မုခ်ဝ:လက်ရှိဖြစ်ရပ်များ/Inclusion
၁၉ ဧပြီ ၂၀၂၆ (တနင်္ဂနွေ)
လက်နက်ကိုင် ပဋိပက္ခများနှင့် တိုက်ခိုက်မှုများ
- မြန်မာ့ပြည်တွင်းစစ် (၂၀၂၁-လက်ရှိ)
- မြန်မာ့ပြည်တွင်းစစ် အချိန်မှတ်တမ်း (၂၀၂၁-လက်ရှိ)
- ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာဘက်သို့ ဧပြီလ ၁၉ ရက်နေ့တွင် စစ်တပ်များက စစ်ကြောင်းထိုး ဝင်ရောက်လျက်ရှိပြီး၊ တိုက်ပွဲအတွင်း ပစ်ခတ်လိုက်သော လက်နက်ကြီးကျည် ကျရောက်ပေါက်ကွဲမှုကြောင့် အသက် ၄ နှစ်အရွယ် ကလေးငယ်တစ်ဦး သေဆုံးခဲ့သည်။ (ဘီဘီစီ)
- မြန်မာ့ပြည်တွင်းစစ် အချိန်မှတ်တမ်း (၂၀၂၁-လက်ရှိ)
ဘေးအန္တရာယ်နှင့် မတော်တဆမှုများ
- ဧပြီ ၁၇ ရက် ညနေပိုင်းက လေပြင်းတိုက်ခတ်မှုကြောင့် ပဲခူးတိုင်း၊ ဇီးကုန်းမြို့နယ်တွင် ပြိုလဲ နေအိမ်(၁၀)လုံး၊ တစ်စိတ်တစ်ပိုင်းပျက်စီးနေအိမ်(၃၇၅)လုံး၊ ဘုန်းတော်ကြီးကျောင်း(၅)ကျောင်း တို့ ထိခိုက်ခဲ့ပြီး၊ ကြို့ပင်ကောက်မြို့နယ်တွင် ပြိုလဲနေအိမ် (၅၇)လုံး၊ အမိုးလန်နေအိမ် (၆၃၉)လုံး၊ ဘုန်းတော်ကြီးကျောင်း(၈)ကျောင်း၊ စာသင်ကျောင်း (၂)ကျောင်း၊ ကျေးလက် ဆေးပေးခန်း(၁)ခန်းပျက်စီးခဲ့သည်။ အဆိုပါ လေဘေးကြောင့် ပျက်စီးနေအိမ်များမှ အိမ်ထောင်စု(၆၉၆)စု၏ အမျိုးသား (၁၀၉၃)ဦး၊ အမျိုးသမီး(၁၁၁၂)ဦး၊ စုစုပေါင်း (၂၂၀၅)ဦးတို့ လေဘေးသင့်သည်။ (ပြန်ကြားရေး)
၁၈ ဧပြီ ၂၀၂၆ (စနေ)
လက်နက်ကိုင် ပဋိပက္ခများနှင့် တိုက်ခိုက်မှုများ
- ၂၀၂၆ ဟော်မုဇ်ရေလက်ကြား အကျပ်အတည်း
- အမေရိကန်က ရေတပ်ပိတ်ဆို့ထားမှုကို ရုပ်သိမ်းရန် ငြင်းဆန်ခြင်းကြောင့် ဟော်မုဇ်ရေလက်ကြားကို တစ်ကျော့ပြန် ပိတ်လိုက်ပြီဖြစ်ကြောင်း အီရန်က ပြောကြားခဲ့သည်။
ဘေးအန္တရာယ်နှင့် မတော်တဆမှုများ
- မွန်ပြည်နယ်၊ သထုံမြို့နယ်အတွင်း သင်္ကြန်ကာလအတွင်း ဒုလ္လဘရဟန်းများ အများစုလိုက်ပါလာသော ဘုရားဖူးယာဉ်နှင့် ခရီးသည်တင်ယာဉ်တို့ တိုက်မိမှုဖြစ်စဉ်တွင် ပျံလွန်တော်မူသွားသော ရဟန်းသံဃာတော် ၉ ပါးအထိ ရှိလာခဲ့ပြီး သေဆုံးသွားသည့် ကိုရင်နှင့် လူပုဂ္ဂိုလ်များအပါအဝင် စုစုပေါင်း သေဆုံးသူ ၁၃ ဦးအထိ မြင့်တက်လာသည်။ (ဘီဘီစီ)
၁၇ ဧပြီ ၂၀၂၆ (သောကြာ)
ဥပဒေနှင့် ရာဇဝတ်မှု
- နိုင်ငံတော်သမ္မတရုံး အမိန့်အမှတ် ၄၀/၂၀၂၆ ဖြင့် အကျဉ်းသား/သူ ၄,၃၃၅ ဦးကို ပြစ်ဒဏ်လွတ်ငြိမ်းခွင့်လိုက်ပြီး၊ အမိန့်အမှတ် ၄၁/၂၀၂၆ ဖြင့် နိုင်ငံခြားသား အကျဉ်းသူ/သား ၁၇၉ ဦးကို ပြစ်ဒဏ်လွတ်ငြိမ်းခွင့်ပြု၍ ပြည်နှင်ဒဏ်ပေးလိုက်သည်။ [(MOI)][(MOI)]
လက်နက်ကိုင် ပဋိပက္ခများနှင့် တိုက်ခိုက်မှုများ
၁၆ ဧပြီ ၂၀၂၆ (ကြာသပတေး)
- မြန်မာ့ပြည်တွင်းစစ် (၂၀၂၁-လက်ရှိ)
- မြန်မာ့ပြည်တွင်းစစ် အချိန်မှတ်တမ်း (၂၀၂၁-လက်ရှိ)
- အိမ်နီးချင်းနိုင်ငံများ၏ လွှမ်းမိုးမှုများကြောင့် တော်လှန်ရေးအင်အားစုများအကြား ညီညွတ်ရေးတွင် အတားအဆီးများ ရှိနေသည်ဟု အမျိုးသားညီညွတ်ရေးအစိုးရ၏ ယာယီသမ္မတ ဒူဝါလရှီးလက အမျိုးသားညီညွတ်ရေးအစိုးရ ငါးနှစ်ပြည့် မိန့်ခွန်းတွင် ပြောကြားလိုက်သည်။ ]
- မြန်မာ့ပြည်တွင်းစစ် အချိန်မှတ်တမ်း (၂၀၂၁-လက်ရှိ)
၁၅ ဧပြီ ၂၀၂၆ (ဗုဒ္ဓဟူး)
လက်နက်ကိုင် ပဋိပက္ခများနှင့် တိုက်ခိုက်မှုများ
- ၂၀၂၆ အစ္စရေး–အမေရိကန်တို့၏ အီရန်အပေါ် တိုက်ခိုက်မှု
- ၂၀၂၆ ဟော်မုဇ်ရေလက်ကြား အကျပ်အတည်း
- အရှေ့အလယ်ပိုင်းဒေသရှိ ပဋိပက္ခများ ပိုမိုဆိုးရွားလာခြင်းကြောင့် လောင်စာဆီဈေးနှုန်းများနှင့်အတူ မြန်မာနိုင်ငံရှိ စားသောက်ကုန်ဈေးနှုန်းများမှာ ၁၉ ရာခိုင်နှုန်းအထိ မြင့်တက်လာကြောင်း ကမ္ဘာ့စားနပ်ရိက္ခာအစီအစဉ် (WFP) က ထုတ်ပြန်ကြေညာခဲ့သည်။]
- ၂၀၂၆ ဟော်မုဇ်ရေလက်ကြား အကျပ်အတည်း
၁၄ ဧပြီ ၂၀၂၆ (အင်္ဂါ)
ဘေးအန္တရာယ်နှင့် မတော်တဆမှုများ
- သင်္ကြန်အကျနေ့တွင် ရန်ကုန်မြို့၊ မြောက်ဒဂုံမြို့နယ်၊ တောင်မြောက်လမ်းဆုံအနီး၌ ရေပတ်ခံထွက်လာသည့် ဒိုင်နာကားတစ်စီးသည် ဘီးကျွတ်ကာ တိမ်းမှောက်ခဲ့ရာ လူ ၇ ဦး ထိခိုက်ဒဏ်ရာရရှိခဲ့သည်။(BBC)
- ရိုဟင်ဂျာဒုက္ခသည်များနှင့် ဘင်္ဂလားဒေ့ရှ်နိုင်ငံသားများ အပါအဝင် လူဦးရေ ၂၅၀ ခန့်ကို တင်ဆောင်လာသည့် လှေတစ်စီးသည် ကပ္ပလီပင်လယ်ပြင်အတွင်း၌ နစ်မြုပ်သွားခဲ့ရာ လူများ ပျောက်ဆုံးလျက်ရှိကြောင်း ကုလသမဂ္ဂ ဒုက္ခသည်များဆိုင်ရာ အေဂျင်စီ (UNHCR) နှင့် အပြည်ပြည်ဆိုင်ရာရွှေ့ပြောင်းသွားလာနေထိုင်သူများအဖွဲ့ (IOM) တို့က ဧပြီလ ၁၄ ရက်နေ့တွင် ပူးတွဲသတင်းထုတ်ပြန်ကြေညာခဲ့သည်။(BBC)
၁၃ ဧပြီ ၂၀၂၆ (တနင်္လာ)
လက်နက်ကိုင် ပဋိပက္ခများနှင့် တိုက်ခိုက်မှုများ
- မြန်မာ့ပြည်တွင်းစစ် အချိန်မှတ်တမ်း (၂၀၂၁-လက်ရှိ)
- ကရင်ပြည်နယ်၊ လှိုင်းဘွဲ့မြို့နယ်ရှိ မြိုင်ကြီးငူ-မဲသဝေါဒေသအတွင်းတည်ရှိသော စစ်တပ်၏ ကြယ်ပြောင်ကုန်း တပ်စခန်းအား ကရင်အမျိုးသားလွတ်မြောက်ရေးတပ်မတော် (KNLA) နှင့် ပူးပေါင်းတပ်ဖွဲ့များက ဧပြီလ ၁၃ ရက်နေ့တွင် သိမ်းပိုက်လိုက်ပြီဖြစ်ကြောင်း မြေပြင်သတင်းရင်းမြစ်အချို့က အတည်ပြုပြောကြားသည်။ (BBC)
- သင်္ကြန်အကြိုနေ့ဖြစ်သည့် ဧပြီလ ၁၃ ရက်နေ့တွင် ရွှေဘိုမြို့နယ်၏ အနောက်ခြမ်းဘက်သို့ စစ်တပ်၏ လေကြောင်းတိုက်ခိုက်မှုကြောင့် ဆိပ်ခွန်ရွာရှိ ဘုန်းကြီးကျောင်းအား ဗုံးကျရောက်ခဲ့ရာ သင်္ကြန်အတွင်း ရဟန်းဝတ်ပြုနေသော ဒုလ္လဘ ရဟန်းတော်နှစ်ပါး ပျံလွန်တော်မူခဲ့ကြောင်း မြေပြင်သတင်းရင်းမြစ်တစ်ခုက ပြောကြားသည်။
မှတ်တမ်းလက်စွဲ[ဖန်တီး]