွှတ်တော်ကိုယ်စားလှယ်လောင်း စာရင်း။ 3 July 2022 တွင် မူရင်းအား မော်ကွန်းတင်ပြီး။ ၂၈ မတ် ၂၀၂၂ တွင် ပြန်စစ်ပြီး။
  4. တိုင်းဒေသကြီး သို့မဟုတ် ပြည်နယ်လွှတ်တော်ကိုယ်စားလှယ်လောင်း တစ်ဦးချင်းစီ၏ ဆန္ဒမဲရရှိမှုအခြေအနေ (၂၀၁၅ ခုနှစ် အထွေထွေ ရွေးကောက်ပွဲ)။ 18 June 2022 တွင် မူရင်းအား မော်ကွန်းတင်ပြီး။ ၂၈ မတ် ၂၀၂၂ တွင် ပြန်စစ်ပြီး။
  5. စစ်ကိုင်းတိုင်းဝန်ကြီးချုပ် ဒေါက်တာမြင့်နိုင် (in en)။ ၂၈ မတ် ၂၀၂၂ တွင် ပြန်စစ်ပြီး။
  6. ဝန်ကြီးချုပ် ဒေါက်တာမြင့်နိုင် ဒေသဖွံ့ဖြိုးရေး လုပ်ငန်းများ လှုပ်ရှားဆောင်ရွက်မှု မှတ်တမ်းများ (၁)။ 29 May 2022 တွင် မူရင်းအား မော်ကွန်းတင်ပြီး။ ၂၈ မတ် ၂၀၂၂ တွင် ပြန်စစ်ပြီး။
  7. စစ်ကိုင်းတိုင်းဝန်ကြီးချုပ် ‌‌‌‌‌‌ဒေါက်တာမြင့်နိုင်နဲ့ ဗွီအိုအေ မေးမြန်းချက် (in my)။ ၂၈ မတ် ၂၀၂၂ တွင် ပြန်စစ်ပြီး။
  8. စစ်ကိုင်းတိုင်းဝန်ကြီးချုပ် ဒေါက်တာမြင့်နိုင် ထောင်ဒဏ် ၂ နှစ် ချမှတ်ခံရ (in en)။ ၂၈ မတ် ၂၀၂၂ တွင် ပြန်စစ်ပြီး။
  9. စစ်ကိုင်းတိုင်းဒေသကြီးဝန်ကြီးချုပ်ဟောင်း ဒေါက်တာမြင့်နိုင်အား အဂတိအမှု ခုနစ်မှုဖြင့် ထောင်ဒဏ် ၂၁ နှစ် ထပ်မံချမှတ် (in my)။ ၂၈ မတ် ၂၀၂၂ တွင် ပြန်စစ်ပြီး။