မိုးမြင့်ဆွေ

ဒုတိယဗိုလ်ချုပ်ကြီး ဇေယျကျော်ထင် မိုးမြင့်ဆွေ
ကာကွယ်ရေးပစ္စည်းထုတ်လုပ်ရေး အရာရှိချုပ်
တာဝန်ထမ်းဆောင်ဆဲ
တာဝန် စတင် စက်တင်ဘာ ၂၀၂၅
ယခင်လူ	ဒုဗိုလ်ချုပ်ကြီး ကံမြင့်သန်း
ဗိုလ်ချုပ်မှူးကြီး မင်းအောင်လှိုင် ၏ စစ်ဘက်လက်ထောက်အရာရှိ
ယခင်လူ	ဗိုလ်မှူးကြီး လင်းဇော်ထွန်း
ဆက်ခံသူ	ဗိုလ်မှူးချုပ် တင့်ဇော်ခိုင်
ဗိုလ်ချုပ်မှူးကြီး မင်းအောင်လှိုင် ၏ ကိုယ်ရံတော်ဗိုလ်ချုပ်
ယခင်လူ	ဗိုလ်မှူးကြီး လင်းဇော်ထွန်း
ဆက်ခံသူ	ဗိုလ်မှူးကြီး စိန်မောင်လင်း
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော် (ကြည်း)
ရာထူး	ဒုတိယ ဗိုလ်ချုပ်ကြီး

ဒုတိယဗိုလ်ချုပ်ကြီး မိုးမြင့်ဆွေ သည် တပ်မတော် ကာကွယ်ရေးပစ္စည်းထုတ်လုပ်ရေး အရာရှိချုပ် ဖြစ်သည်။ယင်းမတိုင်မီက သူသည် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ၏ စစ်ဘက်လက်ထောက် ဖြစ်ခဲ့ပြီး၊ထိုမှ ဒုတိယဗိုလ်ချုပ်ကြီး ရာထူးတိုးဖြင့် အတိုကောက် ထုတ်ချုပ် ဖြစ်လာခဲ့သူဖြစ်သည်။

စစ်မှုထမ်းခြင်း

သူသည် အရပ်ဘက် တက္ကသိုလ်မှ ဘွဲ့ရရှိပြီးနောက်၊စစ်ဘက်ဆိုင်ရာသင်တန်းတစ်ခုဖြစ်သည့် တပ်မတော် (ကြည်း)၊ အလုပ်သင်ဗိုလ်လောင်းသင်တန်း အမှတ်စဉ် ၂၃ တက်ရောက်ကာ တပ်မတော် ထဲသို့ ဝင်ရောက်ရှိလာသူဖြစ်သည်။

ဗိုလ်ချုပ်မှူးကြီး မင်းအောင်လှိုင် သည် ၂၀၁၁ ခုနှစ်၊မတ်လ ၃၀ ရက် တွင် နိုင်ငံ၏ ၁၀ဦးမြောက် တပ်မတော်ကာကွယ်ရေးဦးစီးချုပ် ဖြစ်လာခဲ့သည်။ထိုအချိန်တွင် ကိုယ်ရံတော်ဗိုလ်ချုပ် သည် ဗိုလ်မှူးကြီး လင်းဇော်ထွန်း ဖြစ်သည်။ထိုကာလကတည်းက တပ်မတော်ကာကွယ်ရေးဦးစီးချုပ် အနီးနားသို့ မိုးမြင့်ဆွေ သည် ဒုတိယဗိုလ်မှူးကြီး အဆင့်ဖြင့် ရောက်ရှိခဲ့သည်။

အထွေထွေရွေးကောက်ပွဲ ၂၀၁၅ တွင် ကိုယ်ရံတော်ဗိုလ်ချုပ် ဗိုလ်မှူးကြီး လင်းဇော်ထွန်းသည် ရှမ်းပြည်နယ်အရှေ့ပိုင်း၊မိုင်းဖြတ်မြို့နယ် ပြည်သူ့လွှတ်တော်ကိုယ်စားလှယ် အဖြစ် ဝင်ရောက်ယှဉ်ပြိုင်ရန်အတွက် တပ်မှ အငြိမ်းစားယူကာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသို့ ကူးပြောင်းသွားခဲ့သည်။

ထိုတွင် မိုးမြင့်ဆွေ သည် ကိုယ်ရံတော်ဗိုလ်ချုပ် ဖြစ်လာခဲ့သည်။

ဤသို့ဖြင့် ဗိုလ်မှူးကြီး၊ဗိုလ်မှူးချုပ်၊ဗိုလ်ချုပ် စသည်ဖြင့် ရာထူးအဆင့်ဆင့်တိုးကာ ဗိုလ်ချုပ်မှူးကြီးမင်းအောင်လှိုင် ၏ စစ်ဘက်လက်ထောက် အဖြစ် ကာလရှည် တာဝန်ထမ်းဆောင်ခဲ့သည်။

၂၀၂၅ ခုနှစ်၊စက်တင်ဘာ တွင် ကာကွယ်ရေးပစ္စည်းထုတ်လုပ်ရေးအရာရှိချုပ် (ကကထုတ်) ဒုတိယဗိုလ်ချုပ်ကြီးကံမြင့်သန်း သည် ရွေးကောက်ပွဲဝင်ပြုင်ရန်အတွက် တပ်မှအငြိမ်းစားယူခဲ့သည်။လစ်လပ်နေသည့် ထိုရာထူးတွင် ဒုတိယဗိုလ်ချုပ်ကြီး မိုးမြင့်ဆွေ သည် အစားထိုးခန့်အပ်ခံခဲ့ရသည်။

တပ်မတော် (ကြည်း)ရုံး တာဝန်(မှူးချုပ်) ဗိုလ်မှူးချုပ် တင့်ဇော်ခိုင် (စစ်တက္ကသိုလ် အမှတ်စဉ် - ၄၂ )သည် လစ်လပ်သွားသည့် စစ်ဘက်လက်ထောက် ရာထူးကို ဆက်ခံခဲ့သည်။